ᓴᑲᕅᐊᐅᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᑕᓂᖅ ᐅᖃᕐᒪᑦ, ᐅᕙᖓ ᓇᖕᒥᓂᖅ ᐃᑯᒪᐅᓗᖓ ᐊᕙᓗᕐᔪᐊᕆᔭᐅᔪᒫᕐᐳᖓ, ᐃᒡᓗᒐᓴᒡᔪᐊᓂᒡᓗ ᑖᒃᑯᓂᖓᑦ ᑲᑦᔮᕐᓇᕐᑎᑦᓯᔪᒫᕐᐳᖓ.’”

ᓴᑲᕅᐊᐅᑉ ᐊᒡᓚᖏᑦ 2:5 Iomraidhean Croise

ᐃᓐᖏᕈᑎᑦ 125:2

ᔨᕉᓴᓕᒻ ᖃᖅᑲᓄᑦ ᐅᖓᓗᔭᐅᓯᒪᖕᒪᑦ, ᑍᒫᑦᓮᓐᓇᕐᑕᐅᖅ ᐊᑕᓂᐅᑉ ᐃᓄᖁᑎᓂ ᐅᖓᓗᓯᒪᒋᕔᑦ, ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᐃᓐᖏᕈᑎᑦ 3:3

ᐃᕝᕕᓪᓕ ᐊᑕᓃᖅ ᐊᕙᑎᓐᓄᑦ ᓴᐴᓗᑕᕆᕙᒋᑦ, ᓂᕐᑐᕐᓇᕐᑐᖁᑎᒋᕙᒋᑦ, ᓂᐊᖁᕋ ᒪᑭᑎᒐᕕᐅᒃ.

ᐃᓐᖏᕈᑎᑦ 46:5

ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ, ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ; ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.

ᐃᓐᖏᕈᑎᑦ 48:12

ᓮᐅᓂᒥ ᐱᓱᑲᑕᓕᕆᑦ, ᑬᕙᓪᓚᒡᓗᒍᓗ. ᓈᓴᕐᓗᒋᓪᓗ ᐃᒡᓗᒐᓴᒡᔪᐊᑦ ᓄᕗᕈᓯᖏᑦ.

ᐃᓐᖏᕈᑎᑦ 48:3

ᒎᑎ ᐊᖓᔪᖅᑳᕐᔪᐊᑉ ᐃᒡᓗᖏᓐᓃᑉᐳᖅ ᑖᒃᑯᓇᓂ; ᓇᖕᒥᓂᖅ ᓇᓗᓁᕐᐳᖅ ᑖᒃᑯᓄᖓ ᕿᒫᕕᒃᓴᐅᓂᕐᒥᓂᒃ.

ᐃᓐᖏᕈᑎᑦ 85:9

ᐄᓛᒃ ᑖᑦᓱᒪ ᐱᐅᓕᔭᐅᕕᒃᓴᖃᕐᑎᑦᓯᓂᖓ ᐊᑐᐃᓐᓇᐅᕗᖅ ᓯᕘᕋᔪᓄᑦ ᑖᑦᓱᒥᖓ, ᓂᕐᑐᕐᓇᕐᓂᖅ ᐃᓂᖃᕈᓐᓇᖁᓪᓗᒍ ᓄᓇᑦᑎᓐᓂ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 31:9

ᐃᕐᓯᓂᕐᒧᑦ ᐊᖓᔪᖅᑳᕐᔪᐊᖏᑦ ᕿᒫᔪᒪᕐᐳᑦ ᑲᑉᐱᐊᓱᒡᓗᑎᒃ, ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᕐᓯᓂᕐᒧᑦ ᐅᓇᑕᕐᑏᑦ ᓮᒻᒪᑎᖁᑎᖏᓐᓂᒃ ᕿᒤᓐᓁᔪᒫᕐᐳᑦ.” ᐊᑕᓂᖅ ᐅᖃᕐᐳᖅ, ᐃᑯᒪᖁᑎᖃᕐᑐᖅ ᓮᐅᓂᒥ, ᐃᑯᐊᓚᑦᓯᕕᖁᑎᖃᕐᓗᓂᓗ ᔨᕉᓴᓕᒥ.

ᐂᓮᐊᓯᐅᑉ ᐊᒡᓚᖏᑦ 32:18

ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 33:21

ᑕᕝᕙᓂ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᑕ ᐃᓚᒋᔪᒫᕐᐹᑎᒍᑦ, ᑰᖃᕐᑐᖅ ᓯᓕᒃᑐᓂᒃ ᐊᒥᓐᓂᕐᓴᓂᒡᓗ, ᐅᒥᐊᕐᔪᐊᑦ ᑎᖏᕐᕋᐅᑕᓖᑦ ᐃᐳᑎᖃᕐᑐᑦ ᑕᒪᐅᓈᕈᓐᓇᕈᒫᓐᖏᓚᑦ, ᐅᒥᐊᕐᔪᐊᓪᓗ ᐊᖏᓂᕐᓮᑦ ᑕᒪᐅᓈᕈᓐᓇᕈᒫᖏᓐᓂᕗᑦ.

