ᓴᑲᕅᐊᐅᑉ ᐊᒡᓚᖏᑦ 14:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓄᓇᓕᒫᖅ, ᒋᐸᒥᑦ ᕆᒪᓐ ᑎᑭᓪᓗᒍ, ᔨᕉᓴᓕᒥᑦ ᓯᕿᓂᐅᑉ ᓇᓛᓂᑦᑐᒧᑦ, ᑕᒪᓐᓇ ᓄᓇ ᒪᓂᕋᐅᓕᕈᒫᕐᐳᖅ. ᔨᕉᓴᓕᓕ ᐳᕐᑐᓯᒃᑲᓐᓂᕈᒫᕐᐳᖅ, ᐃᓂᒥᓃᓪᓗᓂ ᓱᓕ, ᐱᓐᔭᒥᓂᐅᑉ ᑭᖑᕚᖏᑕ ᐃᑎᕐᑕᕐᕕᖓᓂᑦ, ᐃᑎᕐᑕᕐᕕᒃ ᓯᕗᓪᓕᕐᐹᒥᒃ ᑍᔭᐅᔪᖅ ᑎᑭᓪᓗᒍ, ᖃᐅᔨᓴᕐᕕᖕᒥᑦ ᓇᐸᔪᒥᑦ ᕼᐊᓇᓂᐅᓪᒥᑦ ᐱᒋᐊᕐᓗᒍ ᐊᖓᔪᖅᑳᕐᔪᐊᑉ ᕔᓂᒃᓴᓕᐅᕐᕕᖓ ᑎᑭᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 14:10 Iomraidhean Croise

ᐊᑕᓃᑦ ᓯᕗᓪᓖᑦ 15:22

ᐊᖓᔪᖅᑳᕐᔪᐊᕐᓗ ᐋᓴ ᑎᑎᕋᕐᓯᒪᔪᓂᒃ ᔫᑕᒥᐅᓕᒫᓄᑦ ᐊᐅᓪᓚᕐᑎᑦᓯᓚᐅᕐᐳᖅ, ᑭᓇᒃᑯᓕᒫᓄᑦ ᑐᕌᖓᔪᓂᒃ, ᐃᑲᔪᕆᐊᖁᓪᓗᒋᑦ ᕌᒪᒧᑦ ᐅᔭᕅᑦ ᐹᓴᒧᑦ ᓴᓇᔭᐅᔪᕕᓃᑦ ᓴᐴᓗᑕᓕᐅᕐᑕᐅᓇᓱᒃᓗᑎᒃ ᐲᔭᕐᑕᐅᖁᓪᓗᒋᑦ, ᑕᒪᒃᑯᓄᖓᓗ ᐅᔭᕋᖕᓄᑦ ᐊᖓᔪᖅᑳᕐᔪᐊᖅ ᐂᓴ ᓴᐴᓗᑕᓕᐅᓚᐅᕐᐳᖅ ᒋᐸᒥᒃ ᒥᔅᐸᒥᒡᓗ, ᐃᒡᓗᒐᓴᖕᓂᒃ ᐱᓐᔭᒥᓂᐅᑉ ᑭᖑᕚᖏᑕ ᓄᓇᖓᓃᑦᑑᖕᓂᒃ.

ᐊᑕᓃᑦ ᐂᑉᐸᖏᑦ 14:13

ᔨᕼᐅᐊᓯᐅᓪᓗ ᐊᒪᔧᐊ ᑎᒍᕚ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᕼᐊᔧᐊᐅᑉ ᐃᕐᓂᖓ, ᐱᑦ-ᓯᒥᔅᒦᑎᓪᓗᒍ, ᔨᕉᓴᓕᒧᓪᓗ ᑲᔪᓯᓪᓗᑎᒃ ᐊᕙᓗᕐᔪᐊᖓ ᓯᖁᑦᑎᕐᐹᑦ ᐃᕗᕅᑎᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᐱᒋᐊᕐᕕᒋᓪᓗᒍ ᑎᕆᖁᕐᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᑎᑭᓪᓗᒍ, 600ᓂᒃ ᐃᑎᒐᖕᓂᒃ ᑕᑭᓂᖃᕐᑐᖅ.

