1 Ahemvo 5:3 - AHYERƐLƐ KRONGRON

³ “Ɛse kyɛ ɔnate koɛ bɔ me baba Dawide ye pɔfoɛ mɔ fa toale ye bɛen ne famaa ne ati, wangora wanzi sua wamva AWURADE ye Nyameɛ dumaa wando so, kɔpem kyɛ AWURADE fale ye pɔfoɛ mɔ wurale ye gya bo ɔ.

1 Ahemvo 5:3 Iomraidhean Croise

1 Ahemvo 8:19

Nakoso nna wɔ yeɛ ekosi sua ne ɔ, na mmom wɔ bɔbɔ wɔ kunu ba bienzua yeɛ okosi sua ne kɔfa me dumaa kɔto so ɔ.’

1 Aberɛso Dwirɛ 22:8

Nakoso AWURADE lale ye dwirɛ ali hyirele me kyɛ, ‘Ahã mogya agua soma, yeɛ afei aho koɛ mbiri pee. Yiti nnɛsi sua fa me dumaa to so, ofikyɛ aseɛ ye aso, ahã mogya agua pee bɔ me bɔbɔ me nye tua ɔ.

1 Aberɛso Dwirɛ 28:2

Na Nana Dawide dwɔso gyinane sele kyɛ, “Nniɛma mɔ ne me maen, ɛ́mɔtie. Nyɛle m’adwene kyɛ ngosi sua bɔ ɔkɔyɛ nekaa bɔ AWURADE apam alaka ne okole ye nwome, bɔ ɔkɔyɛ yɛ Nyameɛ gya bo ndiasoɛ ɔ. Na mbenane suasilɛ nwo nningyein nguale berɛ.

1 Aberɛso Dwirɛ 28:3

Nakoso Nyameɛ sele me kyɛ, ‘Nna wɔ yeɛ odi kyɛ esi sua fa me dumaa to so ɔ, ofikyɛ ɛte koɛhonɛniɛ, na ahã mogya agua.’

2 Aberɛso Dwirɛ 9:4

ye poen so aleɛ, kyɛbɔ ye mbanyi nemɔ besi bɛtenatena bɛpɛ ye nwo beyia, kyɛbɔ ye somvoɛ nemɔ besi bɛso ye, bɛ ndaadeɛ, ye nzaasulɛfoɛ ne bɛ ndaadeɛ, ɔne ye naen yeralɛ afɔleɛ bɔ ɔbɔle ye wɔ AWURADE awuro ne anu ne, ye nwo dwirili ye.

Nehemia 5:17

Afei koso, Yudafoɛ mbanyi bɔ me yeɛ né mema bɛ bɛ noa aleɛ ne, bɛte ɛyaa ko aburannu, asora bɛ bɔ befili maen maen bɔ bapɛ yɛ nwo bayia ne aso ne.

Nehemia 5:18

Nandwie nyii ko ne mmoaen bɔ balɔ ɔ nzia yeɛ né mefa meyɛ aleɛ daa biala ɔ. Né beku ngokɔ bɛboka so, na eleburu biala, nzaa ahoroɔ ngomvo pee boka so. Nakoso manne amrado aleɛ ndɔ ne, ofikyɛ adesoa bɔ ɔla maen ne aso ne, né ɔte piri.

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Edwein 8:6

Ama ye tumi wɔ wɔ sa noa nnwumaa so, afa nningyein amukoraa awura ye gya bo:

Malaki 4:3

Na ɛmɔkotiatia bɔnefoɛ mɔ so; ofikyɛ kyẽa bɔ ngɔyɔ sɔ ne, bɛkɔyɛ nzoen wɔ ɛmɔ gya bo, Asafo AWURADE noa dwirɛ ɛne.

1 Korintofoɛ 15:25

Ofikyɛ ɔsɛ kyɛ odi hene maa okodwu kyɛ ɔkɔfa ye pɔfoɛ mukoraa kɔyɛ ye gya bo ndiasoɛ ɔ.

Ɛfesofoɛ 1:22

Na wafa nningyein amukoraa wawura Kristo gya bo, na wafa ye wayɛ nningyein amukoraa so tire wama asɔre ne,

Deuteronomi 14:5

dabɔɔ, ɛwanzane, ɛhoɛ, gyane, adowa, kɛtɛbɔɔ ne gyane.

Yosua 10:24

Bɛfale ahemvo nemɔ bɛbrɛle Yosua nen, Yosua mane Yisraelfoɛ amukoraati beyiale, na osele koɛhonɛfoɛ mɔ so safohene mɔ bɔ bɛ ne ye hɔle koɛ ne kyɛ, “Ɛ́mɔpingye wa ná ɛ́mɔfa ɛmɔ gya bétia ahemvo hemɔ kɔme so.” Yiti bepingyele berɛ, na bɛfale bɛ gya betiale bɛ kɔme so.