1 Korintofoɛ 1:18 - AHYERƐLƐ KRONGRON

¹⁸ Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.

1 Korintofoɛ 1:18 Iomraidhean Croise

Asomafoɛ 13:41

‘Ɛmɔtie, ɛmɔ, ngorohoɛfoɛ, ɛ́mɔma ɔ́yɛ ɛmɔ nwanwa ná ɛ́mɔtu bemini; ɔnate kyɛ méyɔ adwuma bie wɔ ɛmɔ aberɛ so, adwuma bɔ sɛ ebie kã kyire ɛmɔ po a, ɛmɔngole bengoli ɔ.’ ”

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 17:32

Na mmerɛ bɔ bɛtele awufoɛ etingyelɛ nwo dwirɛ nen, bɛ nu biemɔ serele Pɔɔlo; na ebiemɔ koso hane kyɛ, “Yɛkuro kyɛ esa si dwirɛ he aso bieku mmerɛ foforɛ.”

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

1 Korintofoɛ 15:2

Sɛ ɛmɔsɔ bɔ nga ngyirele ɛmɔ ne anu yé a, ɔnate so ɛmɔkonya daa ngoa; na sɛ wamma ye sɔ de a, né ɛmɔale bali mbaen.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Korintofoɛ 2:2

Ofikyɛ nyɛle m’adwene kyɛ membena kyɛ menwu nikye fee wɔ ɛmɔ nwo, sana Kristo ne ye mmeamudua ne aso wue.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

1 Korintofoɛ 4:10

Kristo ti yayɛ ngwaseafoɛ, nakoso ɛmɔ de, ɛmɔayɛ nworɛfoɛ wɔ Kristo nu! Yɛyɛ mmerɛ, nakoso ɛmɔ de, ɛmɔ nwo yɛ se. Ɛmɔ de, bedi ɛmɔ nni, nakoso yɛ de, bemmu yɛ.

2 Korintofoɛ 10:4

Ofikyɛ y’akodeɛ bɔ yɛfa yɛko ne ɔtte anwoɔnaen nu akodeɛ, na mmom ɔte Nyameɛ tumi akodeɛ bɔ yɛfa yɛdwiri anwoserɛ afealeɛ mɔ yɛgua ɔ.

2 Korintofoɛ 4:3

Na sɛ yɛ nzɛmba ne aso akata a, so akata ama bɛ bɔ bɛwɔ so bemini ne.

1 Tɛsalonikafoɛ 1:5

Ofikyɛ, nna yɛ noa dwirɛ ngome so yeɛ yɛnate yɛfale nzɛmba ne yɛbrɛle ɛmɔ ɔ; na mmom yɛnate tumi ne Sunzum Krongron koso so yeɛ yɛfa yɛbrɛle ɛmɔ ɔ, na yɛse ye pefee kyɛ nzɛmba ne te nahorɛ. Na ɛmɔse kyɛbɔ ɔnate ɛmɔ ti yɛsi yɛbɔle yɛ bra wɔ mmerɛ bɔ né yɛwɔ ɛmɔ berɛ ne ɔ.

2 Tɛsalonika 2:10

Na ɔkɔfa nnakannaka ne amumuyɛɛ atee mukoraa so konya bɛ bɔ begu so bemini ne, ofikyɛ bɛyɛle asoserɛ wɔ nahorɛ bɔ ɔma daa ngoa ne nwo.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.