ᓴᑲᕅᐊᐅᑉ ᐊᒡᓚᖏᑦ 9:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᒡᓗᒐ ᓴᐳᑎᓯᒪᔪᒫᕐᐸᕋ ᐅᓇᑕᕐᑐᒃᓴᓂᑦ ᓵᓚᖃᕈᒪᔪᓂᑦ, ᑕᕝᕘᓇ ᐊᖅᑯᓵᕐᐸᒃᑐᓂᑦ ᑖᕗᖓ ᐅᑎᒧᓪᓗ; ᐊᑭᕋᕐᑐᕐᑐᑦ ᓵᓚᖃᕈᒪᔪᑦ ᑕᕝᕘᓇ ᐊᖅᑯᓵᖃᑦᑕᕈᓐᓁᕈᒫᕐᐳᑦ: ᒫᓐᓇᒥᑦ ᖃᐅᔨᓴᕐᑎᐅᔪᒪᕗᖓ.

ᓴᑲᕅᐊᐅᑉ ᐊᒡᓚᖏᑦ 9:8 Iomraidhean Croise

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐊᑕᓃᑦ ᐂᑉᐸᖏᑦ 19:34

ᑖᒃᑯᐊ ᐃᒡᓗᒐᓴᒡᔪᐊᑦ ᓴᐳᑎᓯᒪᓂᐊᕋᒃᑭᑦ, ᐅᕙᖓ ᓇᖕᒥᓂᖅ ᐱᑦᔪᑎᒋᓗᖓ ᑍᕕᑎᓗ ᐱᑦᔪᑎᒋᓗᒍ.”

ᐊᑕᓃᑦ ᐂᑉᐸᖏᑦ 23:29

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐰᕉ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑰᖕᒧᑦ ᐃᕗᕅᑎᒧᑦ ᐅᐸᒍᑎᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᑲᔪᕆᐊᕐᓗᓂ. ᔫᓮᐊᐅᑉ ᐅᓇᑕᕐᑎᖁᑎᖏᑕᓗ ᐅᓇᑕᕆᐊᕐᕕᒋᓪᓗᒍ ᐹᕆᐊᕐᑐᕐᐹᑦ, ᐄᑦᔨᑉᑎᒥᐅᓪᓕ ᐊᖓᔪᖅᑳᕐᔪᐊᖓᑦᑕ ᓂᑰᑉ ᐅᓇᑕᕐᓗᑎᒃ ᓵᓚᒋᓪᓗᒍ ᔫᓮᐊ ᑐᖁᑉᐹ ᓄᓇᒥ ᒥᒌᑐᒥ.

ᐊᑕᓃᑦ ᐂᑉᐸᖏᑦ 24:1

ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᑎᓪᓗᒍ ᓂᐱᑯᓁᓴ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑦ ᑎᑭᓚᐅᕐᐳᖅ, ᔨᕼᐅᐃᐊᑭᒻᓗ ᐱᔨᒋᓕᓚᐅᕐᐹ ᐊᕐᕌᒍᓂᒃ ᐱᖓᓱᓂᒃ; ᑭᖑᓂᖓᒍᑦ ᐊᐅᓚᑕᐅᔪᒪᔪᓐᓃᕐᓗᓂ ᐊᑭᕋᕐᑐᓕᓚᐅᕐᐳᖅ.

ᐃᓐᖏᕈᑎᑦ 34:7

ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.

ᐃᓐᖏᕈᑎᑦ 72:4

ᐊᑦᔨᒌᒃᑎᑦᓯᔪᓐᓇᖁᓪᓗᒍ ᐃᓄᖕᓂᒃ ᐊᔪᕐᓴᕐᑐᓂᒃ; ᐱᒃᓴᖃᖏᑦᑐᓪᓗ ᕿᑐᕐᖓᖏᓐᓂᒃ ᓴᐳᑦᔨᔪᒫᕐᐳᖅ, ᐅᖁᒤᒃᓴᕐᑎᑦᓯᔪᓪᓗ ᓵᓚᒋᔪᒫᕐᐰᑦ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 3:9

