1 Ahemvo 8:3 - AHYERƐLƐ KRONGRON

³ Yisrael mbanyi amukoraa bɛwale, na né asɔfo nemɔ bɛso apam alaka ne.

1 Ahemvo 8:3 Iomraidhean Croise

2 Samuel 6:12

Na ebiemɔ bɛbɔle Nana Dawide amaneɛ kyɛ, “Ɔnate Nyameɛ alaka ne ati, AWURADE ayira Obɛde Edom awuro ama, ɔne bɔ ole ye amukoraa.” Yiti Dawide hɔle anigye so ɔɔfale Nyameɛ alaka ne fili Obɛde Edom awuro wale Dawide kuro ne anu.

1 Ahemvo 8:6

Yeɛ asɔfo nemɔ fale AWURADE apam alaka ne besiele nekaa bɔ ɔsɛ kyɛ ogyina ɔ, wɔ sua ne kunu dɔ paa krongron nu krongron ne anu, wɔ kɛrubim nemɔ bɛ ndaa nemɔ abo.

1 Aberɛso Dwirɛ 15:2

Na Dawide fale ahyɛdeɛ mane bɛ kyɛ nnɛma ebiala soa Nyameɛ apam alaka ne, sana Lewifoɛ angome, ofikyɛ AWURADE atu bɛ asie berɛ kyɛ bɛsoa AWURADE alaka ne, na bɛsɔne wɔ ye nyunu afebɔɔ.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 7:9

Nakoso Kohatefoɛ de, wamma bɛ bie, ofikyɛ bɛ de, nningyein krongron bɔ owura bɛ sa ne, bɛsoa ye wɔ bɛ bati.

Deuteronomi 31:9

Afei Mose hyerɛle sɔ mmeraa he, na ɔfa mane asɔfo nemɔ, bɔ bɛte Lewi bosofoɛ bɔ bɛsoa AWURADE apam alaka ne, yeɛ afei Yisrael mbanyi amukoraati koso.

Yosua 3:3

na bɛhyɛle mmeraa bɛmane mmenia ne kyɛ, “Sɛ ɛmɔnwu AWURADE ɛmɔ Nyameɛ apam alaka ne kyɛ Lewifoɛ bɔ bɛte asɔfo ne basoa a, ye de ɔsɛ kyɛ ɛmɔtu ɛmɔ bo befi asikyeleɛ ne anu. Ɛ́mɔli ye si,

Yosua 3:6

Na Yosua sele asɔfo nemɔ kyɛ, “Ɛ́mɔsoa apam alaka ne, ná ɛmɔse beli mmenia ne anyunu.” Yiti bɛsoale apam alaka ne, na belili mmenia ne nyunu moa.

Yosua 4:9

(Afei Yosua koso fale nyɔboɛ buru ne nyɔ penapenane asue Yɔɔdan afia, nekaa bɔ asɔfo mɔ bɔ bɛsõ alaka ne gyinagyinane ne; na ɔbaadwu ɛnɛ ye, nyɔboɛ nemɔ tɛ wɔ berɛ).

Yosua 6:6

Yiti Nun awa Yosua frɛfrɛle asɔfo nemɔ, na osele bɛ kyɛ, “Ɛ́mɔsoa apam alaka ne, ná ɛ́mɔma asɔfo nzoo bétiratira boaen mmɛen totorobɛndo nzoo beli AWURADE alaka ne nyunu moa.”