ᓴᑲᕅᐊᐅᑉ ᐊᒡᓚᖏᑦ 14:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᓪᓗᖅ ᑍᓐᓇ ᐊᑦᔨᐅᔪᒫᖏᒻᒪᑦ, ᐊᑕᓂᐅᑉ ᖃᐅᔨᒪᔪᒫᕐᐹ, ᑕᒪᓐᓇ ᓇᓪᓕᐅᑎᒃᐸᑦ ᐅᓪᓗᑐᑦ ᖃᐅᒪᓂᖃᕈᒫᓐᖏᓚᖅ ᐅᓐᓄᐊᑐᓪᓗ ᑖᕐᓂᖃᕈᒫᕋᓂ. ᑕᒪᓐᓇ ᓇᓪᓕᐅᑎᒃᐸᑦ ᐅᓐᓄᒃᐸᑦ ᖃᐅᒪᔪᒫᕆᕗᖅ.

ᓴᑲᕅᐊᐅᑉ ᐊᒡᓚᖏᑦ 14:7 Iomraidhean Croise

ᐃᓐᖏᕈᑎᑦ 37:18

ᐊᑕᓂᐅᑉ ᐃᓱᐊᕐᑐᑦ ᐅᓪᓗᖏᑦ ᖃᐅᔨᒪᕔᑦ, ᑭᖑᕐᖑᑎᔭᖏᓪᓗ ᓄᖑᔪᒫᓐᖏᓚᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 11:9

ᐋᓐᓂᕐᑕᐅᔪᖃᕈᒫᓐᖏᓚᖅ ᑐᖁᑕᐅᔪᖃᖏᓪᓗᓂᓗ, ᐃᓘᓐᓇᖏᓐᓂᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ; ᓄᓇᓗ ᑕᑕᑦᓱᒫᕐᐳᖅ ᐊᑕᓂᕐᒥᒃ ᖃᐅᔨᒪᔭᖃᑦᓯᐊᕐᓂᕐᒥᒃ ᓲᕐᓗ ᑕᕆᐅᕌᓗᐃᑦ ᐃᒪᕐᐱᖕᒥ ᐅᓕᒃᓯᓯᒪᓂᖓᑐᑦ.

ᐂᓮᐊᓯᐅᑉ ᐊᒡᓚᖏᑦ 24:23

ᑕᖅᑭᖅ ᑖᕐᓯᔪᒫᕐᐳᖅ ᓯᕿᓂᕐᓗ ᖃᐅᒪᔪᓐᓃᕐᓗᓂ, ᐊᑕᓂᖅ ᐊᔪᒐᖃᖏᑦᑐᖅ ᐊᐅᓚᑦᓯᓕᕈᒫᕐᒪᑦ, ᔨᕉᓴᓕᒥ ᓮᐅᓂᐅᑉ ᖃᖅᑲᖓᓂ, ᐃᓄᐃᓪᓗ ᐊᖓᔪᖅᑳᖏᑕ ᐱᓐᓇᕐᓇᕐᓂᕐᔪᐊᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 58:10

ᑳᒃᑐᓂᒃ ᐃᑲᔪᕋᓱᐊᑦᓯᐊᖃᑦᑕᕈᑦᓯ, ᓵᓚᐅᓯᒪᔪᓪᓗ ᐱᔭᕆᐊᖃᕐᑕᖏᓐᓂᒃ ᓈᒻᒪᒃᓯᑎᑦᓯᖃᑦᑕᕈᑦᓯ, ᑕᕝᕙ ᖃᐅᒪᓂᓯ ᑖᕐᑐᒥ ᖃᐅᒪᓕᕐᓂᐊᕐᐳᖅ, ᑖᕐᓯᐅᕐᓂᓯᓗ ᐅᓪᓗᓪᓗᐊᑐᑦ ᖃᐅᒪᑎᒋᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᐂᒨᓯᐅᑉ ᐊᒡᓚᖏᑦ 8:9

