ᓴᑲᕅᐊᐅᑉ ᐊᒡᓚᖏᑦ 13:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᓴᑲᕅᐊᐅᑉ ᐊᒡᓚᖏᑦ 13:1 Iomraidhean Croise

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᐂᓮᐊᓯᐅᑉ ᐊᒡᓚᖏᑦ 12:3

ᑍᒤᒻᒪᑦ ᖁᕕᐊᓱᒡᓗᑎᑦ ᐃᒥᕐᒥᒃ ᖃᓗᔭᕐᑐᕈᒫᕐᐳᑎᑦ ᐱᐅᓕᔭᐅᕕᐅᑉ ᐃᒥᕐᑕᕐᕕᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 17:13

ᐊᑕᓃᖅ ᐃᓴᕆᐊᓕᒥᐅᑦ ᓂᕆᐅᒋᔭᖃᕐᕕᒋᔭᖓᑦ, ᐃᓕᖕᓂᒃ ᕿᒤᔪᑦ ᑲᓐᖑᓇᕐᑐᒦᑦᓱᒫᕐᐳᑦ; ᐃᓕᖕᓂᒃ ᑐᓄᐃᔪᑦ ᐳᔪᕋᒃᑯᑦ ᐊᑎᓕᐅᕐᑕᐅᓯᒪᔪᑎᑐᑦ ᐊᓯᐅᔪᒫᕐᐳᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᐃᒥᕐᕕᒃᓴᒥᒃ ᐃᓅᓯᖃᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 29:26

ᐊᑕᓂᐅᑉ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᑦ ᔨᕼᐅᐃᐊᑕᐅᑉ ᐃᓂᖓᓂ ᑲᒪᔨᒻᒪᕆᐅᓕᖁᓪᓗᑎᑦ ᑐᒃᓯᐊᕐᕕᒡᔪᐊᒥ, ᑍᒤᒻᒪᑦ ᐱᔭᒃᓴᖃᕐᐳᑎᑦ ᐃᓱᒪᖃᑦᓯᐊᖏᑦᑐᑦ ᐅᕝᕙᓘᓐᓃᑦ ᒎᑎᒧᑦ ᐅᖃᕐᑎᒋᔭᐅᓐᖑᐊᕐᑐᑦ ᐊᑦᑐᖏᐅᓯᕐᑕᐅᕙᖁᓪᓗᒋᑦ ᐊᕐᓵᕐᑑᔭᓄᑦ ᖁᖓᓯᕈᓯᕐᑕᐅᓯᒪᓗᑎᒃ ᓴᕕᕋᔭᖕᒥᒃ.

ᔨᕆᒤᐊᐅᑉ ᐊᒡᓚᖏᑦ 33:8

ᓴᓗᒻᒪᕈᒫᕐᐸᒃᑲ ᐊᔪᕐᑐᓕᓂᖏᑕ ᐸᓯᔭᒃᓴᐅᓂᖏᓐᓂᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐊᔪᕐᓂᖏᓐᓂᒃ ᐊᑭᕋᕐᑐᕐᓂᕆᓚᐅᕐᑕᖏᓐᓂᓪᓗ ᐅᕙᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 36:17

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᓄᓇᒥᖕᓃᓪᓗᑎᒃ, ᓄᓇᒥᖕᓂᒃ ᓇᕐᕈᓇᕐᓯᑎᑦᓯᓚᐅᕐᒪᑕ ᐃᓕᖅᑯᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ; ᐃᓕᖅᑯᓯᖏᑦ ᓵᓐᓂ ᓴᓗᒤᑦᑑᓚᐅᕐᐳᑦ ᐊᕐᓇᐅᑉ ᐊᐅᓈᕐᕕᖕᒥᓄᑦ ᓇᓪᓕᐅᑎᕕᐅᓯᒪᓂᖓᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 36:29

ᓴᓗᒤᑦᑑᓂᕆᓚᐅᕐᑕᓕᒫᑦᓯᓐᓂᑦ ᕿᓚᕈᑦᔮᕈᒫᕐᐸᑦᓯ; ᓂᐊᖂᔭᒃᓮᓪᓗ ᐱᕈᕐᑎᑦᓯᐊᕈᒫᕐᐸᒃᑲ ᐊᒥᒐᕐᓯᖏᑦᓯᐊᖁᓪᓗᓯ ᑳᖕᓇᕐᑐᒦᖁᓇᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 47:1

ᑕᕝᕙ ᐅᑎᕈᑎᕚᖓ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᑦ; ᑕᑯᒋᓪᓗ, ᐃᑎᕐᑕᕐᕕᐅᑉ ᐊᑖᒍᑦ ᑰᒃᑕᖃᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᑰᒃᑐᒥᒃ ᑐᒃᓯᐊᕐᕕᒡᔪᐊᑉ ᓵᓐᖓᔭᖓᓄᑦ; ᑰᒃᑐᕐᓗ ᐱᒋᐊᕐᓯᒪᕗᖅ ᑐᒃᓯᐊᕐᕕᒡᔪᐊᑉ ᐊᑖᓂᑦ ᐅᓪᓗᓪᓗᐊᑉ ᓇᓛᓂᑦ, ᑐᓂᕐᕈᓯᕐᕕᐅᑉ ᐅᓪᓗᓪᓗᐊᖓᑕ ᓇᓛᓂᑦ.

