ᔨᐸᓁᐊᐅᑉ ᐊᒡᓚᖏᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᑎᐅᐱᐊᒥᐅᑉ ᑰᖓᑕ ᐅᖓᑖᓂᑦ ᐃᓄᖁᑎᒃᑲ ᓯᐊᒻᒪᕐᓯᒪᔪᑦ ᓱᓕᔪᒥᒃ ᑐᒃᓯᐊᕐᓂᖃᕈᒫᕐᐳᑦ ᑐᓂᕐᕈᓯᕈᒫᕐᐳᓪᓗ ᐅᕙᓐᓄᑦ.

ᔨᐸᓁᐊᐅᑉ ᐊᒡᓚᖏᑦ 3:10 Iomraidhean Croise

ᐃᓐᖏᕈᑎᑦ 68:31

ᐄᑦᔨᑉᑎᒥᐅᑦ ᑎᓕᔭᖏᑦ ᑎᑭᑦᓱᒫᕐᐳᑦ; ᐃᑎᐅᐱᐊᒥᐅᑦ ᒎᑎᒧᑦ ᐃᒻᒥᖕᓂᒃ ᑐᓂᔪᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 18:1

ᐋᕼᐊ, ᓄᓇ ᐃᓴᕈᕐᓱᕐᕙᓗᖕᓂᒃ ᑐᓴᕐᓴᐅᔪᓕᒃ, ᐃᑎᐅᐱᐊᑉ ᑰᖏᑕ ᐊᑭᐊᓃᑦᑐᖅ;

ᐂᓮᐊᓯᐅᑉ ᐊᒡᓚᖏᑦ 18:7

ᑕᒪᓐᓇ ᓇᓪᓕᐅᑎᒃᐸᑦ ᑐᓂᕐᕈᑏᑦ ᐂᑦᑑᑎᒋᔭᐅᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐃᓅᖃᑎᒌᒡᔪᐊᓂᑦ ᐊᖏᔫᑕᐅᓪᓗᑎᒃ ᕾᕋᑦᑐᓂᒃ ᐅᕕᓂᖃᕐᑐᓂᑦ, ᐃᓄᖕᓄᑦ ᑲᑉᐱᐊᒋᔭᐅᔪᓄᑦ ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐃᓅᖃᑎᒌᒡᔪᐊᓄᑦ ᐊᔪᖏᑦᑐᕐᔪᐊᓄᑦ ᓵᓚᖃᕐᐸᒃᑐᓄᑦ, ᓄᓇᖏᑦ ᑰᖕᓄᑦ ᑭᒡᓕᓕᐅᕐᑕᐅᓯᒪᔪᓄᑦ, ᓮᐅᓂᐅᑉ ᖃᖅᑲᖓᓄᐊᕈᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᑎᖃᕐᕕᒋᔭᖓᓂ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 7:35

ᔫᑎᓪᓕ ᐊᖓᔪᖅᑳᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᓇᒧᓐᖓᐅᓂᐊᕋᒥᐅᓇ ᐅᕙᑦᑎᓐᓄᑦ ᓇᓂᔭᐅᔪᓐᓁᓪᓕᓂᐊᕐᓂᕋᕐᐸ? ᐅᓇ ᒍᕇᑭᑦ ᓄᓇᖏᓐᓄᐊᕈᒪᓕᕐᑐᖅ ᒍᕇᑭᓂᒃ ᐊᔪᕆᕐᑐᐃᔭᕐᑐᕈᒪᓪᓗᓃ?

ᐋᐴᓯᑕᓖᑦ ᐱᓂᐊᕐᓂᖏᑦ 24:17

“ᐊᕐᕌᒍᓂᒃ ᐊᒥᓱᓂᒃ ᐊᐅᓪᓚᕐᓯᒪᓚᐅᕐᓗᖓ ᔨᕉᓴᓕᒻᒧᑦ ᐅᑎᓚᐅᕐᐳᖓ, ᐃᓅᖃᑎᒃᑲ ᐊᔪᕐᓴᕐᑐᑦ ᑮᓇᐅᔭᓂᒃ ᑐᓂᓯᕕᒋᔭᕐᑐᕐᓗᒋᑦ, ᑐᓂᕐᕈᓯᕆᐊᑐᕐᓗᖓᓗ ᑐᒃᓯᐊᕐᕕᒡᔪᐊᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 8:27

ᐱᓕᑉᐴᓯ ᐊᐅᓪᓚᕐᐳᖅ. ᑕᑯᒋᑦ, ᐃᑎᐅᐱᐊᒥᐅᑕᖅ ᐃᐅᓇᒃᒥᒃ ᑍᔭᐅᔪᖅ ᑎᑭᑉᐹ ᐊᖓᔪᖅᑳᖑᑎᑕᐅᔪᖅ ᐃᑎᐅᐱᐊᒥᐅᑦ ᑳᓐᑍᓯᖓᓄᑦ, ᑕᓐᓇ ᐃᑎᐅᐱᐊᒥᐅᑦ ᑯᐃᓐᖓᑦᑕ ᑮᓇᐅᔭᖁᑎᖏᓐᓄᑦ ᐊᖓᔪᖅᑳᖓᔪᖅ, ᐊᖏᕐᕋᐅᓕᕐᑐᖅ, ᑐᒃᓯᐊᕆᐊᕐᓯᒪᓚᐅᕐᓗᓂ ᔨᕉᓴᓕᒻᒧᑦ,

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᐲᑦᑐᕉᓯ ᓯᕗᓪᓖᑦ 1:1

ᐲᑦᑐᕉᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ, ᐃᓄᖕᓄᑦ ᒎᑎᒧᑦ ᓂᕈᐊᕐᑕᐅᓯᒪᔪᓄᑦ ᕿᒫᓯᒪᓪᓗᑎᒃ ᓯᐊᒻᒪᕐᓯᒪᔪᓄᑦ ᓄᓇᓄᑦ ᐹᓐᑕᓯᒥ, ᒐᓔᑎᐊᒥ, ᑲᐸᑑᓯᐊᒥ, ᐂᓯᐊᒥ, ᐱᑎᓂᐊᒦᑦᑐᓄᓪᓗ.