ᓴᑲᕅᐊᐅᑉ ᐊᒡᓚᖏᑦ 9:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᓇᑕᐅᑏᑦ ᐊᒃᓴᓗᐊᓖᑦ ᐱᑕᖃᕈᓐᓁᕐᑎᑦᓱᒪᕙᒃᑲ ᐃᕗᕅᒥᑦ, ᕿᒻᒥᕐᔪᐊᓪᓗ ᔨᕉᓴᓕᒥᑦ, ᐱᑎᒃᓰᑦ ᐅᓇᑕᐅᑏᑦ ᓇᑲᑎᕈᒫᕐᐳᑦ: ᓮᓕᓂᕐᒥᒡᓗ ᐅᖃᐅᓯᖃᕈᒫᕐᐳᖅ ᐃᓅᖃᑎᒌᒡᔪᐊᓄᑦ; ᐊᖓᔪᖅᑲᐅᕕᖓ ᑭᒡᓕᖃᕈᒫᕐᐳᖅ ᐃᒪᐅᑉ ᓯᓈᓂᑦ ᐃᒡᓗᐊ ᐃᒤᑉ ᓯᓈ ᑎᑭᓪᓗᒍ, ᑰᖕᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 9:10 Iomraidhean Croise

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᐃᓐᖏᕈᑎᑦ 72:3

ᖃᖅᑬᑦ ᐱᕙᓪᓕᕐᓇᕐᑎᑦᓯᖁᓪᓗᒋᑦ ᐃᓄᖕᓄᑦ, ᐱᖑᐊᕐᔪᐃᓪᓗ, ᐃᓱᐊᕐᓯᑎᑦᓯᔪᓐᓇᖁᓪᓗᒋᑦ.

ᐃᓐᖏᕈᑎᑦ 85:8

ᓈᓚᒍᒪᕗᖓ ᖃᓄᖅ ᒎᑎ ᐊᑕᓂᖅ ᐅᖃᕐᓂᐊᕐᒪᖔᑦ, ᓮᒻᒪᓇᕐᑐᓂᒃ ᐃᓄᖁᑎᒥᓄᑦ ᐅᖃᕐᓂᐊᕐᒪᑦ ᐃᑦᔪᕐᓁᑦᑐᖁᑎᒥᓄᑦ, ᐅᑎᕐᓂᐊᖏᑉᐸᑕ ᓯᓔᓐᓇᕐᑐᒥᒃ ᐃᓅᓂᕐᒧᑦ.

ᐃᓐᖏᕈᑎᑦ 89:26

ᑖᑦᓱᒪ ᓂᓪᓕᐊᕕᒋᔪᒫᕐᐹᖓ, ‘ᐊᑖᑕᒋᕙᒋᑦ, ᒎᑎᒋᕙᒋᑦ, ᐱᐅᓕᔭᐅᓂᕐᒪᓗ ᕾᕐᑐᕆᕚᑎᑦ.’

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 2:4

ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑎᒌᒃᑐᑦ ᐊᑭᕋᕐᑐᕐᑎᒌᒍᓐᓃᕐᑎᑦᓱᒫᕐᐰᑦ, ᓴᕕᒡᔪᐊᑎᒡᓗ ᑲᐅᒐᕐᓗᒋᑦ ᓄᓇᒥᒃ ᒪᒃᐱᕐᑎᕆᑦᔪᑎᓐᖑᕐᑎᑦᓱᒫᕐᐰᑦ, ᖃᓗᒋᐊᑎᒡᓗ ᓇᐹᕐᑑᑉ ᓄᕗᖏᓐᓂᒃ ᑭᓪᓗᐃᑦᔪᑎᒃᓴᓐᖑᕐᑎᓪᓗᒋᑦ. ᐃᓅᖃᑎᒌᒡᔪᐊᓪᓗ ᐅᓇᑕᖃᑦᑕᕈᓐᓃᕈᒫᕐᐳᑦ ᐅᓇᑕᕆᐊᕐᐸᒍᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 60:12

ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕖᓪᓗ ᐃᓕᑦᓯᓐᓂᒃ ᐱᔨᑦᓯᕈᒪᖏᑦᑐᑦ ᐊᓯᕈᕈᒫᕐᐳᑦ; ᓄᓇᒥᓗ ᐃᓅᖃᑎᒌᒡᔪᐊᑦ ᑐᖁᖓᐅᓕᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 1:7

ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 2:20

ᓄᓕᐊᕐᑖᕆᔪᒫᕐᐸᒋᑦ ᓱᑯᓯᔪᐃᑦᑑᓂᕐᒥ; ᖃᐅᔨᔪᒫᕐᐳᑎᓪᓗ ᐊᑕᓂᕐᒥᒃ.

