ᔨᐸᓁᐊᐅᑉ ᐊᒡᓚᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”

ᔨᐸᓁᐊᐅᑉ ᐊᒡᓚᖏᑦ 2:9 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 25:10

ᐊᑕᓂᐅᑉ ᐱᔪᓐᓇᕐᓂᖓ ᐃᓂᖃᕈᒫᕐᒪᑦ ᖃᖅᑲᒥ ᑕᕝᕙᓂ, ᒧᐊᐱᒥᐅᓪᓕ ᑐᓪᓕᕋᕐᑕᐅᔪᒫᕐᐳᑦ ᐃᓂᒥᖕᓂ, ᐃᕕᒃᑎᑐᑦ ᑐᓪᓕᕋᕐᑕᐅᓗᑎᒃ, ᐊᓇᕐᓂᒃ ᐊᓂᑦᑎᕕᖕᒧᑦ ᐊᓂᑕᐅᔪᑎᑐᑦ ᖃᓕᕇᓕᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 46:18

ᐅᕙᖓ ᐊᑕᓂᐅᒐᒪ ᐊᔪᒐᖃᖏᑦᑐᖅ, ᐊᖓᔪᖅᑳᕐᔪᐊᖑᕗᖓ, ᐆᒪᓪᓗᖓ, ᓲᕐᓗ ᖃᖅᑲᖅ ᑍᐸᕆ ᖃᖅᑲᓂᑦ ᐳᕐᑐᓛᖑᖕᒪᑦ, ᖃᖅᑲᕐᓗ ᑳᕐᒥᐅᓪ ᓄᐃᑕᖕᒪᑦ ᑕᕆᐅᕐᒧᑦ, ᑍᒫᒃᑕᐅᖅ ᐱᔪᓐᓇᕐᑐᕐᔪᐊᖑᓂᐊᕐᐳᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 48:1

ᒧᐊᐱᒥᐅᑦ ᐱᓪᓗᒋᑦ. ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᑲᑉᐱᐊᓐᓇᒦᒃ ᓂᐴᒥᐅᑦ, ᐊᓯᕈᕐᑕᐅᓂᐊᕋᑦᓯ! ᑭᕆᐊᑍᒥᐅᑦ ᐱᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔪᑦ ᑲᓐᖑᓲᑎᒃᓴᖃᕐᓂᐊᕐᐳᑦ ᓱᕋᒃᑎᕐᑕᐅᔪᒫᕐᒪᑕ,

ᔨᕆᒤᐊᐅᑉ ᐊᒡᓚᖏᑦ 49:1

ᐊᒧᓁᑎᒥᐅᑦ ᐱᓪᓗᒋᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᑭᖑᕚᒃᓴᕐᑖᕐᓂᖏᒻᒪᑖ? ᑭᖑᕐᖑᑦᔨᔪᒃᓴᖃᓐᖏᓛᖅ? ᖃᓄᐃᒻᒪᓪᓕ ᒫᓕᑭ ᒑᑎᒥᐅᓂᒃ ᑎᒍᓯᓯᒪᕚ? ᐊᒧᓁᑎᒥᐅᓂᒡᓗ ᐃᓄᖃᐅᕐᓗᑎᒃ ᓄᓇᓕᖏᑦ.

ᔨᕆᒤᐊᐅᑉ ᐊᒡᓚᖏᑦ 49:18

ᓲᕐᓗᑦᑕᐅᖅ ᓱᑑᒪᒥᐅᑦ ᒍᒨᕋᒥᐅᓪᓗ ᐊᓯᕈᕐᑕᐅᓂᕆᓚᐅᕐᑕᖓᑎᑐᑦ, ᓄᓇᓕᐅᖃᑎᒌᑦᑕᐅᖅ ᐊᓯᕈᕐᑕᐅᖃᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᑕᕝᕙᓂ ᓄᓇᖃᕐᑐᖃᕈᓐᓃᕈᒫᕐᒪᑦ ᐃᓄᖕᓄᑦ ᓄᓇᒋᔭᐅᔪᒪᔪᓐᓃᕈᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 49:33

ᕼᐂᔭ ᕿᒻᒥᐅᔮᕐᑐᓄᑦ ᐃᓂᑖᖑᔪᒫᕐᐳᖅ ᐃᓄᖃᖏᓐᓂᖓᓄᑦ, ᓄᓇᖃᕐᕕᐅᔪᓐᓃᕈᒫᕐᒪᑦ ᐃᓄᖃᕐᑐᒃᓴᐅᔪᓐᓃᕐᓗᓂᓗ.”

ᔨᕆᒤᐊᐅᑉ ᐊᒡᓚᖏᑦ 50:40

ᒎᑎᐅᓪᓗ ᓄᖑᑕᐅᑎᑦᓯᓂᕆᓚᐅᕐᑕᖓᑐᑦ ᓱᑑᒪᒥᐅᓂᒃ ᒍᒨᕋᒥᐅᓂᒡᓗ, ᓄᓇᓖᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓗᒋᑦ, ᐊᑕᓂᖅ ᐅᖃᕐᐳᖅ, ᓄᓇᖃᕐᕕᐅᔪᓐᓃᕈᒫᕐᐳᖅ ᐃᓄᖃᐅᕈᓐᓃᕐᓗᓂᓗ.

ᐂᒨᓯᐅᑉ ᐊᒡᓚᖏᑦ 1:13

ᐊᑕᓂᖅ ᐅᖃᕐᐳᖅ, “ᐊᒧᓁᒥᐅᑦ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐊᕐᓇᓂᒃ ᕿᑐᕐᖓᒃᓴᓕᖕᓂᒃ ᐱᓚᒃᓯᓚᐅᕐᒪᑕ ᐊᖕᒪᕐᓗᒋᑦ ᒋᓕᐊᑎᒥ, ᓄᓇᖁᑎᑎᒃ ᐊᖏᒡᓕᒋᐊᕈᒪᓪᓗᒍ.

