ᓴᑲᕅᐊᐅᑉ ᐊᒡᓚᖏᑦ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ᓱᓕᑦᓯᐊᕐᑐᒥᒃ ᐃᖅᑲᕐᑐᐃᒋᑦᓯ; ᐱᑦᓯᐊᖃᑦᑕᐅᑎᓗᓯ ᓇᒡᓕᒋᖃᑦᑕᐅᑎᓗᓯᓗ ᐃᓕᑦᓯᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 7:9 Iomraidhean Croise

ᓴᒧᐃᓕ ᐂᑉᐸᖏᑦ 9:7

ᑍᕕᑎᐅᓪᓗ ᐅᖃᐅᑎᕚ, “ᑲᑉᐱᐊᓱᖏᓪᓗᑎᑦ; ᐱᑦᓯᐊᕐᕕᒋᓂᐊᕐᐸᒋᑦ ᐊᑖᑍᑦ ᔫᓇᑕᓂ ᐱᓪᓗᒍ, ᑐᓂᓯᕕᒋᓂᐊᕐᐸᒋᑦ ᐅᑎᕐᑎᑦᓯᕕᒋᓗᑎᑦ ᐊᑖᑕᑦᓯᐊᕕᑦ ᓴᐅᓕᐅᑉ ᓄᓇᖁᑎᒋᓚᐅᕐᑕᓕᒫᖓᓂᒃ; ᑍᒪᓐᖓᓕᒫᕐᓗ ᓂᕆᖃᑦᑕᕐᓂᐊᕐᐳᑎᑦ ᓂᕆᕕᓐᓂ.”

ᔫᐱᐅᑉ ᐊᒡᓚᖏᑦ 31:20

ᑕᕝᕙ ᐊᓐᓄᕌᕐᑎᒐᔭᕐᐸᕋ ᓄᕕᕐᓵᒃᓴᔭᒥᒃ ᐅᖅᑰᔪᒥᒃ, ᓇᖕᒥᓂᖅ ᓰᐱᖁᑎᒪ ᒥᖅᑯᖏᓐᓂᑦ ᐱᓯᒪᔪᒥᒃ.

ᔫᐱᐅᑉ ᐊᒡᓚᖏᑦ 6:14

ᑍᒤᑦᑑᑎᓪᓗᖓ ᐱᑦᓯᐊᕐᑎᒋᔭᓐᓂᒃ ᐱᖃᓐᓇᕆᔭᖃᕆᐊᖃᕐᐳᖓ, ᒎᑎᒥᒃ ᐊᔪᒐᖃᖏᑦᑐᒥᒃ ᕿᒤᓯᒪᒐᓗᐊᕈᒪ ᕿᒤᓯᒪᖏᒃᑯᒪᓘᓐᓃᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:3

ᐃᓱᐊᕐᑐᓂᒃ ᓈᒻᒪᑦᓯᐊᕐᑐᓂᒡᓗ ᐱᓇᓱᐊᕐᓂᖅ ᓈᒻᒪᒋᔭᐅᓂᕐᓴᐅᕗᖅ ᐊᑕᓂᕐᒧᑦ, ᑐᓂᕐᕈᑎᓂᑦ ᐆᑕᒃᓴᓂᑦ ᑐᓂᓯᓂᕐᒥᑦ.

ᔨᕆᒤᐊᐅᑉ ᐊᒡᓚᖏᑦ 21:12

ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’

ᔨᕆᒤᐊᐅᑉ ᐊᒡᓚᖏᑦ 22:3

ᐃᒫᒃ ᐊᑕᓂᖅ ᐅᖃᕐᐳᖅ: ᐊᑦᔨᒌᒃᑎᑦᓯᓂᕐᒥᒃ ᐃᓱᐊᕐᑐᓕᓂᕐᒥᒡᓗ ᐱᓇᓱᐊᕆᑦᓯ, ᓴᐳᑦᔨᓯᒪᓇᓱᐊᕐᐸᒡᓗᓯᓗ ᑎᒡᓕᒡᕕᐅᓯᒪᔪᓂᒃ; ᓄᓇᑦᓯᓐᓂᒥᐅᑕᐅᖏᑦᑐᓂᒡᓗ ᐱᑦᓯᐊᖃᑦᑕᕐᓗᓯ, ᐱᓂᕐᓗᐃᑦᑍᓕᒋᑦᓯ ᐊᑖᑕᖃᖏᑦᑐᓂᒃ ᐅᐃᒡᒐᕐᓂᕐᓂᒡᓗ, ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ ᑕᒫᓂ ᓄᓇᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 7:5

