ᔨᐸᓁᐊᐅᑉ ᐊᒡᓚᖏᑦ 2:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 2:15 Iomraidhean Croise

ᔫᐱᐅᑉ ᐊᒡᓚᖏᑦ 16:4

ᐃᓕᑦᓯᑐᑦᑕᐅᖅ ᐅᖃᓪᓚᒍᓐᓇᕋᓗᐊᕐᑐᖓ, ᐃᓂᒋᔭᓐᓃᖔᕋᔭᕈᑦᓯ; ᓂᐊᖁᕋ ᐃᓕᕿᑕᒫᕐᓗᒍ ᐃᓕᑦᓯᓐᓂᒃ ᓱᓇᐅᒃᓴᖏᓐᓂᕐᒧᑦ ᐅᖃᓪᓚᒡᕕᒋᔪᓐᓇᕋᔭᕆᕙᑦᓯ.

ᔫᐱᐅᑉ ᐊᒡᓚᖏᑦ 27:23

ᐸᑦᑕᒃᑐᕈᑎᒋᔭᐅᓂᐊᕐᐳᖅ, ᓱᓗᒃᓱᕐᕕᐅᓗᓂᓗ ᐃᓂᒋᔭᖓᓂᑦ ᓄᑎᑕᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 22:2

ᓂᐱᖅᑯᕐᑐᔪᐊᓘᓕᕋᑦᓯ, ᐅᐃᒪᔮᕐᑐᑦ ᐃᒡᓗᒐᓴᒡᔪᐊᕐᒥᐅᑦ ᓂᐱᖏᑎᑐᑦ, ᖁᕕᐊᓱᕕᒡᔪᐊᕐᑐᑎᑐᑦ ᓄᓇᓕᒡᔪᐊᒥ, ᑐᖁᑕᐅᓯᒪᔪᑦ ᐃᓕᑦᓯᓐᓂᑦ ᓴᕕᒡᔪᐊᒧᑦ ᑐᖁᕋᕐᑕᐅᓐᖏᓚᑦ ᐅᓇᑕᕐᓂᕐᒧᓪᓘᓐᓃᑦ ᑐᖁᕋᕐᑕᐅᓐᓂᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 32:11

ᓴᔪᓕᕆᑦᓯ, ᐊᕐᓇᐅᔪᓯ ᒫᓐᓇ ᓮᓕᔪᓯ, ᐃᓱᒫᓗᓕᕆᑦᓯ ᖃᓄᐃᓐᓇᖏᑦᓯᐊᕐᑐᒦᑦᑐᓯ, ᐊᓐᓄᕌᓯ ᐲᔭᓕᕐᓯᐅᒃ ᐊᓐᓄᕅᑦᑑᓕᕐᓗᓯ, ᕿᑎᕈᓯᔭᓕᕆᑦᓯ ᐆᒪᔫᑉ ᒥᖅᑯᕕᓂᖏᓐᓂᒃ ᓄᕕᕐᓴᕐᓯᒪᔪᓂᒃ ᐅᒡᒍᐊᕐᑐᕐᓯᐅᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 32:14

ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᕿᒪᒃᑎᕐᑕᐅᔪᒫᕐᐳᖅ, ᐃᒡᓗᒐᓴᒡᔪᐊᓪᓗ ᐃᓄᒋᐊᒃᑑᐊᓘᓚᐅᕐᑐᑦ ᐃᓄᐃᕈᑎᔪᒫᕐᐳᑦ, ᓇᐸᔪᑦ ᐅᓇᑕᕐᑏᓪᓗ ᖃᐅᔨᓴᕐᕕᖏᑦ ᐳᕐᑐᔪᑦ ᓯᑎᖃᕐᕕᑐᐃᓐᓇᐅᓕᕈᒫᕐᒪᑕ ᐃᓱᖃᖏᑦᑐᒧᑦ, ᓯᐅᑎᖅᑯᕐᑐᔪᓄᑦ ᓄᔪᐊᕐᑐᓄᑦ ᖁᕕᐊᓱᒡᕕᐅᓕᕐᓗᑎᒃ, ᓰᐱᓄᓪᓗ ᓂᕆᓇᓱᒃᕕᑐᐃᓐᓇᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 32:9

ᒪᑭᓕᕆᑦᓯ, ᐊᕐᓇᐅᔪᓯ ᐊᒃᓱᕈᕐᓇᖏᑦᑐᒥᒃ ᐃᓅᔪᓯ, ᓂᐱᒐ ᑐᓴᕐᓯᐅᒃ, ᐸᓂᐅᔪᓯ ᐃᓱᒫᓘᑎᒃᓴᖃᕋᓯ ᐃᓅᔪᓯ ᐅᖃᐅᓯᒃᑲ ᓈᓚᓕᕐᓯᒋᒃ.

