ᔨᐸᓁᐊᐅᑉ ᐊᒡᓚᖏᑦ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᓂᕆᓚᐅᕐᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᒥᒃ ᓄᖑᑎᑦᓱᒫᕐᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᕐᓯᒪᓂᐊᕈᓐᓁᕐᐳᓯ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.

ᔨᐸᓁᐊᐅᑉ ᐊᒡᓚᖏᑦ 3:11 Iomraidhean Croise

ᐃᓐᖏᕈᑎᑦ 131:1

ᐊᑕᓃᖅ, ᐆᒻᒪᑎᒐ ᐊᖏᒡᓕᑎᕐᓯᒪᔪᓐᓃᕐᐳᖅ, ᐃᔩᒃᑲᒡᓗ ᐱᐅᔪᕆᔪᓐᓃᕐᐴᒃ; ᐅᕙᓐᓂᒃᓘᓐᓃᑦ ᐱᓪᓚᕆᐅᑎᑦᓱᓐᓃᕐᐳᖓ, ᑕᒪᒃᑯᐊᓘᓐᓃᑦ ᐅᕙᓐᓄᑦ ᐊᖏᓗᐊᓕᕐᐳᑦ.

ᐃᓐᖏᕈᑎᑦ 49:5

ᓱᖕᒪᑦ ᐅᓪᓗᓂᒃ ᐱᐅᖏᑦᑐᓂᒃ ᓯᕘᕋᔭᕆᐊᖃᕐᐳᖓ, ᐱᐅᖏᑦᑐᓕᓂᕐᒧᑦ ᐅᐃᕕᕆᒃᓯᔪᓂᑦ ᑬᕙᓪᓚᒃᑕᐅᓯᑎᓪᓗᖓ?

ᐃᓐᖏᕈᑎᑦ 59:12

ᖃᓂᕐᒥᒍᑦ ᐊᔪᕐᑐᓕᓂᖏᑦ, ᐅᖃᐅᓯᕆᔭᖏᓪᓗ ᐱᓪᓗᒋᑦ, ᐱᐅᔪᕆᓂᕐᒥᖕᓄᑦ ᐃᒻᒥᖕᓂᒃ ᒥᑭᒋᐊᕐᑎᓚᐅᕐᓕᑦ. ᓱᕈᕐᑎᕆᓃᑦ ᓴᒡᓗᓃᓪᓗ ᐅᖃᐅᓯᕆᔭᖏᑦ ᐱᓪᓗᒋᑦ,

ᐂᓮᐊᓯᐅᑉ ᐊᒡᓚᖏᑦ 11:9

ᐋᓐᓂᕐᑕᐅᔪᖃᕈᒫᓐᖏᓚᖅ ᑐᖁᑕᐅᔪᖃᖏᓪᓗᓂᓗ, ᐃᓘᓐᓇᖏᓐᓂᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ; ᓄᓇᓗ ᑕᑕᑦᓱᒫᕐᐳᖅ ᐊᑕᓂᕐᒥᒃ ᖃᐅᔨᒪᔭᖃᑦᓯᐊᕐᓂᕐᒥᒃ ᓲᕐᓗ ᑕᕆᐅᕌᓗᐃᑦ ᐃᒪᕐᐱᖕᒥ ᐅᓕᒃᓯᓯᒪᓂᖓᑐᑦ.

ᐂᓮᐊᓯᐅᑉ ᐊᒡᓚᖏᑦ 2:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᓪᓗᒃᓴᖃᕐᒪᑦ ᐊᑭᕋᕐᑐᕐᓗᓂ ᐱᐅᔪᕆᔪᓂᒃ ᑕᒤᓐᓂᒃ ᐱᔪᓐᓇᕋᓱᒋᔪᓂᒡᓗ, ᐊᑭᕋᕐᑐᕐᓗᓂᓗ ᐅᐱᓐᓇᕐᓂᕋᕐᑕᐅᔪᓂᒃ ᖁᕝᕙᓯᒐᓱᐊᕐᑐᓂᒡᓗ, ᑕᒤᓐᓂᒃ;

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 5:15

ᐃᓄᐃᑦ ᐅᑯᑎᑕᐅᕗᑦ, ᐊᖑᑎᓕᒫᓪᓗ ᓇᓗᖅᑯᑎᓕᕐᑎᑕᐅᓪᓗᑎᒃ, ᐱᐅᔪᕆᔪᓪᓗ ᒥᒃᓕᓕᕐᑎᑕᐅᕗᑦ ᓯᑭᖓᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 54:4

ᑲᑉᐱᐊᓱᒃᑍᓕᒋᑦᓯ, ᑲᓐᖑᓇᕐᑐᒧᐊᕐᑎᑕᐅᓂᐊᓐᖏᓚᓯ; ᓇᓗᓕᕐᑎᑕᐅᓂᐊᓐᖏᓚᓯᓗ, ᑲᓐᖑᓱᒃᑎᑕᐅᓂᐊᕋᓯᓗ; ᐅᕕᒐᕐᑑᓂᑦᓯᓐᓄᑦ ᑲᓐᖑᓇᕐᑐᒦᓐᓂᕆᕙᓚᐅᕐᑕᓯ ᐳᐃᒍᕈᒫᕐᐸᓯ; ᐅᐃᒡᒐᕐᓂᐅᓂᑦᓯᓐᓄᑦ ᓇᕐᕈᓇᕈᑎᒋᓚᐅᕐᑕᓯ ᐃᖅᑲᐅᒪᔪᓐᓁᕈᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 13:9

