1 Ahemvo 3:3 - AHYERƐLƐ KRONGRON

³ Solomon hurole AWURADE dwirɛ, na olili ye baba Dawide ahyɛdeɛ so. Nakoso né ɔyɛ a, ɔbɔ afɔleɛ ná ɔyera ɛyɛɛ wɔ asɔneyɛɛ nemɔ aso.

1 Ahemvo 3:3 Iomraidhean Croise

1 Ahemvo 11:34

Nakoso mengole ahennie ne anu bie mengofi ye sa nu, na mmom ngɔmaa okoli hene mmerɛ bɔ ɔte ase ne amukoraati, ɔnate m’akoaa Dawide bɔ nneaneane nu nyele ye, ná olili me mmeraa dwirɛ ne m’ahyɛdeɛ amukoraa so ne ati.

1 Ahemvo 11:38

Sɛ ekotie bɔ mahyɛ wɔ ne amukoraa, ɛkɔnate m’atee so, ɛkɔyɔ bɔ ɔtengyɛ wɔ me nye so, ná ekoli m’ahyɛdeɛ ne me mmeraa dwirɛ so, kyɛbɔ me somvoɛ Dawide lili so ne a, ye de ngogyina wɔ si. Na ngɔma wɔ boso ama koli bia ne afebɔɔ kyɛbɔ nyɔ mane Dawide ne, na ngɔmaa ekoli Yisrael so hene.

1 Ahemvo 11:4

Ofikyɛ Solomon yɛle aworowaa ne, ɔye nemɔ mane ye adwene kakyili oolili nyameɛ foforɛ mɔ si, ná wanni nahorɛ wamma AWURADE ye Nyameɛ, kyɛbɔ ye baba Dawide de olili nahorɛ mane AWURADE ne.

1 Ahemvo 11:6

Yiti Solomon yɔle bɔ ɔte bɔne wɔ AWURADE nyunu ɔ, na wamva ye ahone amukoraati wanzo AWURADE, kyɛbɔ ye baba Dawide de ɔfale ye ahone amukoraa ɔsole AWURADE ne.

1 Ahemvo 14:23

Ofikyɛ besa besisili asɔneyɛɛ mɔ, bosoen bonima mɔ ne bosoen Asera dosii mɔ bɛmane bɛ nwo wɔ bokaa biala so, ɔne bakaa monɛ biala abo.

1 Ahemvo 14:8

na nnele ahennie ne mvili Dawide awuro ama sa nu mva mane wɔ. Nakoso ammɔ wɔ bra kyɛ me somvoɛ Dawide bɔ olili me mmeraa dwirɛ so ne. Ɔfale ye adwene amukoraati lili me si, na bɔ ɔtengyɛ wɔ me nye so ɔ angome yeɛ ɔyɔle ɔ.

1 Ahemvo 15:11

Asa yɔle bɔ ɔtengyɛ wɔ AWURADE nyunu ɔ kyɛbɔ ye Nana Dawide yɔle ne ala.

1 Ahemvo 15:14

Nakoso asɔneyɛɛ nemɔ de, wanzɛkye bɛ. Na mmom Asa fili ye ahone nu lili nahorɛ mane AWURADE mmerɛ bɔ né ɔte ngoa nu amukoraa.

1 Ahemvo 15:3

Ye baba Rehoboam bɔ olili ye bia ne, ye bɔne bɔ ɔyɔle ne, ye koso ɔyɔle ye mukoraati bie. Wamvi ye ahone nu wanni nahorɛ wamma AWURADE ye Nyameɛ kyɛbɔ ye nana Dawide de olili nahorɛ ne.

1 Ahemvo 15:5

ofikyɛ Dawide yɔle bɔ ɔtengyɛ wɔ AWURADE nyunu ɔ, na mmerɛ bɔ Dawide te ase ne amukoraa, sɛ ɛfa Hitiniɛ Yuria dwirɛ ne to ahameɛ a, mmeraa biala bɔ AWURADE hyɛle ne, olili so.

1 Ahemvo 22:43

Atee bɔ ye baba Asa fale so ne, so ala yeɛ ye wora ɔfale ɔ; wammakye wamvi ye baba atee ne aso. Ɔyɔle bɔ ɔtengyɛ wɔ AWURADE nyunu ɔ, nakoso asɔneyɛɛ nemɔ de wanzɛkye bɛ maa ɔnate ye sɔ ti, maen ne hɔle so bɛbɔle afɔleɛ bɛyerale ɛyɛɛ wɔ asɔneyɛɛ nemɔ aso.

1 Ahemvo 22:44

Asomdwee lale Yehosafate ne Yisrael hene b’afia.