ᐂᓮᐊᓯᐅᑉ ᐊᒡᓚᖏᑦ 47:10

ᑲᑉᐱᐊᓇᕐᑐᒦᓐᓇᓱᒋᖏᒃᑲᓗᕐᐳᓯ ᐱᐅᖏᑦᑐᓂᒃ ᐃᓕᖅᑯᓯᖃᕐᑎᓪᓗᓯ, ᐅᖃᕐᓗᓯ, ‘ᑭᓇᒧᑦ ᑕᑯᓐᓇᕐᑕᐅᓐᖏᓚᖓ’; ᓯᓚᑐᓂᑦᓯ ᖃᐅᔨᒪᓂᑦᓯᓗ ᑕᒻᒪᕐᑎᓚᐅᕐᐹᓯ; ᐆᒻᒪᑎᑦᓯᒍᑦ ᐅᖃᓚᐅᕋᑦᓯ, ‘ᐅᕙᖓᑑᕗᖓ ᐊᓯᖃᕐᓇᖓᓗ.’

ᔨᕆᒤᐊᐅᑉ ᐊᒡᓚᖏᑦ 18:16

ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 19:8

ᑖᒃᑯᐊ ᐃᒡᓗᒐᓴᒡᔪᐊᑦ ᓱᕋᒃᑕᐅᑎᓐᓂᐊᕐᐸᒃᑲ ᓇᕐᕈᒋᔭᒃᓴᓐᖑᕐᑎᓪᓗᒋᓪᓗ; ᐊᖅᑯᓵᕐᑐᓪᓗ ᑲᒪᓂᐊᕐᓗᑎᒃ ᓱᕋᒃᑎᕐᓯᒪᓂᖓᓂᒃ ᖁᐊᕐᓵᖓᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 50:13

ᐊᑕᓂᕐᒧᑦ ᓂᓐᖓᒡᕕᐅᓯᒪᓂᕐᒥᖕᓄᑦ ᐃᓄᖃᕈᓐᓃᕈᒫᕐᐳᑦ ᓱᓇᖃᕈᓐᓃᕐᓗᓂᓗ, ᐹᐱᓘᓂᒥᒃ ᐊᖅᑯᓵᕐᑐᑦ ᑕᒪᕐᒥᒃ ᑲᒪᓂᐊᕈᑎᒋᔪᒫᕐᐹᑦ ᑲᑉᐱᐊᓲᑎᒋᓗᒍᓗ ᓱᕋᒃᓯᒪᓂᖓᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:1

ᐃᒡᓗᒐᓴᒡᔪᐊᑦ ᐃᓄᒋᐊᒃᑑᕙᓚᐅᕐᑐᑦ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᐳᑦ! ᐃᓅᖃᑎᒌᒡᔪᐊᓪᓗ ᐅᐱᒋᔭᐅᑦᓯᐊᓚᐅᕐᑐᑦ, ᒫᓐᓇ ᐅᐃᒡᒐᕐᓂᕐᑎᑐᑦ ᑍᒤᓕᕐᐳᑦ; ᓄᓇᓖᑦ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑳᕆᔭᐅᓚᐅᕐᑐᑦ, ᒫᓐᓇ ᓯᐊᓛᕆᔭᐅᓕᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15

ᐃᒡᓗᒐᓴᒡᔪᐊᑎᒍᑦ ᐊᖅᑯᓵᕐᑐᑦ ᐅᖃᐅᓯᕐᓘᑎᖃᕐᐳᑦ ᐃᓕᑦᓯᓐᓂᒃ ᐱᔪᓇᕈᓱᓐᖏᒧᑦ ᐃᒡᓚᐅᑎᖃᕐᐳᑦ ᔨᕉᓴᓕᐅᑉ ᐊᓯᕈᕐᑕᐅᓯᒪᓂᖓᓂᒃ, ᐅᖃᕐᓗᑎᒃ, “ᐃᒡᓗᒐᓴᒡᔪᐊᑦ ᑕᕝᕙ ᐱᐅᓂᕐᐹᖑᓂᕋᕐᑕᐅᕙᓚᐅᕐᑐᑦ, ᓯᓚᕐᔪᐊᕐᒥᐅᓄᑦ ᐅᐱᒍᓲᑎᒃᓴᐅᓂᕋᕐᑕᐅᕙᓚᐅᕐᑐᑦ.”

