1 Ahemvo 2:4 - AHYERƐLƐ KRONGRON

⁴ AWURADE hã fale me nwo kyɛ, ‘Sɛ wɔ koliagyaa mɔ, bɛnea bɛbɔ bra paa, ná bɛfa b’ahone amukoraa ne bɛ kra amukoraa bedi me dwirɛ so nahorɛ nu a, sona bɔ odi wɔ bia tena Yisrael ahennie bia so ne, ɔngɔbɔ wɔ le.’

1 Ahemvo 2:4 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

2 Samuel 7:25

Afei, ao, AWURADE Nyameɛ, kyɛbɔ aha afa wɔ somvoɛ ne ye boso ama nwo ne, maa ɔbra nu afebɔɔ. Kyɛbɔ ahyɛ bɔ ne, yɔ sɔ ala.

1 Ahemvo 1:48

na ɔtoale so bɔle mbaeɛ kyɛ, ‘AWURADE Yisrael Nyameɛ, bɔ ɛnɛ waye mma ko maa wali me bia, na wama me nye anwu ye ne, animnyam hã ye.’ ”

1 Ahemvo 11:36

Nakoso ngɔfa abusua kure ko ngɔma ɔwa, amaa ɔnate so me somvoɛ Dawide wahɔ so wanya kanea wɔ me nyunu, wɔ Yerusalem kuro bɔ matu masie berɛ kyɛ bɛsɔne me wɔ nu ne anu.

1 Ahemvo 3:14

Na sɛ ɛkɔnate m’atee so, ná ali me ahyɛdeɛ ne me mmeraa dwirɛ so, kyɛbɔ wɔ baba Dawide yɔle ne a, ye de ngɔmaa ekonyi kɔhyɛ.”

1 Ahemvo 3:3

Solomon hurole AWURADE dwirɛ, na olili ye baba Dawide ahyɛdeɛ so. Nakoso né ɔyɛ a, ɔbɔ afɔleɛ ná ɔyera ɛyɛɛ wɔ asɔneyɛɛ nemɔ aso.

1 Ahemvo 6:12

“Sua he bɔ yeɛ esi ye, sɛ ɛkɔfa m’ahyɛdeɛ kɔbɔ bra, ná ekoli me nhyehyɛleɛ ne me mmeraa dwirɛ amukoraati so, ná ɛkɔfa kɔbɔ wɔ bra a, ye de ɛbɔ bɔ nhyɛle wɔ baba Dawide ne, ngɔmaa ɔkɔwa nu kɔma wɔ.

1 Ahemvo 8:23

Ɔhane kyɛ, “Ao, AWURADE Yisrael Nyameɛ, nyameɛso bɔ ɔwɔ anwuro, anaakyɛ aseɛ ye aso, nyameɛ biala nne berɛ bɔ ɔte kyɛ wɔ ɔ, bɔ odi apam so ná okyire ɔdɔ bɔ onni ngasi ne kyire ye ngoaa bɔ bɛye bɛ kunu fitaa bedi ye dwirɛ so ɔ.

1 Ahemvo 8:25

Yiti ao, AWURADE Yisrael Nyameɛ, ma ɛbɔ bɔ ɛhyɛle wɔ somvoɛ me baba Dawide ne, ɔhɔ so tena berɛ. Ɛhane kyɛ, ‘Sɛ wɔ boso ama bɛye bɛ kunu bedi me dwirɛ so kyɛbɔ ayɔ ne ala a, ye de wɔ bosoniɛ bɔ ɔkɔtena Yisrael bia so wɔ me nyunu ne, ɔngɔbɔ wɔ le.’

1 Ahemvo 9:5

ye de ngɔma w’ahennie bɔ edi ye wɔ Yisrael ne, ye bo kotimu afebɔɔ, kyɛbɔ nhyɛle wɔ baba Dawide bɔ kyɛ, ‘Sona bɔ odi wɔ bia tena Yisrael ahennie bia so ne, ɔngɔbɔ wɔ le’ ne.

2 Ahemvo 20:3

“Ao AWURADE, kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ wɔ wɔ nyunu ne, mesrɛ wɔ, fa wɔ nye to.” Na Hesekia suni hahii.

2 Ahemvo 23:25

Ahemvo bɔ belili bia koraka yeɛ Yosia baatena bia so ne, bɛ nu biala ɔnne berɛ bɔ AWURADE dwirɛ bɔ amba, bahyerɛ ye wɔ Mose nwomaa ne anu ne, ɔfale ye ahone amukoraa, ye kra amukoraa, ɔne ye anwoserɛ amukoraa lili so kyɛ Yosia ɔ. Na Yosia wue asi ne, ɛhene biala nne berɛ bɔ ɔsole AWURADE kyɛ ye ɔ.

