ᓴᑲᕅᐊᐅᑉ ᐊᒡᓚᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ; ᐱᖁᔭᒃᑲ ᒪᓕᑦᓯᐊᕈᕕᒋᑦ ᐱᔭᕆᐊᖃᕐᑕᑎᓪᓗ ᑎᓕᓯᑦᔪᑎᒃᑲ ᐃᓕᖕᓄᑦ ᐊᑐᑦᓯᐊᕈᕕᒋᑦ, ᑕᕝᕙ ᐃᒡᓗᓐᓂ ᐊᐅᓚᑦᓯᔨᐅᓂᐊᕐᐳᑎᑦ ᐃᒡᓗᕈᓯᖏᓐᓄᓪᓗ, ᐊᑦᔨᒋᔭᐅᑎᓐᓂᐊᕐᐸᒋᓪᓗ ᐅᕙᓂ ᐃᓂᖃᕐᑐᓄᑦ.

ᓴᑲᕅᐊᐅᑉ ᐊᒡᓚᖏᑦ 3:7 Iomraidhean Croise

ᒨᓯᓯ ᓯᕗᓪᓖᑦ 26:5

ᐂᑉᕋᕼᐋᒻ ᓂᐱᓐᓂᒃ ᓈᓚᓚᐅᕐᓂᖓᓄᑦ ᐊᖓᔪᖅᑳᖑᓂᓐᓂᒃ, ᐊᑐᕐᑕᐅᖁᔭᓐᓂᒡᓗ, ᒪᓕᒐᒃᓴᐅᖁᔭᓐᓂᒡᓗ ᐱᖁᔭᓐᓂᒡᓗ ᒪᓕᑦᓯᐊᓚᐅᕐᒪᑦ.”

ᐊᑕᓃᑦ ᓯᕗᓪᓖᑦ 2:3

ᒪᓕᑦᓯᐊᕐᓗᑎᓪᓗ ᐊᑕᓂᐅᑉ ᒎᑎᕕᑦ ᐱᖁᔨᓂᖓᓂᒃ, ᑖᑦᓱᒪ ᐊᑐᕐᑕᐅᖁᔭᖓᓂᒃ ᐃᓅᓗᑎᑦ ᒪᓕᒐᒃᓴᐅᖁᔭᖏᓪᓗ ᓈᓚᑦᓯᐊᕐᓗᒋᑦ, ᐱᖁᔭᓕᐊᕆᓯᒪᔪᓪᓗ, ᐊᑐᕐᑕᐅᖁᔭᖏᓪᓗ, ᐅᖃᐅᓯᕆᓯᒪᔭᖏᓪᓗ ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ, ᑍᒤᒃᑯᕕᑦ ᑕᕝᕙ ᐱᓇᓱᐊᕐᑕᓕᒫᕐᓂ ᐱᔪᓐᓇᑦᓯᐊᕐᓂᐊᕐᐳᑎᑦ ᓇᒧᓐᖓᕋᓗᐊᕈᕕᑦ.

ᐊᑕᓃᑦ ᓯᕗᓪᓖᑦ 3:14

ᓈᓔᓐᓇᕈᕕᖓ ᐊᑐᕐᑕᐅᖁᔭᒃᑲᓗ ᐱᖁᔭᒃᑲᓗ ᒪᓕᒃᑯᕕᒋᑦ, ᐊᑖᑕᒃᑐᑦ ᑍᕕᑎᑐᑦ, ᑕᕝᕙ ᐅᓪᓗᑎᑦ ᐅᓄᕐᓯᒋᐊᕐᑎᓐᓂᐊᕐᐸᒃᑲ.”

ᑯᕉᓂᑲ ᓯᕗᓪᓖᑦ 23:32

ᑍᒫᒃ ᐊᐅᓚᑦᓯᔨᐅᔪᒃᓴᐅᕗᑦ ᑐᐱᐅᑉ ᑲᑎᒪᕕᐅᓪᓗ ᐱᔭᕆᐊᓕᖏᓐᓄᑦ ᐃᑦᔪᕐᓁᑦᑐᕕᖕᒧᓪᓗ, ᐱᔨᑦᓯᕐᑐᒃᓴᐅᕗᓪᓗ ᐂᕉᓂᐅᑉ ᐃᕐᓂᖏᓐᓂᒃ, ᐃᓚᒋᔭᖏᓐᓂᒡᓗ, ᐊᑕᓂᐅᑉ ᐃᒡᓗᖓᓂ ᐱᓇᓱᐊᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 62:9

ᑲᑎᕐᓱᐃᓚᐅᕐᑐᓪᓕ ᓂᕿᒋᔪᒫᕐᐹᑦ, ᐊᑕᓂᕐᓗ ᓂᕐᑐᕐᓗᒍ, ᐸᐅᕐᖓᓂᒡᓗ ᑲᑎᕐᓱᐃᔪᑦ ᐃᒥᕈᒫᕐᐳᑦ ᐃᑦᔪᕐᓁᑦᑐᕕᖁᑎᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 44:8

