ᔨᐸᓁᐊᐅᑉ ᐊᒡᓚᖏᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᔨᐸᓁᐊᐅᑉ ᐊᒡᓚᖏᑦ 1:18 Iomraidhean Croise

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᐊᑕᓃᑦ ᓯᕗᓪᓖᑦ 14:22

ᔫᑕᒥᐅᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᓵᖓᓂ, ᓂᓐᖓᒃᓴᕐᐹᓪᓗ ᐊᔪᕐᑐᓕᓂᕐᒥᖕᓄᑦ, ᓯᕗᓕᕆᓚᐅᕐᑕᖏᓐᓂᒃ ᐱᐅᖏᓐᓂᕐᓴᓂᒃ ᐱᓂᐊᕐᓂᖃᓚᐅᕐᒪᑕ.

ᔫᐱᐅᑉ ᐊᒡᓚᖏᑦ 21:30

ᐃᓄᒃ ᐱᐅᖏᑦᑐᓕᔪᖅ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᖏᑉᐸᑦ, ᓂᓐᖓᐅᓯᐅᔪᒫᕐᑑᑉ ᐅᓪᓗᖓᓂ ᓴᐳᑎᔭᐅᔪᓐᓇᕋᔭᕐᐹ?

ᔫᐱᐅᑉ ᐊᒡᓚᖏᑦ 3:15

ᐊᖓᔪᖅᑳᕐᔪᐊᑉ ᐃᕐᓂᖏᑦ ᐃᓚᒋᓗᒋᑦ ᒎᓗᖁᑎᓕᑦ, ᐃᒡᓗᒥᖕᓂᒃ ᑕᑍᓯᒪᔪᑦ ᓯᐅᓪᕕᕆᓂᒃ,

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᐃᓐᖏᕈᑎᑦ 79:5

ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᓂᓐᖓᐅᒪᓂᐊᕐᐲᑦ? ᓯᖕᓇᓂᕐᒧᑦ ᓂᓐᖓᐅᒪᓃᑦ ᐃᑯᒪᑎᑐᑦ ᐃᑯᐊᓚᑏᓐᓇᕐᓂᐊᕐᐱᐅᒃ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:4

ᐊᒃᓗᐃᓐᓂᖅ ᓴᐳᑦᔨᓯᒪᔪᓐᓇᓐᖏᓚᖅ ᓂᓐᖓᖕᓂᐅᑉ ᐅᓪᓗᖓᓂ, ᐃᓱᐊᕐᓂᕐᓕ ᓴᐳᑦᔨᔪᓐᓇᕐᐳᖅ ᑐᖁᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:11

ᐊᒃᓱᐃᑦᑑᑉ ᐱᖁᑎᕐᔪᐊᓂ ᐃᒡᓗᒐᓴᒡᔪᐊᕆᕔᑦ ᐊᑦᑕᕐᓁᑦᑐᑦ, ᐊᕙᓗᕐᔪᐊᑎᑐᓪᓗ ᐳᕐᑐᔪᑎᑐᑦ ᐱᔭᐅᑦᔧᒃᑯᑎᒋᕔᑦ.

ᐂᓮᐊᓯᐅᑉ ᐊᒡᓚᖏᑦ 1:24

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᐊᔪᒐᖃᖏᑦᑐᕐᔪᐊᖁᑎᖓ: ᐊᑭᕋᒃᑲ ᐱᒋᐊᕐᓂᐊᕐᐸᒃᑲ ᓂᓐᖓᐅᓯᓐᓄᑦ, ᓇᖕᒥᓂᕐᓗ ᐊᑭᓂᐊᕐᕕᒋᓂᐊᕐᐸᒃᑲ ᐊᑭᕋᕐᑐᕐᑎᒃᑲ.

ᐂᓮᐊᓯᐅᑉ ᐊᒡᓚᖏᑦ 10:17

ᐃᓴᕆᐊᓕᒥᐅᑦ ᖃᐅᒪᓂᖓ ᐃᑯᒪᓐᖑᕈᒫᕐᐳᖅ, ᐃᑦᔪᕐᓁᑦᑐᖁᑎᖓᓗ ᐃᑯᐊᓚᔪᒫᕐᓗᓂ; ᐃᑯᐊᓪᓔᓗᓂ ᓄᖒᑦᓯᓗᓂᓗ. ᑲᑭᓪᓚᕐᓇᕐᑐᖁᑎᒥᓂᒃ ᐅᕐᐱᒐᖁᑎᒥᓂᒡᓗ ᐅᓪᓗᒥ ᐊᑕᐅᓯᕐᒥ.