2 Ahemvo 23:3

Nana Yosia gyinane simbini ne aso, na ɔyɛle apam wɔ AWURADE nyunu, kyɛ okoli AWURADE si, kyɛ ɔkɔfa ye ahone amukoraa ne ye kra amukoraa koli AWURADE mmeraa dwirɛ, ye dwirɛ ne ye ahyɛdeɛ so; kyɛ apam he anu dwirɛ bɔ bahyerɛ ye wɔ nwomaa he anu ne, okoli so. Na maen ne amukoraa belele apam ne bɛtole nu kyɛ bekoli so.

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

2 Aberɛso Dwirɛ 17:3

AWURADE gyinane Yehosafate si, ofikyɛ bra paa bɔ ye nana Dawide bɔle ne, ye bie yeɛ ɔbɔle ɔ. Wanzo mmosoen Baal mɔ,

2 Aberɛso Dwirɛ 6:16

Yiti ao, AWURADE Yisrael Nyameɛ, ma ɛbɔ bɔ ɛhyɛle wɔ somvoɛ me baba Dawide ne, ɔhɔ so ɔtena berɛ. Ɛhane kyɛ, ‘Sɛ wɔ boso ama bɛye bɛ kunu bedi me dwirɛ so kyɛbɔ ayɔ ne ala a, ye de wɔ bosoniɛ bɔ ɔkɔtena Yisrael bia so wɔ me nyunu ne, ɔngɔbɔ wɔ le.’

2 Aberɛso Dwirɛ 7:18

ye de ngɔma w’ahennie ne, ye bo kotimu, kyɛbɔ me ne wɔ baba Dawide yɛyɛle apam kyɛ, ‘Sona bɔ odi wɔ bia odi Yisrael so hene ne, ɔngɔbɔ wɔ le’ ne.

Edwein 119:9

Ɔkɔyɛ sɛɛ né aberandeɛ ama ye bra ayɛ sannwuu? Sana ɔnea wɔ dwirɛ ne aso ɔbɔ ye bra.

Edwein 37:22

Ofikyɛ bɛ bɔ AWURADE ayira bɛ ne, bɛ yeɛ bɛ sa kɔhã aseɛ ne ɔ; nakoso bɛ bɔ wanoma bɛ ne de, bɛ boso konua.

Edwein 37:9

Ofikyɛ bekonua bɔnefoɛ bɛ boso, nakoso bɛ bɔ bɛ nye la AWURADE so ne de, bɛ sa kɔhã aseɛ ne.

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Yeremia 33:17

“Ofikyɛ AWURADE nwa nyoo: Sona bɔ ɔkɔtena Yisrael awuro ama ahennie bia so ne, ɔngɔbɔ Dawide le,

Lewitikɔso 26:3

“Sɛ ɛmɔdi m’ahyɛdeɛ so, ɛmɔyɛ me mmeraa dwirɛ nwo sotie, ná ɛmɔfa bɛyɔ adwuma nahorɛ nu a,

Sakaria 14:2

Ofikyɛ ngɔboaboa maen maen mukoraa bɛ noa maa bɛkɔfa koɛ bɛkɔteta Yerusalem, bɛkɔho bɛkɔfa kuro ne, bɛkɔfẽ awuro nemɔ anu nningyein, ná bato mmrasua nemɔ mmɔnaa. Kuro ne anu ama ne, bɛkɔhye nu bue nnure bɛkɔhɔ, nakoso maen ne ngaa de, bengohu bɛ ngofi kuro ne anu.

Mateo 22:37

Na Yesu buale ye kyɛ, “Fa w’ahone amukoraati, wɔ kra mukoraati, ɔne w’adwene amukoraati kuro AWURADE wɔ Nyameɛ dwirɛ!

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Deuteronomi 10:12

“Yiti afei, Yisrael, nzikyɛ yeɛ AWURADE wɔ Nyameɛ pena fi wɔ berɛ ɔ? Bɔ ɔpena ole kyɛ ekosuro AWURADE wɔ Nyameɛ, ná ɛkɔfa ye atee mukoraa so, ná ekohuro ye dwirɛ, ná ɛkɔfa w’ahone mukoraati ne wɔ kra mukoraati ɛkɔso AWURADE wɔ Nyameɛ ɔ,

Deuteronomi 11:13

“Na sɛ ɛmɔtie me mmeraa dwirɛ bɔ méhyɛ méma ɛmɔ ɛnɛ ye, ná ɛmɔkuro AWURADE ɛmɔ Nyameɛ dwirɛ, ná ɛmɔfa ɛmɔ ahone mukoraati ne ɛmɔ kra mukoraati bɛso ye a,

Deuteronomi 6:5

Fa w’ahone mukoraati, wɔ kra mukoraati, ɔne w’anwoserɛ mukoraati kuro AWURADE wɔ Nyameɛ dwirɛ.

Deuteronomi 7:12

“Na sɛ ɛmɔyɛ asoɛ betie sɔ nhyehyɛleɛ hemɔ, ná ɛmɔdi so pɛpɛɛpɛ a, ye de adɔeɛ apam bɔ AWURADE wɔ Nyameɛ tale ye nwo ndaen hyirele wɔ nana mɔ ne, AWURADE koli so kɔma wɔ.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,