ᔨᐸᓁᐊᐅᑉ ᐊᒡᓚᖏᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᔨᐸᓁᐊᐅᑉ ᐊᒡᓚᖏᑦ 3:8 Iomraidhean Croise

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 123:2

ᑕᑯᒋᑦ, ᓲᕐᓗ ᐱᔨ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ, ᐱᔨᐅᔪᕐᓗ ᐊᕐᓇᖅ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ; ᑍᒫᒃᑕᐅᖅ ᑕᑎᖃᕐᓂᐊᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᑖᑦᓱᒪ ᓂᑲᒍᓱᓕᕐᓂᐊᕐᓂᖓᓂᒃ ᐅᕙᑦᑎᓐᓂᒃ ᐅᑕᖅᑭᓗᑕ.

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᐃᓐᖏᕈᑎᑦ 37:34

ᐊᑕᓂᖅ ᐅᑕᖅᑭᒍᒃ, ᐊᖅᑯᑎᖓᓃᑦᓮᓐᓇᕐᓗᑎᓪᓗ, ᑕᕝᕙ ᐊᖏᔪᕈᕐᑎᓐᓂᐊᕐᐹᑎᑦ ᓄᓇᒥᒃ ᑭᖑᕐᖑᑦᔨᑎᓐᓂᐊᕐᒪᑎᑦ. ᑕᑯᔪᒫᕐᐳᑎᓪᓗ ᐱᐅᖏᑦᑐᓕᔪᑦ ᐃᓚᒋᔭᐅᔪᓐᓁᕐᑎᑕᐅᑎᓪᓗᒋᑦ.

ᐃᓐᖏᕈᑎᑦ 37:7

ᐊᑕᓂᕐᒥ ᐃᓂᓪᓚᖓᓕᕆᑦ, ᕿᓄᐃᓵᕐᓗᑎᓪᓗ ᐅᑕᖅᑭᑦᓯᐊᕆᑦ ᑖᑦᓱᒥᖓ; ᐱᓂᐊᕐᓗᖕᓂᕐᒥᖕᓂᒃ ᑲᔪᓯᑎᑦᓯᔪᑦ ᐃᓱᒫᓗᓕᕈᑎᒋᑦᑍᓕᒃᑭᑦ ᐅᕝᕙᓗ ᐱᐅᖏᑦᑐᒥᒃ ᐱᓇᓱᐊᕐᑐᑦ ᑲᔪᓯᓂᕆᔭᖏᑦ.

ᐃᓐᖏᕈᑎᑦ 62:1

ᑕᕐᓂᕋ ᓂᐱᖃᕋᓂ ᐅᑕᖅᑭᕗᖅ ᒎᑎᑐᐊᒥᒃ; ᐱᐅᓕᔭᐅᓂᕋ ᑖᑦᓱᒪᓐᖓᑦ ᐱᖕᒪᑦ.

ᐃᓐᖏᕈᑎᑦ 62:5

ᑕᕐᓂᕋ ᒎᑎᒥᒃ ᑖᑦᓱᒥᖓᑐᐊᖅ ᐅᑕᖅᑭᕗᖅ ᕿᓄᐃᓵᕐᓗᓂ, ᑖᑦᓱᒪᓐᖓᑦ ᓂᕆᐅᒋᔭᖃᕋᒪ.

ᐃᓐᖏᕈᑎᑦ 79:5

ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᓂᓐᖓᐅᒪᓂᐊᕐᐲᑦ? ᓯᖕᓇᓂᕐᒧᑦ ᓂᓐᖓᐅᒪᓃᑦ ᐃᑯᒪᑎᑐᑦ ᐃᑯᐊᓚᑏᓐᓇᕐᓂᐊᕐᐱᐅᒃ?