ᐅᖃᕐᓗᓂ: “ᐃᒫᒃ ᐊᑕᓂᖅ ᐅᖃᕐᐳᖅ: ᑍᒫᒃᑕᐅᖅ ᔫᑕᒥᐅᑦ ᔨᕉᓴᓕᒥᐅᓪᓗ ᐱᐅᔪᕆᓂᖏᑦ ᐱᐅᔪᓐᓃᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 7:4

ᐅᖃᐅᓯᑦᓯᓐᓄᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᓕᕌᖓᑦᓯ, ‘ᐊᑕᓂᐅᑉ ᐅᓇ ᑐᒃᓯᐊᕐᕕᒃᔪᐊᖁᑎᖓ, ᐊᑕᓂᐅᑉ ᑕᕝᕙ ᑐᒃᓯᐊᕐᕕᒡᔪᐊᖁᑎᖓ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓ!’

ᐃᓯᑭᐊᓕᐅᑉ ᐊᒡᓚᖏᑦ 20:40

ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 9:20

ᐅᖃᓪᓚᒃᑎᓪᓗᖓ ᑐᒃᓯᐊᕐᑎᓪᓗᖓᓗ, ᖃᕿᐊᓕᕐᑎᓪᓗᖓᓗ ᐊᔪᕐᓂᓐᓂᒃ, ᐃᓅᖃᑎᒪᓗ ᐃᓴᕆᐊᐊᓕᑎᑦ ᐊᔪᕐᓂᖏᓐᓂᒃ, ᕿᓄᑎᓪᓗᖓᓗ ᐊᑕᓂᕐᒧᑦ ᒎᑎᓐᓄᑦ ᖃᖅᑲᖅ ᐃᑦᔪᕐᓁᑦᑐᖅ ᐱᒋᔭᖓ ᐱᓪᓗᒍ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒨᓯᓯ ᓯᑕᒪᖏᑦ 16:3

ᑲᑎᓪᓗᑎᒃ ᐊᑭᕋᕐᑐᓕᕐᐳᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᖕᓄᖓ ᐅᖃᕐᓗᑎᒃ, “ᐃᓕᑦᓯᓐᓂᒃ ᐊᖓᔪᖅᑳᖑᑎᓗᐊᕋᑦᓯᒃ, ᐃᓅᖃᑎᒌᒡᔪᐊᑦ ᐃᑦᔪᕐᓁᑦᑑᖕᒪᑕ, ᑕᒪᕐᒥᑦᓯᐊᖅ, ᐊᑕᓂᐅᓪᓗ ᐃᓚᒋᖕᒪᒋᑦ. ᓱᖕᒪᑦ ᐃᓕᑦᓯᓐᓂᒃ ᐊᖏᔫᑎᓗᐊᕐᐱᓯᒃ ᐊᑕᓂᐅᑉ ᑲᑎᒪᔪᕐᔪᐊᖁᑎᖏᓐᓄᑦ?”

ᒫᑎᐅᓯᐅᑉ ᐊᒡᓚᖏᑦ 3:9

ᐸᓯᔭᒃᓴᐅᖏᓐᓇᓱᒋᑦᑍᓕᒋᑦᓯ ᐃᓱᒪᓗᓯ, ‘ᐂᑉᕋᕼᐋᒻ ᑭᖑᕚᕆᕚᑎᒍᑦ’; ᐅᖃᐅᑎᕙᑦᓯᓕ, ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᑎᑦᓯᔪᓐᓇᕐᐳᖅ!

ᕉᒪᒥᐅᓄᑦ 2:17

ᐃᕝᕕᓪᓕ ᔫᑎᐅᓂᕋᕐᑐᑎᑦ ᐱᖁᔭᓂᒡᓗ ᑕᑎᖃᕐᑐᑎᑦ, ᒎᑎᒥᒡᓗ ᐃᓚᖃᑦᓯᐊᕐᓂᕐᓂᒃ ᓂᕐᑑᑎᖃᕐᑐᑎᑦ.

ᕉᒪᒥᐅᓄᑦ 9:33

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᐃᓕᓯᕗᖓ ᐃᓄᖕᓂᑦ ᐹᓪᓚᒍᑕᐅᔪᒫᕐᑐᒥᒃ, ᑖᒃᑯᓂᖓ ᐅᔭᕋᒃ ᐅᕐᕈᑎᑦᓯᔪᒫᕐᐳᖅ; ᑖᑦᓱᒧᖓᓗ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᐲᑦᑐᕉᓯ ᓯᕗᓪᓖᑦ 2:6

ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”