ᐃᓴᕆᐊᓕᒥᐅᑦ ᕿᓄᓂᖏᑦ ᑐᓴᕐᓯᒪᕙᒃᑲ, ᖃᐅᔨᓪᓗᖓᓗ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᓂᖏᓐᓂᒃ ᑖᒃᑯᓂᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:25

ᑲᑉᐱᐊᓱᖕᓂᐊᕐᓇᒃ ᑲᑉᐱᐊᓇᕐᑐᒧᑦ ᐅᐃᒻᒪᒃᑎᑕᐅᑲᓪᓚᖕᓂᕐᒥᒃ, ᐱᐅᖏᑦᑐᒥᒃᓗ ᐃᓅᓯᖃᕐᑐᑦ ᑎᑭᑕᐅᒐᓗᐊᕐᐸᑕ ᐊᓄᕆᕐᔪᐊᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 26:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 31:5

ᑎᖕᒥᐊᑎᑐᑦ ᓂᕕᐅᕐᓗᓂ ᐊᐅᕐᓵᕋᕐᑐᑎᑐᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᓴᐳᓐᓂᐊᕐᓂᐊᕆᕗᖅ ᔨᕉᓴᓕᒥᐅᓂᒃ; ᓴᐳᓐᓂᐊᕐᓗᓂᒋᑦ ᐱᐅᓕᓂᐊᕐᐰᑦ, ᖁᓚᖏᐊᕐᓗᓂᒋᓪᓗ ᐊᓐᓇᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 4:5

ᑕᕝᕙ ᐊᑕᓂᖅ ᓮᐅᓂᐅᑉ ᖃᖅᑲᖓᑕ ᖄᓕᒫᖓ ᐊᑕᖏᕐᓗᒍ ᑲᑎᒪᔪᖁᑎᖏᑕᓗ ᖁᓛᑦᑎᒍᑦ ᓄᕗᔭᒥᒃ ᐃᓯᕐᓗᒡᒥᒡᓗ ᐅᓪᓗᒃᑯᑦ ᓴᖅᑭᑎᑦᓯᔪᒫᕐᐳᖅ, ᐃᑯᐊᓚᔪᒥᒡᓗ ᖃᐅᒪᑎᑦᓯᔪᒥᒃ ᐅᓐᓄᒃᑯᑦ; ᐱᓐᓇᕐᓇᕐᑐᕐᔪᐊᖅ ᐅᓕᒃᓯᓯᒪᓗᓂ ᓴᐳᑦᔨᓯᒪᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 52:12

ᑐᐊᕕᕐᑎᑕᐅᓗᓯ ᐊᐅᓪᓚᕐᓂᐊᓐᖏᓐᓇᑦᓯ, ᕿᒫᓂᕐᒧᓪᓗ ᐊᐅᓪᓚᕐᓂᐊᖏᓐᓇᑦᓯ; ᐊᑕᓂᐅᑉ ᓯᕗᓪᓕᕐᓂᐊᕐᒪᓯ, ᐃᓴᕆᐊᓕᐅᓪᓗ ᒎᑎᖓᑦᑕ ᒪᓕᖕᓂᐊᕐᐹᓯ ᑭᖑᓂᑦᓯᓐᓂ ᐃᓕᑦᓯᓐᓂᒃ ᓴᐳᓐᓂᐊᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 60:18

ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 46:13

ᐃᒫᒃ ᑕᕝᕙ ᐊᑕᓂᖅ ᔨᕆᒤᐊᒧᑦ ᐅᖃᕐᑎᒥᓄᑦ ᐅᖃᓚᐅᕐᐳᖅ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕆᐊᕐᓂᒃᓴᖓ ᐄᑦᔨᑉᑎᒧᑦ ᐱᓪᓗᒍ:

ᔨᕆᒤᐊᐅᑉ ᐊᒡᓚᖏᑦ 46:2

ᐄᑦᔨᑉᑎᒥᐅᑦ ᐱᓪᓗᒋᑦ ᐅᖃᕐᐳᖅ, ᐅᖃᐅᓯᒃᓴᖃᕐᐳᖓ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᓪᓗᒍ, ᓵᓚᒋᔭᐅᓚᐅᕐᑑᑉ ᑳᕐᓯᒥᔅᒥ ᑰᖕᒥ ᐃᕗᕅᑎᒥ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᔫᓮᐊᐅᑉ ᐃᕐᓂᖓᑕ ᐊᐅᓚᑦᓯᓂᖏᑕ ᓯᑕᒪᒋᓕᕐᑕᖓᓂ:

