ᓴᑲᕅᐊᐅᑉ ᐊᒡᓚᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᐊᐅᓪᓚᓕᕆᑦᓯ! ᐊᐅᓪᓚᓕᕆᑦᓯ! ᕿᒫᓕᕆᑦᓯ ᓯᕿᓂᐅᑉ ᑕᕐᕋᖓᑕ ᓄᓇᖏᓐᓂᑦ,” ᑍᒫᒃ ᐊᑕᓂᖅ ᐅᖃᕐᐳᖅ, “ᓄᓇᓄᑦ ᐅᖓᓯᒃᑐᓄᑦ ᓇᒧᑐᐃᓐᓇᖅ ᐊᐅᓪᓚᕐᑎᓯᒪᒐᑦᓯ.

ᓴᑲᕅᐊᐅᑉ ᐊᒡᓚᖏᑦ 2:6 Iomraidhean Croise

ᒨᓯᓯ ᓯᕗᓪᓖᑦ 19:17

ᐊᐅᓪᓚᕈᑎᒐᒥᒋᓪᓗ, ᐂᖏᓖᒃ ᐅᖃᕐᐳᒃ, “ᕿᒫᒋᑦᓯ ᐃᓅᓂᐊᕋᑦᓯ; ᐅᑎᒧᑦ ᕿᕕᐊᕐᓂᐊᕋᓯ ᓇᕐᓴᒥᓗ ᑕᒫᓂ ᓄᖅᑲᕐᓂᐊᕋᓯ, ᖃᖅᑲᓄᓪᓕ ᕿᒫᒋᑦᓯ, ᑐᖁᖃᑕᐅᖁᓇᓯ.”

ᐃᓐᖏᕈᑎᑦ 44:2

ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᔨᕆᒤᐊᐅᑉ ᐊᒡᓚᖏᑦ 1:14

ᐊᑕᓂᐅᑉ ᐅᖃᐅᑎᕚᖓ, “ᐅᓐᓄᐊᓪᓗᐊᑉ ᓇᓛᓂᑦ ᐊᓯᕈᕐᑕᐅᓐᓇᕐᑐᖅ ᑎᑭᑦᓱᒫᕐᐳᖅ ᓄᓇᒧᑦ ᑕᒪᑐᒧᖓ,

ᔨᕆᒤᐊᐅᑉ ᐊᒡᓚᖏᑦ 15:4

ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 3:18

ᑍᒃᑯᓇᓂᓗ ᐅᓪᓗᓂ ᔫᑕᒥᐅᑦ ᐃᓚᓕᐅᑎᔪᒫᕐᐳᑦ ᐃᓴᕆᐊᓕᒥᐅᓄᑦ, ᑖᒃᑯᐊᓗ ᐃᓅᖃᑎᒌᖑᓗᑎᒃ ᐅᓐᓄᐊᓪᓗᐊᑉ ᓇᓛᓂᓐᖓᕐᓗᑎᒃ ᓄᓇᑖᕈᒫᕐᐳᑦ ᓯᕗᓕᑦᓯᓐᓄᑦ ᓄᓇᑖᕆᔭᐅᖁᓚᐅᕐᑕᕋ ᑭᖑᕐᖑᑎᓕᕐᓗᒍ.”

ᔨᕆᒤᐊᐅᑉ ᐊᒡᓚᖏᑦ 31:10

ᐊᑕᓂᖅ ᐅᖃᕐᐳᖅ, “ᐃᓅᖃᑎᒌᒡᔪᐊᖑᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᒋᒃ ᑐᓴᕐᑕᐅᑎᓯᐅᒃ ᐃᒪᐅᑉ ᑭᒡᓕᖓᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐃᓴᕆᐊᓕᒥᐅᓂᒃ ᓇᒧᑐᐃᓐᓈᕐᑎᑦᓯᓚᐅᕐᑑᑉ ᑲᑎᕐᓱᕈᒫᕆᕔᑦ ᐃᓄᖁᑎᓂᓗ ᐰᕆᓂᐊᕐᐰᑦ ᓰᐱᓂᒃ ᐰᕐᓯᔨᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 31:38

ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓇᓪᓕᐅᑦᓱᒫᕐᐳᖅ ᐃᒡᓗᒐᓴᒡᔪᐊᑦ ᓇᑉᐸᕐᑎᑕᐅᒃᑲᓐᓂᕈᒫᕐᓂᖓᑦ ᕼᐊᓇᓂᐅᑉ ᓇᐸᔪᕐᔪᐊᖓᓂᑦ ᐱᒋᐊᕐᓗᒍ ᐃᑎᕐᑕᕐᕕᒃ ᐃᓱᒥᒃ ᐊᑎᓕᒃ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 31:8