ᐰᕐᓯᑦᓯᐊᓚᐅᓐᖏᓚᓯᓗ ᐃᑦᔪᕐᓁᑦᑐᖁᑎᓐᓂᒃ; ᐊᐅᓚᑦᓯᔨᖃᓕᓚᐅᕐᐳᓯᓕ ᓄᓇᖃᕐᑐᑐᖃᐅᖏᑦᑐᓂᒃ ᐃᑦᔪᕐᓁᑦᑐᖁᑎᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 48:11

ᑖᓐᓇ ᓄᓇ ᐃᑦᔪᕐᓁᑎᑕᐅᓯᒪᔪᖅ ᑐᓂᕐᕈᓯᕐᑎᑦᓯᔨᓄᑦ ᑐᕌᖓᔪᒃᓴᐅᕗᖅ ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓱᕐᕋᔪᐃᑦᑑᓪᓗᑎᒃ ᐅᕙᓐᓂᒃ ᐱᔨᑦᓯᓚᐅᕐᒪᑕ, ᐃᓴᕆᐊᓕᒥᐅᓄᑦ ᑕᒻᒪᕐᑐᓄᑦ ᐃᓚᐅᓇᑎᒃ, ᓕᕔᑎᑦ ᑭᖑᕚᖏᑕ ᐃᓚᖏᑎᑐᑦ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐱᖓᔪᖏᑦ 8:35

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᓴᕆᐊᖃᕐᐳᓯ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐅᓪᓗᓂᒃ 7ᓂᒃ ᐊᑕᓂᐅᓪᓗ ᐱᖁᔭᖓᓂᒃ ᒪᓕᒡᓗᓯ, ᑍᒤᒃᑯᑦᓯ ᑐᖁᓂᐊᓐᖏᓚᓯ, ᑍᒫᒃ ᑕᕝᕙ ᐱᖁᔭᐅᓯᒪᕗᖓ.”

ᓴᑲᕅᐊᐅᑉ ᐊᒡᓚᖏᑦ 3:6

ᐂᖏᓕᐅᓪᓗ ᔮᓱᐊ ᐅᖃᐅᑎᓕᕐᐹ ᐅᖃᕐᓗᓂ,

ᓴᑲᕅᐊᐅᑉ ᐊᒡᓚᖏᑦ 4:14

ᐃᒫᒃ ᐅᖃᐅᑎᕚᖓ, “ᐅᑯᐊ ᑕᕝᕙ ᐊᖑᑏᒃ ᒪᕐᕉᒃ ᓂᕈᐊᕐᑕᐅᓯᒪᓪᓗᑎᒃ ᐅᕐᓱᒧ ᓂᐊᖁᖓᒍᑦ ᑯᕝᕕᕆᔭᐅᓯᒪᔫᒃ ᐊᑕᓂᕐᒥᒃ ᐱᔨᑦᓯᕐᑎᐅᖁᓪᓗᒋᑦ ᓄᓇᕐᔪᐊᓕᒫᒥ.”

ᓴᑲᕅᐊᐅᑉ ᐊᒡᓚᖏᑦ 6:15

ᐅᖓᓯᒃᑐᒥᑦ ᐱᓯᒪᔪᑦ ᐃᑲᔪᕆᐊᕈᒫᕐᐳᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᓴᓇᒃᑲᓐᓂᖃᑕᐅᔭᕐᑐᕐᓗᑎᒃ, ᑕᒪᓐᓇᓗ ᖃᐅᔨᒃᑲᓐᓂᕈᑎᒋᔪᒫᕐᐸᓯ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ. ᑍᒤᑦᓱᒫᕐᐳᖅ ᓈᓚᑦᓯᐊᕈᑦᓯ ᐊᑕᓂᐅᑉ ᐱᖁᔭᖏᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 6:5

ᐂᖏᓕᐅᑉ ᑭᐅᕚᖓ, “ᐅᑯᐊ ᐊᓂᕐᓃᑦ ᕿᓚᖕᒥᑦ ᐱᔪᑦ, ᓄᓇᕐᔪᐊᓕᒫᑉ ᐊᑕᓂᖓᑦᑕ ᓇᔪᒐᖓᓂᑦ ᑕᒪᐅᓐᖓᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᔪᐊᓇᓯᐅᑉ ᐊᒡᓚᖏᑦ 14:2

ᐊᑖᑕᒪ ᐃᒡᓗᖓᓂ ᐃᓂᒃᓴᖃᕐᐳᖅ ᐊᒥᓱᓂᒃ; ᐂᓂᐊᕐᐳᖓ ᐃᓂᒃᓴᓕᐅᕆᐊᕐᑐᕐᓗᓯ, ᑍᒤᖏᑉᐸ ᑕᒪᑐᒥᖓ ᐅᖃᐅᑎᒐᔭᓐᖏᓚᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.