ᓴᑲᕅᐊᐅᑉ ᐊᒡᓚᖏᑦ 9:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᓴᑲᕅᐊᐅᑉ ᐊᒡᓚᖏᑦ 9:9 Iomraidhean Croise

ᐊᑕᓃᑦ ᓯᕗᓪᓖᑦ 1:38

ᑖᒃᑯᐊ ᔭᑑᒃ ᑐᓂᕐᕈᓯᕐᑎᑦᓯᔨ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥ ᐅᖃᕐᑎᖓ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᑦ ᓯᕆᑍᑏᑦ ᐱᓕᑍᑏᓪᓗ, ᓲᓗᒨᓂ ᐊᖓᔪᖅᑳᕐᔪᐊᑉ ᑍᕕᑎᐅᑉ ᓯᐅᑎᖅᑯᕐᑐᔪᖁᑎᖓᓄᑦ ᐃᑭᑎᑉᐹᑦ, ᒋᕼᐅᓂᒧᐊᕐᑎᓪᓗᒍ.

ᐃᓐᖏᕈᑎᑦ 149:2

ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 45:1

ᐆᒻᒪᑎᒐ ᑕᑕᑉᐳᖅ ᐅᖃᐅᓯᒃᓴᒥᒃ ᐱᐅᔪᒥᒃ; ᑎᑎᖅᑲᓂᒡᓗ ᐊᑐᐊᕐᓯᕗᖓ ᐊᖓᔪᖅᑳᕐᔪᐊᖅ ᐱᑦᔪᑎᒋᓪᓗᒍ; ᐅᖃᕋ ᑎᑎᕋᑦᓯᐊᕈᓐᓇᕐᑐᑐᑦ ᑍᒤᑉᐳᖅ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 30:6

ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 43:11

ᐅᕙᖓ, ᐅᕙᖓᐅᕗᖅ ᐊᑕᓂᖅ, ᓴᓂᒃᑯᑦ ᐊᓯᓐᓂᒃ ᐱᐅᓕᔨᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 43:3

ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 62:11

ᑕᑯᒋᑦ, ᐊᑕᓂᖅ ᐅᖃᐅᑦᔨᓯᒪᓕᕐᐳᖅ ᓄᓇᕐᔪᐊᑉ ᐃᓱᖏᓐᓄᑦ; ᐃᒫᒃ, “ᓮᐅᓂᐅᑉ ᐸᓂᖓ ᐅᖃᐅᑎᓯᐅᒃ, ᑕᑯᒋᑦ, ᐱᐅᓕᔭᐅᕕᒃᓴᓯ ᕾᓕᕐᐳᖅ, ᐊᑭᓕᐅᑎᒃᓴᓂ ᓇᒃᓴᕐᓗᒍ, ᐱᓇᓱᐊᕆᐊᕐᑐᕐᑕᓂᓗ ᐊᑐᐃᓐᓇᕆᕚ.”

ᔨᕆᒤᐊᐅᑉ ᐊᒡᓚᖏᑦ 30:9

ᑖᒃᑯᐊᓕ ᐱᔨᑦᓯᖁᓪᓗᒋᑦ ᐊᑕᓂᕐᒥᒃ ᒎᑎᒥᖕᓂᒃ, ᐊᖓᔪᖅᑳᕐᔪᐊᕕᓂᐅᓪᓗ ᑍᕕᑎᐅᑉ ᑭᖑᕚᖓᓂᒃ, ᒪᑭᑎᑦᓱᒫᕐᑕᓐᓂᒃ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 21:32

ᐃᑯᐊᓚᔪᒧᑦ ᐃᑯᐊᓪᓚᖅᑯᑎᒋᔭᐅᔪᒫᕐᐳᓯ; ᐊᐅᓯᓗ ᓄᓇᒥ ᓯᐊᒻᒪᖓᔪᒫᕐᐳᖅ; ᐃᖅᑲᐅᒪᔭᐅᔪᓐᓃᕐᓗᓯ ᐳᐃᒍᕐᑕᐅᔪᒫᕐᐳᓯ, ᐅᕙᖓ ᐊᑕᓂᖅ ᑕᒪᑐᒥᖓ ᐅᖃᕐᐳᖓ.”