ᑯᕉᓂᑲ ᓯᕗᓪᓖᑦ 4:32

ᓄᓇᓕᖁᑎᖏᑦ ᐅᑯᐊᖑᓚᐅᕐᐳᑦ ᐃᑖᒻ, ᐂᓐ, ᕆᒪᓐ, ᑐᑭᓐ, ᐊᓵᓐᓗ ᑖᒃᑯᐊ ᐃᒡᓗᒐᓮᑦ ᑕᓪᓕᒪᑦ.

ᑯᕉᓂᑲ ᓯᕗᓪᓖᑦ 6:77

ᓯᐳᓗᓂᐅᑉ ᑭᖑᕚᖏᓐᓂᑦ ᒥᕋᕅᑎᒃᑯᓐᓂᑦ ᑐᓂᔭᐅᕗᑦ: ᕆᒪᓐᒥᒃ ᓄᓇᖓᓂᒡᓗ ᓂᕿᒃᓴᓕᖕᒥᒃ, ᑍᐸᕆᒥᒃ ᓄᓇᖓᓂᒡᓗ ᓂᕿᒃᓴᓕᖕᒥᒃ.

ᑯᕉᓂᑲ ᐂᑉᐸᖏᑦ 25:23

ᑕᕝᕙ ᔪᐊᓯ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᑎᒍᓯᕗᖅ ᐊᒪᔧᐊᒥᒃ ᔫᑕᐅᑉ ᐊᖓᔪᖅᑳᕐᔪᐊᖓᓂᒃ, ᔪᐊᓯᐅᑉ ᐃᕐᓂᖓᓂᒃ, ᔨᕼᐅᐊᕼᐊᔨᐅᑉ ᐃᕐᖑᑕᖓᓂᒃ, ᐱᑦ-ᓯᒥᔅᒥ; ᔨᕉᓴᓕᒧᐊᕈᑎᕚᓗ, ᐊᕙᓗᕐᔪᐊᖓᓗ ᔨᕉᓴᓕᐅᑉ ᓱᕋᒃᑎᕐᐹ ᐃᕗᕅᒻ ᐃᑎᕐᑕᕐᕕᖓᓂᑦ ᑎᕆᖅᑯᒥᒃ ᐊᑎᓕᖕᒧᑦ ᐃᑎᕐᑕᕐᕕᖕᒧᑦ ᑎᑭᓪᓗᒍ 200ᓂᒃ ᐆᒃᑑᑎᓂᒃ ᑕᑭᓂᓕᖕᒥᒃ.

ᑯᕉᓂᑲ ᐂᑉᐸᖏᑦ 26:9

ᐅᓮᐊᓗ ᓇᐸᔪᕐᔪᐊᓕᐅᓚᐅᕐᐳᖅ ᔨᕉᓴᓕᒥ ᐃᑎᕐᑕᕐᕕᖕᒥ ᑎᕆᖅᑯᒥ ᐃᑎᕐᑕᕐᕕᖕᒥᓗ ᓇᕐᓴᒥ, ᓇᐸᔪᓕᐅᕐᐳᕐᓗ ᐊᕙᓘᑉ ᓴᖑᒋᐊᕐᓂᖓᓂ, ᑖᒃᑯᐊᓗ ᓴᐴᓗᑕᕐᔪᐊᓕᐅᕐᐰᑦ.

ᓂᕼᐃᒤᐊᐅᑉ ᐊᒡᓚᖏᑦ 12:39

ᐃᑎᕐᑕᕐᕕᐅᑉ ᐃᕗᕅᒥᐅᑉ ᖄᖓᒍᕐᓗᑕ, ᐃᑎᕐᑕᕐᕕᐅᓪᓗ ᓄᑕᐅᖏᑦᑑᑉ ᖄᖓᒎᕆᓪᓗᑕ, ᐃᑎᕐᑕᕐᕕᒡᓗ ᐃᖃᓗᒃ ᖄᖏᕆᓪᓗᒍ ᕼᐊᓇᓂᐅᓗ ᐳᕐᑐᔪᖅ ᓇᐸᔪᕐᔪᐊᖅ ᐊᖅᑯᓵᕐᓗᒍ 100ᐃᓪᓗ ᓇᐸᔪᕐᔪᐊᖓ ᐊᖅᑯᓵᕐᓗᒍ, ᓰᐲᑦ ᐃᑎᕐᑕᕐᕕᖓ ᑎᑭᓪᓗᒍ; ᓄᖅᑲᓚᐅᕐᐳᑦ ᖃᐅᔨᓴᕐᑏᑦ ᑐᒃᓯᐊᕐᕕᒡᔪᐊᑉ ᓴᓂᐊᓃᑦᑑᑉ ᐃᑎᕐᑕᕐᕕᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 3:1

