ᓴᑲᕅᐊᐅᑉ ᐊᒡᓚᖏᑦ 14:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᔨᕉᓴᓕᒥᒡᓕ ᐅᓇᑕᕋᓱᐊᓚᐅᕐᑐᑦ ᐃᓅᖃᑎᒌᒡᔪᐊᓂᑦ ᐊᒥᐊᒃᑯᖏᑦ, ᐊᕐᕌᒍᑕᒫᑦ ᔨᕉᓴᓕᒧᑦ ᒪᔪᐊᖃᑦᑕᕈᒫᕐᐳᑦ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑐᒃᓯᐊᕐᕕᒋᔭᕐᑐᕐᓗᒍ, ᓇᓪᓕᐅᓐᓂᕐᓯᐅᕆᐊᕐᑐᕐᓗᑎᒃ ᓇᓪᓕᐅᓂᕐᒥᒃ ᑐᐱᕐᓯᒪᕕᖕᒥᒃ.

ᓴᑲᕅᐊᐅᑉ ᐊᒡᓚᖏᑦ 14:16 Iomraidhean Croise

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᐄᓱᕋᐅᑉ ᐊᒡᓚᖏᑦ 3:4

ᓇᓪᓕᐅᓐᓂᕐᓯᐅᓚᐅᕆᕗᑦ ᑐᐲᓐᓇᕐᒥ ᐃᓂᖃᖃᑕᕐᓂᕕᓂᕐᒥᒃ ᑕᐸᓈᑯᒥᒃ, ᐊᒡᓚᖕᓂ ᐊᒡᓚᐅᑕᐅᓯᒪᓂᖓ ᒪᓕᒃᓗᒍ; ᖃᐅᑕᒫᓪᓗ ᑐᓂᕐᕈᓯᖃᑦᑕᓚᐅᕐᐳᑦ ᐅᓪᓗᒧᑦ ᑐᓂᕐᕈᓯᕆᐊᓕᖕᒥᖕᓂᒃ ᒪᓕᒃᓗᑎᒃ.

ᐃᓐᖏᕈᑎᑦ 66:4

ᓄᓇᕐᔪᐊᕐᒥᐅᓕᒫᑦ ᐅᐱᒋᔪᒫᕐᐹᑎᑦ; ᐃᓐᖏᕐᓗᑎᒡᓗ ᓂᕐᑐᕈᒫᕐᐹᑎᑦ, ᐊᑎᕐᓂᒃ ᓂᕐᑐᐃᓗᑎᒃ ᐃᓐᖏᕈᒫᕐᐳᑦ.” ᓰᓚ

ᐂᓮᐊᓯᐅᑉ ᐊᒡᓚᖏᑦ 18:7

ᑕᒪᓐᓇ ᓇᓪᓕᐅᑎᒃᐸᑦ ᑐᓂᕐᕈᑏᑦ ᐂᑦᑑᑎᒋᔭᐅᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐃᓅᖃᑎᒌᒡᔪᐊᓂᑦ ᐊᖏᔫᑕᐅᓪᓗᑎᒃ ᕾᕋᑦᑐᓂᒃ ᐅᕕᓂᖃᕐᑐᓂᑦ, ᐃᓄᖕᓄᑦ ᑲᑉᐱᐊᒋᔭᐅᔪᓄᑦ ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐃᓅᖃᑎᒌᒡᔪᐊᓄᑦ ᐊᔪᖏᑦᑐᕐᔪᐊᓄᑦ ᓵᓚᖃᕐᐸᒃᑐᓄᑦ, ᓄᓇᖏᑦ ᑰᖕᓄᑦ ᑭᒡᓕᓕᐅᕐᑕᐅᓯᒪᔪᓄᑦ, ᓮᐅᓂᐅᑉ ᖃᖅᑲᖓᓄᐊᕈᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᑎᖃᕐᕕᒋᔭᖓᓂ.

ᐂᓮᐊᓯᐅᑉ ᐊᒡᓚᖏᑦ 19:21

ᐊᑕᓂᕐᓗ ᐃᒻᒥᓂᒃ ᖃᐅᔨᒪᔭᐅᑎᑦᓱᒫᕐᐳᖅ ᐄᑦᔨᑉᑎᒥᐅᓄᑦ; ᑕᕝᕙ ᐊᑕᓂᕐᒥᒃ ᓇᓗᓁᔧᔪᒫᕐᐳᑦ ᓂᕐᑐᐃᓗᑎᒃ ᑐᓂᕐᕈᓯᕐᐸᓕᕐᓗᑎᒃ ᐃᑯᐊᓚᑎᑦᓯᓂᒃᑯᑦ ᐆᒪᔪᕕᓂᕐᓂᒃ, ᐊᑕᓂᕐᓗ ᐊᖏᕐᕕᒋᔪᒫᕐᐹᑦ ᐊᖏᕈᑎᒋᔭᒥᖕᓂᒡᓗ ᑲᔪᓯᑎᑦᓯᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐂᓮᐊᓯᐅᑉ ᐊᒡᓚᖏᑦ 66:23