1 Ahemvo 3:14

Na sɛ ɛkɔnate m’atee so, ná ali me ahyɛdeɛ ne me mmeraa dwirɛ so, kyɛbɔ wɔ baba Dawide yɔle ne a, ye de ngɔmaa ekonyi kɔhyɛ.”

1 Ahemvo 3:6

Na Solomon buale kyɛ, “W’akoaa Dawide bɔ yeɛ ɔte me baba ne, ɛyɛle ye paa kandinga paa. Ofikyɛ olili wɔ dwirɛ so nahorɛ nu ɔne atee bɔ ɔtengyɛ ɔ so, na ɔyele ye ti anu fitaa ɔsole wɔ. Ahɔ so afa sɔ paa kandinga ne alo ye, na ɛnɛ amaa wanya baa bienzua maa wali ye bia.

1 Ahemvo 8:25

Yiti ao, AWURADE Yisrael Nyameɛ, ma ɛbɔ bɔ ɛhyɛle wɔ somvoɛ me baba Dawide ne, ɔhɔ so tena berɛ. Ɛhane kyɛ, ‘Sɛ wɔ boso ama bɛye bɛ kunu bedi me dwirɛ so kyɛbɔ ayɔ ne ala a, ye de wɔ bosoniɛ bɔ ɔkɔtena Yisrael bia so wɔ me nyunu ne, ɔngɔbɔ wɔ le.’

1 Ahemvo 8:61

“Yiti Yisraelfoɛ, ɛ́mɔtu ɛmɔ nwo amukoraa besie berɛ bɛma AWURADE yɛ Nyameɛ. Ɛ́mɔli ye ahyɛdeɛ ne ye mmeraa dwirɛ so, kyɛbɔ ɛmɔyɔ ye ɛnɛ ne ala.”

1 Ahemvo 9:4

Na wɔ de, sɛ ɛfa ahone bɔ nu te ɔ, ɔne bra bɔ ɔtengyɛ ɔ edi me dwirɛ so kyɛbɔ wɔ baba Dawide lili so ne, ná ɛyɔ kyɛbɔ mahyɛ wɔ ne amukoraa, ná edi m’ahyɛdeɛ ne me nhyehyɛleɛ so a,

2 Ahemvo 12:3

Nakoso asɔneyɛɛ nemɔ de wanzɛkye bɛ. Maen ne hɔle so bɛbɔle afɔleɛ bɛyerale ɛyɛɛ wɔ asɔneyɛɛ nemɔ aso.

2 Ahemvo 12:4

Na Yehoase sele asɔfo nemɔ kyɛ, “Esikaa amukoraa bɔ ɔte akyɛdeɛ krongron bɔ mmenia fa ba AWURADE awuro, bɔ yeɛ ɔte esikaa bɔ bapɛ bama ebiala kyɛ otua ne, ɔne esikaa bɔ ofi akyɛdeɛ afɔleɛ bɔ bɛfa bɛba AWURADE awuro ne anu ne,

2 Ahemvo 14:3

Amasia yɔle bɔ ɔtengyɛ wɔ AWURADE nyunu ɔ; nakoso wandwu ye nana Dawide. Bɔ ɔyɔle amukoraati te kyɛ bɔ ɔse Yoase yɔle ne pɛpɛɛpɛ.

2 Ahemvo 14:4

Nakoso asɔneyɛɛ nemɔ de wanzɛkye bɛ. Na maen ne hɔle so bɛbɔle afɔleɛ bɛyerale ɛyɛɛ wɔ asɔneyɛɛ nemɔ aso.

2 Ahemvo 15:35

Nakoso asɔneyɛɛ nemɔ de wanzɛkye bɛ, na maen ne hɔle so bɛbɔle afɔleɛ bɛyerale ɛyɛɛ wɔ asɔneyɛɛ nemɔ aso. Pambim bɔ ɔwɔ AWURADE awuro ne sorɔ dɔ ne, osili.

2 Ahemvo 15:4

Nakoso asɔneyɛɛ nemɔ de wanzɛkye bɛ. Na maen ne hɔle so bɛbɔle afɔleɛ bɛyerale ɛyɛɛ wɔ asɔneyɛɛ nemɔ aso.

2 Ahemvo 18:22

Nakoso ebiaa ɛmɔkɔhã bekohyire me kyɛ, ‘Yafa yɛ nwo yato AWURADE yɛ Nyameɛ so.’ Aso nna ye asɔneyɛɛ mɔ ne afɔleɛ bokyea mɔ yeɛ Hesekia wabubu bɛ ye? Aso Hesekia wanga wangyire Yuda ne Yerusalem kyɛ, Afɔleɛ bokyea he bɔ ɔwɔ Yerusalem ne, so yeɛ ɔsɛ kyɛ ɛmɔsɔne ɔ’?