ᒤᑲᐅᑉ ᐊᒡᓚᖏᑦ 4:8

“ᐃᕝᕕᓪᓕ, ᓰᐱᓂᒃ ᖃᐅᔨᓴᕐᕕᖕᒦᑦᑐᑎᑦ, ᓮᐅᓂᐅᑉ ᐸᓂᖓᓄᑦ, ᕿᒫᕕᒃᓴᕆᔭᐅᔪᑎᑦ ᐊᖓᔪᖅᑳᕐᔪᐊᖑᓂᖅ ᐱᓯᒪᓚᐅᕐᑍᑦ ᐃᓕᖕᓄᑦ ᐅᑎᕈᒫᕐᐳᖅ; ᐊᖓᔪᖅᑳᕐᔪᐊᖃᕐᓂᖅ ᑎᑭᑦᓱᒫᕐᐳᖅ ᔨᕉᓴᓕᐅᑉ ᐸᓂᖓᓄᑦ.”

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᒤᑲᐅᑉ ᐊᒡᓚᖏᑦ 5:9

ᖁᒻᒧᑦ ᐃᓵᒍᒫᕐᐳᓯ ᓵᓚᖃᕐᓂᕐᒧᑦ ᓵᓚᒋᔨᒋᓚᐅᕐᑕᑦᓯᓐᓂᒃ, ᐊᑭᕋᓕᒫᓯᓗ ᐊᓯᕈᕐᑕᐅᔪᒫᕐᐳᑦ.

ᕼᐊᒊᑉ ᐊᒡᓚᖏᑦ 2:22

ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᕐᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᓂᖏᑦ ᐊᓯᕈᕐᓂᐊᓕᕐᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᕐᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:18

ᑕᒪᓐᓇᓕ ᑕᒪᕐᒥᒃ ᒎᑎᒥᑦ ᐱᕗᖅ, ᑖᑦᓱᒪ ᙭ᔅᑑᓯᒃᑯᑦ ᐊᓯᑦᔨᕐᐹᑎᒍᑦ ᐃᒻᒥᓄᑦ ᐃᓚᓐᓇᕆᔭᐅᓕᕐᑎᓪᓗᑕ, ᐱᔭᒃᓴᕐᑖᕐᑎᑉᐹᑎᒍᓪᓗ ᐃᓄᖕᓄᑦ ᑖᒃᑯᐊᑦᑕᐅᖅ ᒎᑎᒧᑦ ᐃᓚᓐᓇᕆᔭᐅᓕᖁᓪᓗᒋᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᒨᓯᓯ ᑕᓪᓕᒪᖏᑦ 11:24

ᓄᓇᓕᒫᕐᓗ ᐱᓱᒡᕕᒋᔭᓯ ᑕᒪᕐᒥᒃ ᓄᓇᑖᕆᓂᐊᕐᐸᓯ; ᓄᓇᒋᔭᓯᓗ ᑭᒡᓕᖃᕐᓂᐊᕐᐳᖅ ᓯᕿᓂᐅᑉ ᓇᓛᓂᑦ ᐃᓄᖃᖏᑦᑐᒥᑦ ᐱᒋᐊᕐᓗᒍ ᓕᐸᓇᓂᐅᑉ ᖃᖅᑲᖏᓐᓄᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑎᑭᓪᓗᒍ, ᑰᒑᓗᖕᒥᓪᓗ ᐃᕗᕅᑎᒥᑦ ᐱᒋᐊᕐᓗᒍ ᓯᕿᓂᐅᑉ ᓄᐃᕕᐊᓂᑦ ᒥᑎᑎᕆᓂᐊᒧᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓂᐱᕕᐊᓃᑦᑐᒧᑦ ᑎᑭᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”