ᑕᖅᑮᓚᓪᓗᐊᒥᑦ ᑕᖅᑮᓚᓪᓗᐊᒧᑦ ᓇᓪᓕᐅᓐᓂᕐᓯᐅᕐᓂᖃᕐᐸᖕᒪᑦ, ᓴᐸᑎᒥᑦ ᓴᐸᑎᒧᑦ ᑎᑭᓪᓗᒍ, ᑍᒫᒃᑕᐅᖅ ᐃᓄᓕᒫᑦ ᐅᕙᓐᓄᑦ ᑐᒃᓯᐊᕆᐊᖃᑦᑕᕈᒫᕐᐳᑦ; ᓵᓐᓄᑦ ᐹᒻᒪᒃᑎᕆᐊᕐᑐᕐᓗᑎᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 46:18

ᐅᕙᖓ ᐊᑕᓂᐅᒐᒪ ᐊᔪᒐᖃᖏᑦᑐᖅ, ᐊᖓᔪᖅᑳᕐᔪᐊᖑᕗᖓ, ᐆᒪᓪᓗᖓ, ᓲᕐᓗ ᖃᖅᑲᖅ ᑍᐸᕆ ᖃᖅᑲᓂᑦ ᐳᕐᑐᓛᖑᖕᒪᑦ, ᖃᖅᑲᕐᓗ ᑳᕐᒥᐅᓪ ᓄᐃᑕᖕᒪᑦ ᑕᕆᐅᕐᒧᑦ, ᑍᒫᒃᑕᐅᖅ ᐱᔪᓐᓇᕐᑐᕐᔪᐊᖑᓂᐊᕐᐳᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 48:15

ᒧᐊᐱᒥᐅᑦ ᐊᓯᕈᕐᑕᐅᔪᒫᕐᐳᑦ ᓄᓇᓕᖁᑎᖏᓪᓗ ᐱᑖᕆᔭᐅᓗᑎᒃ, ᐊᖑᑎᖁᑎᖏᓪᓗ ᐱᕈᕇᕋᑖᑦ ᑐᖁᕋᕐᑕᐅᔪᒫᕐᐳᑦ, ᐊᖓᔪᖅᑳᕐᔪᐊᖑᓂᕐᐹᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ.

ᔨᕆᒤᐊᐅᑉ ᐊᒡᓚᖏᑦ 51:57

ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ ᐋᖓᔮᓕᕐᑎᓐᓂᐊᕐᐸᒃᑲ, ᐊᐅᓚᑦᓯᔨᖏᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐱᖃᓯᐅᑎᓗᒋᑦ, ᓯᓂᓕᕈᑎᒃ ᑐᐸᒍᒫᓐᖏᓚᑦ; ᐊᖓᔪᖅᑳᖑᓂᕐᐹᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ ᑕᒪᑐᒥᖓ, ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 12:9

ᐅᕙᖓᐅᕗᖓ ᐊᑕᓂᖅ ᒎᑏᑦ, ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ; ᑐᐱᕐᒦᑎᒃᑲᓐᓂᕐᓂᐊᕐᐸᑦᓯ, ᑍᑦᓱᒪᓂ ᐅᓪᓗᓂ ᐋᖅᑭᒃᑕᐅᓯᒪᓪᓗᑎᒃ ᓇᓪᓕᐅᓐᓂᕐᓯᐅᕐᕕᐅᕙᓚᐅᕐᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᒤᑲᐅᑉ ᐊᒡᓚᖏᑦ 4:2

ᐃᓅᖃᑎᒌᒡᔪᐊᑦ ᐂᒍᑎᒃ ᐅᖃᕈᒫᕐᐳᑦ, “ᕾᓗᓯ, ᐊᑕᓂᐅᑉ ᖃᖅᑲᖓᓄᐊᓚᐅᕐᑕ, ᔧᑰᑉ ᒎᑎᖓᑕ ᐃᒡᓗᖓᓄᑦ; ᐃᓕᓐᓂᐊᕐᑎᓐᓂᐊᕐᒪᑎᒍᑦ ᐱᓂᐊᕐᓂᕐᒥᓂᒃ, ᐃᓅᓯᖃᓕᕐᓗᑕᓗ ᐱᓂᐊᕐᑕᐅᖁᔭᖓᓂᒃ.” ᓮᐅᓂᒥᑦ ᐱᖁᔧᑦ ᐱᒋᐊᕈᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᐱᒋᐊᕐᓗᓂ ᔨᕉᓴᓕᒥᑦ.

ᓴᑲᕅᐊᐅᑉ ᐊᒡᓚᖏᑦ 14:9

ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ: ᑍᑦᓱᒪᓂᓗ ᐊᑕᓂᖃᕈᒫᕐᐳᖅ ᐊᑕᐅᓯᕐᒥᒃ, ᐊᑎᖓᓗ ᐃᑦᔪᕐᓁᑦᑑᓗᓂ.

