ᓴᑲᕅᐊᐅᑉ ᐊᒡᓚᖏᑦ 7:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᐃᒡᒐᕐᓃᑦ ᓇᒡᓕᒃᓵᕐᑎᑦᑍᓕᓗᒋᑦ ᐃᓕᐊᕐᔪᐃᓪᓗ, ᓄᓇᖃᑎᑐᖃᕆᓐᖏᑕᓯᓗ ᐊᒃᓗᔪᓪᓘᓐᓃᑦ; ᐱᐅᖏᑦᑐᒥᒃ ᐃᓅᖃᑎᑦᓯᓐᓄᑦ ᐃᔨᕐᓯᒪᔪᒥᒃ ᐃᓱᒪᖃᕐᓂᐊᕋᓯ.”

ᓴᑲᕅᐊᐅᑉ ᐊᒡᓚᖏᑦ 7:10 Iomraidhean Croise

ᐃᓐᖏᕈᑎᑦ 140:2

ᑖᒃᑯᐊ ᐱᑦᓯᐊᖏᓐᓂᕐᒥᒃ ᐸᕐᓇᒐᓱᐊᕐᐳᑦ ᐃᓱᒪᒥᒃᑎᒍᑦ, ᑍᒪᓐᖓᓪᓗ ᐅᓇᑕᕐᓂᕐᒥᒃ ᐊᐅᓚᑦᔧᖃᑦᑕᕐᓗᑎᒃ.

ᐃᓐᖏᕈᑎᑦ 21:11

ᐃᓱᒪᓕᐅᖃᑎᒌᓚᐅᕐᒪᑕ ᐱᐅᖏᑦᑐᒥᒃ ᐱᓂᐊᕈᒪᓪᓗᑎᒃ ᐃᓕᖕᓄᑦ; ᐃᓱᒪᓕᐅᖃᑎᒌᓯᒪᕗᑦ ᑲᔪᓯᑎᑦᓱᓐᓇᓐᖏᑕᒥᖕᓂᒃ.

ᐃᓐᖏᕈᑎᑦ 36:4

ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ; ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ. ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.

ᐃᓐᖏᕈᑎᑦ 72:4

ᐊᑦᔨᒌᒃᑎᑦᓯᔪᓐᓇᖁᓪᓗᒍ ᐃᓄᖕᓂᒃ ᐊᔪᕐᓴᕐᑐᓂᒃ; ᐱᒃᓴᖃᖏᑦᑐᓪᓗ ᕿᑐᕐᖓᖏᓐᓂᒃ ᓴᐳᑦᔨᔪᒫᕐᐳᖅ, ᐅᖁᒤᒃᓴᕐᑎᑦᓯᔪᓪᓗ ᓵᓚᒋᔪᒫᕐᐰᑦ.

ᒨᓯᓯ ᐂᑉᐸᖏᑦ 23:9

“ᓄᓇᒋᓐᖏᑕᒥᓃᑦᑐᒥᒃ ᐅᖁᒤᒃᓴᕐᑎᑦᓯᔪᒃᓴᐅᓐᖏᓚᓯ; ᐃᒃᐱᒋᔭᖓᓂᒃ ᖃᐅᔨᒪᒐᑦᓯ, ᓄᓇᒋᓐᖏᑕᑦᓯᓐᓃᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:29

ᐋᖅᑭᒃᓱᐃᕙᖕᓂᐊᓐᖏᓚᑎᑦ ᐃᓅᖃᑎᕕᑦ ᐱᓂᕐᓘᑎᒋᒐᔭᕐᑕᖓᓂᒃ; ᓴᓂᒥᐅᑕᕆᓪᓗᒍ ᐃᓅᖃᑎᒋᒐᕕᐅᒃ, ᐅᒃᐱᕆᓪᓗᓂᑎᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:18

ᐆᒻᒪᑎᒥᒍᑦ ᐱᐅᖏᑦᑐᓕᓂᕐᒥᒃ ᐃᓱᒪᒃᓴᕐᓯᐅᕐᑐᖅ, ᐱᓱᖃᑦᑕᕐᑐᖅ ᐱᐅᖏᑦᑐᓂᒃ ᐱᓇᓱᐊᑲᐅᕐᑐᕈᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 21:12

ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’

ᔨᕆᒤᐊᐅᑉ ᐊᒡᓚᖏᑦ 49:11

ᐃᓕᐊᕐᔪᖁᑎᓯ ᕿᒪᒃᓯᐅᒃ, ᑲᒪᒋᓂᐊᕐᐸᒃᑲ, ᐅᐃᒡᒐᕐᓂᖁᑎᓯᑦᑕᐅᖅ ᐅᕙᓐᓂᒃ ᑕᑎᖃᕈᓐᓇᕐᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 5:28

ᓂᕆᓂᕐᒧᓪᓗ ᖁᐃᓂᔫᓕᕐᐳᑦ, ᐱᐅᖏᑦᑐᓂᒡᓗ ᐱᓇᓱᐊᕐᓂᖏᑦ ᐃᓱᓕᑦᑐᓐᓇᓐᖏᓚᑦ, ᐊᑖᑕᖃᖏᑦᑐᓄᑦ ᐱᓇᓱᐊᕐᓂᖏᑦ ᓈᒻᒪᓐᖏᓚᑦ, ᐊᔪᕐᓴᕐᑐᓂᒡᓗ ᐃᑲᔪᕐᑐᐃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 7:6

ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 18:12

ᐊᒃᓗᔪᓂᒃ ᐊᔪᕐᓴᕐᑐᓂᒡᓗ ᐅᖁᒤᒃᓴᕐᑎᑦᑎᕙᒡᓗᓂ, ᑎᒡᓕᒃᐸᒡᓗᓂ, ᐊᑐᕐᑐᐊᕐᑕᕕᓂᕐᒥᓂᒡᓗ ᐱᑖᑐᐃᓐᓇᖃᑦᑕᕐᓗᓂ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᕐᓗᓂ, ᓇᕐᕈᓇᕐᑐᓂᒡᓗ ᐱᓇᓱᐊᖃᑦᑕᕐᓗᓂ,

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 22:7

ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᒍᓱᒃᑐᖃᓐᖏᓚᑦ ᓄᓇᑦᓯᓐᓂ; ᓄᓇᓕᑐᖃᐅᖏᑦᑐᑦ ᓯᓔᕐᕆᔭᐅᓪᓗᑎᒃ ᑎᒡᓕᒐᕐᕕᐅᕗᑦ ᑮᓇᐅᔭᓂᒃ; ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᓖᔭᕆᔭᐅᖃᑦᑕᕐᐳᑦ ᓄᓇᑦᓯᓐᓂ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᓴᑲᕅᐊᐅᑉ ᐊᒡᓚᖏᑦ 8:17

ᐃᓅᖃᑎᑦᓯᓐᓄᑦ ᐱᐅᖏᑦᑐᒥᒃ ᐱᓂᐊᕐᕕᖃᕈᒪᓗᓯ ᐃᓱᒪᒃᓴᕐᓯᐅᕐᓂᐊᕐᓇᓯ, ᐊᖏᕐᑎᑕᐅᓯᒪᓗᓯᓗ ᓴᒡᓗᑎᖃᕐᓂᐊᕋᓯ. ᑕᒪᒃᑯᐊ ᑍᒤᓕᐅᕐᓃᑦ ᐆᒥᒋᕙᒃᑲ,” ᐊᑕᓂᖅ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᒨᓯᓯ ᑕᓪᓕᒪᖏᑦ 27:19

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑦᔨᒌᒃᑎᑦᓯᓂᕐᒥᒃ ᐊᑐᖏᑦᑐᖅ ᐱᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᓄᓇᓕᑐᖃᐅᖏᑦᑐᑦ, ᐃᓕᐊᕐᔪᐃᑦ, ᐅᐃᒡᒐᕐᓃᓪᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔪᐊᓇᓯ ᓯᕗᓪᓖᑦ 3:15

ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐆᒥᓱᒃᑐᖅ ᑖᓐᓇ ᐃᓄᐊᕐᑎᐅᕗᖅ, ᖃᐅᔨᒪᕗᓯᓗ ᐃᓄᐊᕐᑎ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐃᓗᒥᐅᑕᖃᖏᒻᒪᑦ.