ᓴᑲᕅᐊᐅᑉ ᐊᒡᓚᖏᑦ 8:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑍᑦᓱᒪᓂ ᑕᒪᑐᒪ ᓯᕗᕐᖓᓂ ᐃᖅᑲᓁᔭᕐᑐᖃᕈᓐᓇᓚᐅᓐᖏᓚᖅ ᐃᓄᖕᒥᒃ ᓂᕐᔪᑎᒥᒡᓘᓐᓃᑦ. ᑭᓇᓘᓐᓂᑦ ᓯᕘᕋᖏᓪᓗᓂ ᐱᓇᓱᐊᕈᓐᓇᓚᐅᓐᖏᓚᖅ ᐊᑭᕋᓂ ᐱᑦᔪᑎᒋᓪᓗᒋᑦ, ᐃᓄᓕᒫᑦ ᐃᓅᖃᑎᒥᖕᓂᒃ ᐊᑭᕋᕐᑐᕐᑎᓚᐅᕋᒃᑭᑦ.

ᓴᑲᕅᐊᐅᑉ ᐊᒡᓚᖏᑦ 8:10 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 19:2

ᐄᑦᔨᑉᑎᒥᐅᑦ ᓵᓐᖓᑎᑦᓱᒫᕐᐸᒃᑲ ᐃᓅᖃᑎᒥᖕᓂᒃ, ᐅᓇᑕᓕᕈᒫᕐᐳᑦ, ᐊᖑᑏᑦ ᓄᑲᕇᑦ ᐃᒻᒥᖕᓄᑦ ᐅᓇᑕᓕᕐᓗᑎᒃ, ᓯᓚᖅᑲᑎᒌᑦ ᓯᓚᖅᑲᑎᒥᖕᓄᑦ ᐅᓇᑕᓕᕐᓗᑎᒃ, ᐃᒡᓗᒐᓴᒡᔪᐊᒥᐅᑦ ᐃᒡᓗᒐᓴᒡᔪᐊᒥᐅᓂᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ, ᐊᖓᔪᖅᑳᕐᔪᐊᖃᕐᕖᓪᓗ ᐊᖓᔪᖅᑳᕐᔪᐊᖃᕐᕕᖕᒥᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 16:16

“ᑕᑯᒋᑦ, ᐃᖃᓗᒃᓯᐅᕐᑎᓂᒃ ᐅᓄᕐᑐᓂᒃ ᑎᓕᓯᕕᒋᓂᐊᕐᐸᒃᑲ, ᐊᑕᓂᖅ ᐅᖃᕐᐳᖅ, ᐱᔭᕆᔭᐅᓂᐊᕐᐳᓪᓗ, ᑕᒪᑐᒪᓕ ᑭᖑᓂᖓᒍᑦ ᐆᒪᔪᕐᓯᐅᕐᑎᓂᒃ ᐅᓄᕐᑐᓂᒃ ᑎᓕᓯᓂᐊᕆᕗᖓ ᐱᔭᐅᓇᓱᐊᖁᓪᓗᒋᑦ ᖃᖅᑲᓃᕝᕕᒋᔭᖏᓐᓂᑦ, ᐱᖑᕐᒦᕝᕕᒋᔭᖏᓐᓂᓪᓗ, ᕾᕈᓱᖕᒦᕝᕕᒋᔭᖏᓐᓂᓪᓗ.

ᐂᒨᓯᐅᑉ ᐊᒡᓚᖏᑦ 3:6

“ᐃᒡᓗᒐᓴᖕᓂ ᑎᑦᑐᓚᐅᑦ ᓂᓪᓕᕐᐸᑦ ᐃᓄᖏᑦ ᑲᑉᐱᐊᓱᒐᔭᓐᖏᓛᑦ? “ᐱᓂᕐᓗᖕᓂᐊᓗᖃᕈᓐᓇᕐᐹ ᐃᒡᓗᒐᓴᖕᓂ, ᐊᑕᓂᖅ ᐱᖁᔨᑎᓐᓇᒍ?

ᐂᒨᓯᐅᑉ ᐊᒡᓚᖏᑦ 9:4

ᑎᒍᔭᐅᒐᓗᐊᕐᐸᑕᓗ ᐊᑭᕋᒥᖕᓄᑦ, ᐱᖁᔨᔪᒫᕐᐳᖓ ᓴᕕᒡᔪᐊᒥᒃ, ᑖᑦᓱᒪᓗ ᑐᖁᑦᓱᒫᕐᐰᑦ; ᑕᑯᓐᓇᕈᒫᕐᐸᒃᑲᓗ ᐱᐅᖏᑦᑐᒧᑦ ᐱᒋᐊᕈᒪᓗᒋᑦ ᐱᐅᔪᒨᖏᑦᑐᖅ.”

ᕼᐊᒊᑉ ᐊᒡᓚᖏᑦ 2:15

“ᒫᓐᓇ, ᐃᓱᒪᒃᓴᕐᓯᐅᑦᓯᐊᕐᓗᓯ ᖃᐅᔨᓴᓕᕆᑦᓯ ᐅᓪᓗᒥᒥᑦ ᐱᒋᐊᕐᓗᒍ: ᐅᔭᕋᖕᒥᒃ ᐃᓕᔭᐅᔪᖅᑲᓚᐅᕐᑎᓐᓇᒍ ᐅᔭᕋᐅᑉ ᖄᖓᓄᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂ,

ᐃᓗᐊᕐᓮᔩᑦ ᐊᒡᓚᖏᑦ 5:11

ᓈᓚᒋᑦᓯ! ᓂᑦᔭᐅᓯᔭᕐᑐᑦ ᓂᐱᖏᓐᓂᒃ ᐃᒥᕐᑎᑦᓯᔭᕐᑐᕐᕕᖕᓂ, ᑍᑲᓂ ᐅᖃᐅᓯᖃᓕᖅᑭᒃᑖᖏᒻᒪᑕ ᐊᑕᓂᐅᑉ ᓵᓚᖃᕐᓂᖓᓂᒃ ᓵᓚᖃᕈᑦᔨᓂᖓᓂᒃ ᐃᓴᕆᐊᓕᒥᒃ ᖁᕕᐊᒋᔭᖃᕐᓂᕐᒥᓄᑦ. ᐃᑎᕐᑕᕐᕕᖕᓄᑦ ᑕᐅᓄᖓ ᐱᓱᒃᐳᑦ ᐊᑕᓂᐅᑉ ᐃᓄᖁᑎᖏᑦ.