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐂᒨᓯᐅᑉ ᐊᒡᓚᖏᑦ 9:15

ᓄᓇᖏᓐᓄᑦ ᐃᓕᔪᒫᕐᐸᒃᑲ ᑕᕝᕙᓐᖓᓪᓗ ᐊᒧᔭᐅᓂᐊᕈᓐᓃᕐᓗᑎᒃ, ᓄᓇᒥᑦ ᑐᓂᔭᓐᓂᑦ ᑖᒃᑯᓄᖓ,” ᐊᑕᓂᖅ ᒎᑎᓯ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 12:4

ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᕿᒻᒥᕐᔪᐊᓕᒫᑦ ᑕᑕᒥᑎᑦᓱᒫᕐᐸᒃᑲ, ᐃᑭᒪᔪᓪᓗ ᑐᑭᖃᕈᓐᓁᕐᑎᓪᓗᒋᑦ: ᔫᑕᒥ ᓄᓇᖃᕐᑐᑦ ᐃᔨᓐᓄᑦ ᑕᑯᓐᓈᕈᒫᕋᒃᑭᑦ, ᐃᓄᐃᓪᓗ ᓄᓇᓂᑦ ᐊᓯᖏᓐᓂᑦ ᐱᓯᒪᔪᑦ ᕿᒻᒥᕐᔪᐊᖏᑦ ᑕᐅᑐᒍᓐᓁᕐᑎᑦᓱᒫᕐᐸᒃᑲ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 14:11

ᑕᒪᓐᓇ ᐃᓄᖏᓐᓂᒃ ᐃᓄᖃᕈᒫᕐᐳᖅ, ᓱᕋᑦᑎᔭᐅᒃᑲᓐᓂᕐᓂᐊᕈᓐᓁᕐᓗᓂ; ᔨᕉᓴᓕᒥ ᑲᑉᐱᐊᓇᕐᑐᖃᒃᑲᓐᓂᕈᒫᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 9:7

ᐊᐅᓕᖕᒥᒃ ᓂᕆᖃᑦᑕᕐᓂᖓᑦ ᐲᕈᒫᕐᐸᕋ ᖃᓂᖏᓐᓂᑦ, ᐱᖁᔭᐅᖏᑦᑐᓂᒡᓗ ᓂᕆᖃᑦᑕᕐᓂᖏᑦ. ᐊᒥᐊᒃᑰᔪᓪᓕ ᒎᑎᐅᑉ ᐱᒋᓕᕈᒫᕐᐰᑦ ᔫᑕᒥᐅᑎᑐᑦ, ᐃᑯᕋᓂᒥ ᓄᓇᖃᕐᑐᑦ ᐃᓄᖁᑎᑦᑐᑦ ᔨᐳᓮᑎᑐᑦ ᑍᒤᓕᕈᒫᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:34

ᑕᑯᓯᒪᕗᖓ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᓂᓪᓕᐊᓂᖏᓪᓗ ᑐᓴᕐᐸᒃᑲ, ᒫᓐᓇ ᐊᖅᑲᕐᐳᖓ ᓴᐳᑎᔭᕐᑐᕐᓗᒋᑦ. ᒫᓐᓇ ᕾᓕᕆᑦ, ᐄᑦᔨᑉᑎᒧᑦ ᑎᓕᔪᒪᒐᒃᑭᑦ.’

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:9

ᓄᓇᕐᔪᐊᕐᒧᓪᓗ ᓇᒧᑐᐃᓐᓈᕈᒫᕐᐳᑦ ᐅᓇᑕᕆᐊᕐᓗᑎᒃ ᐊᕙᑕᖏᕐᓯᔪᒫᕐᐳᑦ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒡᓗ ᓇᒡᓕᖕᓇᕐᑐᓂᒃ; ᕿᓚᖕᒥᓪᓕ ᐃᑯᒪᒥᒃ ᑲᑕᒃᕕᐅᔪᒫᕐᐳᑦ ᓄᖑᑕᐅᓗᑎᒃ.