ᓴᑲᕅᐊᐅᑉ ᐊᒡᓚᖏᑦ 9:7

ᐊᐅᓕᖕᒥᒃ ᓂᕆᖃᑦᑕᕐᓂᖓᑦ ᐲᕈᒫᕐᐸᕋ ᖃᓂᖏᓐᓂᑦ, ᐱᖁᔭᐅᖏᑦᑐᓂᒡᓗ ᓂᕆᖃᑦᑕᕐᓂᖏᑦ. ᐊᒥᐊᒃᑰᔪᓪᓕ ᒎᑎᐅᑉ ᐱᒋᓕᕈᒫᕐᐰᑦ ᔫᑕᒥᐅᑎᑐᑦ, ᐃᑯᕋᓂᒥ ᓄᓇᖃᕐᑐᑦ ᐃᓄᖁᑎᑦᑐᑦ ᔨᐳᓮᑎᑐᑦ ᑍᒤᓕᕈᒫᕐᐳᑦ.

ᒪᓚᑬᑉ ᐊᒡᓚᖏᑦ 1:14

ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”

ᓘᑲᓯᐅᑉ ᐊᒡᓚᖏᑦ 19:38

ᐅᖃᕐᓗᑎᒃ, “ᒎᑎᐅᑉ ᓮᒻᒪᕐᓕᐅᒃ, ᐊᖓᔪᖅᑳᕐᔪᐊᖅ ᐊᑕᓂᐅᑉ ᐊᑎᖓᓂ ᑎᑭᑦᑐᖅ! ᕿᓚᖕᒥ ᖁᕕᐊᓇᕐᑐᖃᕐᓕ ᖁᑦᓯᖕᓂᕐᐹᖑᔪᕐᓗ ᓂᕐᑐᕐᑕᐅᓕ!”

ᔪᐊᓇᓯᐅᑉ ᐊᒡᓚᖏᑦ 1:49

ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”

ᔪᐊᓇᓯᐅᑉ ᐊᒡᓚᖏᑦ 7:2

ᔫᑎᑦ ᓯᓂᒃᑕᕐᕕᖕᒥ ᐊᖏᕐᕋᖃᕐᐸᓚᐅᕐᓂᕐᒥᖕᓂᒃ ᓇᓪᓕᐅᓐᓂᕐᓯᐅᕐᕕᖓᑦ ᖃᒡᓕᓕᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:17

ᐃᓄᓕᒫᑦ ᐊᑕᓂᕐᒥᒃ ᕿᓂᓕᖁᓪᓗᒋᑦ, ᔫᑎᐅᖏᑦᑐᑦ ᓇᖕᒥᓂᕆᔪᒪᓪᓗᒋᑦ ᕾᖁᓯᒪᔭᓕᒫᒃᑲ,

ᕉᒪᒥᐅᓄᑦ 11:16

ᓂᐊᖂᔭᖅ ᓯᕗᓪᓕᕐᐹᖅ ᑐᓂᕐᕈᑕᐅᔪᖅ ᒎᑎᒧᑦ ᐃᑦᔪᕐᓁᑉᐸᑦ, ᓂᐊᖂᔭᒃᓴᓕᒫᕐᑕᐅᖅ ᑕᕝᕙ ᐃᑦᔪᕐᓁᑦᑑᒋᕗᖅ; ᓇᐹᕐᑑᑉ ᐊᒫᖏᑦ ᐃᑦᔪᕐᓁᑉᐸᑕ, ᐊᕙᓚᖓᔪᖏᑦᑕᐅᖅ ᑕᕝᕙ ᐃᑦᔪᕐᓁᑦᑑᒐᔭᕆᕗᑦ.

ᕉᒪᒥᐅᓄᑦ 11:26

ᑕᕝᕙ ᐃᓴᕆᐊᓕᒥᐅᓕᒫᑦ ᐱᐅᓕᔭᐅᔪᒫᕐᐳᑦ; ᑎᑎᕋᕐᓯᒪᖕᒪᑦ, “ᐱᐅᓕᔨ ᓮᐅᓂᒥᑦ ᑎᑭᑦᓱᒫᕐᐳᖅ, ᒎᑎᖃᖏᓐᓂᕐᓗ ᐲᔭᕈᒫᕐᐹ ᔧᑰᑉ ᑭᖑᕚᖏᓐᓂᑦ.

ᕉᒪᒥᐅᓄᑦ 11:5

ᑍᒫᑦᓮᓐᓇᕐᑕᐅᖅ ᒫᓐᓇ ᐊᒥᐊᒃᑯᑕᖃᕆᕗᖅ, ᒎᑎᐅᑉ ᐱᔪᓐᓇᕐᑎᑦᓯᓂᕐᒥᒍᑦ ᓂᕈᐊᕐᓯᒪᔭᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”