1 Korintofoɛ 1:10 - AHYERƐLƐ KRONGRON

¹⁰ Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.

1 Korintofoɛ 1:10 Iomraidhean Croise

Edwein 133:1

Nea kyɛbɔ osi te paa ná ɔyɛ nyemene ɔ, kyɛ aliɛmaa mɔ bɛkɔtena bɛkɔyɛ ko ɔ!

Yeremia 32:39

Ngɔma bɛ ahone ko ne atee ko, amaa ɔnate so basuro me afebɔɔ, ɔnate bɛ bɔbɔ bɛ yeeyɛlɛ, ɔne kyẽa bie bɛ mma mɔ yeeyɛlɛ ti.

Mateo 9:16

Na ebiala mva ɛtena monɛ sii nda ataadeɛ daa nu, ofikyɛ ndetamuɛ ne te fi ataadeɛ ne anu, na ye tetelɛ ne yɛ piri.

Marko 2:21

Ebie mva ɛtena monɛ sii nda ataadeɛ daa nu; ɔba ye sɔ a, ndetamuɛ ne te fi nu, foforɛ ne te fi daa ne anu, na ye tetelɛ ne yɛ piri.

Marko 3:24

Na sɛ ahennie bie ne ye nwo ko a, sɔ ahennie ne ngora gyina.

Yohane 10:19

Na ɔnate edwirɛ hemɔ ati, Yudafoɛ nemɔ anu hyehyɛle bieku.

Yohane 17:23

Nwɔ bɛ nu, na ɛwɔ me nu, na bali mu wɔ koyɛlɛ nu; na ɔnate so wiase konwu kyɛ wɔ yeɛ asoma me ɔ, na ekuro bɛ dwirɛ kyɛbɔ ekuro me dwirɛ ne.

Yohane 7:43

Na ɔnate ye ti mmenia ne anu hyehyɛle.

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.

Asomafoɛ 4:32

Agyidifoɛ fekue ne mane b’adwene yɛle ko. Ebiala le tole nu kyɛ ye nikyee biala bɔ ole ye ne ɔtte ye ngome ye deɛ, na mmom ɔte ebiala bɔ ɔwɔ fekue ne anu deɛ.

Romanfoɛ 1:13

Aliɛmaa mɔ, mekuro kyɛ ɛmɔnwu ye kyɛ, mmerɛ pee yeɛ mayɛ m’adwene kyɛ ngɔɔpasa ɛmɔ nwo ɔ, amaa me nzɛmbahanɛ ne asakyera ɛmɔ nu bie, kyɛbɔ wayɛ wama Amaenmaensofoɛ ngaa nen, nakoso ɔyɛ a né nikyee foforɛ bie asi m’ate.

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.

Romanfoɛ 15:30

Aliɛmaa mɔ, méfa y’Awurade Yesu Kristo ɔne Sunzum ne dɔ mesrɛ ɛmɔ kyɛ, ɛ́mɔboka me wɔ mbaeɛ bɔ ɛmɔbɔ bekyire Nyameɛ bɛma me ne anu,

Romanfoɛ 16:17

Aliɛmaa mɔ, metu ɛmɔ foɛ kyɛ, ɛ́mɔnea ɛmɔ nwo yé wɔ mmenia bɔ bɛfa mbakyembakyemuɛ ne sundidua bɛba, bɔ otia ngyerɛkyerɛ bɔ ɛmɔasua ne. Ɛmɔhwe ɛmɔ nwo befi bɛ nwo!

1 Korintofoɛ 1:11

Nniɛma mɔ, Kloe awuro ama mɔ baatia me gya so kyɛ ɛmɔ afia nwo koraa.

1 Korintofoɛ 11:18

Bɔ oli moa ɔ, sɛ ɛmɔyia nu kyɛ asɔre a, mete kyɛ mbakyembakyemuɛ ba ɛmɔ nu, na mede medi kyɛ bɛ nu bie te nahorɛ.

1 Korintofoɛ 12:25

amaa mbakyembakyemuɛ amma nipadua ne anu, na mmom akwaa biala nwo ahia ama obiɛngo.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

1 Korintofoɛ 4:16

Yiti mesrɛ ɛmɔ kyɛ ɛmɔsua me.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

2 Korintofoɛ 13:9

Na sɛ yɛyɛ mmerɛ, na ɛmɔ de ɛmɔyɛ se a, né yɛ nye agye; na yɛ mbaeɛ ole kyɛ ɛmɔkoli mu ɔ.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Galatiafoɛ 4:12

Aliɛmaa mɔ, mesrɛ ɛmɔ, ɛ́mɔyɛ kyɛ me, kyɛbɔ me koso mayɛ kyɛ ɛmɔ ye. Ɛmɔyyɔle me tɛɛ biala.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Filipifoɛ 3:16

Nakoso bɔ yanya ye dada ne, ɛ́mɔma yɛhɔ so yɛsɔ nu bum.

1 Tɛsalonikafoɛ 5:13

na ɔnate b’adwuma ti ɛ́mɔfa anidie paa ne ɔdɔ bɛ́ma bɛ. Ɛ́mɔtena asomdwee nu.

2 Tɛsalonika 2:1

Aliɛmaa mɔ, bɔ ɔfa y’Awurade Yesu Kristo walɛ ne ne nwo, ɔne yɛ noa boalɛ bɔ yɛkwaafa yɛyia ye ne nwo de, yɛsrɛ kyɛ nnɛmɔma ɔyɛ ɛmɔ ti anu kesenee,

1 Timoteo 5:21

Ngyi Nyameɛ ne Awurade Kristo Yesu ne abɔfo bɔ baneanea nu baye bɛ ne anyunu mehyɛ wɔ kyɛ, di nhyehyɛleɛ hemɔ so, bɔ ɛnnea sona nyunu anaa ɛnyɛ nyeyemuɛ ɔ.

2 Timoteo 4:1

Na Nyameɛ ne Kristo Yesu bɔ ɔbaabua ateasefoɛ ne awufoɛ ndɛen ne, ɔne ye nwo aliyelɛ ne ye ahennie ne, mefa mehyɛ wɔ kyɛ;

Yosua 22:15

Ɛbɔfoɛ nemɔ wale Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so, na bɛbɔle b’amaneɛ behyirele bɛ kyɛ,

1 Petro 2:11

Adɔfo mɔ, mesrɛ ɛmɔ, ɛmɔte ɛwɔfoɛ ne amanvrafoɛ, yiti anwoɔnaen akɔnnɔ bɔ ɔko tia ɛmɔ kra ne, ɛmɔhwe ɛmɔ nwo befi ye nwo.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.