ᓴᑲᕅᐊᐅᑉ ᐊᒡᓚᖏᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ, ᐃᓕᑦᓯ ᐊᑐᓂᑦ ᓄᓇᖅᑲᑎᑦᓯᓐᓂᒃ ᕾᖁᔨᔪᒫᕐᐳᓯ ᖃᓄᐃᖏᑦᓯᐊᕐᓂᕐᒥ ᖁᕕᐊᓱᖃᑎᒋᓗᒋᑦ ᐃᒃᓯᕙᖃᑎᒋᓗᒋᑦ ᐱᕈᕐᑐᒃᑯᕕᖕᒥ ᕔᓂᓕᒃᓮᓪᓗ ᐱᒋᓕᒃᓮᓪᓗ ᓇᐹᕐᑐᑦ ᐊᑖᓐᓂ.”

ᓴᑲᕅᐊᐅᑉ ᐊᒡᓚᖏᑦ 3:10 Iomraidhean Croise

ᐊᑕᓃᑦ ᓯᕗᓪᓖᑦ 4:25

ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 5:5

ᑕᕝᕙ ᐃᓱᒪᖃᓕᕐᐳᖓ ᐃᒡᓗᓕᐅᕈᒪᓪᓗᖓ ᐊᑕᓂᐅᑉ ᒎᑎᒪ ᐊᑎᖓᓄᑦ, ᐊᑕᓂᖅ ᐊᑖᑕᓄᑦ ᑍᕕᑎᒧᑦ ᐅᖃᕐᓯᒪᖕᒪᑦ, ‘ᐃᕐᓃᑦ, ᑖᓐᓇ ᐊᖓᔪᖅᑳᕐᔪᐊᕈᑎᓛᑕᕋ ᐃᓂᒋᔭᕐᓄᑦ, ᑖᑦᓱᒪ ᐃᒡᓗ ᐊᑎᕐᒪ ᐃᓂᒃᓴᖓ ᓴᓇᔪᒫᕐᐹ.’

ᐂᓮᐊᓯᐅᑉ ᐊᒡᓚᖏᑦ 32:18

ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 36:16

ᕼᐃᓯᑬᐊᒥᒃ ᓈᓚᒃᑍᓕᒋᑦᓯ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᕐᒪᑦ: ᖃᓄᐃᓕᐅᕋᑦᓯ ᐅᕙᓐᓂᒃ ᕾᑐᐃᓐᓇᓕᕆᑦᓯ ᐅᕙᓐᓄᑦ, ᕔᓂᒃᓴᓂᒃ ᐸᐅᕐᖓᓂᒃ ᓇᖕᒥᓂᖅ ᐱᕈᕐᓰᕕᖁᑎᑦᓯᓐᓂᑦ ᓂᕿᖃᕈᓐᓇᕐᑎᑕᐅᓛᕐᐳᓯ, ᓇᖕᒥᓂᕐᓗ ᓇᐹᕐᑐᖁᑎᑦᓯ ᐱᕈᕐᑐᖏᓐᓂᒃ ᓂᕆᖃᑦᑕᕐᓂᐊᕐᐳᓯ, ᓇᖕᒥᓂᕐᓗ ᐃᒥᕐᑕᕐᕕᖁᑎᑦᓯᓐᓂᑦ ᐃᒪᖃᕈᓐᓇᕐᓂᐊᕐᐳᓯ.

ᔨᕆᒤᐊᐅᑉ ᐊᒡᓚᖏᑦ 32:15

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: ᐃᒡᓗᐃᓪᓗ ᐱᕈᕐᓰᕖᓪᓗ ᓄᓇᒥ ᑕᒫᓂ ᓂᐅᕐᕈᑎᒋᔭᐅᖃᑦᑕᕈᒫᕆᕗᑦ.’”

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.