ᐂᒨᓯᐅᑉ ᐊᒡᓚᖏᑦ 2:1

ᐊᑕᓂᖅ ᐃᒫᒃ ᐅᖃᕐᐳᖅ, “ᒧᐊᐱᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐄᑐᒥᐅᑉ ᐊᖓᔪᖅᑳᕐᔪᐊᖓᑕ ᓴᐅᓂᖏᑦ ᐃᑭᑕᐅᓚᐅᕐᒪᑕ ᐊᕐᔭᓕᓂᓐᖑᕐᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 2:14

ᐆᒪᔪᐃᓪᓗ ᐊᖁᐱᔪᒫᕐᐳᑦ ᑍᑲᓂ ᐆᒪᔪᓕᒫᑦ ᐃᓅᖃᑎᒋᒡᔪᐊᓂᑦ ᐱᔪᑦ. ᑎᖕᒥᐊᓪᓗ ᓱᕋᒃᓯᒪᓂᖏᓐᓂ ᐃᓂᑖᕈᒫᕐᐳᑦ. ᓂᓪᓕᐊᓂᖏᓪᓗ ᐊᑭᐅᕈᒫᕐᐳᑦ ᐃᒐᓛᖏᑎᒍᑦ, ᐃᑎᕆᐊᕐᕕᖏᓪᓗ ᑕᑕᑦᓱᒫᕐᐳᑦ ᓱᕈᕐᓂᒃ. ᐃᒡᓘᓪᓗ ᓴᐅᓂᖏᑦ ᕿᔪᐃᑦ ᓯᑎᔪᔧᑦ ᓴᖅᑭᑦᓱᒫᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 2:7

ᑕᒪᓐᓇ ᓯᒡᔭᖅ ᔫᑕᐅᑉ ᑭᖑᕚᖏᑕ ᐊᒥᐊᒃᑯᖏᓐᓄᑦ ᐃᓂᒋᔭᐅᔪᒫᕐᐳᖅ, ᑕᒫᓂᓗ ᐆᒪᔪᖁᑎᑎᒃ ᓂᕆᑎᑦᓱᒫᕐᐰᑦ, ᐅᓐᓄᒃᑯᓪᓗ ᓯᓂᒃᑕᖃᑦᑕᕈᒫᕐᐳᑦ ᐊᓯᑭᓗᓂᒥᐅᑦ ᐃᒡᓗᖏᓐᓂ. ᐊᑕᓂᐅᑉ ᑖᒃᑯᐊ ᒎᑎᖏᑦᑕ ᐳᐃᒍᕈᒫᓐᖏᓔᑦ ᐊᔪᕐᓴᖏᓐᓂᕕᓂᖏᓐᓄᓪᓗ ᐅᑎᕐᑎᓪᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 3:13

ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᕐᐳᑦ ᓴᒡᓗᓂᐊᕈᓐᓁᕐᐳᓪᓗ, ᐅᖃᖏᑕᓗ ᐅᖃᕐᓂᕐᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᕐᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᕐᐳᑦ ᐱᕙᓪᓕᐊᑦᓯᐊᕐᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᕐᐳᑦ.”

ᓴᑲᕅᐊᐅᑉ ᐊᒡᓚᖏᑦ 2:13

ᐃᓄᓕᒫᖑᔪᓯ ᓂᐸᖏᓕᕆᑦᓯ, ᐊᑕᓂᐅᑉ ᓇᔪᒐᖓᓂ, ᑖᓐᓇ ᐊᓂᓕᕐᒪᓐ ᐃᓂᒋᔭᒥᓂᑦ ᐃᑦᔪᕐᓁᑐᒥᑦ.”

ᒨᓯᓯ ᓯᑕᒪᖏᑦ 14:21

ᓱᓕᑦᓯᐊᕐᐳᖅ, ᐃᓅᑎᓪᓗᖓ ᓄᓇᕐᔪᐊᓕᒫᖅ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑕᑦᓱᒫᕐᐳᖅ;

ᕉᒪᒥᐅᓄᑦ 14:11

ᐊᒡᓚᒡᓯᒪᔪᖃᕐᒪᑦ, “ᐊᑕᓂᖅ ᐅᖃᕐᐳᖅ, ᐃᓅᒐᒪ, ᓰᖅᑯᐃᑦ ᑕᒪᕐᒥᒃ ᐅᕙᓐᓄᑦ ᓰᖅᑯᕈᒫᕐᐳᑦ, ᐅᕾᓪᓗ ᑕᒪᕐᒥᒃ ᒎᑎᒥᒃ ᓂᕐᑐᐃᔪᒫᕐᓗᑎᒃ.”

ᒨᓯᓯ ᑕᓪᓕᒪᖏᑦ 29:22

“ᓯᕗᓂᑦᓯᓐᓂ ᐃᓅᖃᑎᒌᖑᔪᒫᕐᑐᓄᑦ, ᑭᖑᕚᒃᓴᑦᓯᓐᓄᑦ, ᓄᓇᖅᑲᑎᒋᓐᖏᑕᑦᓯᓐᓄᓪᓗ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᓄᑦ ᑕᒪᒃᑯᐊ ᑕᑯᔭᐅᔪᒫᕐᐳᑦ ᐱᓂᕐᓗᒃᑕᐅᓇᕐᑐᑦ ᐋᓐᓂᐊᓇᕐᑐᓪᓗ ᐊᑕᓂᐅᑉ ᓄᓇᑦᓯᓐᓄᑦ ᑎᑭᑎᓯᒪᔭᖏᑦ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.