ᔨᐸᓁᐊᐅᑉ ᐊᒡᓚᖏᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑍᒤᒻᒪᑦ ᐱᖁᑎᖏᑦ ᐊᕐᓵᕐᓂᒐᐅᔪᒫᕐᐳᑦ, ᐃᒡᓗᖏᓪᓗ ᓯᖁᑦᑎᕐᑕᐅᔪᒫᕐᐳᑦ ᓱᓇᐅᔪᓐᓁᕐᓗᑎᒃ. ᐃᒡᓗᓕᐅᕈᒫᕐᐳᑦ ᐃᓂᒋᓂᐊᓐᖏᑕᒥᖕᓂᒃ; ᕔᓂᒃᓴᓕᐅᕈᒫᕐᐳᑦ ᐃᒥᕐᓂᐊᓐᖏᑕᒥᖕᓂᒃ.”

ᔨᐸᓁᐊᐅᑉ ᐊᒡᓚᖏᑦ 1:13 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᔨᕆᒤᐊᐅᑉ ᐊᒡᓚᖏᑦ 15:13

“ᐊᒃᓗᐃᑦᔪᑎᓯ ᐱᒃᑯᒥᓇᕐᑐᖁᑎᓯᓗ ᓇᒡᕚᕐᑕᒐᒃᓴᐅᔪᒫᕐᐳᑦ, ᐊᑭᖃᖏᓪᓗᑎᒃ, ᐊᔪᕐᑐᓕᓂᓯ ᐱᓪᓗᒋᑦ ᓄᓇᒋᔭᓕᒫᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 17:3

ᖃᖅᑲᓂ ᓄᓇᑐᐃᓐᓇᕐᒦᑦᑐᒥ, ᐊᔪᕐᓴᖏᑦᔪᑎᓯ ᑲᑎᕐᓱᐊᓯᓗ ᓇᒡᕚᕐᑕᒐᐅᑎᑦᓱᒫᕐᐸᒃᑲ ᐊᑭᓕᐅᑕᐅᓗᑎᒃ ᐊᔪᕐᓂᑦᓯᓐᓄᑦ ᓄᓇᓕᒫᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 4:20

ᑲᑉᐱᐊᓇᕐᑐᖅ ᐱᒋᐊᕋᓗᐊᕐᒪᑦ, ᖃᑉᐱᐊᓇᕐᑐᒃᑲᓐᓂᕐᓕ ᑎᑭᓐᓂᕗᖅ, ᓄᓇᓕᒫᖅ ᓄᓇᖃᕐᕕᕕᓂᕐᑐᑦ ᑍᒤᓕᕐᐳᖅ, ᑕᕝᕔᓐᓇᖅ ᑐᐱᕆᔭᕋ ᓱᕋᒃᑕᐅᕗᖅ, ᐅᖅᑯᐃᕕᒋᓯᒪᓇᓱᒃᑕᒃᑲᓗ ᐊᓯᐅᕗᑦ ᑕᕝᕔᓐᓇᖅ.

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 9:19

ᓮᐅᓂᒥᐅᓂᑦ ᕿᐊᔪᑦ ᑐᓴᕐᓴᐅᕗᑦ, “ᓱᕋᑦᓯᐊᕐᐳᒍᑦ, ᑲᓐᖑᓇᕐᑐᕐᔪᐊᒥᒃ ᐊᑐᓕᕐᐳᒍᑦ, ᓄᓇᕗᑦ ᕿᒪᒡᓗᒍ ᑭᓯᐊᓂᐅᓕᕐᐳᖅ ᐃᒡᓗᕕᓂᕋᓗᐊᕗᑦ ᓱᕋᒃᑎᕐᑕᐅᖕᒪᑕ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:2

ᑭᖑᕐᖑᑎᔭᕗᑦ ᑕᑯᓕᒪᓇᖏᑦᑐᓄᑦ ᐱᓯᒪᔭᐅᓕᕐᒪᑕ, ᐊᖏᕐᕋᕆᓚᐅᕐᑕᕗᓪᓗ ᐃᓂᒋᔭᐅᓕᕐᓗᑎᒃ ᑕᑯᓕᒪᓇᖏᑦᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 22:31

ᑍᒤᒻᒪᑦ ᓂᓐᖓᒡᕕᒋᓯᒪᓕᕐᐸᒃᑲ; ᓄᖑᓯᒪᓕᕐᐸᒃᑲᓗ ᓂᓐᖓᐅᓯᕐᒪ ᐃᑯᒪᖓᓄᑦ; ᐱᓂᐊᕐᓂᕆᓯᒪᔭᖏᑦ ᐊᑭᓕᕐᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 7:19

ᓯᐅᓪᕕᕆᖁᑎᑎᒃ ᐊᖅᑯᒻᒧᑦ ᐃᒋᐅᖅᑲᕈᒫᕐᐰᑦ, ᒎᓗᖁᑎᑎᒡᓗ ᓴᓂᕐᑎᑐᑦ ᑍᒤᓕᕈᒫᕐᐰᑦ; ᓯᐅᓪᕕᕆᓄᑦ ᒎᓗᓄᓪᓗ ᓴᐳᑎᔭᐅᔪᓐᓇᕈᒫᓐᖏᓚᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓄᑦ ᑎᑭᑕᐅᒍᑎᒃ; ᑕᒪᒃᑯᓄᖓ ᑳᒍᓐᓃᕐᑎᑕᐅᔪᓐᓇᕈᒫᓐᖏᓚᑦ ᐊᕿᐊᑦᑐᕐᑎᑕᐅᔪᓐᓇᕋᑎᒡᓗ. ᑕᒪᒃᑯᓄᖓ ᐊᔪᕐᑐᓕᑎᑕᐅᕙᓚᐅᕐᓂᖏᑦ ᐊᒡᕕᐊᕈᑕᐅᓕᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 7:21

