ᓴᑲᕅᐊᐅᑉ ᐊᒡᓚᖏᑦ 8:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ; ᐅᓪᓗᓂ ᑍᒃᑯᓇᓂ ᐃᒫᒃ ᐱᔪᖃᕈᒫᕐᐳᖅ, ᐊᖑᑎᑦ ᖁᓕᑦ ᐃᓅᖃᑎᒌᒡᔪᐊᓂᑦ ᐅᖃᐅᓯᖃᑎᒌᖏᑦᑐᑦ, ᔫᑎᒥᒃ ᐊᓐᓄᕌᖓᒍᑦ ᑎᒍᓯᔪᒫᕐᐳᑦ ᐅᖃᐅᑎᓗᒍᓗ, ‘ᑍᑯᓐᖓᖃᑎᒋᓚᐅᕐᓚᑦᑎᒋᑦ ᑐᓴᐅᒪᒐᑦᑕ ᒎᑎᐅᑉ ᐃᓚᒋᖕᒪᓯ.’”

ᓴᑲᕅᐊᐅᑉ ᐊᒡᓚᖏᑦ 8:23 Iomraidhean Croise

ᒨᓯᓯ ᓯᕗᓪᓖᑦ 31:41

ᐊᕐᕌᒍᑦ ᐊᕙᑎᑦ ᓈᓪᓗᒋᑦ ᐃᓕᑦᓯᓐᓂᒥᐅᑕᐅᓚᐅᕐᐳᖓ; ᐊᕐᕌᒍᓂᒡᓗ 14ᓂᒃ ᐃᓕᖕᓂᒃ ᐱᔨᑦᓯᓚᐅᕐᐳᖓ ᐸᓃᖕᓂᒃ ᒪᕐᕉᖕᓂᒃ ᐊᑭᓕᕐᑕᐅᑦᔪᑎᖃᕈᒪᓪᓗᖓ, ᐊᕐᕌᒍᓂᒡᓗ ᐱᖓᓲᔪᕐᑐᓂᒃ ᐱᔨᑦᓯᓚᐅᕆᕗᖓ ᐆᒪᔪᖁᑎᖕᓂᒃ ᐱᑖᕈᓐᓇᖁᓪᓗᖓ, ᓱᓕ ᐊᑭᓕᕐᑕᐅᑦᔪᑎᒃᓴᒃᑲ ᖁᓕᕕᒃᓗᒋᑦ ᐊᓯᑦᔨᖃᑦᑕᓚᐅᕐᐸᑎᑦ.

ᒨᓯᓯ ᓯᕗᓪᓖᑦ 31:7

ᐊᑖᑕᑦᓯᓕ ᓯᓔᕐᕆᓯᒪᕚᖓ ᐊᑭᓕᕐᑕᐅᑦᔪᑎᒃᑲᓗ ᖁᓕᕕᒃᓗᒋᑦ ᐊᓯᑦᔨᕐᓯᒪᕔᑦ, ᒎᑎᐅᓪᓕ ᑖᑦᓱᒪᓐᖓᑦ ᓴᐳᑎᓯᒪᓚᐅᕐᐹᖓ ᖃᓄᐃᓕᔭᐅᖁᓇᖓ.

ᐊᑕᓃᑦ ᐂᑉᐸᖏᑦ 2:6

ᐃᓔᑦᔭᐅᑉ ᐊᒻᒪ ᐅᖃᐅᑎᓕᕆᕚ, “ᑕᒫᓂᒋᑦ, ᐊᑕᓂᐅᑉ ᑰᖕᒧᑦ ᔪᐊᕐᑕᓂᓕᐊᖁᖕᒪᖔ.” ᐃᓔᓴᐅᑉ ᑭᐅᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᓱᖃᑎᒌᓕᕐᐴᒃ.

ᑯᕉᓂᑲ ᓯᕗᓪᓖᑦ 12:18

ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.

