ᓴᑲᕅᐊᐅᑉ ᐊᒡᓚᖏᑦ 13:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᓴᑲᕅᐊᐅᑉ ᐊᒡᓚᖏᑦ 13:9 Iomraidhean Croise

ᓴᒧᐃᓕ ᐂᑉᐸᖏᑦ 7:24

ᐃᓴᕆᐊᓕᒥᐅᓪᓗ ᓇᖕᒥᓂᕐᑖᕆᓯᒪᕙᑎᑦ ᐃᓄᖁᑎᑖᕆᓪᓗᒋᑦ ᐃᓱᖃᖏᑦᑐᒧᑦ; ᐃᕝᕕᓪᓗ ᐊᑕᓃᖅ, ᒎᑎᒋᔭᐅᓕᕐᓗᑎᑦ ᑖᒃᑯᓄᖓ.

ᔫᐱᐅᑉ ᐊᒡᓚᖏᑦ 23:10

ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ; ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.

ᔫᐱᐅᑉ ᐊᒡᓚᖏᑦ 28:1

“ᓄᓇᒥ ᐃᑎᕐᓴᓕᐅᕆᓪᓗᑎᒃ ᓯᐅᓪᕕᕆᒥᒃ ᑲᑎᑦᓯᔪᖃᓲᖑᕗᖅ, ᒎᓗᐃᓪᓗ ᐊᐅᒃᑎᑦᓯᕕᖕᒥ ᓴᓗᒻᒪᕐᓴᕐᑕᐅᓲᖑᓪᓗᑎᒃ.

ᐃᓐᖏᕈᑎᑦ 144:15

ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᑍᒤᑦᑐᓄᑦ ᓮᒻᒪᕐᑎᑕᐅᔪᑦ! ᐄᓛᒃ, ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᐊᑕᓂᕐᒥᒃ ᒎᑎᖃᕐᑐᑦ!

ᐃᓐᖏᕈᑎᑦ 43:4

ᑕᕝᕙ ᐂᓂᐊᕐᐳᖓ ᒎᑎᐅᑉ ᑐᓂᕐᕈᓯᕐᕕᖁᑎᖓᓄᑦ, ᒎᑎᓐᓄᑦ ᖁᕕᐊᒋᕐᔪᐊᕐᑕᓐᓄᑦ; ᕼᐋᕐᐱᒧᓪᓗ ᓂᕐᑐᕈᒪᕙᒋᑦ, ᒎᑏ, ᒎᑎᒐ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:3

ᐊᐅᒃᑎᑦᓯᕕᒃ ᐊᑐᕐᐳᖅ ᓯᐅᓪᕕᕆᒧᑦ, ᐃᑯᐊᓚᑦᓯᕕᒡᓗ ᒎᓗᒧᑦ ᐊᐅᒃᑎᑦᓯᕕᐅᓪᓗᓂ, ᐊᑕᓂᕐᓕ ᐆᒃᑐᕋᕐᑎᐅᕗᖅ ᐆᒻᒪᑎᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 2:16

ᓇᒡᓕᒋᔭᕋ ᐱᒋᕙᕋ ᐱᒋᒋᓪᓗᓂᖓᓗ, ᓰᐱᖁᑎᓂ ᓂᕆᑎᑉᐰᑦ ᐱᕈᕐᑐᑦ ᓕᓖᑦ ᐊᑯᕐᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 48:10

ᑕᑯᒋᑦ, ᓴᓗᒻᒪᕐᓴᓚᐅᕐᐸᑦᓯ, ᓯᐅᓪᕕᕆᑎᑑᖏᑦᑐᖅ; ᖃᐅᔨᓴᓚᐅᕐᐸᑦᓯ ᐅᖁᒤᑦᑐᑎᒍᑦ ᐃᑯᐊᓚᑦᓯᕕᖕᒦᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 58:9

ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 24:5

“ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᐱᐅᔪᑦ ᑖᒃᑯᐊ ᐱᒋᓖᑦ ᐊᑦᔨᐅᕗᑦ ᔫᑕᒥᐅᓄᑦ ᐊᐅᓪᓚᕈᑦᔭᐅᓯᒪᔪᓄᑦ; ᔫᑎᐊᒥᑦ ᐊᐅᓪᓚᕈᑦᔭᐅᑎᓚᐅᕐᐸᒃᑲ ᑲᐅᓪᑎᐊᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 30:22