ᒨᓯᓯ ᐱᖓᔪᖏᑦ 11:36

ᐃᒥᕐᓕ ᑰᒃᑐᖅ ᐃᒥᕐᑕᕐᕕᒡᓘᓐᓃᑦ ᑰᒡᕕᐅᔪᖅ ᑲᑕᒡᕕᐅᒐᓗᐊᕈᓂ ᓴᓗᒤᑦᑑᓕᕈᓐᓇᓐᖏᓚᖅ, ᐃᓄᐃᓪᓕ ᓇᓪᓕᐊᑦ ᐆᒪᔪᒥᒃ ᑍᒤᑦᑐᒥᒃ ᐊᒃᑐᐃᔪᖅ ᑖᓐᓇ ᓴᓗᒤᓕᕗᖅ.

ᒤᑲᐅᑉ ᐊᒡᓚᖏᑦ 5:12

ᐊᖓᒃᑯᖁᑎᓯ ᐊᓯᕈᕈᒫᕐᐸᒃᑲ, ᓯᕗᓂᒃᓴᒧᓪᓗ ᓇᓚᐅᑦᑍᔨᒃᓴᖃᕈᓐᓁᕐᓗᓯ.

ᓴᑲᕅᐊᐅᑉ ᐊᒡᓚᖏᑦ 12:14

ᐃᓚᒌᑦ ᑭᖑᕚᖑᖃᑎᒌᑦ ᐊᓯᖏᑦ ᐊᑐᓂᑦ ᐃᓛᒃᑯᑦ, ᓄᓕᐊᖏᓪᓗ ᐊᑐᓂᑦ ᐃᓚᒃᑯᑦ.”

ᓴᑲᕅᐊᐅᑉ ᐊᒡᓚᖏᑦ 12:3

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐅᔭᕋᓱᒡᔪᒃᑎᑐᑦ ᐅᖁᒤᑦᑑᑎᑦᓱᒫᕐᐸᕋ, ᑖᑦᓱᒥᖓ ᐊᐅᓚᑦᔧᓇᓱᐊᕐᑐᑦ ᐃᒻᒥᖕᓂᒃ ᐋᓐᓂᖃᑦᑕᕈᒫᕐᐳᑦ, ᐃᓅᖃᑎᒌᒡᔪᐊᑦ ᓇᑭᑐᐃᓐᓇᖅ ᐱᓯᒪᔪᑦ ᐊᑭᕋᕐᑐᕋᓱᒃᑲᓗᐊᕐᐸᑕ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 5:4

ᐊᑕᓂᐅᑉ ᐂᖏᓖᖓ ᑕᓯᕐᒧᐊᕐᐸᖕᒪᑦ ᐃᒪᖓᓂᒃ ᐊᐅᓚᑎᑦᓯᔭᕐᑐᕐᓗᓂ. ᓇᓪᓕᐊᓪᓗ ᓯᕗᓪᓕᕐᐸᐅᓪᓗᓂ ᐃᒫᓄᐊᕐᑐᖅ ᐊᐅᓚᑎᑕᐅᕋᑖᕐᑎᓪᓗᒍ ᐋᖅᑭᒃᑕᐅᕙᓚᐅᕐᐳᑦ ᖃᓄᐃᑦᑐᑐᐃᓐᓇᕐᒥᒃ ᖃᓂᒻᒪᓯᖃᕋᓗᐊᕐᐸᑦ.]

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 5:6

ᔩᓱᓯ ᙭ᔅᑑᓯ ᑖᓐᓇᐅᕗᖅ ᑎᑭᓚᐅᕐᑐᖅ ᐃᒪᒃᑯᑦ ᐊᐅᒃᑯᓪᓗ, ᐃᒪᒃᑯᑐᐃᓐᓇᐅᓐᖏᑦᑐᕐᓕ ᑕᒤᑎᒍᓪᓕ ᐃᒪᒃᑯᑦ ᐊᐅᒃᑯᓪᓗ. ᐊᓂᕐᓂᕐᓗ ᓇᓗᓁᕐᓯᕗᖅ, ᐊᓂᕐᓂᖅ ᑖᓐᓇ ᓱᓕᔫᖕᒪᑦ.