1 Korintofoɛ 1:23 - AHYERƐLƐ KRONGRON

²³ Nakoso yɛ de, yɛbɔ Kristo bɔ bɛbɔle ye mmeamudua nu ne nwo dawure. Ɛhe te sundidua ma Yudafoɛ, yeɛ ɔte ngwaseasɛm ma Helafoɛ.

1 Korintofoɛ 1:23 Iomraidhean Croise

Mateo 11:6

Na sona bɔ nnde sundidua mma ye ne, wanya saleɛ.”

Mateo 13:57

Yiti bɛpole ye. Na Yesu sele bɛ kyɛ, “Anidie mmɔ ngɔmhyɛlɛniɛ, sana ye bɔbɔ ye kuro ne ye awuro.”

Luka 2:34

Na Simeon yirayirale bɛ, na osele oni Maria kyɛ, “Nea, akwadaa he yeɛ bafa ye basie berɛ bama mmenia pee b’asefinɛ ne bɛ dwɔsolɛ wɔ Yisrael ɔ, ɔne sɛngyerɛnneɛ bɔ mmenia bekodwudwo bekotia

1 Korintofoɛ 1:18

Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

1 Korintofoɛ 1:28

na ewiase nningyein bɔ ye nwo olle mvasoɛ, ɔne bɔ bemmu ye ne yeɛ Nyameɛ waneanea nu waye ɔ, yeɛ nningyein bɔ ɔnne berɛ ɔ, kyɛ ɔfa sɛkye bɔ ewiase bu ye kyɛ ye nwo hia ne,

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Korintofoɛ 2:2

Ofikyɛ nyɛle m’adwene kyɛ membena kyɛ menwu nikye fee wɔ ɛmɔ nwo, sana Kristo ne ye mmeamudua ne aso wue.

1 Korintofoɛ 4:10

Kristo ti yayɛ ngwaseafoɛ, nakoso ɛmɔ de, ɛmɔayɛ nworɛfoɛ wɔ Kristo nu! Yɛyɛ mmerɛ, nakoso ɛmɔ de, ɛmɔ nwo yɛ se. Ɛmɔ de, bedi ɛmɔ nni, nakoso yɛ de, bemmu yɛ.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

Galatiafoɛ 5:11

Aliɛmaa mɔ, sɛ mekɔ so mekã kyɛ bienzuapɛlɛ nwo hia a, nzu ati yeɛ bɛkɔ so bɛtane me nye ɔ? Nzaade ahaa mmeamudua ne sundidua ne ɔnne berɛ ko.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.