ᓴᑲᕅᐊᐅᑉ ᐊᒡᓚᖏᑦ 5:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᐅᑎᕚᖓᓗ, “ᑖᒃᑯᓇᓂ ᓱᒋᐊᕐᑕᐅᑦᔪᑎᒃᓮᑦ ᑕᒫᓂ ᓄᓇᖃᕐᑐᓕᒫᓄᑦ ᑎᑎᕋᕐᓯᒪᕗᑦ; ᐃᒫᒃ ᑎᑎᖅᑲᑦ ᐃᒡᓗᐊᓂ ᑎᑎᕋᕐᓯᒪᖕᒪᑦ, ᑎᒡᓕᒃᐸᒃᑐᑦ ᓄᓇᒥᑦ ᐊᐅᓪᓚᕐᑎᑕᐅᔪᒫᕐᐳᑦ; ᑎᑎᖅᑲᓪᓗ ᑖᒃᑯᐊ ᑐᓄᐊᓂ ᐃᒤᓕᖓᒋᕗᑦ; ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᑦ ᐊᐅᓪᓚᕐᑎᑕᐅᔪᒫᕆᕗᑦ.

ᓴᑲᕅᐊᐅᑉ ᐊᒡᓚᖏᑦ 5:3 Iomraidhean Croise

ᒨᓯᓯ ᐂᑉᐸᖏᑦ 20:15

“ᑎᒡᓕᒃᑐᒃᓴᐅᓐᖏᓚᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:24

ᑎᒡᓕᒃᑎᒥᒃ ᐱᖃᑎᓕᒃ ᐃᓅᓯᕐᒥᓂᒃ ᐆᒥᓱᒃᐳᖅ; ᓱᓕᔪᒥᒃ ᐅᖃᕈᒪᒐᓗᐊᕐᓗᓂ, ᓴᖅᑭᑦᓯᔪᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:33

ᐱᐅᖏᑦᑐᑦ ᐃᒡᓗᖏᑦ ᐊᑕᓂᐅᑉ ᓯᕗᓂᕐᓗᒃᑎᑉᐰᑦ, ᐃᓱᐊᕐᑑᓪᓕ ᐃᒡᓗᖏᑦ ᓮᒻᒪᕐᑎᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᐂᓮᐊᓯᐅᑉ ᐊᒡᓚᖏᑦ 24:6

ᑍᒤᒻᒪᑦ ᒎᑎᐅᑉ ᓄᓇᕐᔪᐊᖅ ᓇᕐᕈᓇᕐᓯᑎᓚᐅᕐᐹ, ᐃᓄᖏᑦ ᑍᒤᑕᐅᔪᒃᓴᓐᖑᕋᒥᒃ ᐸᓯᔭᒃᓴᐅᓕᕐᐳᑦ ᐃᓅᔪᑦ ᖃᑦᓰᓐᓇᓐᖑᕐᐸᓪᓕᐊᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 43:28

ᑍᒤᒻᒪᑦ ᐊᖓᔪᖅᑳᓯ ᓇᕐᕈᓇᕐᓯᑎᑦᓯᓚᐅᕐᒪᑕ ᑐᒃᓯᐊᕐᕕᒡᔪᐊᖁᑎᓐᓂᒃ: ᔧᑰᑉ ᑭᖑᕚᖏᑦ ᓄᖑᕋᕐᑕᐅᔪᒃᓴᓐᖑᕐᑎᓚᐅᕐᐸᒃᑲ, ᐃᓴᕆᐊᓕᒥᐅᓪᓗ ᐆᒥᒋᔭᒃᓴᓐᖑᕐᑎᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 48:1

“ᐆᒥᖓ ᑐᓴᓕᕆᑦᓯ, ᔧᑯᒃᑯᑦ ᑭᖑᕚᖏᑦ, ᐄᓴᕆᐅᓪ ᐊᑎᖓᓂᒃ ᑍᔭᐅᔪᑦ, ᐃᕐᓂᐊᖑᓯᒪᔪᓪᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓪᓗᑎᒃ; ᐊᖏᕈᑎᖃᕐᓯᒪᔪᓪᓗ ᐊᑕᓂᐅᑉ ᐊᑎᖓᓂᒃ ᐅᖃᐅᓯᖃᕐᑐᓪᓗ ᐃᓴᕆᐊᓕᐅᑉ ᒎᑎᖓᓂᒃ, ᓱᓕᔪᒃᑰᕋᑎᒃ ᓇᓛᒎᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 23:10

