ᔨᐸᓁᐊᐅᑉ ᐊᒡᓚᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᒪᓐᓇ ᓯᒡᔭᖅ ᔫᑕᐅᑉ ᑭᖑᕚᖏᑕ ᐊᒥᐊᒃᑯᖏᓐᓄᑦ ᐃᓂᒋᔭᐅᔪᒫᕐᐳᖅ, ᑕᒫᓂᓗ ᐆᒪᔪᖁᑎᑎᒃ ᓂᕆᑎᑦᓱᒫᕐᐰᑦ, ᐅᓐᓄᒃᑯᓪᓗ ᓯᓂᒃᑕᖃᑦᑕᕈᒫᕐᐳᑦ ᐊᓯᑭᓗᓂᒥᐅᑦ ᐃᒡᓗᖏᓐᓂ. ᐊᑕᓂᐅᑉ ᑖᒃᑯᐊ ᒎᑎᖏᑦᑕ ᐳᐃᒍᕈᒫᓐᖏᓔᑦ ᐊᔪᕐᓴᖏᓐᓂᕕᓂᖏᓐᓄᓪᓗ ᐅᑎᕐᑎᓪᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 2:7 Iomraidhean Croise

ᒨᓯᓯ ᓯᕗᓪᓖᑦ 50:24

ᔫᓯᐱᓗ ᖃᑕᓐᖑᑎᒥᓄᑦ ᐅᖃᕐᐳᖅ, “ᑐᖁᔭᕆᐊᒃᓯᒐᒪ; ᒎᑎᐅᓪᓕ ᑎᑭᕝᕕᒋᔪᒫᕐᐹᓯ, ᑕᕝᕙᓐᖓᓪᓗ ᓄᓇᒥᑦ ᐊᐅᓪᓚᕐᑎᑦᓱᒫᕐᐹᓯ ᓄᓇᒧᑦ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐊᖏᕈᑎᒋᓚᐅᕐᑕᖓᓂ ᓄᓇᑖᖁᓪᓗᓯ.”

ᐃᓐᖏᕈᑎᑦ 80:14

ᒎᑏ ᐊᔪᒐᖃᖏᑦᑐᑎᑦ, ᕿᕕᐊᓚᐅᕆᑦ ᐅᕙᑦᑎᓐᓄᑦ; ᕿᓚᖕᒥᑦ ᑕᑯᓴᕐᓗᑎᑦ ᑕᑯᓚᐅᕐᑎᒍᑦ, ᓇᐹᕐᑐᖅ ᑖᓐᓇ ᕔᓂᒃᓴᓕᒃ ᐅᐸᓚᐅᕈᒃ.

ᐃᓐᖏᕈᑎᑦ 85:1

ᐊᑕᓃᖅ, ᓄᓇᖁᑏᑦ ᓮᒻᒪᕐᑎᓯᒪᓚᐅᕐᐸᑦ; ᐊᐅᓪᓚᕈᑦᔭᐅᓯᒪᔪᓪᓗ ᔧᑯᒃᑯᓐᓂᑦ ᐅᑎᕐᑎᓚᐅᕐᐸᑎᑦ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 11:16

ᐊᓯᕆᐊᒥᓪᓗ ᐱᔪᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᐃᓄᖁᑎᖏᑕ ᐊᒥᐊᒃᑰᔪᑦ ᐃᖏᕐᕋᕕᒃᓴᖓᓂᒃ ᑕᕝᕙᓐᖓᑦ, ᓲᕐᓗ ᐃᓴᕆᐊᓕᒥᐅᑦ ᐊᐅᓪᓚᓚᐅᕐᓂᖏᑎᑐᑦ ᐄᑦᔨᑉᑎᐅᑉ ᓄᓇᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 32:14

ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᕿᒪᒃᑎᕐᑕᐅᔪᒫᕐᐳᖅ, ᐃᒡᓗᒐᓴᒡᔪᐊᓪᓗ ᐃᓄᒋᐊᒃᑑᐊᓘᓚᐅᕐᑐᑦ ᐃᓄᐃᕈᑎᔪᒫᕐᐳᑦ, ᓇᐸᔪᑦ ᐅᓇᑕᕐᑏᓪᓗ ᖃᐅᔨᓴᕐᕕᖏᑦ ᐳᕐᑐᔪᑦ ᓯᑎᖃᕐᕕᑐᐃᓐᓇᐅᓕᕈᒫᕐᒪᑕ ᐃᓱᖃᖏᑦᑐᒧᑦ, ᓯᐅᑎᖅᑯᕐᑐᔪᓄᑦ ᓄᔪᐊᕐᑐᓄᑦ ᖁᕕᐊᓱᒡᕕᐅᓕᕐᓗᑎᒃ, ᓰᐱᓄᓪᓗ ᓂᕆᓇᓱᒃᕕᑐᐃᓐᓇᐅᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 23:3

ᐅᕙᖓ ᐃᓄᖁᑎᒪ ᐊᒥᐊᒃᑯᖏᑦ ᑲᑎᕐᓱᕈᒫᕐᐸᒃᑲ ᓇᒧᑐᐃᓐᓇᖅ ᐊᐅᓪᓚᕐᑎᑦᓯᕕᒋᓯᒪᓚᐅᕐᑕᓐᓂᑦ, ᐅᑎᕐᑎᓪᓗᒋᓪᓗ ᓇᑎᕐᓇᒧᑦ ᓄᓇᒋᔭᖓᓐᓄᑦ, ᕿᑐᕐᖏᐅᖁᓪᓗᒋᑦ ᐅᓄᕐᓯᕙᓪᓕᐊᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 29:10

ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.

ᔨᕆᒤᐊᐅᑉ ᐊᒡᓚᖏᑦ 29:14

ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 3:18

ᑍᒃᑯᓇᓂᓗ ᐅᓪᓗᓂ ᔫᑕᒥᐅᑦ ᐃᓚᓕᐅᑎᔪᒫᕐᐳᑦ ᐃᓴᕆᐊᓕᒥᐅᓄᑦ, ᑖᒃᑯᐊᓗ ᐃᓅᖃᑎᒌᖑᓗᑎᒃ ᐅᓐᓄᐊᓪᓗᐊᑉ ᓇᓛᓂᓐᖓᕐᓗᑎᒃ ᓄᓇᑖᕈᒫᕐᐳᑦ ᓯᕗᓕᑦᓯᓐᓄᑦ ᓄᓇᑖᕆᔭᐅᖁᓚᐅᕐᑕᕋ ᑭᖑᕐᖑᑎᓕᕐᓗᒍ.”

ᔨᕆᒤᐊᐅᑉ ᐊᒡᓚᖏᑦ 30:3

ᐊᑕᓂᖅ ᐅᖃᕐᐳᖅ, ᐅᓪᓗᐃᑦ ᑎᑭᑦᓱᒫᕐᐳᑦ, ᐃᓄᖁᑎᒃᑲ ᐃᓴᕆᐊᓕᒥᐅᑦ ᔫᑕᒥᐅᓪᓗ ᑎᒍᔭᐅᓯᒪᕕᒋᔭᖏᓐᓂ ᐅᑎᕐᑎᑦᓱᒫᕋᒃᑭᑦ: ᓄᓇᖃᓕᖁᓪᓗᒋᑦ ᓯᕗᓕᕕᓂᖏᓐᓄᑦ ᐊᖏᕈᑎᒋᓚᐅᕐᑕᓐᓂᒃ ᓄᓇᒋᔭᐅᖁᓪᓗᒍ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:7

ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

ᔨᕆᒤᐊᐅᑉ ᐊᒡᓚᖏᑦ 32:44

ᐱᕈᕐᓰᕕᖃᕐᕕᒃᓮᑦ ᓂᐅᕕᐊᖑᖃᑦᑕᓕᕈᒫᕐᐳᑦ ᓯᐅᓪᕕᕆᓄᑦ, ᓄᓇᖁᑎᑖᕈᑎᒡᓗ ᐊᑎᓕᐅᕐᑕᐅᕙᒡᓗᑎᒃ, ᓇᕿᑦᔪᓯᕐᑕᐅᓗᑎᒡᓗ ᐱᓐᔭᒥᓂᐅᑉ ᓄᓇᖓᓂ ᔨᕉᓴᓕᒥᓗ, ᔫᑕᒥᓗ, ᖃᖅᑲᒥᐅᓪᓗ ᓄᓇᓕᖏᓐᓂ, ᓯᐱᓚᒥᐅᓪᓗ ᐃᒡᓗᒐᓴᖏᓐᓂᑦ ᓂᒋᑉᒥᓗ ᓄᓇᖃᕐᑐᓂᒃ, ᓄᓇᑐᖃᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 33:12