ᑯᕉᓂᑲ ᐂᑉᐸᖏᑦ 15:9

ᔫᑕᒃᑯᓕᒫᓪᓗ ᐱᓐᔭᒥᓂᒃᑯᓕᒫᓪᓗ ᑲᑎᖁᕔᑦ, ᐃᕗᕅᒥᓗ, ᒫᓇᓯᒥ, ᓯᒥᐅᓂᒥᓗ ᓄᓇᓖᑦ, ᐅᓄᕐᑐᕐᔪᐊᓪᓗ ᐃᓴᕆᐊᓕᒥᐅᑦ ᑕᕝᕗᓐᖓᕆᕗᑦ ᑕᑯᒐᒥᒃ ᐊᑕᓂᐅᑉ ᑖᑦᓱᒪ ᒎᑎᖓᑕ ᐃᓚᒋᖕᒪᒍ.

ᐃᔅᑕᐅᑉ ᐊᒡᓚᖏᑦ 8:17

ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᒡᓗᒐᓴᖕᓂᓗ, ᓇᓂᑐᐃᓐᓇᖅ ᐊᖓᔪᖅᑳᕐᔪᐊᑉ ᐱᖁᔨᓂᖓᑦ ᐅᖃᓕᒫᕐᑕᐅᑐᐊᕐᒪᑦ, ᔫᑎᑦ ᖁᕕᐊᓱᓚᐅᕐᐳᑦ ᓯᕆᓪᓗᑎᒡᓗ, ᓂᕆᕕᒡᔪᐊᕐᓗᑎᒃ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ. ᑍᒤᒻᒪᒃ ᐃᓄᐃᑦ ᐅᓄᕐᑐᑦ ᓄᓇᓕᖕᓃᑦᑐᑦ ᔫᑎᓐᖑᖃᑦᑕᐅᕗᑦ, ᔫᑎᓂᒃ ᑲᑉᐱᐊᓱᓕᕋᒥᒃ.

ᔫᐱᐅᑉ ᐊᒡᓚᖏᑦ 19:3

ᖁᓖᕐᑐᕐᓗᓯ ᐅᕙᓐᓂᒃ ᓵᓐᖓᓯᓯᒪᓕᕐᐳᓯ; ᑲᓐᖑᓱᓐᖏᓚᓰ ᐅᕙᓐᓂᒃ ᓱᒃᑯᔨᐊᖃᕋᓱᐊᕐᓂᑦᓯᓐᓂᒃ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:2

ᐂᑦᑐᕐᑐᐃᓕᕆᑦ ᓂᕆᔭᒃᓴᓂᒃ 7ᓄᑦ, 8ᓄᓪᓘᓐᓃᑦ, ᖃᐅᔨᒪᖏᓐᓇᕕᑦ ᐱᐅᖏᑦᑐᒥᒃ ᓄᓇᒥ ᓱᔪᖃᕐᓂᐊᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 3:6

ᐊᖑᑎᐅᑉ ᐊᖓᔪᓂ ᓄᑲᓂᓘᓐᓃᑦ ᑎᒍᔪᒫᕐᐹ ᐊᑖᑕᒥ ᐃᒡᓗᖓᓂᑦ ᐅᖃᐅᑎᓗᒍᓗ: “ᐅᓕᒡᔪᐊᖃᕋᕕᑦ ᓯᕗᓕᕐᑎᑖᕆᓚᐅᕐᓚᑦᑎᒋᑦ, ᑕᒪᓐᓇ ᓯᖁᒥᓯᒪᓂᐊᓗᒃᐳᑦ ᐃᓕᖕᓄᑦ ᐊᐅᓚᑕᐅᖁᓕᕐᑕᕗᑦ.”

ᐂᓮᐊᓯᐅᑉ ᐊᒡᓚᖏᑦ 4:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᕐᓁᑦ 7 ᐊᖑᒻᒥᒃ ᐊᑕᐅᓯᕐᒥᒃ ᑎᒍᓯᔪᒫᕐᐳᑦ, ᐅᖃᕐᓗᑎᒃ, “ᓇᖕᒥᓂᖅ ᓂᕿᒃᓴᖃᕐᑎᓐᓂᐊᕐᐳᒍᑦ ᓇᖕᒥᓂᕐᓗ ᐊᓐᓄᕌᖃᕐᑎᓪᓗᑕ; ᐊᑎᕐᓂᒃ ᑍᔭᐅᑦᔪᓯᕐᑖᕐᑎᓚᐅᕐᑎᒍᑦ; ᑲᓐᖑᓲᑎᕗᑦ ᐲᕐᑕᐅᖁᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 45:24

ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 60:3

ᐃᓅᖃᑎᒌᒡᔪᐊᓪᓗ ᖃᐅᒪᓂᑦᓯᓐᓄᑦ ᐂᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᖃᐅᒻᒪᒃᐸᓪᓕᐊᓂᓯ ᖃᐅᒪᓂᖓᓄᑦ ᕾᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 66:18

“ᐱᓂᐊᕐᓂᖏᑦ ᐃᓱᒪᒋᔭᖏᓪᓗ ᖃᐅᔨᒪᒐᒃᑭᑦ, ᑎᑭᑦᓱᒫᕐᐳᖓᓗ ᐃᓅᖃᑎᒌᒡᔪᐊᑦ ᐅᖃᐅᓯᖃᑎᒌᖏᑦᑐᓪᓗ ᑕᒪᕐᒥᒃ ᑲᑎᑎᑦᓴᕐᑐᕐᓗᒋᑦ; ᕾᒍᑎᒡᓗ ᓂᕐᑐᕐᓇᕐᓂᕐᔪᐊᕋ ᑕᑯᔪᒫᕐᐹᑦ.

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᓘᑲᓯᐅᑉ ᐊᒡᓚᖏᑦ 8:44

ᔩᓱᓯ ᑐᓄᐊᓂᑦ ᒪᓕᒃᓴᕐᐹ, ᐊᓐᓄᕌᖓᑕ ᓯᓈ ᐊᒃᑐᕐᐹ; ᑕᕝᕔᓐᓇᖅ ᐊᐅᓈᕐᓂᖓ ᓄᖅᑲᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 19:12

ᐊᒡᓛᓪᓘᓐᓃᑦ ᖁᖓᓯᕈᑏᑦ ᐊᓪᓚᕈᑏᓪᓘᓐᓃᑦ ᐸᐅᓗᓯᐅᑉ ᑎᒥᖓᓄᑦ ᐊᒃᑐᕐᓯᒪᔪᑦ ᖃᓂᒪᔪᓄᐊᕈᑦᔭᐅᔭᕌᖓᑕ, ᑕᕝᕙ ᖃᓂᒻᒪᓰᑦ ᐊᓂᕗᑦ, ᐊᓂᕐᓂᕐᓗᐃᓪᓗ ᐊᓂᕗᑦ ᑖᒃᑯᓇᓐᖓᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:25

ᐃᓱᒪᒥᓂᓗ ᐃᔨᕐᓯᒪᔭᖏᑦ ᓴᖅᑭᑎᑕᐅᒐᔭᕐᐳᑦ; ᐅᑯᓗᓂᓗ, ᒎᑎ ᑐᒃᓯᐊᕐᕕᒋᓕᕋᔭᕐᐹ, ᓇᓗᓁᕐᓯᓗᓂᓗ; ᒎᑎ ᓱᓕᓪᓚᕆᒃᑐᒥᒃ ᐊᑯᓐᓇᑦᓯᓐᓃᓐᓂᖓᓂᒃ.

ᔮᓱᐊᑉ ᐊᒡᓚᖏᑦ 8:35

ᒨᓯᓯᐅᑉ ᐱᖁᔭᓕᒫᖏᑦ ᔮᓱᐊᑉ ᐅᖃᓕᒫᓚᐅᕐᐰᑦ ᑲᑎᒪᔪᓄᑦ ᐃᓴᕆᐊᓕᒥᐅᓄᑦ, ᐊᕐᓁᑦ ᕿᑐᕐᖓᖏᓪᓗ ᓄᓇᓕᑐᖃᐅᖏᑦᑐᓪᓗ ᐃᓅᖃᑎᖏᑦ ᐱᖃᑕᐅᔪᐃᓐᓇᐅᑎᓪᓗᒋᑦ.