ᓴᑲᕅᐊᐅᑉ ᐊᒡᓚᖏᑦ 11:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓂᐅᕕᕐᑐᑦ ᑖᒃᑯᓂᖓ ᑐᖁᕅᕗᑦ ᓱᒋᐊᕐᑕᐅᓇᑎᒡᓗ. ᓂᐅᕐᕈᑎᖃᕐᑐᓪᓗ ᑖᒃᑯᓂᖓ ᐅᖃᕐᐳᑦ, ‘ᐊᑕᓂᖅ ᓂᕐᑐᕐᑕᐅᓕ; ᐊᔪᕐᓴᕈᓐᓁᕋᒪ!’ ᓇᖕᒥᓂᖅ ᓰᐱᓕᕆᔨᖏᑕ ᓴᐳᑎᓇᓱᐊᖏᓔᑦ.”

ᓴᑲᕅᐊᐅᑉ ᐊᒡᓚᖏᑦ 11:5 Iomraidhean Croise

ᐊᑕᓃᑦ ᐂᑉᐸᖏᑦ 4:1

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐃᓚᒋᔭᐅᔪᒥᒃ ᐅᐃᒡᒐᕐᓂᑯᒥᒃ ᐃᓔᓴ ᐅᐸᒃᑕᐅᕗᖅ ᐅᖃᕐᓗᓂᓗ, “ᐅᐃᒐ ᑐᖁᓚᐅᕐᒪᑦ ᖃᐅᔨᒪᔪᑎᑦ ᒎᑎᒥᒃ ᓯᕘᕋᒋᔭᖃᕐᓗᓂ ᐃᓅᓚᐅᕐᑐᖅ, ᑭᓯᐊᓂ ᐊᖑᒻᒥᒃ ᐊᑭᓕᒃᓴᖃᕐᕕᖃᕐᓂᕐᒪᑦ, ᑖᑦᓱᒪ ᐃᕐᓃᒃᑲᒃ ᐱᑖᕆᔪᒪᓕᕐᒪᒋᒃ ᐊᑭᓕᒃᓴᖏᓐᓄᑦ ᐊᑭᓕᐅᑎᒋᔭᐅᖁᓪᓗᓂᒋᒃ.”

ᓂᕼᐃᒤᐊᐅᑉ ᐊᒡᓚᖏᑦ 5:8

ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 2:3

ᐃᓴᕆᐊᓕ ᐃᑦᔪᕐᓁᓚᐅᕐᐳᖅ ᐊᑕᓂᕐᒧᑦ; ᓯᕗᓪᓕᕐᐸᐅᕗᖅ ᐸᐅᕐᖓᓂ ᐱᕈᕐᑐᓂᑦ ᑲᑎᕐᓱᐃᕕᖕᒥ, ᓂᕆᔪᓕᒪᑦ ᐸᓯᔭᒃᓴᐅᓕᕐᐳᑦ; ᐱᐅᖏᑦᑐᓄᑦ ᑎᑭᑕᐅᕗᑦ, ᐅᕙᖓ ᐊᑕᓂᐅᔪᖓ ᐅᖃᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 50:7

ᑖᒃᑯᓂᖓᓗ ᓇᓂᓯᔪᑦ ᓄᖑᕅᓚᐅᕐᐳᑦ, ᐊᑭᕋᕐᑐᕐᑎᖏᓪᓗ ᐅᖃᕐᐳᑦ, ‘ᐸᓯᔭᒃᓴᐅᓐᖏᓚᒍᑦ, ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ ᐃᓂᒃᓴᑐᐊᕆᔭᒥᖕᓄᑦ ᓯᕗᓕᖏᑕ ᐊᑕᓂᕆᔭᖓᓐᓄᑦ.’

ᐃᓯᑭᐊᓕᐅᑉ ᐊᒡᓚᖏᑦ 34:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐰᕐᓯᔩᑦ ᓵᓐᖓᓕᕐᐸᒃᑲ; ᓰᐱᖁᑎᒃᑲ ᑎᒍᓂᐊᓕᕐᐸᒃᑲ ᑖᒃᑯᓇᓐᖓᑦ, ᓂᕆᑎᑦᓯᔨᐅᔪᓐᓃᕐᑎᓪᓗᒋᓪᓗ ᓰᐱᖁᑎᓐᓂᒃ; ᐰᕐᓯᔩᑦ ᐃᒻᒥᓃᓐᓇᖅ ᓂᕆᑎᖃᑦᑕᕐᓂᐊᕈᓐᓃᕐᐳᑦ. ᓰᐱᖁᑎᒃᑲ ᓴᐳᑎᓂᐊᓕᕐᐸᒃᑲ ᖃᓂᖏᓐᓂᑦ, ᓂᕿᒋᔭᐅᑦᔮᔪᓐᓃᕐᓗᑎᒡᓗ ᑖᒃᑯᓄᖓ.”