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᕝᕙᓂ ᓄᓇᓕᖕᓂ ᓱᓇᑕᖃᖏᑦᑐᒥ ᐃᓄᖃᖏᑦᑐᒥᓗ ᐆᒪᔪᕐᑕᖃᖏᑦᑐᒥ ᓄᓇᓕᓕᒫᖏᑦ, ᐃᓄᖃᓕᕈᒫᕐᐳᖅ ᓰᐱᓕᕆᔨᓂᒃ ᐆᒪᔪᖁᑎᖏᓪᓗ ᐃᓂᒃᓴᖃᑦᓯᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 33:7

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐊᔪᕐᓴᕈᓐᓃᕐᑎᑦᓱᒫᕐᐸᒃᑲ, ᓄᓇᒋᓚᐅᕐᑕᖏᓐᓄᓪᓗ ᐅᑎᕐᑎᒻᒥᓗᒋᑦ ᓯᕗᓪᓕᕐᒥ ᐱᐅᓯᕆᓚᐅᕐᑕᖏᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 47:5

ᒑᓴᒥᐅᑦ ᕿᒃᓵᖕᓂᕐᒧᑦ ᓄᔧᔭᕐᓯᒪᓂᐊᕐᐳᑦ, ᐊᓯᑭᓗᓂᒥᐅᑦ ᓂᐱᖃᕈᓐᓃᕐᓗᑎᒃ, ᓄᓇᑐᐃᓐᓇᕐᒥᐅᑕᐅᔪᓯ ᖃᓄᖅ ᐊᑯᓂᐅᑎᒋᔪᖅ ᐃᓕᑦᓯᓐᓂᒃ ᑭᓪᓕᐊᓂᐊᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 39:25

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᕼᐆᓯᐊᑉ ᐊᒡᓚᖏᑦ 6:11

“ᐃᓕᑦᓯᓗ, ᔫᑕᐅᑉ ᐃᓄᖏᑦ, ᑲᑎᕐᓱᐃᕕᒃᓴᒥᒃ ᐋᖅᑮᕕᒋᓯᒪᕙᑦᓯ, ᐃᓄᖁᑎᒃᑲ ᐅᑎᕐᑎᓕᕈᒃᑭᑦ ᐱᕙᓪᓕᐅᑎᒃᓴᖏᓐᓂᒃ.”

ᐅᐸᑍᐊᑉ ᐊᒡᓚᖏᑦ 1:19

ᔫᑕᐅᑉ ᓯᕿᓂᖓᑕ ᓇᓛᓂᒥᐅᑦ ᐄᓴᐅᑉ ᖃᖅᑲᖓ ᐱᑖᕆᔪᒫᕐᐹᑦ, ᐱᓕᔅᑍᓂᒥᐅᓪᓗ ᐱᑖᕆᔭᐅᔪᒫᕐᐳᖅ ᓯᕿᓂᐅᑉ ᓂᐱᕕᐊᑕ ᓇᓛᓂᒥᐅᑕᕐᓄᑦ; ᐃᓴᕆᐊᓕᒃᑯᓪᓗ ᓄᓇᑖᕈᒫᕐᐳᑦ ᐃᕗᕅᒥᒃ ᓴᒥᐊᕆᐊᒥᒡᓗ; ᐱᓐᔭᒥᓂᑯᑦ ᐃᓄᖏᑕ ᓄᓇᑖᕆᔪᒫᕐᐹᑦ ᒋᓕᐊᑎ.

