ᓴᑲᕅᐊᐅᑉ ᐊᒡᓚᖏᑦ 8:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “ᐱᕈᕐᓯᐊᒃᓴᓂᒃ ᐱᕈᕐᓰᕕᖕᒥᖕᓄᑦ ᐃᓕᐅᖅᑬᔪᒫᕐᐳᑦ ᓯᕘᕋᖏᓪᓗᑎᒃ. ᕔᓂᒃᓴᖁᑎᖏᓪᓗ ᐱᕈᕐᕕᐅᑦᓯᐊᕈᒫᕐᐳᑦ, ᓄᓇᒥᓗ ᐱᕈᕐᓯᐊᖏᑦ ᓂᕿᒃᓮᑦ ᐱᕈᑦᓯᐊᓗᕐᑎᒃ, ᓯᓚᓗᖃᑦᑕᑦᓯᐊᕐᓗᓂᓗ, ᑕᒪᒃᑯᐊ ᑍᒫᒃ ᐱᓇᓱᐊᕈᒪᕙᒃᑲ ᐃᓄᐃᑦ ᐊᒥᐊᒃᑯᑦ ᑭᖑᕐᖑᑦᔨᖁᓪᓗᒋᑦ ᑕᒪᑐᒥᖓ.

ᓴᑲᕅᐊᐅᑉ ᐊᒡᓚᖏᑦ 8:12 Iomraidhean Croise

ᒨᓯᓯ ᓯᕗᓪᓖᑦ 26:12

ᐂᓴᑭᓗ ᑕᕝᕙᓂ ᓄᓇᒥ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᕐᑐᓂᒃ ᑲᑎᕐᓱᐃᓚᐅᕐᐳᖅ 100ᐃᕐᑐᓪᓗᐊᕐᑐᓂᒃ ᐅᓄᕐᓂᕐᓴᓂᒃ, ᐊᑕᓂᐅᑉ ᓮᒻᒪᕐᑎᓚᐅᕐᒪᒍ.

ᒨᓯᓯ ᓯᕗᓪᓖᑦ 27:28

ᒎᑎᐅᑉ ᑐᓂᓯᕕᒋᓕᑎᑦ ᕿᓚᐅᑉ ᖃᐅᓯᕐᑎᑦᓯᓂᖓᓂᒃ, ᓄᓇᒥᒡᓗ ᐊᔪᕐᓴᕐᓇᖏᑦᑐᒥᒃ, ᐊᒥᒐᖏᑦᑐᓂᒡᓗ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ,

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐃᓐᖏᕈᑎᑦ 72:3

ᖃᖅᑬᑦ ᐱᕙᓪᓕᕐᓇᕐᑎᑦᓯᖁᓪᓗᒋᑦ ᐃᓄᖕᓄᑦ, ᐱᖑᐊᕐᔪᐃᓪᓗ, ᐃᓱᐊᕐᓯᑎᑦᓯᔪᓐᓇᖁᓪᓗᒋᑦ.

ᐃᓐᖏᕈᑎᑦ 85:12

ᐄᓛᒃ ᐊᑕᓂᖅ ᐱᐅᔪᒥᒃ ᑐᓂᓯᓂᐊᕐᐳᖅ, ᑕᕝᕙ ᓄᓇᕗᑦ ᐱᕈᕐᑎᑦᓯᓂᐊᕐᐳᖅ ᐱᕈᕐᑐᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:12

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

ᐂᓮᐊᓯᐅᑉ ᐊᒡᓚᖏᑦ 30:23

ᐱᕈᕐᑐᒃᓴᓂᒃ ᑲᓐᖓᕐᓱᐃᔭᕌᖓᑦᓯ ᐊᑕᓂᖅ ᓯᓚᓗᒃᑎᑦᓯᕙᒍᒫᕐᐳᖅ ᐱᕈᕈᑎᒃᓴᖏᓐᓂᒃ, ᐱᕈᕐᑐᕕᓂᕐᓂᒃ ᑲᑎᕐᓱᒐᒃᓴᖃᑦᓯᐊᖁᓪᓗᓯ, ᐱᕈᕐᓯᒪᑦᓯᐊᕐᑐᓂᒃ ᐊᒥᒐᖏᑦᑐᓂᒡᓗ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐆᒪᔪᖁᑎᓯ ᓂᕆᓇᓱᐊᕈᒫᕐᐳᑦ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᒥᒐᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 34:28

