ᓴᑲᕅᐊᐅᑉ ᐊᒡᓚᖏᑦ 2:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓄᓕᒫᖑᔪᓯ ᓂᐸᖏᓕᕆᑦᓯ, ᐊᑕᓂᐅᑉ ᓇᔪᒐᖓᓂ, ᑖᓐᓇ ᐊᓂᓕᕐᒪᓐ ᐃᓂᒋᔭᒥᓂᑦ ᐃᑦᔪᕐᓁᑐᒥᑦ.”

ᓴᑲᕅᐊᐅᑉ ᐊᒡᓚᖏᑦ 2:13 Iomraidhean Croise

ᑯᕉᓂᑲ ᐂᑉᐸᖏᑦ 30:27

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᒪᑭᓪᓗᑎᒃ ᐃᓄᐃᑦ ᓮᒻᒪᕐᑎᑉᐰᑦ, ᓂᐱᖏᓪᓗ ᑐᓴᕐᑕᐅᕗᑦ, ᑐᒃᓯᐊᕐᓂᖏᓪᓗ ᑎᑭᐅᑎᕗᑦ ᐃᑦᔪᕐᓁᑦᑑᑉ ᐃᓂᖓᓄᑦ ᕿᓚᖕᒧᑦ.

ᐃᓐᖏᕈᑎᑦ 11:4

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 68:5

ᐊᑖᑕᖃᖏᑦᑐᑦ ᐊᑖᑕᖓᑦ, ᐅᐃᒡᒐᕐᓃᑦ ᓴᐳᑦᔨᔨᖓᑦ, ᒎᑎ ᐃᓂᒋᔭᒥᓃᑉᐳᖅ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 78:65

ᐊᑕᓂᕐᓕ ᓯᓂᖕᓂᕐᒥᑦ ᑐᐸᒃᑐᑎᑐᑦ ᑍᒤᓕᓚᐅᕐᐳᖅ, ᐊᖑᑎᑐᓪᓗ ᓴᓐᖏᔪᑐᑦ ᕔᓂᑐᕐᓯᒪᔪᑐᑦ ᓂᓪᓕᐊᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᐃᓴᕆᐊᓕᒥᐅᓂᒃ ᐃᑲᔪᓕᕈᒫᕐᐳᑦ ᓄᓇᑐᖃᖏᓐᓄᑦ ᐅᑎᕐᑎᐅᕋᕐᓗᒋᑦ, ᐊᑕᓂᐅᑉ ᓄᓇᖁᑎᖓᓂ ᐊᖑᑎᑦ ᐊᕐᓁᓪᓗ ᓯᐊᓛᕆᓗᒋᑦ; ᑎᒍᓯᓯᒪᓕᕈᒫᕐᐳᑦ ᑎᒍᔨᒋᓚᐅᕐᑕᒥᖕᓂᒃ, ᐊᖓᔪᖅᑳᖑᕕᒋᓕᕐᓗᒋᓪᓗ ᓵᓚᒋᔨᒋᓯᒪᓚᐅᕐᑕᑎᒃ.

ᐂᓮᐊᓯᐅᑉ ᐊᒡᓚᖏᑦ 19:16

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᐊᕐᓇᑎᑐᑦ ᑍᒤᓕᕈᒫᕐᐳᑦ, ᓴᔪᒍᒫᕐᐳᑦ ᑲᑉᐱᐊᓱᒡᓗᑎᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᒡᒐᖕᒥᓄᑦ ᓴᔪᒃᑎᑦᓱᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 41:1

“ᓵᓐᓂ ᓂᐰᕆᑦᓯ ᐃᓕᑦᓯ ᐃᒪᐅᑉ ᓯᓈᓂᒥᐅᖑᔪᓯ, ᐃᓄᐃᑦ ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᓕᕐᓕᑦ; ᖃᒡᓕᒋᐊᕐᓗᑎᒡᓗ, ᐅᖃᓚᐅᕐᓕᑦ, ‘ᐊᑕᐅᑦᓯᒃᑯᑦ ᖃᒡᓕᒋᐊᓚᐅᕐᑕ ᐃᖅᑲᕐᑐᐃᕕᖕᒧᑦ.’

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 57:5

ᐃᒡᓕᒎᕐᓂᕐᔪᐊᒧᑦ ᐱᔪᒪᓂᐊᓗᓯ ᑲᔪᓯᑎᖃᑦᑕᕐᐸᓯ ᓇᐹᕐᑐᐃᑦ ᓯᑕᒃᑍᑦ ᐊᑯᓐᓂᖏᓐᓂ, ᓇᐹᕐᑐᓕᒫᓪᓗ ᐊᑖᓂ; ᕿᑐᕐᖓᓯ ᑐᖁᑉᐸᒃᐸᓯ ᓇᕐᓴᓂ, ᕾᕈᓱᐃᓪᓗ ᖁᖕᓈᖏᑕ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 25:30

“ᐅᖃᐅᓯᕆᔭᐅᖁᔭᓐᓂᒃ ᐅᖃᐅᓯᖃᕆᐊᕐᑐᓕᕆᑦ ᐅᖃᐅᑎᓗᒋᓪᓗ, ‘ᐊᑕᓂᖅ ᓂᓪᓕᐊᓕᕐᐳᖅ ᖁᑦᓯᒃᑐᒥᑦ, ᐃᓂᒋᔭᒥᓂᑦ ᐃᑦᔪᕐᓁᑦᑐᒥᑦ ᓂᐱᖓ ᑐᓴᕐᓴᐅᕗᖅ, ᓂᐱᕐᔪᐊᒧᓪᓗ ᓱᐊᖕᓂᐊᕐᐳᖅ ᓄᓇᖃᕐᑐᓄᑦ ᑕᒫᓂ, ᕾᒐᓛᕐᓂᐊᕐᐳᖅ ᐸᐅᕐᖓᓂᒃ ᐃᑦᓰᔧᕝᕕᖕᒦᑦᑐᑎᑐᑦ ᓄᓇᕐᔪᐊᒥ ᐃᓂᖃᕐᑐᓕᒫᑦ ᐊᑭᕋᕐᑐᕐᓗᒋᑦ.