ᑕᑯᒋᑦ, ᑎᑭᑎᒍᒫᕐᐸᒃᑲ ᐅᓐᓄᐊᓪᓗᐊᑉ ᓇᓛᓂᑦ, ᑲᑎᕐᓱᕈᒫᕐᐸᒃᑲᓗ ᓯᓚᕐᔪᐊᑉ ᑭᒡᓕᖏᓐᓂᑦ, ᑕᐅᑐᖏᑦᑐᑦ ᑐᓯᐊᑦᑐᓪᓗ, ᓄᑕᕋᒃᓴᓖᑦ ᐃᕐᓂᓱᒃᑐᓪᓗ ᑖᒃᑯᓄᖓ ᐃᓚᒋᔭᐅᔪᒫᕐᐳᑦ, ᐃᓄᒋᐊᒃᑐᕐᔪᐊᖑᓗᑎᒃ ᑕᒪᐅᖓ ᐅᑎᕈᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 50:8

“ᐹᐱᓘᓂᒥᑦ ᕿᒫᓕᕆᑦᓯ; ᑲᐅᓪᑎᐊᒥᐅᑦ ᓄᓇᖓᑦ ᕿᒪᓕᕐᓯᐅᒃ, ᒎᑦᓰᑦ ᐊᖑᓴᓪᓗᖏᑎᑐᑦ ᐃᓅᖃᑎᓯ ᓯᕗᓕᓕᕐᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 51:45

ᐃᓄᖁᑎᒃᑲ ᑕᕝᕙᓐᖓᑦ ᐊᓂᓕᕆᑦᓯ! ᐅᓪᓚᒃᓯᓕᕆᑦᓯ ᐃᓅᔪᒪᒍᑦᓯ! ᕿᒫᓗᓯ ᐊᑕᓂᐅᑉ ᓂᓐᖓᖕᓂᕐᔪᐊᖓᓂᑦ.

ᔨᕆᒤᐊᐅᑉ ᐊᒡᓚᖏᑦ 51:50

“ᐅᓇᑕᕐᑐᓂ ᑐᖁᑕᐅᓐᓂᖏᒃᑯᑦᓯ ᐊᐅᓪᓚᑲᐅᑎᒋᔪᒃᓴᐅᕗᓯ ᓄᖅᑲᖓᑐᐃᓐᓇᖏᓪᓗᓯ! ᐊᑕᓂᖅ ᐃᖅᑲᕐᓯᐅᒃ ᐅᖓᓯᒃᑐᒦᓐᓂᑦᓯᓐᓄᑦ, ᔨᕉᓴᓕᒻᓗ ᐃᓱᒪᒋᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 11:16

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐅᖃᕐᐳᖅ: ᐊᐅᓪᓚᕈᑦᔭᐅᑎᓯᒪᒐᓗᐊᕐᐸᒃᑲ ᐅᖓᓯᒃᑐᒧᑦ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓄᓪᓗ ᓯᐊᒻᒪᕐᑎᓯᒪᓪᓗᒋᑦ, ᓱᓕᓕ ᐃᑦᔪᕐᓁᑦᑐᖁᑎᒋᔭᐅᕗᖓ ᑖᒃᑯᓄᖓ ᓄᓇᓕᒡᔪᐊᓂ ᐂᕕᒋᓯᒪᔭᖏᓐᓃᒐᓗᐊᕐᑎᓪᓗᒋᑦ.’

ᐃᓯᑭᐊᓕᐅᑉ ᐊᒡᓚᖏᑦ 17:21

ᐅᓇᑕᕐᑎᖁᑎᖏᑕ ᐊᔪᖏᓐᓂᕐᐹᖏᑦ ᑐᖁᕋᕐᑕᐅᔪᒫᕐᐳᑦ, ᐊᒥᐊᒃᑯᖏᓪᓗ ᓇᒧᑐᐃᓐᓈᕈᒫᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 5:10

ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 11:4

ᓴᖅᑭᓯᒪᓕᕐᐸᑦ, ᐊᖓᔪᖅᑲᐅᕕᖓ ᐊᒡᒍᕈᒫᕐᐳᖅ, ᑐᓂᐅᖅᑲᐅᑕᐅᓗᓂᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ; ᑭᖑᕚᖏᓐᓂᑦ ᑭᖑᕝᕕᕐᑕᐅᔪᒫᓐᖏᓚᖅ, ᐱᔪᓐᓇᕐᓂᕆᓚᐅᕐᑕᒥᑐᓪᓗ ᐱᔪᓐᓇᕐᑎᒋᔪᓐᓃᕐᓗᓂ, ᐊᖓᔪᖅᑲᐅᕕᖓ ᐊᒫᖏᓐᓂᑦ ᓄᓱᒃᑕᐅᔪᒫᕐᒪᑦ, ᑐᓂᔭᐅᓗᓂᓗ ᐊᓯᖏᓐᓄᑦ.