ᐃᓯᑭᐊᓕᐅᑉ ᐊᒡᓚᖏᑦ 34:21

ᐊᔭᐅᕆᕙᒃᑲᑦᓯ ᐱᖑᔭᕐᓗᓯᓗ, ᓴᓐᖐᑦᑐᓕᒫᓪᓗ ᓇᒡᔪᖕᒥᒑᕆᓪᓗᒋᑦ ᐊᕙᓚᒃᑎᑉᐸᒃᐸᓯ, ᓰᐱᒃᑯᕕᖕᒥᑦ ᐊᓂᑎᑦᓯᖏᓐᓂᓕᒫᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 34:6

ᓰᐱᖁᑎᒃᑲ ᓯᐊᒻᒪᕐᓯᒪᓕᕐᐳᑦ, ᖃᖅᑲᓂᓗ ᐱᖑᕐᓂᓗ ᐳᕐᑐᔪᓂ ᐃᓂᖃᓕᕐᓗᑎᒃ; ᓰᐱᖁᑎᒃᑲᓗ ᓄᓇᕐᔪᐊᓕᒫᒧᑦ ᓯᐊᒻᒪᕐᓯᒪᓕᕐᐳᑦ, ᕿᓂᕐᑕᐅᖏᓐᓇᒥᒃ ᕿᓂᕆᐊᕐᑕᐅᓯᒪᓇᑎᒡᓗ.

ᕼᐆᓯᐊᑉ ᐊᒡᓚᖏᑦ 12:8

ᐃᕗᕅᑎᓕ ᐅᖃᓚᐅᕐᐳᖅ, ‘ᐊᒃᓱᐃᓕᕗᖓ, ᓇᖕᒥᓂᖅ ᐊᔪᕐᓴᕈᓐᓃᕐᑎᑉᐳᖓ; ᖃᐅᔨᔭᐅᓂᐊᓐᖏᓚᖓ ᐱᑦᓯᐊᕐᓯᒪᖏᓐᓂᓐᓂᒃ.’

ᕼᐆᓯᐊᑉ ᐊᒡᓚᖏᑦ 12:9

ᐅᕙᖓᐅᕗᖓ ᐊᑕᓂᖅ ᒎᑏᑦ, ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ; ᑐᐱᕐᒦᑎᒃᑲᓐᓂᕐᓂᐊᕐᐸᑦᓯ, ᑍᑦᓱᒪᓂ ᐅᓪᓗᓂ ᐋᖅᑭᒃᑕᐅᓯᒪᓪᓗᑎᒃ ᓇᓪᓕᐅᓐᓂᕐᓯᐅᕐᕕᐅᕙᓚᐅᕐᑐᑎᑐᑦ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᔪᐊᓇᓯᐅᑉ ᐊᒡᓚᖏᑦ 10:1

“ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐃᑎᕐᑕᕐᕕᒃᑯᑦ ᐃᑎᖏᑦᑐᖅ ᓰᐱᒃᑯᕕᖕᒧᑦ ᐊᓯᐊᒍᓪᓕ ᐃᓯᕐᑕᕐᕕᐅᖏᑦᑐᒃᑯᑦ ᐊᕙᓗ ᒪᔪᕐᓗᒍ ᐃᓯᕐᑐᖅ ᑎᒡᓕᒃᑎᐅᓪᓗᓂ ᑎᒎᕅᔨᐅᕗᖅ ᐱᒋᓐᖏᑕᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:13

ᓯᓂᒪᓂᒡᓗ, ᓂᕿᒧᓪᓗ ᐃᓚᒃᓴᓂᒃ ᐆᓇᕐᑐᓂᒃ, ᐳᔫᕐᑎᑕᒃᓴᓂᒃ ᑎᐱᑦᓯᐊᕆᒃᑐᓂᒃ, ᑎᐱᑦᓯᐊᕆᒃᓴᐅᑏᓪᓗ ᒨᕐ, ᕗᕌᖕᑭᓐᓯᓐᓯ, ᐅᐂᓃᑦ, ᐅᕐᓱᒃᓴᓂᒡᓗ, ᓂᐊᖂᔭᓴᓂᒡᓗ ᐸᓚᐅᒑᒃᓴᓂᒡᓗ, ᐃᒻᒧᒃᓯᐅᒊᑦ ᓰᐲᓪᓗ, ᕿᒻᒥᕐᔪᐊᑦ ᑲᓕᒐᖏᓪᓗ ᐊᒃᓴᓗᐊᓖᑦ, ᓯᐊᓛᓪᓗ ᓂᐅᕕᐊᖑᓯᒪᔪᑦ, ᑕᕝᕙ ᐃᓄᐃᑦ ᑕᕐᓂᖏᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:17

ᐅᖃᕐᐳᑎᑦ, ᐊᔪᕐᓴᓐᖏᑑᕗᖓ, ᐱᖁᑎᖃᑦᓯᐊᕐᓗᖓ, ᑭᓐᖒᒪᔭᖃᕈᓐᓃᕐᓗᖓᓗ; ᖃᐅᔨᒪᓐᖏᓚᑎᓪᓕ ᐊᔪᕐᓴᕐᓂᕐᓂᒃ, ᑕᑯᑦᓱᓇᕐᑐᐊᓘᓂᕐᓂᒃ, ᐊᔪᕐᓴᕐᐳᑎᑦ, ᑕᐅᑐᖏᑦᑑᓪᓗᑎᑦ, ᐊᓐᓄᕌᖃᕐᓇᒡᓗ.