1 Ahemvo 3:1 - AHYERƐLƐ KRONGRON

¹ Solomon ne Misraim hene Faro bɛyɛle apam maa ɔnate so ogyale Faro awa brasua. Solomon fale braa ne wale Dawide kuro ne aso maa ɔɔtenane berɛ, kɔpem kyɛ ye ahemvie ne, AWURADE awuro ne, ɔne Yerusalem nwo fasue ne, oyiele bɛ si ɔ.

1 Ahemvo 3:1 Iomraidhean Croise

2 Samuel 5:7

Nakoso Dawide lili Sion kuro bɔ ɔte anwoserɛ afealeɛ ne aso ngonim. Na ye ala yeɛ waayɛ Dawide kuro ne.

1 Ahemvo 11:1

Nana Solomon hurole maen maen foforɛ mɔ so mmrasua pee bokale Faro awa brasua ne aso. Mmrasua nemɔ te Moabofoɛ, Amonfoɛ, Edomfoɛ, Sidonfoɛ ne Hitifoɛ.

1 Ahemvo 2:10

Afei Dawide toale ye mbanyi mɔ, na besiele ye wɔ Dawide kuro.

1 Ahemvo 6:1

Yisraelfoɛ fili Misraim aseɛ so bɛwale ne, ye afoɛ bɔ ɔtɔ so ɛyaa nna ne aburawɔtwɛ ne anu, né Solomon anya afoɛ nna wɔ Yisrael bia ne aso. Na bosome Siwe bɔ yeɛ ɔte bosome bɔ ɔtɔ so nyɔ ne anu, Solomon hyɛle ye bo sili AWURADE awuro ne.

1 Ahemvo 7:1

Solomon ye bɔbɔ ye ahemvie ne de, ɔfale afoɛ buru ne nza yeɛ osili ye mukoraati yiele ɔ.

1 Ahemvo 7:8

Ye bɔbɔ ye ahemvie bɔ ɔkɔtena nu ne, aluo ko bɔ ɔwɔ Pato ne asi ne, osili ye sɔ ala. Afei koso Solomon sili sua bɔ ɔte kyɛ ɛhene ala mane ɔye bɔ ɔte Faro awa brasua ne.

1 Ahemvo 9:1

Solomon sili AWURADE awuro ne, ye bɔbɔ ye ahemvie ne ɔne sua amukoraa bɔ né okuro kyɛ osi yiele ne,

1 Ahemvo 9:10

Solomon fale afoɛ aburanyɔ yeɛ osili sua nyɔ hemɔ yiele ɔ: AWURADE awuro ne ɔne ye bɔbɔ ye ahemvie ne.

1 Ahemvo 9:24

Nakoso Faro awa brasua ne, otu fili Dawide kuro ne anu hɔle ye bɔbɔ ye awuro bɔ Solomon si mane ye ne anu. Afei Solomon sili sua bɔ bɛfrɛ ye Milo ne.

1 Aberɛso Dwirɛ 11:7

Dawide kyekyele ye atenaleɛ wɔ anwoserɛ afealeɛ berɛ, yiti bɛfrɛle berɛ Dawide kuro.

2 Aberɛso Dwirɛ 18:1

Afei Yehosafate nyane ye nwo tam, na onyane animnyam, na ɔne Ahabo bɛyɛle agyaa apam maa ɔwa gyale ɔwa.

2 Aberɛso Dwirɛ 8:11

Na Faro awa brasua ne, Solomon maa otu fili Dawide kuro ne anu ɔɔtenane awuro bɔ wasi wama ye ne anu. Ofikyɛ Solomon hane kyɛ, “Onni kyɛ me ye ɔtena Yisrael hene Dawide ahemvie ne anu, ofikyɛ nekaa bɔ bafa AWURADE alaka ne basie ne, ɔte krongron.”

Ɛsra 5:11

Na mmuayɛɛ bɔ bɛfa bɛmane yɛ ɛhe, ‘Anwuro ne aseɛ Nyameɛ ne, yɛte ye ngoaa. Yɛsa yɛsi awuro bɔ daa tetetete besili, bɔ ɔte awuro bɔ Yisrael hene piri bie osi yiele korakora ɔ.

Ɛsra 9:14

Aso odi kyɛ yɛbu wɔ mmeraa dwirɛ ne aso bieku, bɔ yɛne mmenia bɔ bɛbɔ sɔ akyiwadeɛ bra ne yagyigya yɛ nwo ɔ? Aso ɛngɔfɛ yɛ so yaa toonn kɔpem kyɛ ekohũhũ yɛ bɔ yɛ nu biala ngɔha anaa ongonya ye ti ngodidi nu ɔ?

Deuteronomi 23:8

Ofi b’aworɛ ndoatoasoɛ bɔ ɔtɔ so nza ne aso de, bɛ bosofoɛ kora ba AWURADE badwa nu.