ᓄᓇᓕᓕᒫᖅ ᓈᖕᒪᑦ ᐊᓯᓐᓂᐊᕐᑎᓂᒃ; ᓇᕐᕈᓇᕐᓯᑎᑕᐅᓂᕐᒧᑦ ᓄᓇ ᕿᒃᓵᒃᐳᖅ, ᓇᑎᕐᓁᓪᓗ ᐃᕕᒃᓱᒐᖏᑦ ᑐᖁᓕᕗᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᐅᖏᑦᑐᓕᓂᕐᒥᒃ ᐃᓅᓯᖃᓕᕐᒪᑕ ᐱᔪᓐᓇᕐᓂᑎᒡᓗ ᐊᑐᕐᓂᕐᓗᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 2:9

ᑕᑯᓴᕋᒪ, ᑕᑯᒋᑦ ᐊᒡᒐᓂᒃ ᑕᑯᓕᕐᐳᖓ ᐅᕙᓐᓄᑦ ᑐᓂᒻᒥᔪᓂᒃ, ᑎᒍᒥᐊᕐᓗᑎᒃ ᐊᒡᓚᖕᓂᒃ ᐃᒧᓯᒪᔪᓂᒃ;

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᒨᓯᓯ ᐱᖓᔪᖏᑦ 19:11

“ᑎᒡᓕᒃᑐᒃᓴᐅᓐᖏᓚᑎᑦ, ᓴᒡᓗᔪᒃᓴᐅᓇᒃᓗ, ᓯᓔᕐᕆᒃᓯᔪᒃᓴᐅᓇᒡᓗ ᐊᓯᖕᓂᒃ.

ᒨᓯᓯ ᐱᖓᔪᖏᑦ 19:12

ᐊᖏᕐᓗᑎᑦ ᓱᓕᓂᕋᕈᑎᖃᕆᐊᖃᓐᖏᓚᑎᑦ ᐅᕙᖓ ᐊᑎᓐᓂᒃ, ᐊᖏᕈᑎᒋᔭᕐᓂᒃ, ᓱᓕᖏᒃᑯᕕᑦ ᒎᑎᕕᑦ ᐊᑎᖓ ᓇᕐᕈᓇᕐᓯᑎᓐᓂᐊᕋᕕᐅᒃ, ᐅᕙᖓ ᐊᑕᓂᐅᒐᒪ.

ᐂᒨᓯᐅᑉ ᐊᒡᓚᖏᑦ 3:10

“ᐱᓂᐊᕐᓂᕐᒥᒃ ᐃᓱᐊᕐᑐᒥᒃ ᖃᐅᔨᒪᖏᒻᒪᑕ.” ᐊᑕᓂᖅ ᐅᖃᕐᐳᖅ, “ᑖᒃᑯᐊ ᑲᑉᐱᐊᓱᒃᑎᑦᓯᓂᒃᑯᑦ ᑎᒡᓕᒐᕐᓂᒃᑯᓪᓗ ᐱᓯᒪᔭᒥᖕᓂᒃ ᑐᖅᑯᕐᑎᕆᓯᒪᕗᑦ ᕿᒫᕕᖕᒥᖕᓂ.”

ᓴᑲᕅᐊᐅᑉ ᐊᒡᓚᖏᑦ 5:4

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᒪᑦ, ᓱᒋᐊᕐᑕᐅᑦᔪᑎᒃᓮᑦ ᑖᒃᑯᐊ ᐊᐅᓪᓚᕐᑎᓐᓂᐊᕐᓂᕋᕐᓗᒋᑦ, ᐃᑎᕐᓂᐊᕐᐳᓪᓗ ᑎᒡᓕᒃᐸᒃᑐᓕᒫᑦ ᐃᒡᓗᖏᓐᓄᑦ, ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᓪᓗ ᐃᒡᓗᖏᓐᓄᑦ. ᐅᐸᒃᑕᒥᓂᓗ ᐃᒡᓗᒥ ᑕᕝᕙᓃᖏᓐᓇᕐᓂᐊᕐᐳᖅ ᓯᖁᒥᓐᓂᐊᕐᐹᓗ, ᕿᔪᐃᓪᓗ ᐅᔭᕋᖏᓪᓗ.”