ᐃᓅᖃᑎᒌᒡᔪᐊᓄᑦ ᓂᑭᒃᓴᐅᕙᒍᓐᓁᕈᒫᕐᐳᑦ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᕙᒍᓐᓃᕐᓗᑎᒃ; ᓄᓇᖃᕈᒫᕐᐳᑦ ᖃᓄᐃᑕᐅᓐᓇᖏᑦᑐᒥ, ᓇᓪᓕᐊᓐᓄᓪᓘᓐᓃᑦ ᑲᑉᐱᐊᓱᒃᑎᑕᐅᕙᒍᓐᓁᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:12

ᐄᓛᒃ, ᐃᓄᖕᓄᑦ ᐱᓱᒡᕕᐅᖃᑦᑕᓕᕐᑎᑦᓱᒫᕆᕙᒋᑦ, ᐊᒡᓛᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᓄᓇᑖᕆᔪᒫᕐᐹᑎᑦ, ᑖᒃᑯᓇᓐᖓᓪᓗ ᑭᖑᕐᖑᑎᔭᐅᓕᕐᓗᑎᑦ, ᕿᑐᕐᖓᖏᓪᓗ ᐱᕐᓚᓱᒃᑎᓚᐅᕐᓯᒪᓂᐊᕈᓐᓃᕐᐸᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 36:30

ᓇᐹᕐᑐᐃᑦ ᐱᕈᕐᕕᐅᑎᑦᓱᒫᕐᐸᒃᑲ ᐱᕈᕐᓰᕖᓪᓗ ᐱᕈᕐᕕᐅᑎᑦᓯᐊᕐᓗᒋᑦ ᐊᒥᒐᕐᓯᖏᑦᓯᐊᖁᓪᓗᓯ, ᐃᓅᖃᑎᒌᒡᔪᐊᓄᑦ ᑲᓐᖑᓱᒃᑎᑕᐅᓂᕐᒥᒃ ᐊᑐᒃᑲᓐᓂᖁᓇᓯ ᑳᖕᓇᕐᑐᒦᓐᓂᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 36:9

ᑕᑯᒋᑦ, ᑕᑉᐱᕐᓗᓯ, ᓵᕝᕕᒋᓂᐊᕐᐸᑦᓯ, ᐃᑎᕐᓴᓕᐅᕐᑕᐅᓗᓯ ᑲᓐᖓᕐᓱᐃᕕᐅᔪᒫᕐᐳᓯ;

ᕼᐆᓯᐊᑉ ᐊᒡᓚᖏᑦ 13:3

ᑍᒤᒻᒪᑦ ᐊᑦᔨᖃᕈᒫᕐᐳᑦ ᐅᓪᓛᒥ ᐳᔪᕐᑎᑐᑦ ᐅᕝᕙᓗ ᐅᓪᓛᒃᑯᑦ ᖃᑯᐊᕐᓯᒪᔪᑎᑐᑦ ᐊᐅᒃᑕᐅᓕᕋᒥ ᐊᓯᐅᕙᓪᓕᐊᔪᑐᑦ, ᓂᐊᖂᔭᒃᓴᐅᑉ ᓯᓚᑉᐱᐊᖓᑐᑦ ᑎᒃᑕᐅᔪᑎᑐᑦ ᐃᕖᔧᕕᖕᒥᑦ ᐅᕝᕙᓗ ᐳᔫᕐᑐᑎᑐᑦ ᐃᒐᓛᒃᑯᑦ.