ᐂᒨᓯᐅᑉ ᐊᒡᓚᖏᑦ 9:9

“ᓱᓕᓗᖓ ᐱᖁᔨᓂᐊᕐᐳᖓ, ᐃᓴᕆᐊᓕᒥᐅᑦ ᐊᐅᓚᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᐊᖂᔭᒃᓴᑎᑐᑦ ᓴᓃᔭᕐᑕᐅᔪᑎᑐᑦ ᐃᕕᒃᓱᒐᕐᓂᑦ, ᐊᒡᓛᑦ ᓴᓃᑦ ᒥᑭᓐᓂᕐᐹᖓ ᑲᑕᖕᓂᐊᓐᖏᓚᖅ ᒪᓂᖅᑲᒧᑦ.

ᓴᑲᕅᐊᐅᑉ ᐊᒡᓚᖏᑦ 1:16

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᕐᐳᖓ ᑕᕝᕙᓂ ᓄᓇᖃᕐᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᓂᐊᕐᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 2:7

ᐊᐅᓪᓚᓕᕆᑦ ᓮᐅᓃ! ᕿᒫᓗᑎᓪᓗ, ᐹᐱᓘᓂᐅᑉ ᓄᓇᖓᓂ ᓄᓇᖃᖃᑕᐅᔪᓯ!”

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᒫᑯᓯᐅᑉ ᐊᒡᓚᖏᑦ 13:27

ᑖᑦᓱᒪ ᐂᖏᓖᑦ ᑎᓕᔪᒫᕐᐰᑦ, ᑲᑎᕐᓱᐃᖁᓪᓗᒋᑦ ᓂᕈᐊᕐᓯᒪᔭᖏᓐᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᑦ ᓯᑕᒪᓂᑦ, ᓄᓇᕐᔪᐊᑉ ᐃᓱᐊᓂᑦ ᕿᓚᐅᑉ ᐃᓱᐊᓄᑦ.”

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:4

ᑕᕝᕙ ᑐᓴᕆᕗᖓ ᓂᐱᒥᒃ ᕿᓚᖕᒥᑦ ᐅᖃᕐᑐᒥᒃ: “ᐃᓄᖁᑎᒃᑲ, ᑖᑦᓱᒪᓐᖓᑦ ᐊᓂᒋᑦᓯ, ᑖᑦᓱᒪ ᐊᔪᕐᑐᓕᓂᖏᓐᓂᒃ ᐃᓚᖏᐅᑎᖁᓇᓯ, ᑲᑉᐱᐊᓱᒃᑎᑕᐅᓂᒃᓴᖓᓂᒡᓗ ᐱᖃᑕᐅᖁᓇᓯ;

ᕉᑎᐅᑉ ᐅᓂᒃᑲᐅᓯᓂᖓ 4:1

ᐳᐊᓯᓕ ᑲᑎᕕᐅᖃᑦᑕᕐᑐᒧᐊᕐᓗᓂ ᐃᒃᓯᕙᓕᕐᐳᖅ ᓄᓇᓕᑦ ᐃᑎᕐᑕᕐᕕᖓᓐᓂ; ᑕᕝᕙ ᐃᓔᒥᓕᑭᐅᑉ ᐃᓚᒋᔭᖏᑕ ᖃᓂᒋᓂᕐᐹᖓᑦ ᑕᕝᕗᓐᖓᕐᐳᖅ ᐳᐊᓯᐅᑉ ᐅᖃᐅᓯᕆᓚᐅᕐᑕᖓ ᑖᓐᓇ ᕉᑎᒧᑦ. ᐳᐊᓯᐅᑉ ᐅᖃᐅᑎᕚ, “ᕾᓚᐅᕆᑦ ᐃᖏᓪᓗᑎᑦ ᐅᖃᖃᑎᒌᓚᐅᕐᓗᒃ.” ᑕᕝᕙ ᐳᐊᓯᒧᐊᕐᐳᖅ ᐃᒃᓯᕙᖃᑎᒋᓕᕐᓗᒍᓗ.