ᐃᓐᖏᕈᑎᑦ 79:6

ᓂᓐᖓᐅᒪᖔᓚᐅᕆᑦ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ; ᐊᖓᔪᖅᑲᐅᕕᖕᓄᓪᓗ ᐃᓕᖕᓂᒃ ᑐᒃᓯᐊᕐᕕᖃᕐᐸᖏᑦᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:22

ᐅᖃᕐᓂᐊᕐᓇᒃ, “ᐱᐅᖏᑦᑐᖅ ᐊᑭᓂᐊᕐᐸᕋ”; ᐊᑕᓂᕐᒥᒡᓕ ᐅᑕᖅᑭᓕᕆᑦ, ᑕᕝᕙ ᐃᑲᔪᕐᓂᐊᕐᐹᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 8:6

ᐆᒻᒪᑎᖕᓄᑦ ᓇᕿᑦᔪᑎᑐᑦ ᐅᒃᑯᐃᕐᑕᐅᑦᔧᒃᑯᑎᑐᑦ ᑍᒤᓚᐅᓐᖓ, ᑕᓕᕐᓄᓪᓗ ᐊᓯᓐᓂᒃ ᐃᕿᑦᓯᑦᑍᓕᑦᔪᑎᑐᑦ; ᓇᒡᓕᖕᓂᖅ ᑐᖁᒧᑦ ᐃᓕᖓᔫᔮᕐᒪᑦ, ᓯᖕᓇᓂᕐᑐᓪᓗ ᐃᓗᕕᐅᑉ ᑲᑉᐱᐊᓇᕐᓂᖓᑐᑦ ᑍᒤᑦᑐᑐᑦ; ᐃᑯᒪᖓ ᐃᑯᐊᓚᕗᖅ ᐃᑯᒪᕐᔪᐊᑐᑦ.

ᐂᓮᐊᓯᐅᑉ ᐊᒡᓚᖏᑦ 14:26

ᐋᖅᑭᒃᓯᒪᔭᕋ ᐃᒤᑉᐳᖅ ᓄᓇᕐᔪᐊᓕᒫᖅ ᐱᓪᓗᒍ; ᑕᓕᕋ ᑕᕝᕙ ᐃᓴᒃᓯᒪᔪᖅ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 34:2

ᐊᑕᓂᐅᑉ ᓂᓐᖓᒡᕕᒋᖕᒪᒋᑦ ᐃᓅᖃᑎᒌᒡᔪᐊᑦ, ᐅᓇᑕᕐᑐᒃᓴᖁᑎᖏᓪᓗ ᑕᒪᕐᒥᒃ ᓂᓐᖓᐅᑎᓯᒪᕔᑦ; ᐊᓯᕈᕐᑕᐅᔪᒃᓴᕈᕐᑎᑉᐰᑦ, ᑐᖁᕋᕐᑕᐅᔪᒃᓴᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 63:6

ᐃᓅᖃᑎᒋᒡᔪᐊᑦ ᑐᓪᓕᓚᐅᕋᒃᑭᑦ ᓂᓐᖓᐅᒪᓂᕐᒧᑦ, ᓂᓐᖓᐅᒪᓂᓐᓂᒃ ᐃᒥᕐᑎᓚᐅᕐᐸᒃᑲ, ᐊᐅᖏᓪᓗ ᑯᕕᑎᓪᓗᒋᑦ ᓄᓇᒧᑦ.”

ᔨᕆᒤᐊᐅᑉ ᐊᒡᓚᖏᑦ 10:25

ᓂᓐᖓᐅᑦᔨᓃᑦ ᑲᔪᓯᑎᓕᕈᒃ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ, ᐊᑎᕐᓄᓪᓗ ᑐᒃᓯᐊᕐᐸᖏᑦᑐᓄᑦ, ᔧᑰᑉ ᑭᖑᕚᖏᓐᓂᒃ ᐊᓯᕈᐃᓯᒪᖕᒪᑕ; ᓄᖑᕈᑎᑦᓯᐊᕐᓗᒍ ᓄᓇᖓᓐᓂᒡᓗ ᓄᓇᒋᔭᒃᓴᐅᔪᓐᓃᕐᑎᑦᓯᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 12:6

ᒎᑎᖕᓄᑦ ᐃᑲᔪᕐᑕᐅᓗᑎᑦ ᑖᑦᓱᒧᖓ ᐅᑎᓕᕆᑦ, ᓇᒡᓕᖕᓂᕐᒥᒃ ᒪᓕᑦᓯᐊᕐᓂᕐᒥᒡᓗ ᑎᒍᒥᐊᑦᓯᐊᓕᕆᑦ, ᐅᑕᖅᑭᑦᓯᐊᕐᓗᑎᓪᓗ ᒎᑎᖕᓂᒃ ᑲᔪᓯᑦᓯᐊᕐᓗᑎᑦ.