ᐃᓕᖅᑯᓯᕆᔭᑦᓯᓐᓂᒃ ᐱᓂᐊᕐᓂᕆᔭᑦᓯᓐᓂᒡᓗ ᐋᖅᑭᒋᐊᓪᓚᕆᖕᓂᐊᕈᑦᓯ, ᐃᓅᖃᑎᑦᓯᓐᓄᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᓂᖃᕐᓗᓯ,

ᐃᓯᑭᐊᓕᐅᑉ ᐊᒡᓚᖏᑦ 18:8

ᑮᓇᐅᔭᓂᒃ ᐊᑐᕐᑎᑦᓯᔭᕌᖓᒥ ᑮᓇᐅᔭᓕᐅᕈᑎᖃᒃᑲᓐᓂᕋᓱᒃᐸᖏᓪᓗᓂ, ᐱᐅᖏᑦᑐᒥᒡᓗ ᐊᑐᕐᑍᓕᒪᔪᓐᓇᕐᓗᓂ, ᐊᑦᔨᒌᒃᑎᑦᓯᓂᕐᒥᒃ ᐱᓂᐊᕐᕕᖃᕐᐸᒡᓗᓂ ᐃᓅᖃᑎᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 45:9

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᑯᓂᓗᐊᖅ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᔪᓯ ᐱᕋᔭᒃᑐᓂᒃ ᐊᓂᒍᑐᐃᓐᓇᕐᑎᑦᓯᖃᑦᑕᕋᑦᓯ ᐊᒃᓱᕈᕐᑎᑦᓯᓪᓗᓯᓗ, ᓈᒻᒪᓈᕐᑐᒥᒃ ᐃᓱᐊᕐᑐᒥᒡᓗ ᐱᓇᓱᐊᓕᕆᑦᓯ; ᐃᓄᖁᑎᓐᓂᒃ ᐊᕐᓵᕐᑎᕆᖃᑦᑕᕈᓐᓃᕆᑦᓯ, ᐊᑕᓂᖅ ᒎᑎ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 12:7

“ᑬᓇᓂᒥᐅᑦ ᓯᓔᕐᕆᒃᓯᔨᐅᕗᑦ, ᓱᓕᖏᑦᑐᓂᒃ ᐅᖁᒤᓐᓂᕐᓯᐅᑎᓂᒃ ᑎᒍᒥᐊᕐᐳᑦ, ᕿᒃᓵᒃᑎᑦᓯᔭᕆᐊᒃᓴᖅ ᖁᕕᐊᓱᒃᐳᑦ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᐂᒨᓯᐅᑉ ᐊᒡᓚᖏᑦ 5:24

ᐃᖅᑲᕐᑐᐃᑦᓯᐊᕐᓂᓯ ᑯᕕᓕᕐᓕᑦ ᐃᒪᕐᑎᑐᑦ, ᐃᓱᐊᕐᑐᓕᓂᕐᓗ ᑰᒃᑎᑐᑦ ᖄᒥᓪᓗᓂ ᐃᒤᕐᓂᐊᖏᑦᑐᑎᑐᑦ.

ᒤᑲᐅᑉ ᐊᒡᓚᖏᑦ 6:8

ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.

ᓴᑲᕅᐊᐅᑉ ᐊᒡᓚᖏᑦ 7:7

ᐊᑕᓂᖅ ᑍᒫᒃ ᐅᖃᖃᑦᑕᓚᐅᕐᐳᖅ ᐅᖃᕐᑎᒥᒍᑦ ᓯᕗᓪᓕᕐᑎᒍᑦ ᔨᕉᓴᓕᒻᒥᐅᑦ ᖃᓂᒋᔭᖏᓐᓃᑦᑐᓪᓗ ᓮᒻᒪᖃᑎᒌᑦᓯᐊᕐᑎᓪᓗᒋᑦ ᐊᔪᕐᓴᖏᑦᓯᐊᕐᑎᓪᓗᒋᓪᓗ, ᓂᕆᕕᒃ ᐃᓄᖃᕐᑎᓪᓗᒍ ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐱᖑᐃᑦ ᐊᑖᓂ ᓄᓇᓕᖃᕐᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 7:8