ᑖᒃᑯᐊ ᐃᓄᖁᑎᒋᔪᒫᕐᐸᒃᑲ, ᑖᒃᑯᓇᓐᖓᓪᓗ ᒎᑎᒋᔭᐅᓗᖓ. ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:38

ᐃᓄᖁᑎᒋᔪᒫᕐᐸᒃᑲ, ᑖᒃᑯᐊᓗ ᒎᑎᒋᔪᒫᕐᐹᖓ.

ᔨᕆᒤᐊᐅᑉ ᐊᒡᓚᖏᑦ 9:6

ᐃᓅᓕᕐᐳᑦ ᓴᒡᓗᕿᖃᑦᑕᐅᑎᔪᐊᓗᑐᐃᓐᓁᑦ ᐊᑯᕐᖓᓐᓂ, ᓱᓕᖏᓐᓂᕐᒥᖕᓄᑦ ᐅᕙᓐᓂᒃ ᖃᐅᔨᒪᔪᒪᔪᓐᓁᕐᐳᑦ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 11:20

ᑕᕝᕙ ᒪᓕᒐᒃᓴᐅᖁᔭᒃᑲ ᐊᑐᓕᕈᒫᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓕᕐᓗᒋᑦ; ᑕᕝᕙ ᐃᓄᖁᑎᒋᓕᕈᒫᕐᐸᒃᑲ, ᒎᑎᒋᔭᐅᓕᕐᓗᖓᓗ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 14:11

ᑍᒤᓕᐅᕆᖃᑦᑕᕐᓂᐊᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᕙᓐᓂᒃ ᕿᒤᖁᓇᒋᑦ, ᐊᔪᕐᑐᓕᓂᕐᒥᖕᓄᓪᓗ ᓇᕐᕈᓇᕐᓯᑎᑕᐅᖃᑦᑕᖁᓇᒋᑦ, ᐅᕙᓐᓄᑦ ᐃᓄᖁᑎᒋᔭᐅᖁᓪᓗᒋᑦ ᒎᑎᒋᔭᐅᓗᖓᓗ ᑖᒃᑯᓄᖓ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 20:38

ᐊᑭᕋᕐᑐᕐᑏᑦ ᐃᓕᑦᓯᓐᓂᑦ ᐲᔭᕈᒫᕐᐸᒃᑲ, ᐊᔪᕐᑐᓕᔪᓪᓗ ᐅᕙᓐᓄᑦ: ᓄᓇᒋᔭᖏᓐᓂᑦ ᐊᐅᓪᓚᕐᑎᓪᓗᒋᑦ, ᐅᑎᕐᑎᑦᓱᒫᓐᖏᓚᒃᑲ ᐃᓴᕆᐊᓕᒧᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 36:28

ᓄᓇᖃᓕᕈᒫᕐᐳᓯ ᓯᕗᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᓯᒪᔭᓐᓂᒃ; ᐃᓄᖁᑎᒋᓂᐊᕐᐸᑦᓯ, ᒎᑎᒋᓂᐊᕐᐸᑦᓯᓐᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 37:27

ᑖᒃᑯᓇᓂ ᐃᓂᖃᕈᒫᕐᐳᖓ; ᑖᒃᑯᓄᖓᓗ ᒎᑎᒋᔭᐅᓗᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᑖᓂᐊᓕᐅᑉ ᐊᒡᓚᖏᑦ 11:35

ᓯᓚᑐᔪᑦ ᐃᓚᖏᑦ ᑐᖁᑕᐅᔪᒫᕐᐳᑦ, ᑲᔪᓯᔪᑦ ᓴᓗᒻᒪᕐᓴᕐᑕᐅᑦᓯᐊᖁᓪᓗᒋᑦ, ᑕᕐᓴᖃᖏᑦᑐᑐᑦ ᐃᓱᐊᓄᑦ ᑎᑭᑦᓱᓐᓇᖁᓪᓗᒋᑦ, ᓂᕈᐊᕐᑕᐅᓯᒪᔪᖅ ᓇᓪᓕᐅᓐᓂᖅ ᑎᑭᑦᓱᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 12:10

ᐅᓄᕐᑐᑦ ᓴᓗᒻᒪᕐᓴᕐᑕᐅᔪᒫᕐᐳᑦ, ᑕᕐᓴᖃᕈᓐᓁᕐᓗᑎᒡᓗ, ᓱᕉᓂᖏᑦ ᐲᔭᕐᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᓂᐊᕐᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᕐᐳᑦ.

