ᓴᑲᕅᐊᐅᑉ ᐊᒡᓚᖏᑦ 8:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: ᐃᓄᖁᑎᒃᑲ ᓴᐳᑎᔪᒫᕐᐸᒃᑲ ᓯᑭᓂᐅᑉ ᓄᐃᕕᐊᓃᑦᑐᑦ ᓂᐱᕕᐊᓃᑦᑐᓪᓗ.

ᓴᑲᕅᐊᐅᑉ ᐊᒡᓚᖏᑦ 8:7 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 1:9

ᐅᕙᓐᓄᓪᓕ ᐅᑎᕈᑦᓯ ᐱᖁᔭᒃᑲᓗ ᒪᓕᒡᓗᒋᑦ ᐊᑐᓕᕈᑦᓯᒋᒃ, ᐅᖓᓯᒃᑐᐊᓗᖕᒧᑦ ᐊᐅᓪᓚᕈᑦᔭᐅᓯᒪᓕᕋᓗᐊᕈᑦᓯ, ᑕᕝᕙ ᓇᑭᑐᐃᓐᓇᖅ ᑲᑎᕐᓱᕈᒫᕐᐸᑦᓯ, ᐱᑎᓪᓗᓯᓗ ᑕᕝᕗᖓ ᓂᕈᐊᕐᓯᒪᔭᓐᓄᑦ, ᑕᕝᕙᓂ ᐊᑎᕋ ᑕᕝᕙᓃᖁᓪᓗᒍ.’

ᐃᓐᖏᕈᑎᑦ 113:3

ᓯᕿᓂᐅᑉ ᓄᐃᓕᕐᓂᖓᓂᑦ ᓂᐱᓂᖓᓄᑦ ᑎᑭᓪᓗᒍ ᐊᑕᓂᐅᑉ ᐊᑎᖓ ᓂᕐᑐᕐᑕᐅᔪᒃᓴᐅᕗᖅ!

ᐃᓐᖏᕈᑎᑦ 147:2

ᐊᑕᓂᐅᑉ ᔨᕉᓴᓕᒻ ᓴᓇᕚ; ᐊᐅᓪᓚᕈᑦᔭᐅᓯᒪᔪᓪᓗ ᐃᓴᕆᐊᓕᒥᐅᑦ ᑲᑎᕐᓱᕐᐰᑦ.

ᐃᓐᖏᕈᑎᑦ 50:1

ᐊᔪᒐᖃᖏᑦᑐᖅ, ᒎᑎ ᐊᑕᓂᖅ, ᐅᖃᓚᐅᕐᐳᖅ, ᓄᓇᓗ ᕾᖁᓪᓗᒍ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 49:12

ᑕᑯᒋᑦ, ᐅᖓᓯᒃᑐᓂᑦ ᑖᒃᑯᐊ ᐱᔪᒫᕐᐳᑦ; ᐃᓚᖏᓪᓗ ᐅᓐᓄᐊᓪᓗᐊᑉ ᓇᓛᓂᑦ, ᐃᓚᖏᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ, ᐃᓚᖏᓪᓗᑦᑕᐅᖅ ᓄᓇᒥᑦ ᓮᓂᒥᑦ.”

ᐂᓮᐊᓯᐅᑉ ᐊᒡᓚᖏᑦ 59:19

ᓯᕿᓂᐅᑉ ᓂᐱᕕᐊᑕ ᓇᓛᓂᒥᐅᑦ ᐃᓄᖏᑦᑕ ᐊᑕᓂᐅᑉ ᐊᑎᖓ ᓯᕘᕋᒋᔪᒫᕐᐹᑦ, ᓯᕿᓂᐅᓪᓗ ᓄᐃᕕᐊᑕ ᓇᓛᓂᒥᐅᑦ ᐃᓄᖏᑦᑕ ᓂᕐᑐᕐᓇᕐᓂᖓ ᐃᓕᕋᒋᔪᒫᕐᐸᑦ; ᐊᑭᕋᕐᑐᕐᑎᖓ ᑎᑭᑉᐸᑦ ᓱᑲᑦᑐᒥᒃ ᑰᒃᑐᑎᑐᑦ, ᐊᑕᓂᐅᑉ ᐊᓂᕐᓂᖓ ᒪᑭᓪᓗᓂ ᓵᑦᓯᔪᒫᕐᐳᖅ ᑖᑦᓱᒥᖓ.

