ᓴᑲᕅᐊᐅᑉ ᐊᒡᓚᖏᑦ 14:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓕᑦᓯᓗ ᕿᒫᔪᒫᕐᐳᓯ ᖃᖅᑲᐅᑉ ᓇᕐᓴᕐᔪᐊᖓᒍᑦ, ᓇᕐᓴᔪᐊᖅ ᑎᑭᓯᒪᔪᒫᕐᒪᑦ ᐊᔨᐅᓪᒧᑦ: ᕿᒫᔪᒫᕐᐳᓯ ᕿᒫᓚᐅᕋᑦᓯᑐᑦ ᓄᓇ ᓴᔪᒃᐱᓗᒃᑎᓪᓗᒍ ᐊᖓᔪᖅᑳᕐᔪᐊᖅ ᐅᓮᐊ ᔫᑕᒥ ᐊᖓᔪᖅᑳᕐᔪᐊᖑᑎᓪᓗᒍ. ᐊᑕᓂᖅ ᑕᕝᕙ ᒎᑎᒐ ᑎᑭᑦᓱᒫᕐᐳᖅ, ᐃᑦᔪᕐᓁᑦᑐᖁᑎᓂ ᐃᓚᒋᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 14:5 Iomraidhean Croise

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᔪᐃᓕᐅᑉ ᐊᒡᓚᖏᑦ 3:11

ᑲᑎᓗᓯ ᕾᓕᕆᑦᓯ ᐃᓅᖃᑎᒌᒡᔪᐊᓕᒫᖑᔪᓯ, ᓇᓂᑐᐃᓐᓈᕐᑐᑦ ᑲᑎᓕᕐᓕᑦ.’” ᐅᓇᑕᕐᑐᒃᓴᖁᑎᑎᓪᓗ ᑕᐅᓄᖓ ᐅᓇᑕᕆᐊᖁᒃᑭᑦ, ᐊᑕᓃᖅ!

ᐂᒨᓯᐅᑉ ᐊᒡᓚᖏᑦ 1:1

ᐅᑯᐊ ᐂᒧᓯᐅᑉ ᐅᖃᐅᓯᖏᑦ, ᓰᐱᓕᕆᔨᐅᖃᑕᐅᓚᐅᕐᑑᑉ ᑎᑯᐊᒥ, ᑕᑯᓚᐅᕐᑕᖏᑦ ᐃᓴᕆᐊᓕᒥᐅᑉ ᐱᓪᓗᒋᑦ, ᐅᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᔨᕈᐳᐊᒻ ᐅᓪᓗᖏᓐᓂ ᔪᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥᐅᓄᑦ, ᐊᕐᕌᒎᒃ ᒪᕐᕉᒃ ᓯᕗᓂᖓᒍᑦ ᓄᓇ ᓴᔪᒃᐱᓪᓚᓚᐅᕐᑎᓐᓇᒍ.

ᒤᑲᐅᑉ ᐊᒡᓚᖏᑦ 1:11

ᐊᐅᓪᓚᓕᕆᑦᓯ ᑲᓐᖑᓱᒡᓗᓯ ᐊᓐᓄᕌᖃᖏᓪᓗᓯ ᐃᓕᑦᓯ ᓴᐱᕆᒥᐅᖑᔪᓯ; ᔮᓇᓐᒥᐅᖑᔪᓯ ᑖᒃᑯᓇᓐᖓᑦ ᐊᓂᓇᓱᐊᕐᑍᓕᒋᑦᓯ; ᐱᑦ-ᐃᔨᐅᓪᒥᐅᑦ ᕿᒃᓵᖕᓂᖏᓐᓄᑦ ᖃᐅᔨᓂᐊᕋᑦᓯ ᐃᓂᒃᓴᕐᑕᖃᕈᓐᓃᕐᓂᖓᓂᒃ.

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᒨᓯᓯ ᓯᑕᒪᖏᑦ 16:34

ᐃᓴᕆᐊᓕᐅᓪᓕ ᖃᓂᒋᔭᖓᓃᑦᑐᓕᒫᑦ ᕿᒫᕗᑦ ᓂᓪᓕᐊᓂᖏᓐᓂᒃ ᑐᓵᓕᕋᒥᒃ, ᐅᖃᕐᓗᑎᒡᓗ, “ᐅᕙᒍᑦᑕᐅᖅ ᓄᓇᒧᑦ ᐄᔭᐅᑦᑍᓕᑕ!”

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:3

ᔩᓱᓯ ᐃᖏᒻᒪᑦ ᖃᖅᑲᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖅᑲᓲᓂᒃ ᓇᐹᕐᑐᓕᖕᒧᑦ, ᐃᓕᓐᓂᐊᕐᑎᖏᑕ ᐅᐸᒃᐹᑦ ᑖᒃᑯᑐᐊᖑᓪᓗᑎᒃ, ᐊᐱᕆᓪᓗᒍ, “ᐅᖃᐅᑎᓚᐅᕐᑎᒍᑦ, ᑕᒪᒃᑯᐊ ᖃᖓ ᓇᓪᓕᐅᑎᔪᒫᕐᐸᑦ ᖃᓄᖅ ᑎᑭᕝᕕᒃᓮᑦ ᓇᓗᓁᒃᑯᑕᖃᕈᒫᕐᐸ? ᓄᓇᕐᔪᐊᓪᓗ ᐃᓱᓕᕝᕕᒃᓴᖓ?”

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 21:27

ᑕᕝᕙ ᐃᓅᑉ ᐃᕐᓂᖓ ᑕᑯᔪᒫᕐᐹᑦ ᓄᕗᔭᑎᒍᑦ ᕾᔪᖅ ᐱᔪᓐᓇᕐᓂᕐᔪᐊᖃᕐᑐᖅ ᓂᕐᑐᕐᓇᕐᓂᕐᔪᐊᖃᕐᓗᓂᓗ.

ᒨᓯᓯ ᑕᓪᓕᒪᖏᑦ 33:2

ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ; ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ, ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ. ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ, ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13

ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:8

ᑕᕝᕙ ᐱᑯᔭᖃᖏᑦᑐᕐᔪᐊᖅ ᓴᖅᑭᑎᑕᐅᔪᒫᕐᐳᖅ, ᐊᑕᓂᐅᓪᓕ ᔩᓱᓯᐅᑉ ᑎᑭᒃᑯᓂ ᑐᖁᑦᓱᒫᕐᐹ ᐊᓂᕐᓂᕐᒥᓄᑦ ᖃᓂᖓᓂᑦ ᐊᓂᔪᒧᑦ; ᐊᓯᕈᕐᓗᓂᐅᒡᓗ ᓴᖅᑭᓐᓂᕐᒥᓄᑦ ᐱᓐᓇᕐᓇᕐᑐᕐᔪᐊᒧᑦ.

ᔧᒥᓯᐅᑉ ᐊᒡᓚᖏᑦ 5:8

ᐃᓕᑦᓯᑦᑕᐅᖅ ᕿᓄᐃᓵᕐᑐᒃᓴᐅᕗᓯ. ᓂᕆᐅᖕᓂᖃᕐᓗᓯ ᐆᒻᒪᑎᑦᓯᒍᑦ ᐊᑕᓂᐅᑉ ᑎᑭᕝᕕᒃᓴᖓ ᖃᓂᑦᑑᓕᕐᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.