ᓴᑲᕅᐊᐅᑉ ᐊᒡᓚᖏᑦ 6:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑖᓐᓇ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᓴᓇᔪᒫᕐᐳᖅ, ᐊᖓᔪᖅᑳᕐᔪᐊᕐᓯᐅᑎᓂᒡᓗ ᐅᐱᒋᔭᐅᑦᔪᑎᓂᒃ ᐊᑐᕈᒫᕐᐳᖅ ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕚᕐᓗᓂ. ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒫᕐᐳᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᓗᓂ. ᐃᓂᒋᔭᖏᒡᓗ ᑖᒃᑯᐊᒃ ᒪᕐᕉᒃ ᐱᓇᓱᐊᖃᑎᒌᑦᓯᐊᕈᒫᕐᐴᒃ.”’

ᓴᑲᕅᐊᐅᑉ ᐊᒡᓚᖏᑦ 6:13 Iomraidhean Croise

ᒨᓯᓯ ᓯᕗᓪᓖᑦ 14:18

ᒥᓪᑭᓯᑎᑦᑕᐅᖅ ᓴᓕᒥᒥ ᐊᖓᔪᖅᑳᕐᔪᐊᖑᔪᖅ ᑐᓂᓯᔭᕐᑐᓚᐅᕐᐳᖅ ᓂᐊᖂᔭᒥᒃ ᕔᓂᒥᒡᓗ; ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐹᖑᔪᒧᑦ.

ᓴᒧᐃᓕ ᐂᑉᐸᖏᑦ 7:13

ᑖᓐᓇ ᓴᓇᔪᒫᕐᐳᖅ ᐃᒡᓗᒃᓴᓐᓂᒃ, ᑖᑦᓱᒪᓗ ᐊᖓᔪᖅᑲᐅᕕᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᐃᓐᖏᕈᑎᑦ 110:4

ᐊᑕᓂᖅ ᐅᖃᒻᒪᕆᓚᐅᕐᐳᖅ, ᓴᖑᓂᐊᕋᓂᓗ, “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐃᓐᖏᕈᑎᑦ 21:4

ᐃᓕᖕᓄᑦ ᐃᓅᓯᕐᒥᒃ ᕿᓄᖕᒪᑦ, ᑕᕝᕙ ᑐᓂᓯᕕᒋᓚᐅᕐᐸᑦ ᐅᓪᓗᓂᒃ ᐅᓄᕐᑐᓂᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 21:5

ᓂᕐᑐᐃᑦᔪᑎᖃᕐᔪᐊᕐᐳᖅ ᐱᐅᓕᒃᓯᓂᕐᓂᒃ; ᐅᐱᒋᔭᐅᓂᖅ ᐊᖓᔪᖅᑳᕐᔪᐊᑐᓪᓗ ᑕᑯᓐᓈᕐᑕᐅᓂᖅ, ᐃᓕᕙᑎᑦ ᑖᑦᓱᒧᖓ.

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 22:24

ᑭᓯᐊᓂ ᐃᓚᒋᔭᓂ ᑲᒪᒋᔭᓂᓗ ᐅᖁᒤᒃᓴᕈᑎᒋᕙᒍᒫᕐᐰᑦ, ᐃᓚᒋᔭᒥᓄᑦ ᐊᑕᕕᐅᓪᓚᕆᒍᒫᕐᒪᑦ ᓲᕐᓗ ᖃᑦᑍᑦ ᐃᐳᐊᓖᓪᓗ ᓂᕕᖓᕕᖕᒥᖕᓂ ᓂᕕᖓᕙᖕᒪᑕ!

