ᔨᐸᓁᐊᐅᑉ ᐊᒡᓚᖏᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᓪᓘᔪᒫᕐᐳᖅ ᓂᓪᓕᐊᕕᐅᓗᓂ ᑎᑦᑐᓚᐅᑎᓄᑦ ᐅᓇᑕᕐᑐᓪᓗ ᓂᐱᖏᓐᓄᑦ, ᐅᓇᑕᕐᓂᐅᔪᒫᕐᐳᖅ ᐃᒡᓗᒐᓴᖕᓂᒃ ᐊᕙᓗᕐᔪᐊᓕᖕᓂᒃ ᐳᕐᑐᔪᓂᒡᓗ ᓇᐸᔪᓂᒃ.

ᔨᐸᓁᐊᐅᑉ ᐊᒡᓚᖏᑦ 1:16 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 32:14

ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᕿᒪᒃᑎᕐᑕᐅᔪᒫᕐᐳᖅ, ᐃᒡᓗᒐᓴᒡᔪᐊᓪᓗ ᐃᓄᒋᐊᒃᑑᐊᓘᓚᐅᕐᑐᑦ ᐃᓄᐃᕈᑎᔪᒫᕐᐳᑦ, ᓇᐸᔪᑦ ᐅᓇᑕᕐᑏᓪᓗ ᖃᐅᔨᓴᕐᕕᖏᑦ ᐳᕐᑐᔪᑦ ᓯᑎᖃᕐᕕᑐᐃᓐᓇᐅᓕᕈᒫᕐᒪᑕ ᐃᓱᖃᖏᑦᑐᒧᑦ, ᓯᐅᑎᖅᑯᕐᑐᔪᓄᑦ ᓄᔪᐊᕐᑐᓄᑦ ᖁᕕᐊᓱᒡᕕᐅᓕᕐᓗᑎᒃ, ᓰᐱᓄᓪᓗ ᓂᕆᓇᓱᒃᕕᑐᐃᓐᓇᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 59:10

ᑕᐅᑐᖏᑦᑐᑎᑐᑦ ᐃᒡᓘᑉ ᐊᑭᓐᓇᖓᓂᒃ ᑕᑦᓯᑲᓗᒃᐳᒍᑦ, ᐊᑐᕐᓂᐊᕐᑕᕗᑦ ᑕᑦᓯᑲᒡᓗᒍ ᐃᔨᖃᖏᑦᑐᑎᑐᑦ, ᐅᓪᓗᓪᓗᐊᒃᑯᑦ ᑐᑦᔭᐱᖃᑦᑕᕐᐳᒍᑦ ᑖᕐᓯᑦᔪᑦᔭᐅᔪᑎᑐᑦ; ᐱᔪᓐᓇᑦᓯᐊᕐᑐᑦ ᐊᑯᓐᓂᖓᓐᓂ ᑐᖁᖓᔪᑎᑐᑦ ᑍᒤᑉᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 6:1

ᐃᓕᑦᓯ ᐱᓐᔭᒥᓂᒧᑦ ᑭᖑᕚᕆᔭᐅᔪᓯ, ᔨᕉᓴᓕᒥᑦ ᕿᒫᓕᕆᑦᓯ, ᑎᑦᑐᓚᐅᓪᓗ ᓂᓪᓕᕐᑎᓯᐅᒃ ᓄᓇᒥ ᑎᑯᐊᒥ! ᖃᐅᔨᑦᔪᑎᒃᓴᒥᒡᓗ ᑕᑯᒃᓴᐅᑎᑦᓯᓕᕆᑦᓯ ᐱᑦ-ᕼᐊᑭᕆᒻᑯᓐᓄᑦ; ᐅᓐᓄᐊᓪᓗᐊᑉ ᓇᓛᓂᑦ ᑲᑉᐱᐊᓇᕐᑐᒥᒃ ᓴᖅᑭᑦᑐᖃᓕᕐᒪᑦ ᐊᓯᕈᕐᑕᐅᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 8:16

ᐊᑭᕋᑦᑕ ᕿᒻᒥᕐᔪᐊᖏᑕ ᓂᓪᓕᐊᓂᖏᑦ ᑐᓴᕐᓴᐅᓕᕐᐳᑦ ᓄᓇᒥᑦ ᑖᓐᒥᐅᓂᑦ ᐱᔪᑦ, ᕿᒻᒥᕐᔪᐊᖏᑕ ᐊᖑᑕᐅᓂᖏᑕ ᓂᑦᔮᓂᖏᓐᓄᑦ ᓄᓇᓕᒫᖅ ᓴᔪᒃᐱᓗᓕᕐᐳᖅ. ᕾᓕᕐᐳᑦ ᓱᓁᕈᑦᔨᔭᕐᑐᕐᓗᑎᒃ ᓄᓇᒥᒃ, ᐃᒡᓗᒐᓴᒡᔪᐊᖏᓐᓂᒡᓗ ᐃᓄᐃᕈᑦᔨᔭᕐᑐᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 7:7