ᐃᓯᑭᐊᓕᐅᑉ ᐊᒡᓚᖏᑦ 27:36

ᓂᐅᕕᕋᕐᑎᓕᒫᑦ ᓯᓚᕐᔪᐊᕐᒥ ᓯᕘᕋᑦᔪᑎᒋᓕᕐᐹᓯ; ᑲᑉᐱᐊᓇᕐᑐᒥᒃ ᐃᓱᓕᒃᑲᑦᓯ ᐱᑕᖃᕐᓂᐊᕈᓐᓃᕐᓗᓯᓗ ᐃᓱᖃᖏᑦᑐᒧᑦ.’”

ᐃᓯᑭᐊᓕᐅᑉ ᐊᒡᓚᖏᑦ 28:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐊᖓᔪᖅᑳᖓ ᐅᖃᐅᑎᒍᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐆᒻᒪᑎᒃᑯᑦ ᐱᐅᔪᕆᒐᕕᑦ, ᐅᖃᓚᐅᕐᐳᑎᑦ, ‘ᒎᑎᐅᕗᖓ, ᒎᑏᑦ ᐃᒃᓯᕙᐅᑕᖏᓐᓂ ᐃᒃᓯᕚᕐᓗᖓ, ᐃᒪᕕᖕᓂᒃ ᐊᕙᑎᒥᐅᑕᖃᕐᑐᒥᒃ,’ ᐃᓄᑐᐃᓐᓇᐅᕗᑎᓪᓕ, ᒎᑎᐅᓇᑎᑦ, ᐃᓕᖕᓂᒃ ᒎᑎᑐᑦ ᓯᓚᑐᓇᓱᒋᒐᓗᐊᕐᐳᑎᑦ;

ᐃᓯᑭᐊᓕᐅᑉ ᐊᒡᓚᖏᑦ 28:9

ᑐᖁᑦᓯᔭᕐᑐᕐᑐᑦ ᓵᖏᓐᓂ ᓱᓕ ᒎᑎᐅᓂᕋᕈᒫᕐᐲᑦ? ᐃᓄᑐᐃᓐᓇᐅᒐᕕᑦ, ᒎᑎᐅᓇᒡᓗ, ᑐᖁᑦᓯᔭᕐᑐᕐᑐᑦ ᓵᖏᓐᓃᓕᕈᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᓇᕼᐅᒥᐅᑉ ᐊᒡᓚᖏᑦ 3:19

ᐋᓐᓂᕈᑎᒋᓯᒪᔭᕐᓄᑦ ᒪᒥᑦᔪᑎᒃᓴᕐᑕᖃᕈᓐᓃᕐᐳᖅ, ᐃᑭᑎᑦ ᐊᖏᓗᐊᕐᒪᑕ. ᐃᓕᑦᓯᓐᓂᒃ ᑐᓴᕐᑐᓕᒫᑦ ᐸᑦᑕᒃᑐᕐᐳᑦ ᖁᕕᐊᓱᒧᑦ, ᑍᒃᑯᐊ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᕕᒌᓐᓇᖃᑦᑕᓚᐅᕋᑦᓯᐅᒃ.

ᕼᐊᐸᑲᐅᑉ ᐊᒡᓚᖏᑦ 1:7

ᑲᑉᐱᐊᓇᕐᐳᑦ ᖁᐊᕐᓵᖓᓇᕐᓗᑎᒡᓗ, ᐋᖅᑭᒃᓱᐃᓂᖏᑦ ᐅᐱᒋᔭᐅᔪᒪᓂᖏᓪᓗ ᓇᖕᒥᓂᕐᒥᓂᑦ ᑭᓯᐊᓂ ᐱᓯᒪᕗᑦ.

ᒫᑎᐅᓯᐅᑉ ᐊᒡᓚᖏᑦ 27:39

ᑕᕝᕘᓇ ᐊᖅᑯᓵᕐᑐᑦ ᐃᓕᕿᑕᒫᕐᓗᑎᒃ ᐅᖃᕐᓂᕐᓗᐊᖃᑦᑕᕐᐳᑦ ᔩᓱᓯᒧᑦ: ᐅᖃᕐᓗᑎᒃ;