1 Korintofoɛ 10:10 - AHYERƐLƐ KRONGRON

¹⁰ Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

1 Korintofoɛ 10:10 Iomraidhean Croise

2 Samuel 24:16

Na mmerɛ bɔ abɔfo ne tengyɛle ye sa Yerusalem so kyɛ ɔsɛkye kuro ne nen, AWURADE adwene sesane wɔ mmenia hunɛ ne anwo, na osele abɔfo bɔ ogu so oku mmenia ne kyɛ, “Wayɛ yee, yakyi.” Sɔ mmerɛ ne, né AWURADE abɔfo ne adwu Yebusiniɛ Arayuna ye nekaa bɔ bɛboro aburoo ne.

1 Aberɛso Dwirɛ 21:15

Na Nyameɛ somane abɔfo maa ɔhɔle Yerusalem kyɛ ɔɔbɔ kuro ne. Na mmerɛ bɔ abɔfo ne yɛle kyɛ ɔbɔ kuro ne nen, AWURADE neane, na ɔsesane ye adwene wɔ kuro ne bɔlɛ ne anwo, na osele abɔfo bɔ ogu so ɔbɔ kuro ne kyɛ, “Wayɛ yé! Yakyi.” Sɔ mmerɛ ne, né AWURADE abɔfo ne ogyi Yebusiniɛ Ɔnan ye nekaa bɔ bɛboro aburoo ne.

2 Aberɛso Dwirɛ 32:21

Na AWURADE somane abɔfo ko maa oohuhuni koɛhonɛfoɛ atitire nemɔ, safohene nemɔ ne mbanyi amukoraa bɔ bɛwɔ Asiria hene asikyeleɛ ne anu ne. Yiti Senakeribo le animguaseɛ sa hɔle ye bɔbɔ ye maen nu. Oodwuli ye bosoen sua ne anu ne, ye bɔbɔ ye mma bele ngrandɛ behuni ye wɔ berɛ.

Edwein 106:25

Bɛyɛle nwuhunwuhu wɔ b’ɛtena sua nemɔ anu, na bandie AWURADE dwirɛ.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Ɛksadɔso 15:24

Na mmenia ne penepenene bɛ komvi beguale Mose so kyɛ, “Nzue beni yeɛ yɛ́nya ye yɛ́no ɔ?”

Numeri 14:2

Na Yisraelfoɛ amukoraa bɛpenepenene bɛ komvi beguale Mose ne Aarɔn so. Maen ne amukoraa sele bɛ kyɛ, “Sɛ yɛwuwuli wɔ Misraim aseɛ so po a, ahaa ɔte paa! Sɛ yɛwuwuli wɔ ɛserɛ ye aso po a, ahaa ɔte paa!

Numeri 14:37

mmenia bɔ bɛɛbɔle aseɛ ne anwo amaneɛ tɛɛ ne, ewue te pene bɛ so maa bewuwuli wɔ AWURADE nyunu.

Numeri 16:11

Yiti ɛne wɔ mmenia bɔ bɛboka wɔ so ne amukoraa, ɛmɔayɔ AWURADE nwo lɔen. Aarɔn ole nwa bɔ ɛmɔpenepene bɛ komvi begua ye so ye?”

Numeri 16:41

Nakoso aleɛ hyene ne, maen ne amukoraati bɛpenepenene bɛ komvi beguale Mose ne Aarɔn so kyɛ, “Ɛmɔahu AWURADE mmenia.”

Numeri 17:10

Na AWURADE sele Mose kyɛ, “Sá fa Aarɔn pɔmaa ne baato Adanzeɛ ne nyunu, maa ɔbɔ ɛlɔenyɛlɛfoɛ nemɔ kɔkɔ, bɔ ɔnate so ɛkɔma bɛ komvi bɔ bɛpenepene begua me so ne, ye bo kɔpɛ ɔ, anyɔ sɔ a bekowuwu.”

Numeri 17:5

Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Filipifoɛ 2:14

Nnɛma ɛmɔfa nwuhunwuhu ne aporowaasulɛ bɛyɔ nikyee biala,

Hebrifoɛ 11:28

Ɔnate gyidie so yeɛ ɔfa hyehyɛle Abɔtra ne, ɔne mogya petenɛ wɔ b’anoa nyunu ɔ, kyɛbɔ ɔkɔyɛ ná ewue abɔfo ne wanguku bɛ bamuɛbaa nemɔ ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

Nyekyire 16:1

Afei ndele komviɛ piri bie bɔ ofi asɔneyɛɛ sua ne anu kyɛ odwudwo kyire abɔfo nzoo nemɔ kyɛ, “Ɛmɔhɔ beehwie bɔ ɔwɔ Nyameɛ ahonehulɛ kulie nzoo ne anu begua aseɛ so.”