ᓴᑲᕅᐊᐅᑉ ᐊᒡᓚᖏᑦ 12:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.

ᓴᑲᕅᐊᐅᑉ ᐊᒡᓚᖏᑦ 12:6 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 54:3

ᐱᕕᑦᑐᕆᐊᕆᐊᖃᕐᓂᐊᕋᕕᐅᒃ ᓴᐅᒥᒧᑦ ᑕᓕᕐᐱᒧᓪᓗ, ᑭᖑᕚᒃᓴᑎᑦ ᐃᓅᖃᑎᒌᒡᔪᐊᓂᒃ ᓄᓁᕈᑦᔨᔪᒫᕐᒪᑕ ᐃᒡᓗᒐᓴᒡᔪᐊᖃᕐᕕᕕᓂᖏᓐᓂᓗ ᐃᓄᖃᔪᐃᑦᑑᓕᕐᑐᓂᒃ ᐃᒡᓗᒐᓴᒃᑖᕐᑐᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 9:20

ᑕᓕᕐᐱᖕᒥᖕᓄᑦ ᓂᕿᒃᓴᓂᒃ ᐊᕐᓵᕐᓯᒐᓗᐊᕐᐳᑦ, ᓱᓕᓕ ᑳᒃᓗᑎᒃ; ᓴᐅᒥᖕᒥᖕᓄᑦ ᓂᕆᓪᓗᑎᒃ ᓄᖒᑦᓯᖓᓗᐊᕐᐳᑦ, ᓱᓕᓕ ᐊᑭᐊᑦᑐᓐᖏᓚᑦ; ᐃᓄᐃᓪᓗ ᐊᑐᓂᑦ ᐊᒡᓛᑦ ᐃᓅᖃᑎᒥ ᑎᒥᖏᓐᓂᒃ ᓂᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᐅᐸᑍᐊᑉ ᐊᒡᓚᖏᑦ 1:18

ᔧᑰᑉ ᑭᖑᕚᖏᑦ ᐃᑯᐊᓚᔪᒫᕐᐳᑦ, ᔫᓯᐱᐅᓪᓗ ᑭᖑᕚᖏᑦ ᐃᑯᒪᐅᔪᒫᕐᓗᑎᒃ; ᐄᓴᐅᓪᓗ ᑭᖑᕚᖏᑦ ᑭᑉᐸᑯᑎᑐᑦ ᑍᒤᑦᓱᒫᕐᐳᑦ; ᐊᒥᐊᒃᑯᖃᕈᒫᓐᖏᓚᓪᓗ ᐄᓴᐅᑉ ᑭᖑᕚᖏᑦ; ᐊᑕᓂᖅ ᑍᒫᒃ ᐅᖃᕐᒪᑦ.

ᒤᑲᐅᑉ ᐊᒡᓚᖏᑦ 4:13

“ᓮᐅᓂᐅᑉ ᐃᓄᖏᑦ ᐊᑭᕋᓯ ᐊᓇᐅᓕᕆᐊᕐᑐᓕᕐᓯᒋᒃ! ᐱᔪᓐᓇᕐᓯᑎᓐᓂᐊᕐᐸᑦᓯ ᓲᖑᓯᑎᓪᓗᓯ ᐃᒻᒧᒃᓯᐅᒊᑦ ᐸᖕᓂᖏᑎᑐᑦ ᓴᕕᕋᔭᖕᓂᒃ ᓇᒡᔪᖃᕐᓗᑎ ᑯᑭᖃᕐᓗᑎᒡᓗ ᑲᓐᓄᔭᓂᒃ, ᐊᓯᕈᐃᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ, ᐱᖁᑎᑖᕕᓂᖏᓪᓗ ᐅᓇᑕᕐᓂᒃᑯᑦ ᐅᑎᕐᑎᑕᐅᓂᐊᕐᐳᑦ ᐃᑦᔪᕐᓁᑎᑕᐅᓗᑎᒃ ᐊᑕᓂᐅᔪᒧᑦ ᓯᓚᕐᔪᐊᓕᒫᒧᑦ.”