2 Ahemvo 18:4

Otutuli asɔneyɛɛ nemɔ abo, obubuli bonima nemɔ, na ɔpepɛle Asera dosii nemɔ guale. Kɔɔbere ewoo bɔ Mose yɔle ne, obubuli nu. Ofikyɛ ɔbaadwu sɔ mmerɛ ne, né Yisraelfoɛ bɛyera ɛyɛɛ wɔ kɔɔbere ne aso bɛsɔne ye: né bɛfrɛ ye Nehustan.

2 Aberɛso Dwirɛ 15:17

Asɔneyɛɛ nemɔ de, wandu bɛ bo wamvi Yisrael. Nakoso Asa lili nahorɛ mane AWURADE mmerɛ bɔ né ɔte ngoa nu amukoraa.

Edwein 145:20

AWURADE bɔ bɛ bɔ bekuro ye dwirɛ ɔ amukoraa nwo waen, nakoso bɔnefoɛ de, okohũhũ bɛ.

Edwein 31:23

Ɛmɔ, anwoteefoɛ amukoraa, ɛmɔhuro AWURADE dwirɛ. AWURADE bɔ anwoteefoɛ nwo waen, nakoso ebiala bɔ ɔma ye nwo so ne, otua ye so kerɛ piri paa.

Lewitikɔso 17:5

Ɛhe kɔma Yisraelfoɛ kɔfa b’afɔleɛ bɔ bɛbɔ ye wɔ ɛserɛ so ne bɛkɔbrɛ AWURADE. Odi kyɛ bɛfa bɛbrɛ ɔsɔfo ne maa ɔfa ma AWURADE wɔ ɛtena sua atenaleɛ anoa nu berɛ, ná ɔ́fa bɔ asomdwee afɔleɛ ma AWURADE.

Mateo 22:37

Na Yesu buale ye kyɛ, “Fa w’ahone amukoraati, wɔ kra mukoraati, ɔne w’adwene amukoraati kuro AWURADE wɔ Nyameɛ dwirɛ!

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Korintofoɛ 8:3

Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

Deuteronomi 10:12

“Yiti afei, Yisrael, nzikyɛ yeɛ AWURADE wɔ Nyameɛ pena fi wɔ berɛ ɔ? Bɔ ɔpena ole kyɛ ekosuro AWURADE wɔ Nyameɛ, ná ɛkɔfa ye atee mukoraa so, ná ekohuro ye dwirɛ, ná ɛkɔfa w’ahone mukoraati ne wɔ kra mukoraati ɛkɔso AWURADE wɔ Nyameɛ ɔ,

Deuteronomi 10:13

ɔne kyɛ ekoli AWURADE mmeraa dwirɛ ne ye ahyɛdeɛ bɔ ɔnate wɔ yeeyɛlɛ ti méfa méma wɔ ɛnɛ ye aso ɔ.

Deuteronomi 11:13

“Na sɛ ɛmɔtie me mmeraa dwirɛ bɔ méhyɛ méma ɛmɔ ɛnɛ ye, ná ɛmɔkuro AWURADE ɛmɔ Nyameɛ dwirɛ, ná ɛmɔfa ɛmɔ ahone mukoraati ne ɛmɔ kra mukoraati bɛso ye a,

Deuteronomi 30:16

[Sɛ edi AWURADE wɔ Nyameɛ mmeraa] bɔ mehyɛ mema wɔ ɛnɛ ye aso, ná ekuro AWURADE wɔ Nyameɛ dwirɛ, ná ɛfa ye atee so, ná edi ye mmeraa dwirɛ ne ye ahyɛdeɛ ne ye nhyehyɛleɛ so a, ye de ekonya ngoa, na ɛkɔta pee, na AWURADE wɔ Nyameɛ koyira wɔ wɔ aseɛ bɔ ɛkwaafa tena so ne aso.

Deuteronomi 30:20

Kuro AWURADE wɔ Nyameɛ dwirɛ, tie ye dwirɛ, ná fa wɔ nwo bɔ ye; ofikyɛ, sɔ yeɛ ɔkɔmaa ekonya ngoa ná anyi ahyɛ ɔ. Na ɛkɔtena aseɛ bɔ AWURADE tale ndaen kyɛ ɔkɔfa kɔma wɔ nana mɔ Abraham, Yisake ne Yakob ne aso.”

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

Deuteronomi 6:5

Fa w’ahone mukoraati, wɔ kra mukoraati, ɔne w’anwoserɛ mukoraati kuro AWURADE wɔ Nyameɛ dwirɛ.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

1 Samuel 9:12

Bebuale kyɛ, “Yoo, ɔwɔ berɛ, oli wɔ nyunu moa. Ma wɔ nwo yɛ nyera, na bekye ala yeɛ waadwu kuro wa ɔ, ofikyɛ maen ne baabɔ afɔleɛ ɛnɛ wɔ asɔneyɛɛ so berɛ.