ᓴᑲᕅᐊᐅᑉ ᐊᒡᓚᖏᑦ 7:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ, “ᓂᓪᓕᐊᒐᒪ ᓈᓚᒍᒪᓚᐅᖏᓚᑦ, ᑍᒤᒻᒪᑦ ᓂᓪᓕᐊᒐᓗᐊᕐᒪᑕ ᐅᕙᓐᓄᑦ ᓈᓚᒍᒪᓚᐅᓐᖏᓚᒃᑲ.

ᓴᑲᕅᐊᐅᑉ ᐊᒡᓚᖏᑦ 7:13 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:13

ᐊᔪᕐᓴᕐᑐᑦ ᕿᓄᓂᖏᓐᓂᒃ ᑐᓴᕐᑍᓕᒪᔪᖅ, ᕿᓄᓇᓱᐊᓕᕋᓗᐊᕐᐸᑦ ᑐᓴᕐᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:9

ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ, ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 11:10

ᓯᕗᓕᕆᓚᐅᕐᑕᒥ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓄᑦ ᐅᑎᕐᒪᑕ, ᓈᓚᒍᒪᕙᓚᐅᖏᑦᑐᓄᑦ ᐅᖃᐅᓯᕐᓂᒃ, ᐊᓯᓐᓂᒡᓗ ᒎᑎᖃᕋᓱᐊᕐᐳᑦ ᐱᔨᑦᓯᕈᒪᔭᒥᖕᓂᒃ; ᐃᓴᕆᐊᓕᒥᐅᑦ ᔫᑕᒥᐅᓪᓗ ᑕᒪᕐᒥᒃ ᓯᖁᒥᑦᑎᓯᒪᖕᒪᑕ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓯᒪᔭᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 11:14

ᑍᒤᒻᒪᑦ ᐃᓄᐃᑦ ᑖᒃᑯᐊ ᑐᒃᓯᐅᑎᑦᑍᓕᒃᑭᑦ, ᕿᓄᑦᔪᑎᒋᑦᑍᓕᒃᑭᑦ ᑐᒃᓯᐅᑎᑦᑍᓕᓗᒋᓪᓗ, ᐅᖁᒤᒃᓴᓕᕈᑎᒃ ᑐᒃᓯᐊᕋᓗᐊᕐᐸᑕ ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᔨᕆᒤᐊᐅᑉ ᐊᒡᓚᖏᑦ 14:2

“ᔫᑕᒥᐅᑦ ᕿᒃᓵᓕᕐᐳᑦ, ᓄᓇᖓᑦ ᐸᓂᓕᕐᒪᑦ, ᓄᓇ ᐱᓪᓗᒍ ᐅᒡᒍᐊᕐᐳᑦ, ᔨᕉᓴᓕᒥᐅᓪᓗ ᕿᓄᓂᖏᑦ ᑐᓴᕐᓴᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 7:27

ᑕᒪᒃᑯᓂᖓ ᐅᖃᐅᑎᒐᓗᐊᕈᕕᒋᑦ ᑐᓴᕐᑕᐅᑦᔮᓐᖏᓚᑎᑦ ᕾᖁᒐᓗᐊᕈᕕᒋᓪᓗ ᑭᐅᑦᔮᓐᖏᓛᑎᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:44

ᓂᓐᖓᓗᐊᕐᓂᕐᓄᑦ ᓄᕗᔭᒧᑦ ᐅᓕᒃᑕᐅᓯᒪᔫᔮᓕᓚᐅᕐᐳᒍᑦ ᓄᕗᔭᐅᓪᓗ ᐃᑦᔪᓗᐊᕐᓂᖓᓄᑦ ᑐᒃᓯᐊᖕᓂᕗᑦ ᑐᓴᕈᓐᓁᓪᓕᓚᐅᕐᐸᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 14:3

“ᐃᓅᑉ ᐃᕐᓂᖓ, ᐊᖑᑏᑦ ᐅᑯᐊ ᒎᑎᓐᖑᐊᒥᖕᓂᒃ ᐅᒃᐱᕆᔭᖃᓪᓚᕆᒃᐳᑦ, ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᑎᒃ; ᖃᓄᑐᐃᓐᓇᖅ ᐊᐱᕆᔭᐅᑎᑦᑐᒃᓴᐅᕗᖔ ᑖᒃᑯᓄᖓ?

ᐃᓯᑭᐊᓕᐅᑉ ᐊᒡᓚᖏᑦ 20:3

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᐅᕙᓐᓄᑦ ᕾᕕᓰ ᐊᐱᕐᓱᕆᐊᕐᑐᕐᓗᓯ? ᐆᒪᓪᓗᖓ ᒎᑎᐅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐊᐱᕐᓱᕐᑕᐅᔪᒪᖏᑦᑐᖓ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 8:18

ᑍᒤᒻᒪᑦ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᓕᕐᐸᒃᑲ; ᐊᓐᓇᒃᑎᓐᓂᐊᓐᖏᓚᒃᑲ ᓂᑲᒋᓂᐊᕐᓇᒋᓪᓗ; ᕾᒐᓛᕐᓗᑎᒃ ᓂᓪᓕᐊᒐᓗᐊᕐᐸᑕ ᐅᕙᓐᓄᑦ ᑐᓴᑦᔮᓐᖏᓚᒃᑲ.”

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 13:25

ᐃᒡᓘᑉ ᐃᓄᐊᑕ ᒪᑭᓪᓗᓂ ᒪᑐ ᒪᑐᒃᐸᒍ; ᐃᓕᑦᓯ ᑕᕝᕙ ᓯᓚᑖᓂ ᓇᖏᓕᕈᒫᕐᐳᓯ ᑎᒡᓗᒃᑐᕐᓗᓯ, ᐅᖃᕈᒫᕐᐳᓯ, ‘ᐊᑕᓃᖅ, ᒪᑐᐃᕈᑎᑎᒍᑦ,’ ᑖᑦᓱᒪ ᑭᐅᔪᒫᕐᐹᓯ, ‘ᓇᑭᓐᖔᕐᒪᖔᑦᓯ ᖃᐅᔨᒪᓐᖏᓚᑦᓯ.’

ᔧᒥᓯᐅᑉ ᐊᒡᓚᖏᑦ 4:3

ᑐᒃᓯᐊᕋᓗᐊᕋᑦᓯᓗ ᐱᕙᓐᖏᓚᓯ, ᑐᒃᓯᐊᕐᓂᓯ ᓈᒻᒪᖏᒻᒪᑦ, ᓇᖕᒥᓂᖅ ᐱᔪᒪᓃᓇᑦᓯᓐᓄᑦ ᐊᑐᕈᒪᓐᓗᒋᑦ ᑐᒃᓯᐊᕈᑎᖃᕋᑦᓯ.