ᓴᑲᕅᐊᐅᑉ ᐊᒡᓚᖏᑦ 8:17

ᐃᓅᖃᑎᑦᓯᓐᓄᑦ ᐱᐅᖏᑦᑐᒥᒃ ᐱᓂᐊᕐᕕᖃᕈᒪᓗᓯ ᐃᓱᒪᒃᓴᕐᓯᐅᕐᓂᐊᕐᓇᓯ, ᐊᖏᕐᑎᑕᐅᓯᒪᓗᓯᓗ ᓴᒡᓗᑎᖃᕐᓂᐊᕋᓯ. ᑕᒪᒃᑯᐊ ᑍᒤᓕᐅᕐᓃᑦ ᐆᒥᒋᕙᒃᑲ,” ᐊᑕᓂᖅ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒪᓚᑬᑉ ᐊᒡᓚᖏᑦ 4:6

ᐊᑖᑕᐅᔪᓪᓗ ᐆᒻᒪᑎᖏᑦ ᕿᑐᕐᖓᒥᓄᑦ ᓵᑎᑦᓱᒫᕐᐰᑦ, ᕿᑐᕐᖓᐅᔪᓪᓗ ᐆᒻᒪᑎᖏᑦ ᐊᑖᑕᖏᓐᓄᑦ ᓵᑎᓪᓗᒋᑦ, ᑍᒤᓐᓂᐊᖏᑉᐸᑕ ᑎᑭᓪᓗᖓ ᓄᓇᓯ ᓱᒋᐊᕈᒫᕐᐸᕋ.”

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᓘᑲᓯᐅᑉ ᐊᒡᓚᖏᑦ 21:35

ᑕᒪᓐᓇ ᑎᑭᑦᓱᒫᕐᒪᑦ ᐃᓄᓕᒫᓄᑦ ᓄᓇᕐᔪᐊᕐᒦᑦᑐᓄᑦ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᑎᒧᑎᒧᑦ ᓯᕗᓪᓖᑦ 1:9

ᖃᐅᔨᒪᒋᕗᒍᑦ, ᐱᖁᔭᑦ ᐋᖅᑭᒃᑕᐅᓯᒪᖏᒻᒪᑕ ᓈᒪᑦᓯᐊᕐᑐᒥᒃ ᐃᓅᔪᓄᑦ ᐱᖁᔭᖃᖏᑦᑐᓄᓪᓕ ᓈᓚᖏᑦᑐᓄᓪᓗ, ᒎᑎᖃᖏᑦᑐᓄᑦ ᐊᔪᕐᑐᓕᔪᓄᓪᓗ, ᐅᒃᐱᕋᓱᐊᓐᖏᑦᑐᓄᑦ ᒎᑎᒥᒡᓗ ᓇᕐᕈᓇᕐᑎᑦᓯᔪᓄᑦ, ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᑐᖁᑦᓯᔪᓄᑦ, ᐃᓄᐊᕐᑎᐅᔪᓄᓪᓗ,

ᔧᒥᓯᐅᑉ ᐊᒡᓚᖏᑦ 5:12

ᐊᖏᓂᕐᐹᒥᒡᓕ ᐅᒃᐱᕐᑑᖃᑎᒃᑲ, ᐊᖏᕈᑎᖃᕌᖓᑦᓯ ᓱᓕᒃᑲᓐᓂᕈᑎᖃᕋᓱᒡᓗᓯ ᐅᖃᕕᒃᑐᒃᓴᐅᓐᖏᓚᓯ ᕿᓚᖕᒥᑦ ᓄᓇᒥᓪᓗ ᑍᓯᖃᓯᐅᑦᔨᓗᓯ, ᐅᕝᕙᓘᓐᓃᑦ ᐊᓯᖏᓐᓄᑦ, ᐃᒫᒡᓕ ᐅᖃᕐᐸᒋᑦᓯ; ᐊᖏᕈᑎᖃᕐᓗᓯ ᓱᓕᓗᑎᑦ ᐊᖏᕈᕕᑦ ᐊᖏᖏᓪᓗᑎᓪᓗ ᓱᓕᓗᑎᑦ ᐊᖏᖏᒃᑯᕕᑦ, ᐃᖅᑲᕐᑐᕐᑕᐅᑦᔪᑎᒃᓴᖃᖁᓇᓯ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔮᓱᐊᑉ ᐊᒡᓚᖏᑦ 9:20

ᐃᒤᓕᖓᔪᒃᓴᐅᓕᕐᐳᒍᑦ ᑖᒃᑯᓄᖓ, ᐃᓅᑎᑕᒃᓴᕆᕙᕗᑦ ᐊᖏᕐᕕᒋᓚᐅᕋᑦᑎᒍᑦ, ᑲᔪᓯᓐᖏᑐᐊᕈᑦᑕ ᒎᑎᒧᑦ ᓂᓐᖓᐅᑦᔭᐅᓗᑕ ᓱᒋᐊᕐᑕᐅᖁᓇᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.