ᐃᒫᒃ ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓᑕ ᐋᖅᑭᒋᐊᕐᑕᐅᓂᖏᑦ ᐃᒤᓕᐅᓚᐅᕐᐳᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᐃᓔᐊᓯᑉ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᐋᖅᑮᒋᐊᓚᐅᕐᐳᑦ ᓰᐲᑦ ᐃᑎᕐᑕᕐᕕᖓᓂᒃ, ᑐᓂᕐᕈᑎᒋᓪᓗᒍᓗ, ᐃᑎᕐᑕᕐᕕᐅᓪᓗ ᐅᒃᑯᐊᖓ ᒪᓕᒡᓗᒍ ᐊᕙᓗᐊᓗ ᑐᓂᕐᕈᑎᒋᓚᐅᕐᐹᑦ 100ᐃᓪᓗ ᓇᐸᔪᕐᔪᐊᖓ ᕼᐊᓇᓂᐅᓪᓗ ᓇᐸᔪᕐᔪᐊᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 10:29

ᑰᒐᓛᓕᒃ ᓇᕐᓴᖅ ᐃᑳᕐᓗᒍ, ᒋᐸᒧᑦ ᑕᖕᒫᕐᐳᖅ. ᕌᒪᒥᐅᑦ ᑲᑉᐱᐊᓱᖕᓂᕐᒧᑦ ᓴᔪᓕᕐᐳᑦ, ᒋᐱᐊᒥᐅᓪᓗ ᓴᐅᓕᐅᑉ ᓄᓇᖓᓂᒥᐅᑦ ᕿᒪᒃᓯᕗᑦ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᔨᕆᒤᐊᐅᑉ ᐊᒡᓚᖏᑦ 20:2

ᑕᕝᕙ ᐸᓱᕼᐅᕆᐅᑉ ᔨᕆᒤᐊ ᐋᓐᓂᕐᓯᕐᑕᐅᑎᑉᐹ, ᐊᑦᓱᖏᕐᑕᐅᑎᓪᓗᒍᓗ ᐊᕐᓵᕐᑑᔭᓄᑦ, ᐃᑎᕐᑕᕐᕕᐅᑉ ᐱᓐᔭᒥᓂᒥᒃ ᑍᔭᐅᔫᑉ ᓴᓂᐊᓄᐊᕐᑕᐅᑎᑉᐹ ᖁᕝᕙᓯᖕᓂᕐᓴᒧᑦ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 37:13

ᑭᓯᐊᓂᓕ ᐱᓐᔭᒥᓂᒥᒃ ᐊᑎᖃᕐᑐᒃᑯᑦ ᐃᑎᕐᑕᕐᕕᒃᑯᑦ ᐊᓂᔭᕐᑐᓕᕐᑎᓪᓗᒍ, ᐅᓇᑕᕐᑏᑦ ᖃᐅᔨᓴᕐᑎᐅᔪᑦ ᐊᖓᔪᖅᑳᖓᑦᑕ ᐂᕅᐊᐅᑉ ᓯᓕᒤᐊᐅᑉ ᐃᕐᓂᖓᑕ, ᕼᐊᓇᓁᐊᐅᑉ ᑭᖑᕚᖓᑕ ᔨᕆᒤᐊ ᑎᒍᕚ, ᐅᖃᐅᑎᓪᓗᒍᓗ, “ᑲᐅᓪᑎᐊᒥᐅᓄᑦ ᕿᒫᓇᓱᐊᕐᐳᑎᑦ!”

ᔨᕆᒤᐊᐅᑉ ᐊᒡᓚᖏᑦ 38:7

ᐃᐱᑦ-ᒥᓕᒃᓕ ᐃᑎᐅᐱᐊᒥᐅᑕᖅ ᐃᒡᔪᐃᕐᑕᐅᓯᒪᔪᖅ ᐊᖓᔪᖅᑳᖑᖃᑕᐅᔪᖅ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᑐᓴᕋᒥ ᔨᕆᒤᐊᐅᑉ ᐃᒥᕐᑕᕐᕕᖕᒧᑦ ᐴᕐᑕᐅᓂᖓᓂᒃ, ᐊᖓᔪᖅᑳᕐᔪᐊᖅ ᐃᒃᓯᕚᕐᒪᑦ ᐃᑎᕐᑕᕐᕕᖕᒥ ᐱᓐᔭᒥᓂᒥᒃ ᑍᔭᐅᔪᒥ.