ᐂᓮᐊᓯᐅᑉ ᐊᒡᓚᖏᑦ 10:3

ᖃᓄᐃᓕᐅᕈᒫᕐᐱᓰ ᐅᓪᓗᒥ ᓱᒋᐊᕐᑕᐅᕕᖕᒥ? ᐊᓯᕈᐃᔪᒧᑦ ᑎᑭᑕᐅᓕᕈᑦᓯ ᐅᖓᓯᒃᑐᒥᑦ ᐱᔪᒧᑦ? ᑭᓇᒧᑦ ᕿᒫᓛᕐᐱᓰ ᐃᑲᔪᕐᑕᐅᔪᒪᓗᓯ? ᐊᔪᕐᓴᖏᑦᔪᑎᓯ ᓇᒧᑦ ᕿᒪᓛᕐᐱᓯᒋᑦ?

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 7:34

ᖁᕕᐊᓇᕐᑐᖃᕈᓐᓃᕈᒫᕐᐳᖅ ᖁᕕᐊᓱᒡᕙᓗᒃᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖓᑐᑦ ᑐᓴᕐᓴᐅᔪᓐᓇᕈᓐᓃᕈᒫᕐᐳᑦ ᔫᑕᒥᐅᓂ ᔨᕉᓴᓕᒥᐅᓂᓗ, ᓄᓇᖏᑦ ᑭᓱᑕᖃᕈᓐᓃᕈᒪᕐᒪᑕ ᐃᓄᖃᔪᐃᑦᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:38

ᐃᖅᑲᕐᑐᕈᒫᕐᐸᑦᓯ ᐊᕐᓁᑦ ᓄᓕᐊᕇᖕᓂᕐᒥᒃ ᐊᓯᕈᐃᓯᒪᔪᑦ ᐃᓄᐊᕐᑏᓪᓗ ᐃᖅᑲᕐᑐᕐᑕᐅᓂᖏᑎᑐᑦ, ᑎᑭᑕᐅᑎᑦᓱᒫᕐᐸᑦᓯ ᐊᐅᖕᒧᑦ ᓂᓐᖓᕕᒡᔪᐊᕐᓂᕐᒧᑦ ᓯᖕᓇᓂᕐᒧᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 23:25

ᓂᓐᖓᐅᑎᓯᒪᒐᒃᑭᑦ ᑖᒃᑯᓄᖓ ᐱᓇᓱᐊᕐᕕᐅᑎᑦᓱᒫᕐᐸᒋᑦ, ᓂᓐᖓᐅᒪᓂᕐᒥᒍᑦ ᐱᓇᓱᐊᕕᐅᖁᓪᓗᑎᑦ. ᕿᖎᕐᑕᐅᔪᒫᕐᐳᑎᑦ ᓯᐅᑍᕐᑕᐅᓗᑎᓪᓗ, ᐊᒥᐊᒃᑰᔪᓪᓗ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ. ᐃᓛᒃ ᐃᕐᓂᑎᑦ ᐸᓂᑎᓪᓗ ᑎᒍᔭᐅᔪᒫᕐᐳᑦ, ᐃᓚᖕᓂᓗ ᐊᒥᐊᒃᑰᔪᑦ ᐃᑯᐊᓪᓚᒃᑕᐅᓗᑎᒃ ᓄᖑᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 7:11

ᐱᓂᕐᓗᖕᓃᑦ ᐱᕈᕐᐸᓪᓕᐊᕗᑦ ᐱᐅᖏᑦᑐᓕᓂᖅ ᐊᖏᒡᓕᕙᓪᓕᐊᓪᓗᓂ; ᓇᓪᓕᖏᓪᓘᓐᓃᑦ ᑍᒤᓕᖎᓐᓇᕐᓂᐊᓐᖏᓚᑦ, ᐅᓄᕐᓯᕙᓪᓕᐊᑦᔮᓐᖏᓚᑦ, ᐊᒃᓱᐃᑦᑐᓐᖑᕐᓂᐊᕋᑎᒡᓗ; ᓇᓪᓕᐊᓪᓘᓐᓃᑦ ᐱᓪᓚᕆᓐᖑᕐᑐᖃᕐᓂᐊᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 7:19