ᐃᓕᑦᓯᓐᓄᑦ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ, ᐃᓕᑦᓯ ᓄᓇᒥ ᓄᓇᖃᕐᑐᓯ; ᓇᓪᓕᐅᓐᓂᖅ ᑎᑭᐅᑎᕗᖅ, ᐅᓪᓗᖅ ᖃᒡᓕᕗᖅ, ᐅᓪᓗᖅ ᐅᐃᒻᒪᒃᓯᒪᕕᒃ, ᖁᕕᐊᓱᒡᕙᓗᒃᑐᑦ ᓂᓪᓕᐊᓂᐊᕈᓐᓃᕐᐳᑦ ᖃᖅᑲᓂ.

ᕼᐆᓯᐊᑉ ᐊᒡᓚᖏᑦ 5:8

ᑎᑦᑐᓚᐅᑏᑦ ᓂᓪᓕᕐᑎᓕᕐᓯᐅᒃ ᒋᐱᐊ, ᐅᐸᓗᖎᔭᕐᑐᕐᓯᐅᑦ ᓂᓪᓕᕐᑎᓕᕐᓯᐅᒃ ᕌᒪ. ᐅᓇᑕᕆᐊᕐᓂᕐᒥᒃ ᓂᓪᓕᓕᕆᑦᓯ ᐱᑦᐂᕕᓐ; ᐅᓇᑕᕆᐊᓕᕆᑦᓯ ᐱᓐᔭᒥᓂᐅᑉ ᐃᓄᖏᑦ!

ᕼᐆᓯᐊᑉ ᐊᒡᓚᖏᑦ 8:1

“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ.

ᔪᐃᓕᐅᑉ ᐊᒡᓚᖏᑦ 2:1

ᑎᑦᑐᓚᐅᑏᑦ ᓂᓪᓕᕐᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᓁᑦᑐᒥ, ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ, ᖃᓂᑦᑑᓕᕐᓗᓂ.

ᐂᒨᓯᐅᑉ ᐊᒡᓚᖏᑦ 3:6

“ᐃᒡᓗᒐᓴᖕᓂ ᑎᑦᑐᓚᐅᑦ ᓂᓪᓕᕐᐸᑦ ᐃᓄᖏᑦ ᑲᑉᐱᐊᓱᒐᔭᓐᖏᓛᑦ? “ᐱᓂᕐᓗᖕᓂᐊᓗᖃᕈᓐᓇᕐᐹ ᐃᒡᓗᒐᓴᖕᓂ, ᐊᑕᓂᖅ ᐱᖁᔨᑎᓐᓇᒍ?

ᕼᐊᐸᑲᐅᑉ ᐊᒡᓚᖏᑦ 3:6

ᓄᖅᑲᕐᒪᑦ, ᓄᓇᕐᔪᐊᖅ ᐊᐅᓚᓕᕐᐳᖅ; ᑕᑯᓴᕐᒪᑦ ᐃᓅᖃᑎᒌᒡᔪᐊᑦ ᓴᔪᓕᕐᐳᑦ. ᖃᖅᑬᑦ ᐃᓱᖃᖏᑦᑐᒥᑦ ᓯᐊᒻᒪᓕᕐᐳᑦ; ᐱᖑᐊᕐᔪᐃᓪᓗ ᓄᖑᓱᐃᑦᑐᑦ ᑭᕕᓕᕐᐳᑦ, ᑍᑦᓱᒪᓂᐊᓗᒃ ᑖᑦᓱᒪ ᐱᓱᒡᕕᒋᕙᓚᐅᕐᑕᖏᑦ.

ᒨᓯᓯ ᑕᓪᓕᒪᖏᑦ 28:52

ᓄᓇᓕᓕᒫᑦᓯᐊᑦ ᐊᑕᓂᐅᑉ ᒎᑎᑦᓯ ᑐᓂᓯᒪᔭᓕᒫᖏᑦ ᐅᓇᑕᕆᐊᕈᒫᕐᐰᑦ, ᐊᕙᓗᕐᔪᐊᖅ ᐳᕐᑐᔪᖅ, ᐊᑦᑕᕐᓇᖏᑦᑐᕐᓗ ᓱᕋᒃᑕᐅᔪᓐᓇᕋᓱᒋᓐᖏᑕᓯ ᐅᕐᕈᔪᒫᕐᐳᖅ.

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.