ᐂᓮᐊᓯᐅᑉ ᐊᒡᓚᖏᑦ 54:10

ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 9:5

ᐅᓇᑕᕐᑐᒃᓮᑦ ᐱᓱᒃᑏᑦ ᐅᓇᑕᕐᕕᖕᒥ ᑲᒥᖏᑦ, ᐊᓐᓄᕌᖏᓪᓗ ᐊᐅᖕᒥᒃ ᐃᑦᓴᒃᓯᒪᔪᑦ ᑕᒪᕐᒥᒃ ᐃᑯᒪᒧᑦ ᐃᑯᐊᓪᓚᖅᑯᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᔨᕆᒤᐊᐅᑉ ᐊᒡᓚᖏᑦ 33:15

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᓴᖅᑭᑎᑦᓯᔪᒫᕐᐳᖓ ᐊᑲᐅᔪᒥᒃ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑖᓐᓇ ᐊᑲᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᕈᒫᕐᐳᖅ ᓄᓇᒥ.

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᓴᑲᕅᐊᐅᑉ ᐊᒡᓚᖏᑦ 4:14

ᐃᒫᒃ ᐅᖃᐅᑎᕚᖓ, “ᐅᑯᐊ ᑕᕝᕙ ᐊᖑᑏᒃ ᒪᕐᕉᒃ ᓂᕈᐊᕐᑕᐅᓯᒪᓪᓗᑎᒃ ᐅᕐᓱᒧ ᓂᐊᖁᖓᒍᑦ ᑯᕝᕕᕆᔭᐅᓯᒪᔫᒃ ᐊᑕᓂᕐᒥᒃ ᐱᔨᑦᓯᕐᑎᐅᖁᓪᓗᒋᑦ ᓄᓇᕐᔪᐊᓕᒫᒥ.”

ᓴᑲᕅᐊᐅᑉ ᐊᒡᓚᖏᑦ 4:9

“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 6:11

ᑖᒃᑯᐊ ᑐᓂᕐᕈᑎᖏᓐᓂᒃ ᓯᐅᓪᕕᕆᓂᒃ ᒎᓗᓂᒡᓗ ᓂᐊᖂᑎᓕᐅᕆᑦ, ᐃᓕᓗᒍᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᔮᓱᐊᒧᑦ ᔨᕼᐅᔭᑕᐅᑉ ᐃᕐᓂᖓᓄᑦ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᑯᓘᓯᐊᒥᐅᓄᑦ 1:2

ᐃᑦᔪᕐᓁᑎᑕᐅᓯᒪᔪᓄᑦ ᑯᓘᓯᐊᒦᑦᑐᓄᑦ, ᐅᒃᐱᕐᑑᖃᑎᑦᑎᓐᓄᑦ ᐅᒃᐱᕐᓂᕐᒥᑦᓯᐊᕐᑐᓄᑦ: ᒎᑎᐅᑉ ᐊᑖᑕᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᖃᓄᐃᖏᑦᓯᐊᕐᑎᓪᓕᓯᓗ.

ᐄᑉᕈᐃᓄᑦ 3:1

ᑍᒤᒻᒪᑦ, ᐅᒃᐱᖃᑎᕗᑦ ᐃᑦᔪᕐᓁᑦᑐᓯ, ᒎᑎᒧᑦ ᕾᖁᔭᐅᖃᑕᐅᓯᒪᔪᓯ, ᔩᓱᓯ ᐃᓱᒪᒋᓚᐅᕐᓯᐅᒃ, ᐋᐴᓯᑕᓕᐅᔪᖅ ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑳᖑᓪᓗᓂ ᐅᒃᐱᕐᓂᑦᑎᓐᓄᑦ.

ᐄᑉᕈᐃᓄᑦ 6:20

ᑕᕝᕙᓂ ᔩᓱᓯ, ᐅᕙᑦᑎᓐᓂᒃ ᐱᑦᔪᑎᖃᕐᓗᓂ ᐃᑎᕐᓯᒪᕗᖅ, ᐅᕙᑦᑎᓐᓂᑦ ᓯᕗᓪᓕᐅᓪᓗᓂ. ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑲᐅᓕᕐᓗᓂ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.