ᓯᐅᓪᕕᕆᖁᑎᑎᒃ ᐊᖅᑯᒻᒧᑦ ᐃᒋᐅᖅᑲᕈᒫᕐᐰᑦ, ᒎᓗᖁᑎᑎᒡᓗ ᓴᓂᕐᑎᑐᑦ ᑍᒤᓕᕈᒫᕐᐰᑦ; ᓯᐅᓪᕕᕆᓄᑦ ᒎᓗᓄᓪᓗ ᓴᐳᑎᔭᐅᔪᓐᓇᕈᒫᓐᖏᓚᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓄᑦ ᑎᑭᑕᐅᒍᑎᒃ; ᑕᒪᒃᑯᓄᖓ ᑳᒍᓐᓃᕐᑎᑕᐅᔪᓐᓇᕈᒫᓐᖏᓚᑦ ᐊᕿᐊᑦᑐᕐᑎᑕᐅᔪᓐᓇᕋᑎᒡᓗ. ᑕᒪᒃᑯᓄᖓ ᐊᔪᕐᑐᓕᑎᑕᐅᕙᓚᐅᕐᓂᖏᑦ ᐊᒡᕕᐊᕈᑕᐅᓕᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 7:5

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᐃᓕᑦᓯᓐᓄᑦ ᑎᑭᓕᕐᐳᑦ!

ᔨᐸᓁᐊᐅᑉ ᐊᒡᓚᖏᑦ 1:11

ᐅᒡᒍᐊᕐᓂᕐᒧᑦ ᕿᐊᓕᕆᑦᓯ ᒧᐊᕐᑖᒥᐅᖑᔪᓯ, ᑕᐅᕐᓯᔨᓕᒫᑦ ᓄᖑᑕᐅᖕᒪᑕ; ᓯᐅᓪᕙᓂᒡᓗ ᐅᖁᒤᓐᓂᕐᓯᐅᕐᑎᓕᒫᑦ ᓄᖑᑕᐅᖕᒪᑕ.

ᔨᐸᓁᐊᐅᑉ ᐊᒡᓚᖏᑦ 1:15

ᐅᓪᓗᖅ ᓂᓐᖓᐅᓯᕐᒧᑦ ᐅᓪᓗᕆᔭᐅᔪᒫᕐᐳᖅ, ᐅᖁᒤᑦᑑᓗᓂ ᐃᓱᒪᔮᕐᓇᕐᓗᓂᓗ, ᓯᖁᑦᑎᕐᑕᐅᓂᕐᑕᖃᕈᒫᕐᐳᖅ ᓄᖑᕈᑦᔭᐅᓂᕐᑕᖃᕐᓗᓂᓗ, ᑖᕐᑑᔪᒫᕐᐳᖅ ᖁᕕᐊᓇᖏᓪᓗᓂᓗ, ᓄᕗᔭᖃᕈᒫᕐᐳᖅ ᑖᕐᔪᖓᓗᓂᓗ.

ᔨᐸᓁᐊᐅᑉ ᐊᒡᓚᖏᑦ 2:2

ᐊᐅᓪᓚᕐᑎᑕᐅᓚᐅᖏᓐᓂᑦᓯᓐᓂ ᓂᐊᖂᔭᒃᓴᐅᑉ ᓴᓂᖓᑕ ᑎᒃᑕᐅᓂᖓᑐᑦ, ᐊᑕᓂᐅᑉ ᓂᓐᖓᐅᓯᖓᑕ ᑲᑉᐱᐊᓇᕐᓂᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ, ᐅᓪᓗᕐᒧᑦ ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᒫᑎᐅᓯᐅᑉ ᐊᒡᓚᖏᑦ 16:26

ᐃᓄᒃ ᓱᓇᒥᒃ ᐱᕙᓪᓕᐅᑎᒃᓴᖃᕋᔭᕐᐹ ᓯᓚᕐᔪᐊᓕᒫᒥᒃ ᐱᑖᕈᓂ, ᐃᓅᓯᕐᒥᓂᒡᓗ ᐊᓯᐅᔨᓗᓂ ᐅᕝᕙᓗ ᓱᓇᒥᒃ ᑐᓂᔭᒃᓴᖃᕋᔭᕐᐹ? ᐃᓅᓯᕐᒥᓂᒃ ᐅᑎᕐᑎᑦᓯᔪᓐᓇᖁᓪᓗᒎ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’