ᒤᑲᐅᑉ ᐊᒡᓚᖏᑦ 2:12

ᓱᓕᑦᓯᐊᕐᓗᖓ ᑲᑎᕐᓱᕈᒫᕐᐸᑦᓯ, ᔧᑯᒧᑦ ᑭᖑᕚᖑᔪᓯ; ᑲᑎᕐᓱᕈᒫᕐᐸᒃᑲ ᐃᓴᕆᐊᓕᒥ ᐊᒥᐊᒃᑰᔪᑦ; ᓰᐱᑎᑐᑦ ᓰᐱᒃᑯᕕᖕᒧᑦ ᑲᑎᕐᓱᕐᑕᐅᔪᑎᑐᑦ, ᓰᐱᑎᑐᓪᓗ ᓂᕿᒃᓴᓕᖕᒦᑦᑐᑎᑐᑦ; ᑐᓴᒡᒐᕕᒃᓴᐅᓛᓐᖏᓚᕐᓗ ᐃᓄᒋᐊᓗᐊᒧᑦ.

ᒤᑲᐅᑉ ᐊᒡᓚᖏᑦ 4:10

ᓮᐅᓂᐅᑉ ᐸᓂᖓ ᐋᓐᓂᐊᕆᑦᓯ ᐋᓐᓂᐊᓂᑦᓯᓐᓄᑦ ᐊᕐᓇᑐᑦ ᐃᕐᓂᓱᒃᑐᑐᑦ ᑍᒤᓐᓂᐊᕐᐳᓯ. ᒫᓐᓇ ᐊᐅᓪᓚᕆᐊᖃᓕᕋᑦᓯ ᐃᒡᓗᒐᓴᖕᓂᑦ, ᐃᓂᖃᓕᕐᓗᓯᓗ ᓇᑎᕐᓇᓂ, ᐹᐱᓘᓂᒧᐊᕈᒫᕐᐳᓯᓗ, ᑍᑲᓂ ᐃᑲᔪᕐᑕᐅᔪᒫᕐᐳᓯ; ᑍᑲᓂᓗ ᐊᑕᓂᐅᑉ ᐱᐅᓕᔪᒫᕐᐹᓯ ᐊᑭᕋᑦᓯ ᐊᒡᒐᖏᓐᓂᑦ.

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᔨᐸᓁᐊᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”

ᔨᐸᓁᐊᐅᑉ ᐊᒡᓚᖏᑦ 3:13

ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᕐᐳᑦ ᓴᒡᓗᓂᐊᕈᓐᓁᕐᐳᓪᓗ, ᐅᖃᖏᑕᓗ ᐅᖃᕐᓂᕐᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᕐᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᕐᐳᑦ ᐱᕙᓪᓕᐊᑦᓯᐊᕐᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᕐᐳᑦ.”

ᔨᐸᓁᐊᐅᑉ ᐊᒡᓚᖏᑦ 3:20

ᑍᑲᓂ ᓇᓪᓕᐅᑦᑐᒥ ᐅᑎᕐᑎᑦᓱᒫᕐᐸᑦᓯ! ᑲᑎᕐᓱᐃᓕᕈᒪᓗ ᓂᕐᑐᕐᓇᕐᓯᑎᑦᓱᒫᕐᐸᑦᓯ ᖃᐅᔨᒪᔭᐅᑦᓯᐊᕐᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ. ᑎᒍᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ ᑕᑯᓐᓇᕐᑎᓪᓗᓯ,” ᐊᑕᓂᖅ ᐅᖃᕐᐳᖅ.

ᕼᐊᒊᑉ ᐊᒡᓚᖏᑦ 1:12

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔮᓱᐊᓗ ᔨᕼᐅᔭᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᐃᑦ ᓈᓚᓚᐅᕐᐳᑦ ᐊᑕᓂᐅᑉ ᒎᑎᖓᑦᑕ ᓂᐱᖓᓂᒃ, ᕼᐊᒊᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓂᒃ, ᐊᑕᓂᐅᑉ ᑖᓐᓇ ᑎᓕᓚᐅᕐᒪᒍ, ᐃᓄᐃᓪᓗ ᓯᕘᕋᓕᕐᐳᑦ ᐊᑕᓂᐅᑉ ᓇᔫᑎᓂᖓᓂᒃ.