ᓴᑲᕅᐊᐅᑉ ᐊᒡᓚᖏᑦ 1:16

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᕐᐳᖓ ᑕᕝᕙᓂ ᓄᓇᖃᕐᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᓂᐊᕐᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 11:1

ᐅᒃᑯᐊᑎᑦ ᒪᑐᐃᒃᑭᑦ ᓕᐸᓇᓃ, ᓇᐹᕐᑐᖁᑎᑎᑦ ᑐᑭᓕᐊᕐᑐᑦ ᓰᑕᕇᑦ ᐃᑯᒪᒧᑦ ᓄᖑᑕᐅᖁᓪᓗᒋᑦ!

ᓴᑲᕅᐊᐅᑉ ᐊᒡᓚᖏᑦ 12:5

ᔫᑕᐅᑉ ᐊᐅᓚᑦᓯᔨᖏᑦ ᐆᒻᒪᑎᒥᒍᑦ ᐅᖃᕈᒫᕐᐳᑦ, ‘ᔨᕉᓴᓕᒻ ᐃᓄᖏᑦ ᓴᓐᖏᔪᐊᓘᕗᑦ, ᒎᑎᖃᕋᒥᒃ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.’

ᓴᑲᕅᐊᐅᑉ ᐊᒡᓚᖏᑦ 2:12

ᐊᑕᓂᐅᑉ ᓱᓕ ᔫᑕ ᐱᑖᕆᒃᑲᓐᓂᕈᒫᕆᕚ ᓄᓇᖁᑎᒥᓄᑦ ᐃᑦᔪᕐᓁᑦᑐᒧᑦ ᐃᓚᓕᐅᑎᓗᒍ, ᔨᕉᓴᓕᓗ ᓂᕈᐊᕐᓯᒪᔭᒥᓂᒃ ᑍᒃᑲᓐᓂᓕᕈᒫᕆᕚ.

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᓴᑲᕅᐊᐅᑉ ᐊᒡᓚᖏᑦ 9:15

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐃᓄᖁᑎᓂ ᓴᐳᑎᔪᒫᕐᐰᑦ; ᑖᒃᑯᐊ ᐊᑭᕋᒥᖕᓂᒃ ᓄᖒᑦᓯᓗᑎᒃ ᓵᓚᖃᕈᒫᕐᐳᑦ, ᐅᔭᖅᑲᓄᑦ ᐃᓪᓘᕐᐸᒡᓗᒋᑦ; ᐃᒥᕈᒫᕐᐳᑦ, ᓂᓪᓕᐊᓗᑎᒡᓗ ᐋᖓᔮᕐᑐᑎᑐᑦ, ᑕᑕᑦᓱᒫᕐᐳᑦ ᐅᐊᓴᕐᕕᒃᑎᑐᑦ, ᑯᕕᓗᑎᒡᓗ ᐆᒪᔪᓂᒃ ᑐᓂᕐᕈᓯᕐᕕᐅᑉ ᑎᕆᖅᑯᖏᑎᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:7

ᓱᓕᔪᒥᒃ ᐅᖃᐅᓯᖃᕐᓗᑕ, ᒎᑎᒥᓪᓗ ᐱᔪᓐᓇᕐᓂᖃᕐᑎᑕᐅᓪᓗᑕ; ᐃᓗᐊᕐᑐᓕᓂᕐᒥᒃ ᐅᓇᑕᐅᑎᖃᕐᓗᑕ ᑕᓕᕐᐱᑦᑎᒍᑦ ᓴᐅᒥᑦᑎᒍᓪᓗ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:9

ᓄᓇᕐᔪᐊᕐᒧᓪᓗ ᓇᒧᑐᐃᓐᓈᕈᒫᕐᐳᑦ ᐅᓇᑕᕆᐊᕐᓗᑎᒃ ᐊᕙᑕᖏᕐᓯᔪᒫᕐᐳᑦ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒡᓗ ᓇᒡᓕᖕᓇᕐᑐᓂᒃ; ᕿᓚᖕᒥᓪᓕ ᐃᑯᒪᒥᒃ ᑲᑕᒃᕕᐅᔪᒫᕐᐳᑦ ᓄᖑᑕᐅᓗᑎᒃ.