12 ᐃᓕᑦᓯ ᐃᑎᐅᐱᐊᒥᐅᖑᔪᓯ ᑐᖁᑕᐅᔪᒫᕐᐳᓯ ᓴᕕᒡᔪᐊᓐᓄᑦ.
ᐊᑕᓃᖅ, ᒪᑭᓕᕆᑦ, ᐅᐸᒃᑐᕐᓗᒋᓪᓗ, ᐅᕐᕈᑎᓕᒃᑭᑦ. ᐃᓅᓯᕋ ᓴᐳᑎᓚᐅᕈᒃ, ᓴᕕᒡᔪᐊᕐᓄᑦ, ᐱᐅᖏᑦᑐᓕᔪᓂᑦ.
ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.
ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.
ᑕᕝᕙ ᐊᑕᓂᖅ ᐅᖃᕐᐳᖅ, “ᐱᔨᒐ ᐂᓮᐊᓯ ᐊᕐᕌᒍᓂᒃ ᐱᖓᓱᓂᒃ ᐱᓱᑲᑕᖃᑦᑕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ, ᑕᒪᓐᓇ ᓇᓗᓁᒃᑯᑕᐅᕗᖅ ᑲᒪᓇᕐᑑᓪᓗᓂᓗ ᐄᑦᔨᑉᑎᒥᐅᑦ ᐃᑎᐅᐱᐊᒥᐅᓪᓗ ᐱᐅᓯᕆᔪᒫᕐᑕᖓᓐᓂᒃ.
ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.
ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᑕᓕᖏᑦ ᓴᓐᖏᒃᑎᑎᓐᓂᐊᕐᐹᒃᑲᒃ, ᓴᕕᒡᔪᐊᖁᑎᓐᓂᒡᓗ ᑎᒍᓯᑎᓐᓂᐊᕐᐸᕋ; ᐰᕉᓪᓕ ᑕᓕᖏᑦ ᓇᐱᔪᒫᕐᐹᒃᑲᒃ, ᐋᓐᓂᐊᓂᕐᒧᑦ ᓂᐹᔪᒫᕐᐳᖅ ᐃᑭᓕᕐᑕᐅᓯᒪᔪᑎᑐᑦ ᑖᑦᓱᒪ ᓵᖓᓂ.