ᐂᒨᓯᐅᑉ ᐊᒡᓚᖏᑦ 9:11

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ.

ᒤᑲᐅᑉ ᐊᒡᓚᖏᑦ 4:1

ᐅᓪᓗᐃᑦ ᑭᖑᓪᓕᖏᓐᓂ ᓇᓪᓕᐅᑎᔪᒫᕐᐳᖅ, ᖃᖅᑲᒥ ᐊᑕᓂᐅᑉ ᐃᒡᓗᖓ ᐋᖅᑭᒃᓯᒪᓕᕈᒫᕐᐳᖅ, ᐊᖏᓂᕐᐹᖑᓕᕈᒫᕐᐳᖅ ᐳᕐᑐᓂᕐᓴᐅᓗᓂ ᖃᖅᑲᓕᒫᓂᑦ; ᐃᓅᖃᑎᒋᒡᔪᐊᓪᓗ ᑕᕝᕗᓐᖓᐅᓕᕈᒫᕐᐳᑦ ᑰᒃᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 12:6

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᓴᑲᕅᐊᐅᑉ ᐊᒡᓚᖏᑦ 8:3

ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.

ᔮᓱᐊᑉ ᐊᒡᓚᖏᑦ 15:32

ᓚᐸᐅᔅ, ᓮᕼᐂᒻ, ᐂᓐ, ᕆᒪᓐᓗ: ᐊᑕᖏᕐᓗᑎᒃ ᐃᒡᓗᒐᓮᑦ 29ᒍᕗᑦ, ᐊᓯᖏᓪᓗ ᓄᓇᓖᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 21:17

ᐱᓐᔭᒥᓂᐅᑉ ᓄᓇᖓᓂᑦ ᐃᒡᓗᒐᓮᑦ ᓯᑕᒪᐅᕗᑦ: ᒋᐱᐅᓂ ᐱᕈᕐᓰᕕᖏᓪᓗ, ᒋᐸ ᐱᕈᕐᓰᕕᖏᓪᓗ,

ᐃᓗᐊᕐᓮᔩᑦ ᐊᒡᓚᖏᑦ 20:45

ᐊᓯᖏᓪᓗ ᕿᒫᕗᑦ ᓄᓇᑐᐃᓐᓇᒧᑦ ᕆᒪᓐ ᖃᖅᑲᖏᓐᓄᑦ. 5,000ᐃᑦ ᑐᖁᑕᐅᓚᐅᕐᐳᑦ ᐊᖅᑯᑎᒥ. ᐃᓴᕆᐊᓕᒥᐅᑦ ᑲᔪᓯᓚᐅᕐᐳᑦ ᒪᓕᒡᓗᑎᒃ ᐃᓚᖏᓐᓂᒃ ᒋᑑᒻᒧᑦ, ᑕᒫᓂ 2,000ᐃᑦ ᑐᖁᑕᐅᓚᐅᕆᕗᑦ.

ᐃᓗᐊᕐᓮᔩᑦ ᐊᒡᓚᖏᑦ 20:47

ᑭᓯᐊᓂ 600ᐃᑦ ᐊᖑᑏᑦ ᕿᒪᒃᓯᓚᐅᕐᐳᑦ ᐃᓄᖃᖏᑦᑐᒧᑦ ᕆᒪᓐ ᖃᖅᑲᖏᓐᓄᑦ, ᕾᕐᑐᓂ ᐃᓂᖃᓚᐅᕐᐳᑦ ᕆᒪᒥ ᑕᖅᑭᓂᒃ ᓯᑕᒪᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 21:13

ᑕᕝᕙ ᐃᓄᒋᐊᒃᑐᕐᔪᐊᑦ ᑎᓕᓯᕗᑦ ᑐᓴᕐᑎᑦᓯᖁᔨᓪᓗᑎᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ ᕆᒪᓐᒥ ᕾᕐᑐᒦᑦᑐᓂᒃ, ᐅᓇᑕᕈᒪᔪᓐᓃᕐᓂᕐᒥᒃ ᐅᖃᐅᑎᓪᓗᒋᑦ.