“ᓄᓇᖃᑎᑐᖃᕆᓐᖏᑕᖏᓐᓄᑦ ᐊᕐᓵᕐᑕᐅᑎᑦᓱᒫᕐᐸᒃᑲ, ᐱᐅᖏᑦᑐᓕᔪᓄᓪᓗ ᓄᓇᕐᔪᐊᕐᒦᑦᑐᓄᑦ ᓇᒡᕚᕐᑖᖑᑎᓪᓗᒋᑦ; ᓇᕐᕈᓇᕐᓯᑎᑕᐅᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 7:24

ᐃᓅᖃᑎᒌᒡᔪᐊᓂᑦ ᐱᐅᖏᓐᓂᕐᐹᓂᒃ ᑎᑭᑎᑦᓯᔪᒫᕐᐳᖓ ᐃᒡᓗᖏᑦ ᑖᒃᑯᓄᖓ ᐱᑖᕆᔭᐅᖁᓪᓗᒋᑦ; ᐱᐅᔪᕆᓂᕐᒧᑦ ᐊᔪᖏᑦᔪᑎᖏᑦ ᓄᖅᑲᕐᑎᑦᓱᒫᕐᐸᒃᑲ, ᐃᑦᔪᕐᓁᑦᑐᖁᑎᖏᓪᓗ ᓇᕐᕈᓇᕐᓯᑎᑕᐅᔪᒫᕐᐳᑦ.

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᒤᑲᐅᑉ ᐊᒡᓚᖏᑦ 6:15

ᑲᓐᖓᕐᓱᐃᒐᓗᐊᕈᑦᓯ, ᑲᑎᕐᓱᐃᓛᓐᖏᓚᓯ; ᓇᐹᕐᑐᐃᓪᓗ ᐅᕐᓱᒃᓴᖏᓐᓂᒃ ᑐᓪᓕᕋᓗᐊᕈᑦᓯ, ᐃᓕᑦᓯᓐᓄᑦ ᐊᑐᕈᓐᓇᓛᓐᖏᓚᑦ; ᐸᐅᕐᖓᓂᒃ ᕔᓂᒃᓴᓂᒃ ᓴᓇᖓᓗᐊᕈᑦᓯ, ᐃᒥᕐᕕᒋᔪᒫᓐᖏᓚᓯ.

ᔨᐸᓁᐊᐅᑉ ᐊᒡᓚᖏᑦ 1:9

ᐅᓪᓗᖅ ᓇᓪᓕᐅᑎᒃᐸᑦ ᐃᑎᕐᑕᕐᕕᒃᑯᑦ ᐊᓪᓗᕐᑐᓕᒫᑦ ᓱᒋᐊᕈᒫᕐᐸᒃᑲ, ᐊᖓᔪᖅᑳᒥᓗ ᐃᒡᓗᖓᓄᐊᖅᑬᔪᑦ ᐱᕋᔭᖕᓂᕐᒥᒃ ᐅᐃᕕᕆᒃᓯᓂᕐᒥᒡᓗ.

ᒨᓯᓯ ᑕᓪᓕᒪᖏᑦ 28:30

“ᓄᓕᐊᒃᓴᕐᑖᕈᒫᕐᐳᓯ, ᐊᓯᕕᓪᓕ ᐃᓐᓇᖓᖃᑎᒋᔪᒫᕐᐹ; ᐃᒡᓗᓕᐅᕈᒫᕐᐳᓯ ᐊᖏᕐᕋᕆᔪᒫᓐᖏᓚᓪᓕ; ᕔᓂᒃᓴᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᔪᒫᕐᐳᓯ, ᐸᐅᕐᖓᖏᓐᓂᒡᓕ ᑲᑎᕐᓱᐃᔪᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:39

ᕔᓂᒃᓴᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᔪᒫᕐᐳᓯ ᐱᕈᕐᓴᑎᓪᓗᒋᓪᓗ ᑲᒪᒋᑦᓯᐊᕐᓗᒋᑦ, ᐸᐅᕐᖓᖏᓐᓂᒡᓕ ᑲᑎᕐᓱᐃᔪᒫᓐᖏᓚᓯ ᐃᒥᕈᒫᕋᓯᓗ ᐸᐅᕐᖓᖏᓐᓂᑦ, ᓄᓇᐅᑉ ᖁᐱᕐᕈᖏᓐᓄᑦ ᕔᓂᒃᓮᑦ ᓂᕆᔭᐅᔪᒫᕐᒪᑕ.

ᒨᓯᓯ ᑕᓪᓕᒪᖏᑦ 28:51

ᐃᒻᒧᒃᓯᐅᒐᖁᑎᓯᓗ ᓄᕐᕋᖏᑦ ᓂᐊᖂᔭᒃᓴᖁᑎᓯᓗ ᓂᕿᒋᔪᒫᕐᐰᑦ, ᓄᖑᓚᐅᖏᓐᓂᑦᓯᓐᓂ; ᐊᒥᐊᒃᑯᔭᐅᔪᒫᓐᖏᓚᓯᓘᓐᓃᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᐹᕐᑐᐃᑦ ᐱᕈᕐᑐᖏᑕ ᐅᕐᓱᖏᓐᓂᒃ, ᐃᒻᒧᒃᓯᐅᒐᕐᓂᒃ, ᓰᐱᓂᒡᓗ; ᐱᕐᓕᕐᓗᓯ ᑐᖁᓚᐅᖏᓐᓂᑦᓯᓐᓂ.