1 Ahemvo 13:3 - AHYERƐLƐ KRONGRON

³ Sɔ kyẽa ne ala, ngɔmhyɛlɛniɛ ne hyirele sɛngyerɛnneɛ bie bɔ okosi ɔ. Ɔnwa, “Ɛhe ole sɛngyerɛnneɛ bɔ okyire kyɛ AWURADE yeɛ wadwudwo ɔ: Afɔleɛ bokyea ne, okobubu. Na afei, so nzoen ne koso, okohwie kogua ase.”

1 Ahemvo 13:3 Iomraidhean Croise

1 Ahemvo 13:4

Nana Yeroboam tele edwirɛ bɔ Nyameɛ sona ne hã tiale afɔleɛ bokyea bɔ ɔwɔ Betel nen, Yeroboam tengyɛle ye sa fili afɔleɛ bokyea ne aso sele kyɛ, “Ɛ́mɔhye ye!” Nakoso ye sa bɔ ɔtengyɛle fa hyirele ye so ne, ɔnwenwene bɔ wangora wandwe wanza ɔ.

2 Ahemvo 20:8

Yeɛ Hesekia bisale Yesaya kyɛ, “Nzikyɛ sɛngyerɛnneɛ yeɛ okyire kyɛ AWURADE kɔsa me anwonyerɛ, ná afei mahɔ AWURADE asɔneyɛɛ sua ne anu ɛlɛsa ne aso ɔ?”

Ɛksadɔso 4:1

Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 7:10

Yiti Mose ne Aarɔn hɔle Faro berɛ bɛɛyɔle kyɛbɔ AWURADE hyɛle bɛ ne. Aarɔn gyili ye pɔmaa ne tole Faro ne ye mbanyi mɔ nyunu berɛ, na ɔkakyili ewoo.

Yesaya 38:22

Né Hesekia abisa kyɛ, “Nzikyɛ sɛngyerɛnneɛ yeɛ okyire kyɛ ngɔhɔ AWURADE awuro ne anu ɔ?”

Yeremia 44:29

Na ɛhe kɔyɛ sɛngyerɛnneɛ kɔma ɛmɔ, AWURADE noa dwirɛ ɛne, kyɛ ngɔhwe ɛmɔ so wɔ wa, amaa ɔnate so ɛmɔanwu kyɛ amba, me noa dwirɛ kɔwa nu kɔprapra amaneɛ kogua ɛmɔ so.

Yohane 2:18

Yeɛ Yudafoɛ nemɔ bisale ye kyɛ, “Nzɛngyerɛnneɛ beni yeɛ ɛkɔyɔ kɔfa kohyire yɛ kyɛ ele ye nwo ate kyɛ ɛyɔ ɛhe ɔ?”

1 Korintofoɛ 1:22

Ofikyɛ Yudafoɛ bɛpena nzɛngyerɛnneɛ, yeɛ Helafoɛ koso bɛpena ewiase nworɛ.

Maenbulɛfoɛ 6:17

Yeɛ Gideon sele AWURADE kyɛ, “Sɛ anya alo me de a, né nzaade maa nwu sɛngyerɛnneɛ bɔ okyire kyɛ wɔ yeɛ ɛne me dwudwo ye.

1 Samuel 2:34

Na bɔ ɔkɔto wɔ mma nyɔ Hofini ne Finehase ne de, ɔkɔyɛ sɛngyerɛnneɛ kɔma wɔ: bɛ munyɔ bekowu ɛlɛho.