ᐊᑕᓂᖅ ᒎᑎ ᐅᖃᕐᐳᖅ, “ᐃᒤᑦᓱᒫᕐᐳᖅ ᐅᓪᓗᒥ ᑍᑲᓂ, ᓯᕿᓂᖅ ᓂᐱᑎᑦᓱᒫᕐᐸᕋ ᐅᓪᓘᑉ ᕿᑎᖓᓂ, ᓄᓇᕐᔪᐊᕐᓗ ᑖᕐᓯᑎᑦᓱᒫᕐᐸᕋ ᐅᓪᓘᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 24:36

“ᑭᓇᒥᒡᓘᓐᓃᑦ ᖃᐅᔨᒪᔪᖃᓐᖏᓚᖅ, ᓯᓚᕐᔫᑉ ᓇᒡᒐᑎᒃᓴᖓᑕ ᐅᓪᓗᖓᓂᒃ ᐃᑲᕐᕋᖓᓂᒡᓘᓐᓃᑦ; ᐂᖏᓖᑦ ᐊᒡᓛᑦ ᕿᓚᖕᒦᑦᑐᑦ ᖃᐅᔨᒪᖏᓐᓂᕗᑦ, ᐃᕐᓂᐅᓪᓘᓐᓃᑦ ᖃᐅᔨᒪᖏᓐᓂᕚ, ᐊᑖᑕᒪ ᑭᓯᒥ ᖃᐅᔨᒪᕚ.

ᒫᑯᓯᐅᑉ ᐊᒡᓚᖏᑦ 13:32

“ᐅᓪᓗᑉ ᑕᒪᑐᒪ ᓇᓪᓕᐅᓐᓂᖓ ᐃᑲᕐᕋᕐᓘᓐᓃᑦ ᓇᓪᓕᐊᓐᓄᑦ ᖃᐅᔨᒪᔭᐅᓐᖏᓚᖅ, ᐂᖏᓖᑦ ᐊᒡᓛᑦ ᕿᓚᖕᒦᑦᑐᑦ, ᐃᕐᓂᐅᓪᓘᓐᓃᑦ ᖃᐅᔨᒪᖏᓐᓂᕚ, ᐊᑖᑕᐅᑉ ᑭᓯᒥ ᖃᐅᔨᒪᕚ.

ᐋᐴᓯᑕᓖᑦ ᐱᓂᐊᕐᓂᖏᑦ 1:7

ᔩᓱᓯᐅᑉ ᑭᐅᕔᑦ, “ᐃᓕᑦᓯ ᑕᒪᑐᒥᖓ ᖃᐅᔨᒪᔭᕆᐊᖃᓐᖏᓚᓯ ᐱᕕᒃᓴᒥᒃ ᓇᓪᓕᐅᑎᕕᒃᓴᓂᒡᓗ ᐊᑖᑕᒪ ᑕᒪᒃᑯᐊ ᐱᔪᓐᓇᕐᓂᕐᒥᓄᑦ ᐋᖅᑭᒃᓯᒪᖕᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:18

ᑍᒫᒃ ᐊᑕᓂᖅ ᐅᖃᕐᐳᖅ, ᑕᒪᑐᒥᖓ ᓇᓗᓁᕐᓯᓚᐅᕐᑐᖅ ᑍᑦᓱᒪᓂᐊᓗᒃ.’

ᐋᐴᓯᑕᓖᑦ ᐱᓂᐊᕐᓂᖏᑦ 17:26

ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:2

ᐃᓕᑦᓯ ᓇᖕᒥᓂᖅ ᖃᐅᔨᒪᑦᓯᐊᕋᑦᓯ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔪᒫᕐᒪᑦ ᑎᒡᓕᒋᐊᑐᕐᑐᑐᑦ ᐅᓐᓄᐊᒃᑯᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:6

ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:25

ᐃᑎᕐᑕᕐᕕᖏᓪᓗ ᐅᒃᑯᐊᓚᐅᕐᓯᒪᓂᐊᓐᖏᓚᑦ ᐅᓪᓗᒃᑯᑦ; ᑕᕝᕙᓂᓗ ᐅᓐᓄᐊᖃᕈᒫᕋᓂ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.