1 Ahemvo 2:3 - AHYERƐLƐ KRONGRON

³ ná di bɔ AWURADE wɔ Nyameɛ wahyɛ wɔ kyɛ ɛyɔ ne aso. Tie ye dwirɛ, ná di ye ahyɛdeɛ, ye mmeraa dwirɛ, ye nhyehyɛleɛ ne ye noa dwirɛ so, kyɛbɔ bahyerɛ ye wɔ Mose mmeraa ne anu ne, amaa wayie wɔ yé wɔ nikyee biala bɔ ɛkɔyɔ ɔ nu, ɔne nekaa biala bɔ ɛkɔhɔ ɔ.

1 Ahemvo 2:3 Iomraidhean Croise

2 Samuel 8:14

Ɔmane ye koɛhonɛfoɛ bɛɛkyekyele asikyeleɛ wɔ Edom. Bɛkyekyele ye wɔ Edom amukoraa, na Edomfoɛ amukoraa bɛɛyɛle Dawide ngoaa. Na AWURADE mane Dawide lili ngonim wɔ koɛ biala bɔ ɔhone ɔ nu.

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

1 Ahemvo 3:3

Solomon hurole AWURADE dwirɛ, na olili ye baba Dawide ahyɛdeɛ so. Nakoso né ɔyɛ a, ɔbɔ afɔleɛ ná ɔyera ɛyɛɛ wɔ asɔneyɛɛ nemɔ aso.

2 Ahemvo 18:7

Nikyee biala bɔ ɔyɔle ne, oyiele ye yé ofikyɛ AWURADE gyinane ye si. Ɔyɛle Asiria hene nwo lɔen, na wanzo ye.

1 Aberɛso Dwirɛ 29:19

Ma mma Solomon onya adwene paa bɔ ɔkɔfa kɔyɛ sotie kɔma wɔ mmeraa dwirɛ, wɔ noa dwirɛ ne w’ahyɛdeɛ, ná okoli bɛ mukoraa so, amaa wasi asɔneyɛɛ sua bɔ mapena ye nwo nningyein magua berɛ ne.”

Edwein 119:111

Wɔ noa dwirɛ ne te m’agyapadeɛ afebɔɔ; na ɔma me anigye wɔ m’ahone nu.

Edwein 119:138

Tenenee nu ne nahorɛlilɛ amukoraa nu yeɛ ahyehyɛ wɔ noa dwirɛ ɔ.

Edwein 119:2

Bɛ bɔ bedi ye noa dwirɛ so, ná bɛfa b’ahone amukoraa bedi ye si ne, benya saleɛ.

Edwein 19:7

AWURADE mmeraa ne te pɛpɛɛpɛ, ɔkanyane sona kra; AWURADE dwirɛ te nahorɛ, na ɔma sona tetekwaa onwu nworɛ.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Lewitikɔso 8:35

Ɛ́mɔtena ɛtena sua atenaleɛ anoa nu berɛ eyia ne kɔngɔen ɛlɛsoo, ná ɛ́mɔyɔ bɔ AWURADE ahyɛ ne, amaa ɛmɔanwu ofikyɛ sɔ yeɛ AWURADE hyɛle me ɔ.”

Malaki 4:4

“Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye.

Deuteronomi 29:8

Yɛfale b’aseɛ ne, na yɛfa yɛmane Rubenfoɛ, Gadefoɛ ne Manase abusua kure ne bue maa ɔyɛle b’agyapadeɛ.

Deuteronomi 29:9

Yiti ɛ́mɔli apam he anu dwirɛ so nahorɛ nu, amaa ɔnate so bɔ ɛmɔkɔyɔ biala wasi ɛmɔ yé.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Deuteronomi 4:45

Ɛhemɔ te edwirɛ, ahyɛdeɛ ne nhyehyɛleɛ bɔ Mose fa mane Yisraelfoɛ wɔ mmerɛ bɔ befili Misraim bɛwale ne,

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Deuteronomi 4:8

Aso maen titire foforɛ bie wɔ berɛ, bɔ ole ahyɛdeɛ ne nhyehyɛleɛ bɔ ɔtengyɛ kyɛ sɔ mmeraa he amukoraa bɔ méfa méma ɛmɔ ɛnɛ ye ɔ?

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Yosua 22:5

Ɛ́mɔnea yé ná ɛ́mɔli mmeraa dwirɛ ne mmeraa bɔ AWURADE somvoɛ Mose hyehyɛ mane ɛmɔ ne aso: kyɛ ɛmɔhuro AWURADE ɛmɔ Nyameɛ dwirɛ, kyɛ ɛ́mɔli ye dwirɛ amukoraa so, kyɛ ɛ́mɔli ye mmeraa dwirɛ so, kyɛ ɛ́mɔfa bɛ nwo bɛbɔ ye, ná ɛ́mɔfa ɛmɔ ahone mukoraa ne ɛmɔ kra mukoraa bɛso ye.”

Yosua 23:6

Yiti ɛ́mɔmia ɛmɔ nye, ná ɛ́mɔnea kyɛ nikyee biala bɔ bahyerɛ ye Mose mmeraa nwomaa ne anu ne, ɛmɔkoli so ná ɛmɔkɔyɔ ɔ. Nnɛma ɛmɔdi ye nwo makyebu bɛkɔ famaa so anaa bɛen so;

1 Samuel 18:14

Dawide nyane ngɔsoɛ wɔ bɔ ɔyɔle amukoraati nu, ofikyɛ AWURADE lili ye si.

1 Samuel 18:30

Né ɔyɛ a Filisti safohene nemɔ bɛba kyɛ bɛbaaho koɛ. Na mmerɛ biala bɔ bɛwale nen, Dawide lili bɛ so ngonim trale Sɔɔlo somvoɛ ngaa ne amukoraati. Na ɛhe mane Dawide lele dumaa paa.

1 Samuel 18:5

Koɛ biala bɔ Sɔɔlo somane Dawide maa ɔɔhone ne, olili ngonim, yiti Sɔɔlo maa ɔlale koɛhonɛfoɛ nemɔ noa. Na ɛhe yɛle koɛhonɛfoɛ ne amukoraa ne Sɔɔlo somvoɛ nemɔ po fɛ.