ᕼᐊᒊᑉ ᐊᒡᓚᖏᑦ 2:2

“ᐅᑯᐊ ᐅᖃᐅᓰᑦ ᐅᖃᐅᓯᕆᒃᑭᑦ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓄᑦ, ᐃᓄᖕᓄᓪᓗ ᐊᒥᐊᒃᑰᔪᓄᑦ ᐅᖃᐅᑎᓗᒋᓪᓗ:

ᓘᑲᓯᐅᑉ ᐊᒡᓚᖏᑦ 1:68

“ᐊᑕᓂᖅ ᓮᒻᒪᕐᑎᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᐃᓄᖁᑎᓂ ᐊᖅᑲᕐᕕᒋᓪᓗᒋᑦ ᓴᐳᑎᔭᕐᑐᕐᒪᒋᑦ,

ᓘᑲᓯᐅᑉ ᐊᒡᓚᖏᑦ 7:16

ᐃᓄᓕᒫᑦ ᓯᕘᕋᓕᕐᐳᑦ; ᒎᑎ ᓂᕐᑐᕐᐹᑦ ᐅᖃᕐᓗᑎᒃ, “ᓇᓚᐅᑦᑍᔪᓪᓚᕆᖕᒥᑦ ᑎᑭᑕᐅᕗᒍᑦ! ᒎᑎᐅᑉ ᐃᓄᖁᑎᓂ ᐅᐸᒃᐰᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:26

ᐊᑕᓂᐅᑉ ᐂᖏᓕᖓ ᐱᓕᑉᐴᓯᒧᑦ ᐅᖃᕐᐳᖅ, “ᓯᕿᓂᐅᑉ ᒥᒃᓵᓄᑦ ᐊᐅᓪᓚᕆᑦ ᐊᖅᑯᒻᒧᑦ ᔨᕉᓴᓕᒻᒥᑦ ᒑᓴᒧᓐᖓᐅᔪᒧᑦ ᐂᓗᑎᑦ”, ᑕᒪᓐᓇ ᐊᖅᑯᑦ ᓱᓇᖃᔪᐃᑦᑐᒃᑰᖓᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 8:40

ᐱᓕᑉᐴᓯᓗ ᓄᓇᒥ ᐋᓱᑑᓯᒦᓕᕆᕗᖅ; ᑭᖑᓂᖓᒍᓪᓗ ᓯᓴᕆᐊᒨᓕᕐᓗᓂ, ᑍᑯᓐᖓᐅᓪᓗᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑎᒋᕔᑦ ᓄᓇᓕᓕᒫᓄᑦ ᐊᖅᑯᓵᕐᑕᒥᓄᑦ.

ᕉᒪᒥᐅᓄᑦ 11:5

ᑍᒫᑦᓮᓐᓇᕐᑕᐅᖅ ᒫᓐᓇ ᐊᒥᐊᒃᑯᑕᖃᕆᕗᖅ, ᒎᑎᐅᑉ ᐱᔪᓐᓇᕐᑎᑦᓯᓂᕐᒥᒍᑦ ᓂᕈᐊᕐᓯᒪᔭᖏᓐᓂᒃ.

ᕉᑎᐅᑉ ᐅᓂᒃᑲᐅᓯᓂᖓ 1:6

ᑕᒪᑐᒪ ᑭᖑᕐᖓᒍᑦ ᓁᐅᒥ ᑐᓴᕋᒥ ᐊᑕᓂᐅᑉ ᐃᓄᖁᑎᓂ ᓂᕿᒃᓴᖃᑦᓯᐊᕐᑎᓕᕐᒪᒋᑦ; ᑕᕝᕙ ᐊᐅᓪᓚᕈᒪᓕᕐᐳᖅ ᒧᐊᐱᒥᐅᑦ ᓄᓇᖓᓐᓂᑦ ᐅᑯᐊᖕᓂ ᒪᕐᕉᒃ ᐃᓚᒋᓗᒋᒃ.