ᐂᓮᐊᓯᐅᑉ ᐊᒡᓚᖏᑦ 4:5

ᑕᕝᕙ ᐊᑕᓂᖅ ᓮᐅᓂᐅᑉ ᖃᖅᑲᖓᑕ ᖄᓕᒫᖓ ᐊᑕᖏᕐᓗᒍ ᑲᑎᒪᔪᖁᑎᖏᑕᓗ ᖁᓛᑦᑎᒍᑦ ᓄᕗᔭᒥᒃ ᐃᓯᕐᓗᒡᒥᒡᓗ ᐅᓪᓗᒃᑯᑦ ᓴᖅᑭᑎᑦᓯᔪᒫᕐᐳᖅ, ᐃᑯᐊᓚᔪᒥᒡᓗ ᖃᐅᒪᑎᑦᓯᔪᒥᒃ ᐅᓐᓄᒃᑯᑦ; ᐱᓐᓇᕐᓇᕐᑐᕐᔪᐊᖅ ᐅᓕᒃᓯᓯᒪᓗᓂ ᓴᐳᑦᔨᓯᒪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 31:39

ᑭᒡᓕᖓᑕᓗ ᓇᓗᓁᕐᓯᒪᓂᖓ ᐱᒋᐊᕈᒫᕐᐳᖅ ᒐᕆᑉ ᐱᖑᖓᓂᑦ ᓴᖑᓗᓂ ᒍᐊᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 38:14

ᑍᒤᒻᒪᑦ, ᐃᓅᑉ ᐃᕐᓂᖓ, ᐅᖃᕐᑕᐅᖁᔭᓐᓂᒃ ᐅᖃᐅᑎᒃᑭᑦ, ᐅᖃᕐᓗᑎᑦ, ᒑᒡᒥᐅᓄᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕐᑕᐅᓂᐊᕋᓱᒋᓐᖏᑎᓪᓗᒋᑦ, ᑲᐅᔨᒪᒐᓗᐊᕐᐱᒌᑦ?

ᐃᓯᑭᐊᓕᐅᑉ ᐊᒡᓚᖏᑦ 42:20

ᐊᑭᓐᓇᓕᒫᖏᑦ ᓯᑕᒪᑦ ᐆᒃᑐᕋᕇᕐᒪᒋᑦ. ᐊᕙᑖᒍᑦ ᐊᕙᓗᕐᔪᐊᖓ, 840ᓂᒃ ᐃᑎᒐᖕᓂᒃ ᑕᑭᓂᖃᕐᐳᖅ ᓴᓂᒧᖃᕐᓗᓂᓗ ᑭᒃᐹᕆᓪᓗᐊᕐᓗᓂ, ᐊᕙᓗᕐᔪᐊᕐᓗ ᐊᕕᒃᓯᒪᑎᑦᓯᕗᖅ ᐃᑦᔪᕐᓁᑦᑐᓂᒃ ᐃᑦᔪᕐᓁᑦᑑᖏᑦᑐᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 47:3

ᐊᖑᑎᐅᑉ ᐆᒃᑐᕋᐅᑎᒥᓄᑦ ᕿᕋᑕᔪᒧᑦ ᐆᒃᑐᕋᕐᓗᓂᐅᒃ 560ᓂᒃ ᐆᒃᑑᑎᓂᒃ ᐅᓪᓗᓪᓗᐊᑉ ᓇᓛᓄᑦ, ᑰᑉ ᑰᖕᓂᖓ ᒪᓕᒡᓗᒍ ᐆᒃᑐᕋᕋᑖᕐᑕᒥᓄᑦ ᐃᐸᕌᖁᕚᖓ; ᐃᐸᕌᕋᒪ ᐃᒪᐅᑉ ᐃᑎᓂᖓ ᓯᖏᕐᓂᓐᓄᑦ ᑎᑭᐅᑎᓯᒪᕗᖅ.

ᓴᑲᕅᐊᐅᑉ ᐊᒡᓚᖏᑦ 1:16

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᕐᐳᖓ ᑕᕝᕙᓂ ᓄᓇᖃᕐᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᓂᐊᕐᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 2:10

ᐊᑕᓂᖅ ᐅᖃᕐᐳᖅ, “ᐃᓐᖏᕆᑦᓯ ᖁᕕᐊᓱᒡᓗᓯ ᓮᐅᓂᒥᐅᖑᔪᓯ! ᕾᓂᐊᕋᒪ ᐃᓂᑦᓯᓐᓂ ᐃᓂᖃᖃᑕᐅᔭᕐᑐᕐᓗᖓ!

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 9:8

ᐃᒡᓗᒐ ᓴᐳᑎᓯᒪᔪᒫᕐᐸᕋ ᐅᓇᑕᕐᑐᒃᓴᓂᑦ ᓵᓚᖃᕈᒪᔪᓂᑦ, ᑕᕝᕘᓇ ᐊᖅᑯᓵᕐᐸᒃᑐᓂᑦ ᑖᕗᖓ ᐅᑎᒧᓪᓗ; ᐊᑭᕋᕐᑐᕐᑐᑦ ᓵᓚᖃᕈᒪᔪᑦ ᑕᕝᕘᓇ ᐊᖅᑯᓵᖃᑦᑕᕈᓐᓁᕈᒫᕐᐳᑦ: ᒫᓐᓇᒥᑦ ᖃᐅᔨᓴᕐᑎᐅᔪᒪᕗᖓ.

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.