ᕼᐆᓯᐊᑉ ᐊᒡᓚᖏᑦ 14:5

ᐅᓪᓛᒃᑯᑦ ᖃᑯᐊᕐᑎᓯᒪᔪᑐᑦ ᑍᒤᓐᓂᐊᕐᐳᖓ ᐃᓴᕆᐊᓕᒧᑦ; ᐱᕈᕐᓯᐊᑎᑐᑦ ᐱᕈᕐᓂᐊᕐᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᕐᐸᒃᑲ ᓇᐹᕐᑐᑎᑐᑦ ᖃᑯᕐᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 2:19

ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᔪᐃᓕᐅᑉ ᐊᒡᓚᖏᑦ 2:22

ᓯᕘᕋᓂᐊᕋᓯ ᐆᒪᔪᐃᑦ ᓄᔪᐊᕐᑐᑦ ᐱᕈᕐᑐᐃᑦ ᓇᑎᕐᓇᒦᑦᑐᑦ ᑐᖑᔪᕐᓯᓕᕐᒪᑕ; ᓇᐹᕐᑐᓪᓗ ᐸᐅᕐᖓᕐᑖᓕᕐᒪᑕ, ᓇᐹᕐᑐᐃᑦ ᐱᒋᓕᒃᓮᑦ ᕔᓂᒃᓮᓪᓗ ᐸᐅᕐᖓᖏᑦ ᐱᕈᑦᓯᐊᓕᕐᒪᑕ.

ᒨᓯᓯ ᐱᖓᔪᖏᑦ 26:3

“ᐱᖁᔭᒃᑲ ᒪᓕᒡᓗᒋ ᐃᓅᒍᑦᓯ, ᒪᓕᒐᒃᓴᐅᖁᔭᒃᑲᓗ ᓈᓚᑦᓯᐊᕈᓯᒋᒃ,

ᔨᐸᓁᐊᐅᑉ ᐊᒡᓚᖏᑦ 3:13

ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᕐᐳᑦ ᓴᒡᓗᓂᐊᕈᓐᓁᕐᐳᓪᓗ, ᐅᖃᖏᑕᓗ ᐅᖃᕐᓂᕐᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᕐᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᕐᐳᑦ ᐱᕙᓪᓕᐊᑦᓯᐊᕐᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᕐᐳᑦ.”

ᕼᐊᒊᑉ ᐊᒡᓚᖏᑦ 1:10

‘ᑍᒤᒻᒪᑦ, ᕿᓚᐅᑉ ᓯᓚᓗᒃ ᓄᖅᑲᖓᑎᑉᐹ ᓱᓇᒥᒡᓘᓐᓃᑦ ᓄᓇᕐᔪᐊᕐᒥ ᐱᕈᕐᑐᖃᕈᓐᓇᕋᓂ.

ᕼᐊᒊᑉ ᐊᒡᓚᖏᑦ 2:18

ᒫᓐᓇ ᐃᓱᒪᒃᓴᕐᓯᐅᓕᕆᑦᓯ ᐅᓪᓗᒥᒥᑦ ᐱᒋᐊᕐᓗᒍ, ᐅᓪᓘᑉ 24ᖓᓂ ᑕᖅᑭᐅᑉ 9ᖓᓂ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᑕ ᑐᓐᖓᕕᓕᕐᑕᐅᓕᕐᓂᖓᓂᑦ ᐱᒋᐊᕐᓗᒍ ᐃᓱᒪᒃᓴᕐᓯᐅᓕᕆᑦᓯ:

ᕼᐊᒊᑉ ᐊᒡᓚᖏᑦ 2:19

ᐱᕈᕐᓯᐊᒃᓴᓯ ᓱᓕ ᓯᕐᓗᐊᑦᓯᓐᓃᑉᐹᑦ? ᕔᓂᒃᓮᑦ ᓇᐹᕐᑐᐃᓪᓗ ᐸᐅᕐᖓᓖᑦ ᓴᐅᓂᓕᖕᓂᒃ, ᐹᒪᒍᕌᓃᓪᓗ ᐱᕈᕐᑐᐃᑦ, ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕈᓐᓇᓚᐅᓐᖏᓛᑦ? ᐅᓪᓗᒥᒥᓪᓕ ᐱᒋᐊᕐᓗᒍ ᓮᒻᒪᕐᑎᓐᓂᐊᓕᕐᐸᑦᓯ.”

