ᔨᐸᓁᐊᐅᑉ ᐊᒡᓚᖏᑦ 3:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᕐᓴᕐᓂᐊᕐᐸᒃᑲ ᐅᖃᐅᓯᕐᑖᕐᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᕐᑐᕐᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 3:9 Iomraidhean Croise

ᒨᓯᓯ ᓯᕗᓪᓖᑦ 11:1

ᑍᑦᓱᒪᓂᐊᓗᒡᓕ ᓄᓇᕐᔪᐊᑉ ᐃᓄᓕᒫᖏᑦ ᐅᖃᐅᓯᖃᓚᐅᕐᐳᑦ ᐊᑕᐅᓯᕐᒥᒃ ᐅᖃᐅᓯᖃᑎᒌᒃᓗᑎᒃ.

ᒨᓯᓯ ᓯᕗᓪᓖᑦ 4:26

ᓰᑎᓗ ᐃᕐᓂᕐᑖᓚᐅᕆᕗᖅ, ᐊᑎᖃᕐᑎᓪᓗᒍᓗ ᐃᓅᓯᒥᒃ. ᑍᑦᓱᒪᓂᐅᑎᓪᓗᒍ ᐃᓄᐃᑦ ᐊᑕᓂᕐᒧᑦ ᑐᒃᓯᐊᖃᑦᑕᓕᓚᐅᕐᐳᑦ ᐊᑎᖓ ᑍᓪᓗᒍ.

ᐃᓐᖏᕈᑎᑦ 113:3

ᓯᕿᓂᐅᑉ ᓄᐃᓕᕐᓂᖓᓂᑦ ᓂᐱᓂᖓᓄᑦ ᑎᑭᓪᓗᒍ ᐊᑕᓂᐅᑉ ᐊᑎᖓ ᓂᕐᑐᕐᑕᐅᔪᒃᓴᐅᕗᖅ!

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐂᓮᐊᓯᐅᑉ ᐊᒡᓚᖏᑦ 19:18

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᓄᓇᓕᒃᔪᐊᖁᑎᖏᓐᓂ ᑕᓪᓕᒤᓂ, ᑬᓇᓂᒥᐅᑎᑐᑦ ᐅᖃᐅᓯᖃᕐᓗᑎᒃ ᐊᖏᖃᑎᒌᒍᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᒪᓕᒍᒪᓗᑎᒃ; ᓄᓇᓕᒡᔪᐊᓪᓗ ᐃᓚᖓᑦ ᐊᑦᓯᕐᑕᐅᓗᓂ “ᓯᕿᓂᕐᒥᒃ.”

ᐂᓮᐊᓯᐅᑉ ᐊᒡᓚᖏᑦ 57:19

ᓮᒪᓂᕐᑕᖃᕐᓕ, ᓮᒪᓂᕐᑕᖃᕐᓕ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐊᑕᓂᖅ ᐅᖃᕐᐳᖅ; ᑕᕝᕙ ᐋᖅᑭᒍᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 6:7

ᖃᓂᕋᓗ ᐊᐅᒪᒧᑦ ᐊᒃᑐᕐᓗᒍ ᐅᖃᕐᐳᖅ, “ᑕᑯᒋᑦ, ᐆᒪ ᖃᓃᑦ ᐊᒃᑐᕐᒪᒍ; ᐊᔪᕐᑐᓕᓂᑎᑦ ᐲᕐᑕᐅᕗᑦ, ᐊᔪᕐᓂᑎᓪᓗ ᐃᓱᒪᒋᔪᓐᓁᕐᑕᐅᕗᑦ.”

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 37:17

ᑖᒃᑯᐊᒃ ᑲᓱᕐᑎᓪᓗᒋᒃ ᐊᑕᐅᓯᐅᓕᓗᒍ ᐊᔭᐅᑉᐱᐊᕈᕐᑎᒍᒃ, ᐊᑕᐅᓯᓐᖑᖁᓪᓗᒋᒃ ᑎᒍᒥᐊᕐᓗᒋᒃ ᐊᒡᒐᖕᓂ.

ᕼᐊᐸᑲᐅᑉ ᐊᒡᓚᖏᑦ 2:14

ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 2:11

ᐊᑕᓂᖅ ᑲᒪᓇᕐᑐᒃᑯᑦ ᐱᓂᐊᕐᓂᖃᕈᒫᕐᐳᖅ ᑖᒃᑯᓄᖓ, ᓄᖑᑎᑦᓱᒫᕐᒪᒋᑦ ᒎᑎᓐᖑᐊᑦ ᓄᓇᕐᔪᐊᒦᑦᑐᑦ. ᐃᓄᓕᒫᑦ ᑐᒃᓯᐊᕐᕕᒋᔪᒫᕐᐹᑦ ᐊᖏᕐᕋᒥᖕᓂ, ᐃᓛᒃ ᓯᒡᔭᒥ ᓄᓇᖃᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᒃᓯᐊᕐᕕᒋᔪᒫᕐᐹᑦ.

ᓴᑲᕅᐊᐅᑉ ᐊᒡᓚᖏᑦ 14:9

ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ: ᑍᑦᓱᒪᓂᓗ ᐊᑕᓂᖃᕈᒫᕐᐳᖅ ᐊᑕᐅᓯᕐᒥᒃ, ᐊᑎᖓᓗ ᐃᑦᔪᕐᓁᑦᑑᓗᓂ.

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 12:35

ᐃᓄᒃ ᐱᐅᔪᖅ ᐱᐅᔪᓂᒃ ᓴᖅᑭᑎᑦᓯᕙᒃᐳᖅ ᐱᐅᔪᓂᒃ ᑲᑎᕐᓯᕕᖕᒥᓂᑦ; ᐃᓄᒡᓕ ᐱᐅᖏᑦᑐᖅ ᐱᐅᖏᑦᑐᓂᒃ ᓴᖅᑭᑎᑦᓯᕙᒃᐳᖅ ᐱᐅᖏᑦᑐᓂᒃ ᑲᑎᕐᓯᕕᖕᒥᓂᑦ.

ᐃᐱᓯᒥᐅᓄᑦ 4:29

ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”