ᕼᐆᓯᐊᑉ ᐊᒡᓚᖏᑦ 1:7

ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”

ᒤᑲᐅᑉ ᐊᒡᓚᖏᑦ 4:8

“ᐃᕝᕕᓪᓕ, ᓰᐱᓂᒃ ᖃᐅᔨᓴᕐᕕᖕᒦᑦᑐᑎᑦ, ᓮᐅᓂᐅᑉ ᐸᓂᖓᓄᑦ, ᕿᒫᕕᒃᓴᕆᔭᐅᔪᑎᑦ ᐊᖓᔪᖅᑳᕐᔪᐊᖑᓂᖅ ᐱᓯᒪᓚᐅᕐᑍᑦ ᐃᓕᖕᓄᑦ ᐅᑎᕈᒫᕐᐳᖅ; ᐊᖓᔪᖅᑳᕐᔪᐊᖃᕐᓂᖅ ᑎᑭᑦᓱᒫᕐᐳᖅ ᔨᕉᓴᓕᐅᑉ ᐸᓂᖓᓄᑦ.”

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᓴᑲᕅᐊᐅᑉ ᐊᒡᓚᖏᑦ 2:10

ᐊᑕᓂᖅ ᐅᖃᕐᐳᖅ, “ᐃᓐᖏᕆᑦᓯ ᖁᕕᐊᓱᒡᓗᓯ ᓮᐅᓂᒥᐅᖑᔪᓯ! ᕾᓂᐊᕋᒪ ᐃᓂᑦᓯᓐᓂ ᐃᓂᖃᖃᑕᐅᔭᕐᑐᕐᓗᖓ!

ᒫᑎᐅᓯᐅᑉ ᐊᒡᓚᖏᑦ 1:21

ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

ᒫᑎᐅᓯᐅᑉ ᐊᒡᓚᖏᑦ 11:29

ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ.

ᒫᑎᐅᓯᐅᑉ ᐊᒡᓚᖏᑦ 2:2

ᐊᐱᕆᓪᓗᑎᒡᓗ, “ᔫᑎᑦ ᐊᖓᔪᖅᑳᕐᔪᐊᒃᓴᖓᑦ ᐃᕐᓂᐊᖑᓯᒪᔪᖅ ᓇᓃᑉᐹ? ᑖᑦᓱᒪ ᐅᓪᓗᕆᐊᖓ ᓴᖅᑭᓚᐅᕐᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑎᑭᑉᐳᒍᑦ ᐅᐱᒋᔭᕐᑐᕐᓗᒍ.”

ᒫᑯᓯᐅᑉ ᐊᒡᓚᖏᑦ 11:7

ᑖᓐᓇ ᓯᐅᑎᖅᑯᕐᑐᔫᑉ ᓄᕐᕋᖓ ᔩᓱᓯᒧᐊᕈᑎᕚᒃ, ᐅᓕᒡᔪᐊᒥᖕᓂᒃ ᖄᖓᓄᐊᕐᓯᓪᓗᑎᒃ, ᔩᓱᓯ ᖄᖓᓄᑦ ᐃᑭᕗᖅ.

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᔪᐊᓇᓯᐅᑉ ᐊᒡᓚᖏᑦ 1:49

ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”

ᔪᐊᓇᓯᐅᑉ ᐊᒡᓚᖏᑦ 19:15

ᕾᒐᓛᓕᕐᐳᓪᓕ, “ᑕᒫᓃᓇᓂ, ᑕᒫᓃᓇᓂ, ᑭᑭᐊᒃᑐᕐᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᕐᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!”

ᐃᓗᐊᕐᓮᔩᑦ ᐊᒡᓚᖏᑦ 10:4

ᐃᕐᓂᖃᓚᐅᕐᐳᖅ 30ᓂᒃ ᓯᐅᑎᖅᑯᕐᑐᔪᖁᑎᖃᓚᐅᕐᑐᖅ ᐃᑭᒪᕝᕕᖕᒥᓂᒃ 30ᓂᒃ. 30ᓂᒡᓗ ᐃᒡᓗᒐᓴᖃᓚᐅᕐᐳᖅ ᒋᓕᐊᑎᑦ ᓄᓇᖓᓂ, ᓱᓕ ᑍᔭᐅᔪᑦ ᔧᕆᐅᑉ ᓄᓇᓕᖁᑎᖏᓐᓂᒃ.