ᓴᑲᕅᐊᐅᑉ ᐊᒡᓚᖏᑦ 8:6

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᑕᒪᓐᓇ ᐃᓱᒪᒋᓗᒍ ᑲᒪᓇᕐᑐᐊᓘᒐᔭᕐᐳᖅ ᒫᓐᓇ ᐊᒥᐊᑰᓪᓗᑎᒃ ᐃᓅᔪᓄᑦ, ᐅᕙᓐᓄᑦ ᑕᒪᓐᓇ ᐊᔪᕐᓇᕋᔭᕆᕚ? ᐊᑕᓂᖅ ᖁᑦᓯᖕᓂᕐᐹᖅ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 3:11

ᐃᓂᕐᑎᕐᓂᐊᕐᐸᕋᓗ ᐱᒃᓴᑦᓯᓐᓂᒃ ᓂᕆᕙᒃᑐᖅ, ᐊᓯᕈᐃᖁᓇᒍ ᓄᓇᒥᑦ ᐱᕈᕐᑎᑕᑦᓯᓐᓂᒃ; ᕔᓂᒃᓮᓪᓗ ᐱᕈᑦᓯᐊᕐᓂᐊᕐᐳᑦ ᐱᕈᕐᓰᕕᑦᓯᓐᓂ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:21

ᑍᒤᒻᒪᑦ ᐃᓅᑉ ᐱᔪᓐᓇᕐᓂᖏᑦ ᓂᕐᑐᕈᑎᒋᔭᐅᔪᒃᓴᐅᓐᖏᓚᑦ. ᑕᒤᑕ ᐱᒋᒐᑦᓯᒋᒃ,

ᒨᓯᓯ ᑕᓪᓕᒪᖏᑦ 32:2

ᐊᔪᕆᕐᑐᐃᑦᔪᑎᒋᔭᒃᑲ ᓯᓚᓗᒃᑎᑐᑦ ᑲᑕᒐᕐᓕᑦ, ᐅᖃᐅᓯᒃᑲ ᖃᐅᓯᕐᑎᑦᓯᓗᑎᒃ ᒥᓂᔪᑎᑐᑦ, ᓯᓚᓗᒃᑐᑎᑐᑦ ᐃᕕᒃᓱᒐᕐᓄᑦ ᐱᕈᕐᐸᓪᓕᐊᔪᓄᑦ, ᒥᓂᔪᑎᑐᓪᓗ ᑍᒤᓐᓂᐊᕐᐳᑦ ᐃᕕᒐᕐᓄᑦ.

ᒨᓯᓯ ᑕᓪᓕᒪᖏᑦ 33:13

ᔫᓯᐱᐅᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓕ ᓄᓇᖁᑎᖓ, ᓄᓇᖁᑎᖓᑕᓗ ᐊᑖᓃᑦᑐᑦ ᐊᒃᐸᓯᒃᑐᒥ,

ᒨᓯᓯ ᑕᓪᓕᒪᖏᑦ 33:28

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐃᓅᕗᑦ ᐃᓱᒫᓗᓇᖏᑦᑐᒥ, ᐸᒡᕕᓴᒃᑕᐅᓐᖏᓚᕐᓗ ᔧᑰᑉ ᑭᖑᕚᖏᑕ ᐃᓂᖓᑦ, ᓄᓇᖓᑦ ᐱᕈᕐᑐᓕᒃ ᓂᕿᒃᓴᓂᒃ ᕔᓂᒃᓴᓂᒡᓗ; ᐃᓛᒃ, ᕿᓚᖕᒥᑦ ᒥᓂᔪᒧᑦ ᓄᓇ ᖃᐅᓯᓕᕐᑎᕐᑕᐅᖃᑦᑕᕐᓗᓂ.

ᔧᒥᓯᐅᑉ ᐊᒡᓚᖏᑦ 3:18

ᐃᓅᖃᑎᒌᑦᓯᐊᕈᑎᒃᓴᒥᒡᓗ ᑲᓐᖓᕐᓱᐃᕗᑦ ᓮᓕᓇᕐᑐᒥᒃ ᑖᒃᑯᐊ ᓮᓕᑎᑦᓯᔪᑦ.