1 Ahemvo 7:2 - AHYERƐLƐ KRONGRON

² Osili awuro bɔ bɛfrɛ ye Lebanon Ɛhɔayeɛ Awuro ne. Ye tendenn nu te agyirɛ ɛyaa ko, ye tɛtrɛtɛɛ nu te agyirɛ aburannu, yeɛ ofi ye aseɛnwo bɔ ɔkwaadwu ye anwuro ne, ɔte agyirɛ aburasa. Sida bonima bɔ basa bɛ folii sɔ alaa nna, bɔ bafa sida mbuna babeabea nu yeɛ osili sua ne siele so ɔ.

1 Ahemvo 7:2 Iomraidhean Croise

1 Ahemvo 10:17

Ɔfale esikaa kɔkorɛ bɔ baboro ɔ yɔle akokyɛm ɛyaa nza: esikaa kɔkorɛ kilo nyɔ yeɛ ɔfa yɔle akokyɛm ko biala ɔ. Na Solomon fale bɛ ooguale awuro bɔ bɛfrɛ ye Lebanon Ɛhɔayeɛ ne anu.

1 Ahemvo 10:21

Nana Solomon kulie bɔ ɔno nu amukoraa, bɛfale esikaa kɔkorɛ yeɛ bɛyɔle ɔ. Na sua bɔ bɛfrɛ ye Lebanon Ɛhɔayeɛ ne anu nningyein amukoraa, bɛfale esikaa kɔkorɛ paa yeɛ bɛyɔle ɔ. Nu ko po nne berɛ bɔ bɛfale ɛdwetɛ yeɛ bɛyɔle ɔ, ofikyɛ Solomon aberɛ so, né bemmu ɛdwetɛ nikyee titire biala.

1 Ahemvo 7:3

Ɔfale sida ndaboa aburanna ne nnu yeɛ ɔyɔle ye abuu ne ɔ. Ɔhyɛle ndaboa ne anu nza guaguale ye buru ne nnu buru ne nnu, na ɔfa guaguale bonima nemɔ aso.

1 Ahemvo 9:1

Solomon sili AWURADE awuro ne, ye bɔbɔ ye ahemvie ne ɔne sua amukoraa bɔ né okuro kyɛ osi yiele ne,

1 Ahemvo 9:19

yeɛ afei nguro amukoraa bɔ Solomon ɔmaa bɛfa aleɛ besie nu ne, nguro bɔ ye teaseɛnam mɔ wɔ so ne, nguro bɔ ye pɔngɔhanɛfoɛ tete so ne, ɔne sua biala bɔ Solomon kuro kyɛ osi wɔ Yerusalem, Lebanon, ɔne aseɛ amukoraa bɔ né odi so hene ne.

2 Aberɛso Dwirɛ 9:16

Ɔfale esikaa kɔkorɛ bɔ baboro ɔ yɔle akokyɛm ɛyaa nza: esikaa kɔkorɛ kilo nza ne bue yeɛ ɔfa yɔle akokyɛm ko biala ɔ. Na Solomon fale bɛ ooguale awuro bɔ bɛfrɛ ye Lebanon Ɛhɔayeɛ ne anu.

Edwein Nu Dwein 7:4

Wɔ kɔme te kyɛ abandenden bɔ bafa ɛsoen gye bayɔ ɔ, wɔ nye mma te kyɛ Hesebon ɛkwaa bɔ ɔwɔ Bate Rabim pambim ne anwo ɔ. Wɔ bonyi te kyɛ Lebanon abandenden bɔ ye nye kyire Damasko ne.

Yesaya 22:8

Waye Yuda nwo waen ne wafi berɛ. Sɔ kyẽa ne, ɛmɔfale ɛmɔ nye bɛtole akodeɛ bɔ ogua sua bɔ bɛfrɛ ye Ɛhɔayeɛ nu Awuro ne aso.