ᐊᒻᒪ ᓱᓕ ᐊᑕᓂᐅᑉ ᐅᖃᐅᓯᖓ ᓴᑲᕅᐊᒧᑦ ᑎᑭᒃᑭᕗᖅ, ᐅᖃᕐᓗᓂ,

ᒫᑎᐅᓯᐅᑉ ᐊᒡᓚᖏᑦ 23:23

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᑐᓂᓯᖃᑦᑕᕐᑐᓯ ᒎᑎᒧᑦ ᐊᒡᓛᑦ ᓂᖀᑦ ᒪᒪᕐᓴᐅᑎᖏᑕ ᑕᓪᓕᒪᐅᔪᖏᓐᓂᒃ, ᒪᑯᓂᖓ ᒥᓐᑏᑦ, ᑎᐅᓪᓗ, ᑯᒥᓃᓂᒡᓗ, ᐱᖁᔧᑦ ᐊᔪᕆᕐᑐᐃᑦᔪᑎᖏᑕ ᐱᔭᕆᐊᖃᕐᓂᕐᐹᖏᑦ ᓈᓚᒍᒪᓇᒋᑦ, ᒪᑯᐊ ᐊᑦᔨᒌᒃᑎᑦᓯᓂᖅ, ᓂᑲᒍᓱᖕᓂᕐᓗ, ᐅᒃᐱᕐᓂᕐᓗ; ᑕᒪᒃᑯᐊ ᑕᒪᑦᔭ ᐊᑐᕆᐊᖃᕐᑕᓯ, ᐊᓯᖏᑦ ᖁᔭᓈᖏᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 11:42

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐹᕆᓯᑦ! ᑕᓪᓕᒪᐅᔪᕐᑐᐃᔭᕐᐸᒃᑐᓯ ᐊᒡᓛᑦ ᓂᕿᒧᑦ ᐃᓚᒃᓴᑯᓗᖕᓂᒃ ᐱᕈᕐᑐᓂᒃ ᒥᓐᑎᓂᒃ ᕉᓂᒡᓗ ᐊᑎᖃᕐᑐᓂᒃ, ᐊᓯᖏᓐᓂᒡᓗ ᐱᕈᕐᑐᓂᒃ, ᓈᒻᒪᓈᕐᑐᒥᒃ ᐱᓇᓱᐊᕐᓂᖅ, ᓇᒡᓕᒍᓱᖕᓂᕐᓗ ᒎᑎᒥᒃ ᑲᒪᒋᓇᒋᑦ; ᑖᒃᑯᐊ ᐱᔭᕆᐊᖃᕐᐸᓯ, ᐊᓯᖏᓪᓗ ᐊᑐᕆᐊᓖᑦ ᖁᔭᓈᖏᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 7:24

ᑕᑯᒃᓴᐅᔪᑐᐃᓐᓇᖅ ᒪᓕᒡᓗᒍ ᐃᖅᑲᕐᑐᐃᓂᐊᕋᓯ, ᓈᒻᒪᓈᑦᓯᐊᕐᑐᒥᒡᓕ ᐃᖅᑲᕐᑐᐃᖃᑦᑕᕆᑦᓯ ᐱᓂᐊᕐᓂᓪᓚᕆᖓ ᒪᓕᒡᓗᒍ.”

ᔪᐊᓇᓯᐅᑉ ᐊᒡᓚᖏᑦ 7:51

“ᐱᖁᔭᕗᑦ ᒪᓕᒡᓗᒋᑦ ᐃᓄᖕᒥᒃ ᓱᒋᐊᕐᑕᐅᖁᔨᔪᓐᓇᓐᖏᓚᒍᑦ, ᑐᓴᓚᐅᖅᑳᕋᑕ ᖃᐅᔨᓴᓚᐅᖅᑳᕋᑕᓗ ᐃᓅᑉ ᐱᓂᐊᕐᓂᕆᓯᒪᔭᖓᓂᒃ.”

ᒨᓯᓯ ᑕᓪᓕᒪᖏᑦ 22:1

“ᐃᓅᖃᑎᕕᑦ ᐃᒻᒧᒃᓯᐅᒐᖁᑎᖓᓂᒃ ᓰᐱᖁᑎᖓᓂᒡᓘᓐᓃᑦ ᑕᒻᒪᕐᑐᒥᒃ ᑕᑯᒍᕕᑦ, ᑕᑯᓐᓇᑐᐃᓐᓇᕐᑍᓕᒍᒃ; ᐃᓄᖓᓄᓪᓕ ᐅᑎᕐᑎᑕᒃᓴᕆᕙᑦ.