1 Korintofoɛ 10:1 - AHYERƐLƐ KRONGRON

¹ Aliɛmaa mɔ, mepena kyɛ ɛmɔnwu ye fa yɛ nana mɔ nwo kyɛbɔ munungum ne munduni bɛ mukoraa bɛ so, ná bɛ mukoraa bɛfale ɛpo ne anu ne.

1 Korintofoɛ 10:1 Iomraidhean Croise

Nehemia 9:19

ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Edwein 105:39

Ɔtrɛle munungum nu maa ɔyɛle ngatasoɛ, yeɛ ɔmane see yɛle bɛ kanea kɔngɔen.

Edwein 66:6

Ɔmane ɛpo kakyili aseɛ wosee maa bɛnatele bɛ gya kunu bɛpɛle nzue ne. Berɛ yeɛ yɛlili ahurusi wɔ ye nu ɔ,

Edwein 78:53

Olili bɛ nyunu wɔ asomdwee nu ma yiti banzuro, nakoso bɛ pɔfoɛ mɔ de, ɛpo ne bu fale bɛ so.

Ɛksadɔso 14:29

Nakoso Yisraelfoɛ de, bɛfale aseɛ wosee so bɛpɛle ɛpo ne wɔ ye afia; na nzue ne yɛle ɛwaen mane bɛ wɔ bɛ famaa so ne bɛ bɛen so.

Ɛksadɔso 40:34

Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Numeri 14:14

na bɛkɔhã bekohyire aseɛ ye aso ama. Bate ye kyɛ wɔ AWURADE ɛne mmenia hemɔ yeɛ bɛnate ɔ; ofikyɛ wɔ AWURADE, bɛ nye bɔ wɔ nyunu, na wɔ munungum mundu bɛ so. Ɛfa munungum ningɔnn nu edi bɛ nyunu eyia, yeɛ kɔngɔen ɛfa see ningɔnn nu edi bɛ nyunu.

Numeri 33:8

Betuli bɛ bo befili Pi Hahirote, bɛpɛle ɛpo ne bɛhɔle ɛserɛ ne aso, bɛpɛle atee bɔ bɛfa ɛlɛsa yeɛ bɛpɛ ɔ wɔ Etam ɛserɛ ne aso, na bɛɛkyekyele asikyeleɛ wɔ Mara.

Yohane 4:20

Yɛ nana mɔ bɛsɔnene wɔ bokaa he aso; na ɛmɔ de, ɛmɔnwa Yerusalem ole nekaa bɔ odi kyɛ yɛsɔne ɔ.”

Romanfoɛ 1:13

Aliɛmaa mɔ, mekuro kyɛ ɛmɔnwu ye kyɛ, mmerɛ pee yeɛ mayɛ m’adwene kyɛ ngɔɔpasa ɛmɔ nwo ɔ, amaa me nzɛmbahanɛ ne asakyera ɛmɔ nu bie, kyɛbɔ wayɛ wama Amaenmaensofoɛ ngaa nen, nakoso ɔyɛ a né nikyee foforɛ bie asi m’ate.

Romanfoɛ 11:21

Na sɛ Nyameɛ amva bakaa mmaen bɔ bɛhyɛle da beluale ne nwo wangyɛ bɛ a, nzaade ɔngɔfa wɔ koso wɔ nwo ngɔhyɛ wɔ.

Romanfoɛ 4:11

Na bɛpɛle ye bienzua maa ɛhe yɛle sɛngyerɛnneɛ ne nzorɛhyɛlɛ bɔ ɔnate gyidie so onyane ye wɔ mmerɛ bɔ né bennya bɛppɛle ye bienzua ɔ. Na ɛhe kyire kyɛ, ebiala bɔ ɔte gyidiniɛ bɔ bennya bɛppɛle ye bienzua ne, Abraham te ye nana, amaa ɔnate so babu bɛ tenenee.

1 Korintofoɛ 12:1

Aliɛmaa mɔ, ɔfa sunzum nu akyɛdeɛ nemɔ nwo de, membena kyɛ mefa nikyee biala mesie ɛmɔ.

1 Korintofoɛ 14:38

Nakoso sɛ ebie nne ɛhe ndo nu a, (Nyameɛ) koso nne ye ndo nu.

Galatiafoɛ 3:29

Na sɛ ɛmɔte Kristo deɛ a, nzaade ɛmɔte Abraham bosofoɛ, na ɛmɔnate bɔhyɛ ne aso bɛte koliagyaa.

Deuteronomi 1:33

Ye bɔ olili ɛmɔ nyunu wɔ atunu penane nekaa bɔ ɛmɔsi ɛmɔ asikyeleɛ ɔ, wɔ see nu kɔngɔen fa hyirele ɛmɔ atee bɔ ɛmɔfa so ɔ, ɔne munungum nu koso eyia.

Hebrifoɛ 11:29

Ɔnate gyidie so yeɛ Yisraelfoɛ pɛle Ɛpo Kɔkorɛ ne kyɛ bɛnate etii so ɔ, nakoso Misraimfoɛ yɛle kyɛ bɛpɛ ye bie nen, asue ne fale bɛ hɔle.

Yosua 4:23

Ofikyɛ AWURADE ɛmɔ Nyameɛ mane Yɔɔdan nu nzue wewele mane ɛmɔ, kɔpem kyɛ ɛmɔpɛle asue ne ɔ, kyɛbɔ AWURADE ɛmɔ Nyameɛ yɛle Ɛpo Kɔkorɛ ne ala, bɔ ɔmaa ɔwewele mane yɛ kɔpem kyɛ yɛpɛle asue ne ɔ.