ᕼᐊᐸᑲᐅᑉ ᐊᒡᓚᖏᑦ 2:20

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓂ ᐃᑦᔪᕐᓁᑦᑐᒦᑉᐳᖅ; ᓄᓇᕐᔪᐊᕐᒥᐅᓕᒫᑦ ᓂᐸᖏᕐᓕᑦ ᑖᑦᓱᒪ ᓵᖓᓂ.

ᔨᐸᓁᐊᐅᑉ ᐊᒡᓚᖏᑦ 1:7

ᓂᐰᓕᕆᑦᓯ ᐊᑕᓂᐅᑉ ᒎᑎᐅᑉ ᓵᖓᓂ! ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ; ᐊᑕᓂᖅ ᑐᓂᕐᕈᑎᒃᓴᒥᓂᒃ ᐊᑐᐃᓐᓇᕈᐃᓯᒪᓕᕐᒪᑦ ᕾᖁᓯᒪᔭᓂᓗ ᐃᑦᔪᕐᓁᑎᑉᐰᑦ.

ᔨᐸᓁᐊᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᓴᑲᕅᐊᐅᑉ ᐊᒡᓚᖏᑦ 4:9

“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 6:15

ᐅᖓᓯᒃᑐᒥᑦ ᐱᓯᒪᔪᑦ ᐃᑲᔪᕆᐊᕈᒫᕐᐳᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᓴᓇᒃᑲᓐᓂᖃᑕᐅᔭᕐᑐᕐᓗᑎᒃ, ᑕᒪᓐᓇᓗ ᖃᐅᔨᒃᑲᓐᓂᕈᑎᒋᔪᒫᕐᐸᓯ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ. ᑍᒤᑦᓱᒫᕐᐳᖅ ᓈᓚᑦᓯᐊᕈᑦᓯ ᐊᑕᓂᐅᑉ ᐱᖁᔭᖏᓐᓂᒃ.

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᕉᒪᒥᐅᓄᑦ 9:20

ᐃᓅᒃ, ᐃᕝᕕᓪᓕ ᑭᓇᐅᕖᑦ, ᒎᑎᒥᒃ ᑭᐅᒪᔪᓐᓇᕋᕕᑦ? ᒪᕐᕋᖅ ᓴᓇᔭᐅᔪᖅ ᓴᓇᔨᒥᓄᑦ ᐅᖃᕈᓐᓇᕐᐹ, “ᓱᖕᒪᑦ ᑍᒫᒃ ᓴᓇᕕᖔ?”

ᒨᓯᓯ ᑕᓪᓕᒪᖏᑦ 18:21

“ᐃᓱᒪᒐᔭᕐᑐᒃᓴᐅᕗᓯ, ‘ᖃᓄᕐᓕ ᖃᐅᔨᒪᔪᓐᓇᕋᑦᑕ ᓇᓪᓕᐊᑦ ᐅᖃᐅᓯᖅ ᐊᑕᓂᕐᒥᑦ ᐅᖃᐅᓯᐅᖁᔭᐅᓯᒪᖏᓐᓂᖓᓂᒃ?’

ᒨᓯᓯ ᑕᓪᓕᒪᖏᑦ 18:22

ᐱᔪᖃᓛᕐᑐᒥᒡᓕ ᐅᖃᕐᑎ ᐊᑕᓂᐅᑉ ᐊᑎᖓᓂ ᐅᖃᓪᓚᒃᐸᑦ, ᐅᖃᓪᓚᐅᓯᖏᓪᓗ ᓇᓚᐅᑦᓯᖏᑉᐸᑕ, ᓱᓕᓂᖏᓪᓗ ᓴᖅᑭᖏᑉᐸᑕ, ᑖᓐᓇ ᑕᕝᕙ ᐊᑕᓂᕐᒧᑦ ᑎᓕᔭᐅᓯᒪᓐᖏᓚᖅ. ᐃᒻᒥᓃᓐᓇᕐᓕ ᐅᖃᓪᓚᒃᐳᖅ ᐃᓱᒪᑐᐃᓐᓇᕐᒥᓂᒃ, ᑍᒤᑦᑐᑦ ᓯᕘᕋᒋᔭᒃᓴᕆᓐᖏᓚᓯ.”

ᒨᓯᓯ ᑕᓪᓕᒪᖏᑦ 26:15

ᕿᓚᖕᒥᑦ ᐃᓂᒋᔭᕐᓂᑦ ᐃᑦᔪᕐᓁᑦᑐᒥᑦ ᑕᑯᓴᓚᐅᕆᑦ, ᐃᓄᖁᑎᑎᓪᓗ ᐃᓴᕆᐊᓕᒥᐅᑦ ᓮᒻᒪᕐᑎᓪᓗᒋᑦ ᓄᓇᓗ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔧᑦ, ᐊᔪᕐᓴᕐᓇᖏᑦᑐᖅ ᓂᕿᒃᓴᖃᑦᓯᐊᕐᑐᕐᓗ ᓮᒻᒪᕐᑎᓚᐅᕈᒃ ᐅᕙᑦᑎᓐᓄᑦ ᑐᓂᓚᐅᕐᑍᑦ.’”