ᓴᑲᕅᐊᐅᑉ ᐊᒡᓚᖏᑦ 7:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᓄᖁᑎᒃᑲᓕ ᓈᓚᒍᒪᓚᐅᓐᖏᓚᑦ; ᐅᕙᓐᓂᒡᓗ ᑐᓄᑦᓯᕗᑦ ᓯᐅᑎᑎᒃ ᒪᑐᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 7:11 Iomraidhean Croise

ᑯᕉᓂᑲ ᐂᑉᐸᖏᑦ 33:10

ᐊᑕᓂᖅ ᐅᖃᓚᐅᕐᐳᖅ ᒫᓇᓯᒧᑦ ᐃᓄᖁᑎᖏᓐᓄᓪᓗ, ᑖᒃᑯᐊᓕ ᓈᓚᓚᐅᓐᖏᓚᑦ.

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:26

ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ, ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ, ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ, ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 28:12

ᑖᒃᑯᓄᖓ ᐃᒫᒃ ᐅᖃᓚᐅᕐᒪᑦ, “ᒥᕐᖑᐃᕐᓯᕐᕕᒃᓴᖅ ᑕᕝᕙ; ᑕᖃᔪᑦ ᒥᕐᖑᐃᓯᕐᑎᓯᒋᒃ”; ᑖᒃᑯᐊᓕ ᓈᓚᒍᒪᓚᐅᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 46:12

ᓈᓚᒃᓯᓐᖓ ᓯᑎᔪᓂᒃ ᐆᒻᒪᑎᖃᕐᑐᓯ, ᐱᐅᓕᔭᐅᓂᕐᒥᑦ ᐅᖓᓯᒃᑐᓯ.

ᐂᓮᐊᓯᐅᑉ ᐊᒡᓚᖏᑦ 6:10

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”

ᐂᓮᐊᓯᐅᑉ ᐊᒡᓚᖏᑦ 65:12

ᓯᕗᓂᒃᓴᖃᕐᑎᑦᓱᒫᕐᐸᑦᓯ ᓴᕕᒡᔪᐊᕐᒧᑦ ᑐᖁᑕᐅᑎᓪᓗᓯ, ᑕᒪᑦᓯ ᑐᖁᕅᔨᓄᑦ ᐅᑯᔪᒫᕐᐳᓯ; ᕾᖁᔨᑎᓪᓗᖓ ᐃᓕᑦᓯᓐᓂᒃ ᑭᐅᓚᐅᖏᓐᓇᑦᓯ, ᐅᖃᕐᑎᓪᓗᖓ ᓈᓚᓚᐅᖏᓐᓇᑦᓯ, ᐱᐅᖏᑦᑐᓂᒃ ᐱᓇᓱᐊᑐᐃᓐᓇᓚᐅᕋᑦᓯ ᑕᑯᓐᓇᕐᑎᓪᓗᖓ, ᖁᕕᐊᒋᓐᖏᑕᓐᓂᒡᓗ ᓂᕈᐊᖔᕐᓗᓯ.”

ᔨᕆᒤᐊᐅᑉ ᐊᒡᓚᖏᑦ 11:10

ᓯᕗᓕᕆᓚᐅᕐᑕᒥ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓄᑦ ᐅᑎᕐᒪᑕ, ᓈᓚᒍᒪᕙᓚᐅᖏᑦᑐᓄᑦ ᐅᖃᐅᓯᕐᓂᒃ, ᐊᓯᓐᓂᒡᓗ ᒎᑎᖃᕋᓱᐊᕐᐳᑦ ᐱᔨᑦᓯᕈᒪᔭᒥᖕᓂᒃ; ᐃᓴᕆᐊᓕᒥᐅᑦ ᔫᑕᒥᐅᓪᓗ ᑕᒪᕐᒥᒃ ᓯᖁᒥᑦᑎᓯᒪᖕᒪᑕ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓯᒪᔭᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 17:23

ᑖᒃᑯᐊᓕ ᓈᓚᓚᐅᓐᖏᓚᑦ ᑐᓴᓚᐅᓐᖏᓚᓪᓗ, ᓯᑎᔫᒐᓱᓚᐅᕐᐳᓪᓕ ᓈᓚᒍᒪᓇᑎᒡᓗ ᐅᖃᐅᑦᔫᓯᐊᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 17:27

ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 36:31

ᐱᐅᖏᑦᑐᓕᓂᓯ ᐱᓪᓗᒋᑦ ᓱᒋᐊᕐᓂᐊᕐᐸᒋᑦ ᑭᖑᕚᑎᓪᓗ ᐊᖓᔪᖅᑳᖁᑎᑎᓪᓗ: ᔨᕉᓴᓕᒥᐅᓄᑦ ᔫᑕᒥᐅᓄᓪᓗ ᑕᒤᓐᓄᑦ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᓇᓪᓕᐅᑎᔪᒫᕐᓂᕋᕐᑕᓐᓂᒃ ᑕᒤᓐᓂᒃ ᐅᕙᓐᓂᒃ ᓈᓚᓚᐅᖏᓐᓂᖏᑦ ᐱᑦᔪᑎᒋᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 42:21

ᒫᓐᓇᓕ ᐅᖃᐅᑎᓕᕋᑦᓯ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔭᐅᖁᔭᖏᓐᓂᒃ, ᓈᓚᓐᖏᓚᓯ ᐊᑕᓂᐅᑉ ᓂᐱᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 44:16

“ᐊᑕᓂᐅᑉ ᐊᑎᖓᓂ ᐅᖃᐅᓯᕆᔭᑎᑦ ᓈᓚᖕᓂᐊᓐᖏᓚᕗᑦ,

ᔨᕆᒤᐊᐅᑉ ᐊᒡᓚᖏᑦ 5:21

ᑐᓴᓕᕆᑦᓯ, ᐃᓕᑦᓯ ᓯᓔᑦᑐᓯ, ᐃᓱᒪᖃᑦᓯᐊᖏᑦᑐᓯᓗ ᐃᔨᖃᕋᓗᐊᕐᓗᓯ ᑕᐅᑐᖏᑦᑐᓯ, ᓯᐅᑎᖃᕋᓗᐊᕐᓗᓯᓗ ᑐᓵᖏᑦᑐᓯ.