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᒨᓯᓯ ᐱᖓᔪᖏᑦ 26:12

ᐃᓚᒋᓂᐊᕐᐸᑦᓯ, ᐃᓕᑦᓯᓐᓄᑦ ᒎᑎᒋᔭᐅᓗᖓ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ.

ᓴᑲᕅᐊᐅᑉ ᐊᒡᓚᖏᑦ 10:6

“ᔫᑕᒥ ᓄᓇᖃᕐᑐᑦ ᓴᓐᖏᔪᕈᕐᑎᑦᓱᒫᕐᐸᒃᑲ, ᔫᓯᐱᐅᓪᓗ ᑭᖑᕚᖏᑦ ᓴᐳᑎᔪᒫᕐᐸᒃᑲ, ᐱᐅᓯᕆᓚᐅᕐᑕᖏᓐᓄᑦ ᐅᑎᕐᑎᑦᓱᒫᕐᐸᒃᑲ ᓇᒡᓕᒋᒐᒃᑭᑦ. ᓱᒋᐊᓚᐅᓯᒪᖏᑕᑦᑐᑦ ᑍᒤᓕᕈᒫᕐᐳᑦ: ᐊᑕᓂᐅᒐᒪ ᑖᒃᑯᐊ ᒎᑎᖓᑦ, ᑐᒃᓯᐊᕐᓂᖏᓪᓗ ᑐᓴᕈᒫᕐᐸᒃᑲ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 8:8

ᐅᑎᕐᑎᑦᓱᒫᕐᐸᒃᑲ ᔨᕉᓴᓕᒥ ᐃᓂᖃᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᕕᐊᓂᑦ ᓂᐱᕕᐊᓄᑦ; ᐃᓄᖁᑎᒋᔪᒫᕐᐸᒃᑲ, ᐅᕙᖓᓗ ᓱᖁᓯᔪᐃᑑᓗᖓ ᐃᖅᑲᕐᑐᐃᑦᓯᐊᕐᓗᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:21

ᐃᒤᑦᓱᒫᕐᐳᖅ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᑐᑦ ᐱᐅᓕᔭᐅᔪᒫᕐᐳᑦ.’

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᐲᑦᑐᕉᓯ ᓯᕗᓪᓖᑦ 4:12

ᓇᒡᓕᖕᓇᕐᑐᓯ, ᑲᒪᓂᐊᕐᑍᓕᒋᑦᓯ ᒫᓐᓇ ᐊᒃᓱᕈᖕᓇᕐᑐᒦᑎᑕᐅᓗᐊᕐᓂᓯ ᐱᑦᔪᑎᒋᓗᒍ, ᐆᒃᑐᕋᕐᑕᐅᑦᔪᑎᒋᒐᑦᓯᐅᒃ ᐊᑦᔨᐅᖏᑦᑐᒥᒃ ᐊᑐᕋᓱᒋᑦᑍᓕᒋᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:10

ᐂᖏᓕᐅᓪᓗ ᐱᖓᔪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᐅᓪᓗᕆᐊᖅ ᐊᖏᔪᖅ ᓇᓂᕈᐊᑎᑐᑦ ᐃᑯᐊᓚᔪᖅ, ᕿᓚᖕᒥᒃ ᑲᑕᒃᐳᖅ ᑰᒑᓗᐃᑦ ᐊᕝᕙᖏᑕ ᐅᖓᑖᓃᑦᑐᓄᑦ, ᓄᓇᐅᓪᓗ ᐃᓗᐊᓂᑦ ᑰᒃᑐᓄᑦ ᐊᒃᑑᑎᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:11