ᔪᐃᓕᐅᑉ ᐊᒡᓚᖏᑦ 3:2

ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᕐᐸᒃᑲ, ᔨᕼᐆᓴᐸᐅᓪᓗ ᓇᕐᓴᖓᓄᐊᕈᑎᔪᒫᕐᐸᒃᑲ, ᑍᑲᓂᓗ ᐃᖅᑲᕐᑐᕈᒫᕐᐸᒃᑲ, ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ, ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᕐᑎᑦᓯᓚᐅᕐᑐᑦ ᐃᓅᖃᑎᒌᒡᔪᐊᓄᑦ; ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᒪᑕ.

ᒤᑲᐅᑉ ᐊᒡᓚᖏᑦ 7:7

ᐅᕙᖓᓕ ᐊᑕᓂᕐᒥᒃ ᓂᕆᐅᒃᐳᖓ; ᐅᑕᖅᑭᓪᓗᖓᓗ ᒎᑎᓐᓂᒃ ᐱᐅᓕᕐᓯᔨᓐᓂᒃ, ᒎᑎᒪᓗ ᑐᓴᕐᓂᐊᕐᐹᖓ.

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᕼᐊᒊᑉ ᐊᒡᓚᖏᑦ 2:22

ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᕐᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᓂᖏᑦ ᐊᓯᕈᕐᓂᐊᓕᕐᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᕐᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 25:32

ᐃᓅᖃᑎᒌᒡᔪᐊᓂᑦ ᑕᒤᓐᓂᑦ ᐱᓯᒪᔪᑦ ᓵᖓᓄᑦ ᑲᑎᕐᓱᕐᑕᐅᔪᒫᕐᐳᑦ, ᑕᕝᕙᓂ ᐊᕕᑎᑦᓱᒫᕐᐰᑦ ᒪᕐᕈᐃᓕᓗᒋᑦ ᓲᕐᓗ ᓰᐱᓕᕆᔨ ᐊᕕᑎᑦᓯᕙᖕᒪᑦ ᓰᐱᓂᒃ ᒎᑦᓯᓂᒡᓗ.

ᐲᑦᑐᕉᓯ ᐂᑉᐸᖏᑦ 3:10

ᐊᑕᓂᐅᓪᓕ ᐅᓪᓗᖓ ᑎᑭᑦᓱᒫᕐᐳᖅ ᑎᒡᓕᒋᐊᑐᕐᑐᑐᑦ ᕿᓚᒡᓗ ᓄᖑᔪᒫᕐᐳᖅ ᓂᐱᖅᑯᕐᑐᔪᐊᓘᓗᓂ, ᕿᓚᖕᒦᑦᑐᓪᓗ ᓄᖑᔪᒫᕐᐳᑦ ᐃᑯᐊᓪᓚᒡᓗᑎᒃ, ᓄᓇᕐᔪᐊᕐᒥᑦᑐᑦ ᓱᓇᑐᐃᓐᓇᓕᒫᓪᓗ ᐱᓇᓱᐊᕐᑕᐅᓯᒪᔪᑦ ᑕᑉᕙᓂ ᓴᖅᑭᑎᑕᐅᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:1

ᑐᓴᕐᐳᖓᓗ ᓂᐱᖅᑯᕐᑐᔪᒥᒃ ᑐᒃᓯᐊᕐᕕᒡᔪᐊᒥᑦ ᐱᔪᒥᒃ ᐅᖃᐅᑦᔨᔪᒥᒃ ᐂᖏᓕᓂᒃ 7ᓂᒃ, “ᖃᓪᓗᑏᑦ 7 ᑯᕕᔭᕐᑐᓕᕐᓯᐅᒃ ᓄᓇᕐᔪᐊᕐᒧᑦ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓖᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:14

ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.