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 8:5

ᖃᓄᐃᒻᒪᓪᓕ ᐅᑯᐊ ᐃᓄᐃᑦ ᕿᒤᕙᑦ, ᔨᕉᓴᓕᒥᐅᓪᓗ ᑐᓄᑦᓯᕚᑦ? ᓱᓕᖏᑦᑐᓂᒃ ᐊᑕᕕᖃᕆᐊᖔᕐᓗᑎᒃ ᐅᑎᕈᒪᔪᓐᓃᕐᐸᒃᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 14:5

ᐅᕙᓐᓄᑦ ᓵᑦᑎᐊᖁᒐᓗᐊᕐᐸᒃᑲ ᐃᓴᕆᐊᓕᐅᑉ ᑭᖑᕚᖏᑦ, ᐅᕙᓐᓂᒃ ᐊᕕᑦᑎᓯᒪᖕᒪᑕ ᒎᑎᓐᖑᐊᓅᕐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 3:7

ᐃᓴᕆᐊᓕᐅᓪᓕ ᑭᖑᕚᖏᑦ ᐃᓕᖕᓂᒃ ᓈᓚᖕᓂᐊᓐᖏᓚᑦ; ᐅᕙᓐᓂᒃ ᓈᓚᒍᒪᖏᒻᒪᑕ; ᐃᓴᕆᐊᓕᐅᑦ ᑭᖑᕚᖏᑦ ᐱᔭᕐᓂᖏᑦᑑᕗᑦ ᓯᑎᔪᒥᒡᓗ ᐆᒻᒪᑎᖃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 5:6

ᔨᕉᓴᓕᒥᐅᓪᓗ ᐊᔪᕐᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᕐᑐᓕᓚᐅᕐᐳᑦ ᐱᓂᕐᓴᐅᓕᕐᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᕐᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᕐᓯᓚᐅᕐᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᕼᐆᓯᐊᑉ ᐊᒡᓚᖏᑦ 4:16

ᐃᓴᕆᐊᓕᒥᐅᑦ ᓯᐅᑎᖁᕐᑐᔪᑎᑐᑦ ᐱᔭᕐᓃᑦᑑᑎᒋᕗᑦ; ᖃᓄᕐᓕ ᐊᑕᓂᕐᒧᑦ ᓂᕆᑎᑕᐅᔪᓐᓇᕐᐸᑦ ᓰᐲᑦ ᓄᕐᕋᖏᑎᑐᑦ ᓂᕿᒃᓴᓕᖕᒦᑦᑐᑎᑐᑦ?

ᔨᐸᓁᐊᐅᑉ ᐊᒡᓚᖏᑦ 3:2

ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᕐᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ.

ᓴᑲᕅᐊᐅᑉ ᐊᒡᓚᖏᑦ 1:4

“ᓯᕗᓕᕕᓂᑦᓯᑐᑦ ᐱᖁᓐᖏᓚᑦᓯ, ᑍᒃᑯᐊ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐅᖃᕐᕕᐅᕙᓚᐅᕐᐳᑦ ᐃᒫᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑐᕐᓂᕐᓗᒃᑕᑦᓯᓐᓂᑦ ᖃᕿᐊᓕᕆᑦᓯ ᐱᐅᖏᑦᑐᓕᓂᕆᕙᒃᑕᑦᓯᓐᓂᓪᓗ.’ ᑍᒫᒃ ᑐᓴᕋᓗᐊᕋᒥᒃ ᓈᓚᓚᐅᓐᖏᓚᑦ ᒪᓕᒍᒪᓚᐅᓐᖏᓚᓪᓘᓐᓃᑦ.

ᒫᑎᐅᓯᐅᑉ ᐊᒡᓚᖏᑦ 13:15

ᐃᓱᒪᖏᑦ ᑭᒡᓕᖃᑦᓯᐊᕐᑎᑦᓯᔪᓐᓃᕐᒪᑕ, ᓯᐅᑎᖏᓪᓗ ᑐᓵᑦᓯᐊᕈᓐᓃᕐᓗᑎᒃ. ᓯᑯᓐᖏᖓᓪᓗᑎᒡᓗ, ᓯᑯᓐᖏᖏᒃᑯᑎᒃ ᑕᑯᑐᐃᓐᓇᕆᐊᖃᕋᒥᒃ, ᓯᐅᑎᒥᖕᓄᓪᓗ ᑐᓵᑐᐃᓐᓇᕆᐊᖃᕋᒥᒃ, ᐆᒻᒪᑎᒥᒍᓪᓗ ᑐᑭᓯᑐᐃᓐᓇᕆᐊᖃᕋᒥᒃ, ᐅᕙᓐᓄᓪᓗ ᓵᒋᐊᑐᐃᓐᓇᕆᐊᖃᕋᒥᒃ ᐅᕙᖓᓗ ᐋᖅᑭᒃᑲᔭᕐᐸᒃᑲ.’

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:57

ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᐳᑦ ᓯᐅᑎᑎᒃ ᒪᑐᓪᓗᒋᑦ, ᑕᒪᕐᒥᒃ ᐅᐸᒃᑐᕐᐳᑦ ᓯᑎᐹᓇᓯᒧᑦ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.