ᑖᓐᓇ ᐅᓪᓗᕆᐊᖅ ᐊᑎᖃᕐᐳᖅ ᖃᒃᑭᓐᓇᕐᑐᒥᒃ. ᐃᒪᐅᓪᓗ ᐊᕝᕙᖓᑕ ᐅᖓᑖᓃᑦᑐᖅ ᖃᒃᑭᓐᓇᕐᓯᕗᖅ, ᐃᓄᐃᓪᓗ ᐃᒥᕐᑐᑦ ᐊᒥᓱᑦ ᑐᖁᕗᑦ, ᐃᒪᐅᑉ ᑕᒪᑐᒪ ᖃᒃᑭᓐᓇᕐᓯᓯᒪᓂᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:12

ᑕᕝᕙ ᐂᖏᓕᐅᑉ ᓯᑕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᕝᕙ ᓯᕿᓂᖅ ᐊᕝᕙᖓᑕ ᐅᖓᑖᓄᑦ ᐊᒃᑐᕐᑕᐅᕗᖅ, ᑕᖅᑭᕐᓗ ᐊᕝᕙᖓᑕ ᐅᖓᑖᓄᑦ, ᐅᓪᓗᕆᐊᓪᓗ ᐊᕝᕙᖏᑕ ᐅᖓᑖᓄᑦ, ᖃᐅᒪᓂᖏᓪᓗ ᐃᓚᓐᖓᕐᐳᑦ ᐊᕝᕙᓪᓗᐊᖏᑦᑕ ᐅᖓᑖᓄᑦ ᖃᐅᒪᓂᕆᕙᒃᑕᒥᖕᓂᑦ; ᐅᓪᓘᓪᓗ ᐊᕝᕙᓪᓗᐊᖓᑕ ᐅᖓᑖᓄᑦ ᖃᐅᒪᓂᖓ ᐃᓚᓐᖓᕐᐳᖅ, ᐅᓐᓄᐊᕐᓗᑦᑕᐅᖅ ᐊᕝᕙᖓᑕ ᐅᖓᑖᓄᑦ ᐃᓚᓐᖓᕆᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:7

ᓯᕗᓪᓕᕐᐹᓪᓗ ᐂᖏᓕᐅᑉ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᓇᑕᖅᑯᕐᓁᑦ ᐃᑯᒤᓪᓗ, ᐊᐅᒥᒃ ᐃᓚᖃᕐᓗᑎᒃ, ᓄᓇᕐᔪᐊᕐᒧᑦ ᑲᑕᒐᓕᕐᐳᑦ; ᓄᓇᕐᔪᐊᕐᓗ ᐊᕝᕙᖓᑕ ᐅᖓᑖᓄᑦ ᐃᑭᑕᐅᕗᖅ, ᓇᐹᕐᑐᐃᓪᓗ ᐊᕝᕙᖏᑕ ᐅᖓᑖᓄᑦ ᐃᑯᐊᓪᓚᒃᑭᕗᑦ, ᐃᕕᒃᓱᒐᓕᒫᓪᓗ ᑐᖑᔪᕐᑐᑦ ᐃᑯᐊᓪᓚᒃᑕᐅᒋᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:8

ᐂᖏᓕᐅᓪᓗ ᐂᑉᐸᖓᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᖃᖅᑳᓗᒃᑎᑐᑦ ᑕᐅᑦᑐᖃᕐᑐᖅ, ᐃᑯᐊᓚᔪᐊᓗᒃ ᐃᒪᕐᔪᐊᕐᒧᑦ ᑲᑕᒃᑎᑕᐅᕗᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:9

ᐃᒪᕕᒡᓗ ᐊᕝᕙᖓᑕ ᐅᖓᑖᓄᑦ ᐊᐅᓐᖑᕐᐳᖅ, ᐃᒪᕐᕕᐅᓪᓗ ᐆᒪᔪᖏᑦ ᐊᕝᕙᖓᑕ ᐅᖓᑖᓃᑦᑐᑦ ᑐᖁᕗᑦ, ᐅᒥᐊᕐᔪᐊᓪᓗ ᐊᕝᕙᖏᑕ ᐅᖓᑖᓃᑦᑐᑦ ᐊᓯᕈᕐᑕᐅᒋᕗᑦ.