ᔨᕆᒤᐊᐅᑉ ᐊᒡᓚᖏᑦ 31:8

ᑕᑯᒋᑦ, ᑎᑭᑎᒍᒫᕐᐸᒃᑲ ᐅᓐᓄᐊᓪᓗᐊᑉ ᓇᓛᓂᑦ, ᑲᑎᕐᓱᕈᒫᕐᐸᒃᑲᓗ ᓯᓚᕐᔪᐊᑉ ᑭᒡᓕᖏᓐᓂᑦ, ᑕᐅᑐᖏᑦᑐᑦ ᑐᓯᐊᑦᑐᓪᓗ, ᓄᑕᕋᒃᓴᓖᑦ ᐃᕐᓂᓱᒃᑐᓪᓗ ᑖᒃᑯᓄᖓ ᐃᓚᒋᔭᐅᔪᒫᕐᐳᑦ, ᐃᓄᒋᐊᒃᑐᕐᔪᐊᖑᓗᑎᒃ ᑕᒪᐅᖓ ᐅᑎᕈᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 11:17

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓄᖕᓂᑦ ᐊᐅᓪᓚᕈᑦᔭᐅᕕᒋᓯᒪᔭᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᑲᑎᓪᓗᓯ ᐊᑕᐅᓯᕐᒧᑦ ᓄᓇᓂᑦ ᓯᐊᒻᒪᕐᑎᑕᐅᕕᒋᓯᒪᔭᑦᓯᓐᓂᑦ, ᐃᓴᕆᐊᓕᐅᓪᓗ ᓄᓇᖓᓂᒃ ᑐᓂᓯᕕᒋᔪᒫᕐᐸᑦᓯ.’

ᐃᓯᑭᐊᓕᐅᑉ ᐊᒡᓚᖏᑦ 36:33

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᓪᓗᖅ ᓇᓪᓕᐅᑎᒃᐸᑦ ᓴᓗᒻᒤᕕᒋᔪᒫᕐᑕᕋ ᐱᐅᖏᑦᑐᓕᓂᓕᒫᑦᓯᓐᓂᑦ, ᐃᒡᓗᒐᓴᒡᔪᐊᑦ ᐃᓄᖃᓕᕐᑎᑦᓱᒫᕆᕙᒃᑲ, ᓱᓇᐅᔪᓐᓃᕐᓯᒪᔪᓪᓗ ᐋᖅᑭᒃᓱᕐᓕᕐᒥᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 10:6

“ᔫᑕᒥ ᓄᓇᖃᕐᑐᑦ ᓴᓐᖏᔪᕈᕐᑎᑦᓱᒫᕐᐸᒃᑲ, ᔫᓯᐱᐅᓪᓗ ᑭᖑᕚᖏᑦ ᓴᐳᑎᔪᒫᕐᐸᒃᑲ, ᐱᐅᓯᕆᓚᐅᕐᑕᖏᓐᓄᑦ ᐅᑎᕐᑎᑦᓱᒫᕐᐸᒃᑲ ᓇᒡᓕᒋᒐᒃᑭᑦ. ᓱᒋᐊᓚᐅᓯᒪᖏᑕᑦᑐᑦ ᑍᒤᓕᕈᒫᕐᐳᑦ: ᐊᑕᓂᐅᒐᒪ ᑖᒃᑯᐊ ᒎᑎᖓᑦ, ᑐᒃᓯᐊᕐᓂᖏᓪᓗ ᑐᓴᕈᒫᕐᐸᒃᑲ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.